Наманган вилояти судлари | Расмий канал

Судьялар олий кенгашининг 2024 йил 4 июлдаги қарори билан Наманган туманлараро маъмурий судининг раиси Зиёвиддинов Озодбек Лутфиддинович судьялик ваколати муддати даврига жиноят ишлари бўйича Наманган шаҳар судининг судьяси лавозимига, Йўлдашев Сарваржон Солижонович судьялик ваколати муддати даврига жиноят ишлари бўйича Чуст тумани судининг судьяси лавозимига қайта тайинланди. Наманган вилояти судида янги лавозимга тайинланган судьяларни таништириш тадбири бўлиб ўтди. Унда иштирок этган вилоят суди раиси А.Усманов судьялар О.Зиёвиддинов ҳамда С.Йўлдашевни жамоага таништириб, уларнинг янги фаолиятларига муваффақият тилади. Шу куни вилоят судининг иқтисодий ишлар бўйича судлов ҳайъати судьяси Раъно Мамажонова қутлуғ 50 ёшни қарши олганлиги муносабати билан муборакбод этилиб, унга вилоят суди жамоасининг табрикномаси топширилди. Тадбирда Андижон вилояти суди раисининг ўринбосари Ш.Мирзаев иштирок этди. Сайт | Telegram

Янги Наманган туманида суд ҳамда ҳуқуқни муҳофаза қилувчи органлар раҳбарлари иштирокида оммавий сайёр қабуллар ўтказилди. Аҳолининг суд-ҳуқуқ масалаларига доир мурожаатларини ўрганиш мақсадида ташкил этилган қабулларда Наманган вилояти суди раиси ҳамда вилоят маъмурий суди раиси томонидан жами 23 нафар фуқароларнинг жиноят, фуқаролик, иқтисодий ва маъмурий судларга оид мурожаатлари ўрганилди. Уларнинг 4 таси шу ернинг ўзида ижобий ҳал этилган бўлса, қолганларига ҳуқуқий тушунтиришлар берилди. Сайёр қабул доирасида жиноят ишлари бўйича Наманган шаҳар суди томонидан ўтказилган сайёр суд мажлисида назорат остидаги шахсларнинг 5 нафари жазо ўташдан муддатидан олдин шартли равишда озод қилинди. Сайт | Telegram

Наманганском областном суде прошла пресс-конференция для представителей СМИ Сайт | Telegram

Жиноят ишлари бўйича Наманган шаҳар судининг сайёр мажлисидан репортаж Сайт I Telegram I Facebook I YouTube

Наманган вилояти судида суд тизими ходимлари ва уларнинг ота-оналари иштирокида коррупцияга қарши кураш мавзусида учрашув-мулоқот ўтказилди Сайт | Telegram

Судьялар олий кенгашининг 2024 йил 4 июлдаги қарори билан Наманган туманлараро маъмурий судининг раиси Зиёвиддинов Озодбек Лутфиддинович судьялик ваколати муддати даврига жиноят ишлари бўйича Наманган шаҳар судининг судьяси лавозимига тайинланди. Наманган вилоят маъмурий судида янги лавозимга тайинланган О.Зиёвиддиновни кузатиш маросими бўлиб ўтди. Унда иштирок этган вилоят маъмурий суди раиси З.Қурбонова О.Зиёвиддинов ҳақида илиқ фикрлар билдириб, одил судловни таъминлаш йўлидаги келгуси фаолиятига муваффақият тилади. Тадбирда судьялар ва тизим ходимлари сўз олиб, ўзларининг самимий ва эзгу тилакларини билдирдилар. Сайт | Telegram

Наманган вилояти судида суд тизими ходимлари ва уларнинг ота-оналари иштирокида коррупцияга қарши кураш мавзусида учрашув-мулоқот ўтказилди. Барча худудлар билан видеоконференцалоқа тарзида ўтказилган тадбирда дастлаб Судьялар олий кенгаши ташаббуси билан суратга олинган “Пушаймон” номли фильм намойиш этилди. Ушбу фильм бугунги кундаги долзарб муаммолардан бўлган порахўрлик ва унга қарши курашиш, коррупциянинг аянчли оқибатларига бағишланган бўлиб, унда таъмагирлик оқибатида ўз иши ва виждонига хиёнат қилган, охир-оқибат бу қилмиши орқали жиноятчига айланган давлат хизматчисининг аянчли қисмати акс этган. Мазкур фильм намойиши орқали тадбир иштирокчиларига коррупция тараққиёт кушандаси эканлиги, мазкур жиноятнинг оқибати нафақат порахўрнинг ўзига, балки унинг оила-аъзолари, яқинлари, жамиятга ҳам жиддий зарарлиги кўрсатиб берилди. Фильм намойишидан сўнг Наманган вилояти суди раиси Алишер Усманов кейинги йилларда Ўзбекистон Республикаси Президенти томонидан судьяларнинг чинакам мустақиллигини таъминлаш, тизимда коррупцион омилларни баратаф этиш бўйича қатор ҳужжатлар қабул қилингани, айниқса, судьяларнинг моддий таъминотини жиддий яхшилашга алоҳида эътибор қаратилаётганини таъкидлаб ўтди. Бугун ҳар бир судья ва суд ходими ана шу эътибордан келиб чиқиб ўз ишига виждонан ёндошиши кераклиги, бунинг учун эса энг аввало коррупцион ҳолатларга йўл қўймаслиги, фидойилик ва ватанпарварликда ҳаммага намуна бўлиши лозимлиги айтилди. Вилоят суди раиси томонидан доимий равишда ҳар бир туман, шаҳар, туманлараро судларда коррупцияга қарши кураш мавзусида суҳбатлар ўтказилаётгани, уларда ҳар бир судья, ходим билан бирма-бир суҳбатлашиб, суд тизимида коррупцияга қарши муросасиз муносабатда бўлиш муҳитини яратиш, коррупциявий ҳолатларни барвақт аниқлаш, уларни келтириб чиқарадиган омилларни бартараф этиш бўйича кўрсатма ва топшириқлар берилаётгани таъкидланди. Албатта, амалга оширилаётган бу каби чора-тадбирларда ота-она ва оила аъзоларининг ўрни катта эканлиги, ҳар бир ота-она фарзандининг юриш-туриши, иш фаолиятини назорат қилиб бориши, унинг муаммолари билан қизиқиши, кимлар билан яқин муносабатда бўлаётганидан хабардор бўлиши лозимлиги айтиб ўтилди. Мулоқотда вилоят суди фахрийлар кенгаши раиси Ғозихон Яхёхўжаев, суд фахрийси Тоҳирахон Мўйдинова, ота-оналар сўзга чиқиб, касбга садоқат, ҳалол-поклик тўғрисида ўз фикр-мулоҳазаларини билдирдилар. Сайт | Telegram

Тарихий-ҳуқуқий китоб-альбом нашр қилинди Наманган вилояти судида 2024 йилнинг биринчи ярим йиллиги якунлари, одил судловни таъминлаш, фуқароларнинг ҳуқуқ ва эркинликлари, қонуний манфаатларни ҳимоя қилиш борасида амалга оширилган ишлар таҳлилига бағишланган матбуот анжумани ўтказилди. Батафсил 👈 Сайт | Telegram