حگاايةة قاطعنها من راسنا 😹🔫

يا جماعة نِت سوداني المجاني دة ما بشيلنا كلنا،يا ريت المرتبطين يخسرو في بعض رصيد 😂😂😂😂😂 #محركة_الحسم

أنت كسوداني م تفقد الأمل انساهو عديل 😂✌️🏻🤞🏻 #محركة_الحسم

. حاجتين  ختهم  في بالك لا القروش وسخ دنيا ولا الف واحده بتتمناك 💔😂 #معركة_الحسم

نصائح مهمة كيف تحمي نفسك من خطر الإصابة بطلق ناري: أولًا ابتعد قدر الإمكان عن مكان الاشتباك المنزل أو البيت هو أأمن مكان. 1. إذا كنت ماشي بكرعينك في الشارع : • أبحث عن مخبأ بسرعة وبعد تلقاه انبطح أرضاً وارقد ووجهك إلى أسفل نحو الأرض. ‏ • ما ترتبك وحاول حدد مصدر الطلقات. 2. في حالة إتعرضت لإطلاق النار وأنت في سيارة : • أعمل تقييم سريع للشي الحاصل وأستخدم تفكيرك الشخصي لإتخاذ الفعل المناسب. • إذا كان الطريق قدامك فاتح أسرع في القيادة ولكن بأمان بعيدًا عن المنطقة. • لو الطِلق جاياك من قدام من الأفضل تقيف وتطلع من السيارة وترقد في الأرض بعيدًا عن السيارة في حفرة إن أمكن. 3. في حالة يكون في ضرب نار فالخارج وأنت داخل مبنى أو جوة بيتك : • انبطح فوراً على الأرض. • إذا كان ذلك ممكنًا إزحف دون أن ترفع رأسك أو جسمك نحو الساتر أو إلى غرفة داخلية أو ممر أكثر حماية عن الغرف الأخرى من طلقات الرصاص الطائشة. • ابق بعيداً عن الأبواب والنوافذ فالزجاج المكسور يعد سببا رئيسيا لحالات الوفاة والإصابة و قاوم الرغبة في النظر للخارج. • إياك تطلع البلكونة أو السطوح المكشوف أو الساحات أو الحوش عشان تشبع فضولك. • انتظر حتى يتوقف إطلاق النار قبل أن تترك المخبأ للبحث عن معلومات. نتمنى الأمن و السلامة للجميع وحفظ الله الشعب والبلاد. #قوم_امشي_اقرأ

📌إعلان حالة طوارئ سامعنك 💜 خايف.. متوتر وما عارف تعمل شنو.. ماري بي ضغوطات في حياتك والأوضاع الحاصلة أثرت عليك ونفسك تلاقي حد يسمعك؟! ماري بموجات هلع وقلق وعايز زول يوجهك ويقول ليك تعمل شنو؟ راسك م بوقف تفكير بسسب الحاصل وبفكر في أقل و أبسط الأشياء🤯؟! سامعنّك فتحت باب الإستشارات💜 ح تقدر تفضفض و تطلع كل الخوف و الطاقة السلبيّة الجواك وتقدر تحكي كل مشاكلك لينا. معانا كل مشكلة و ليها حل💜 إختار الطريقة المناسبة معاك للتواصل معنا واحكي لينا مشكلتك و مرحب حبابك ألف💜✨ 📍كل ما عليك أرسل رمز الكود 👈( طوارئ سامعنك) قبل إرسال إستشارتك وسيتم الرد عليك ف أقرب وقت ممكن 🤝 *التواصل عبر اللينكات:* https://t.me/Sam3nkdira2 https://t.me/Sam3inkausaria4 https://t.me/Sam3nktafk7 https://t.me/Sam3nkfad9 https://t.me/Sam3nkeba11 *التواصل عبر الواتس:* 0996541891 0924853647 0993387438 0113599311 0926216007 *##مبادرة_سامعنك_للصحة_النفسية* 💜💜 *##مجتمع_سوي_معافى*💜

📌 كيف نتصرّف في حالات الإصابة والنزيف؟ أوّل شي م نهلع ونحاول ننقل المُصاب لمكان آمن، ثم بعدها نبدأ الإسعافات كالآتي : ١. ح نزيل أي اوساخ او ملابس في مكان الجرح ونفتّش على اي جروح او مصادر نزيف ثانية؛ وننتبه اذا في شي مغروس عميق "سكين، عود، زجاج" نحاول ما نحرّكه او نطلّعه لحد م نوصل المستشفى. ٢. ح نستعمل قماشة نظيفة او ضماد معقّم على الجرح ونضغط عليه بكف اليد ونربطه بإحكام، لو القماشة سرّبت ما تفكّها واربط قماش تاني فوق عليها واضغط عليها. ٣. لو الإصابة في العين او الرأس ما تضغط عليها وبس اربطها بحيث نوقّف النزيف؛ لو في شي مغروس زي ما قلنا أبداً ما نحاول نطلّعه او نضغطه لـ جوا. ٤. المصاب ح نرقّده في بطانية لأن فقدان الدم ح يخلي الجسم يفقد حرارته. ٥. أبداً ما بندّي المصاب بنزيف موية او سوائل، كمان لازم نهدّيه ونطمّنه لحد ما نوصل مستشفى أو مركز صحي. 📌 كيف أعرف إذا الشخص عنده نزيف داخلي؟ أحياناً الضربات القوية ما بتعمل نزيف ظاهر، لكن في علامات بتساعدنا نعرف احتمالية النزيف الداخلي وهي : ١. النزيف من الأنف "الرعاف" والفم والاذن وفتحات الجسم الطبيعية. ٢. الإستفراغ والكحة المصحوبة بدم. ٣. الكدمات تحت الجلد. ٤. الم وتورم المعدة. ٥. تعرق وبرودة الجلد. ٦. النبض سريع وضعيف والشخص بكون شاحب. ٧. انخفاض مستوى الوعي "الطشاش، الهلوسة، عدم الإدراك" دي كلها علامات ممكن تدلّنا على وجود نزيف داخلي ومفروض نتعامل معها بسرعة ونمشي أقرب مركز صحي او مستشفى. الله يحفظ البلاد والعباد ويسلّمنا من كل شر. #قوم_امشي_اقرأ

حالات الإغماء: لو لقيت زول مغمى عليهو حاول أول شي أنك تعمل الآتي: 1. كشف للمنطقة المحيطة بيهو كويس 2.حاول أنك تهزو وناديهو أو أمسك يدو (عشان تعرف ردة فعلو هل هو واعي أو لأ) 3. إتصل على الإسعاف سريع في رقمهم (997) وحاول المكالمة تخليها بالإسبيكر عشان تبدا في الخطوات الجاية دي وما تضيع زمن في إنتظار المكالمة 4. شوفو هل قاعد يتنفس أو لأ (ودا عن طريق أنك تخت أضانك جمب مجرى التنفس) وما تكتفي بأنك تشوف إرتفاع الصدر ونزولو لأنو ما مقياس 5. خت يدك في منتصف الصدر ..يديك واحدة حتكون منبسطة والتانية فوقها وحتكون ذراعك مستقيمة وفي شكل عمودي على المصاب 6.أبدا بالضغط على الصدر بضغطات بقوة متوسطة وبسرعة 7. بعد كل 30 ضغطة أدي المصاب نفسين ودا عن طريق الفم بعد إغلاق فتحة الأنف 8. كرر العملية لحد ما المصاب يصحى أو يوصل المسعفين في رعاية الله #قوم_أمشي_أقرا

مع الأوضاع الراهنة دي . . . ناس كتيرة شديد دخل جواهم الخوف والهلع والتوتر، الواحد بقى نوم ماقادر ينوم ومدبرس ولافي في مواقع التواصل الاجتماعي.💔 -عايزين نخفف عنكم ونشيل جزء من الهلع دا، عسى ولعلى نقدر نفيد شخص ونخفف عنه. - د.محمد عبدالله في لايف الساعة 9 مساء اليوم. حيطمنكم على الأوضاع الراهنة، ويقدر يخفف عنكم ويطمن قلوبكم. ربنا يصلح حال البلاد ويحفظنا جميعًا من كل شر. #قوم_امشي_أقرأ #ممكن_تتطمن ! 💙😔