👩🏻‍🦰✍🏻သက်ထား

July-20 ▪️ ဆင်ပေါင်ဝဲမြို့နယ်မှာ ခြံစောင့်အရပ်သားတစ်ဦးကို PDF သတ်ဖြတ် 𝙈𝙃𝙏𝙉𝙀𝙒𝙎《𝙅𝙐𝙇𝙔～𝟐𝟎》 မကွေးတိုင်းဒေသကြီး၊ ဆင်ပေါင်ဝဲမြို့နယ်မှာ ခြံစောင့်အလုပ် လုပ်ကိုင်တဲ့ အပြစ်မဲ့အရပ်သားပြည်သူတစ်ဦးကို အကြမ်းဖက် NUG သြဇာခံ PDF အမည်ခံအကြမ်းဖက်သမားတွေက အကြောင်းမဲ့ သတ်ဖြတ်သွားခဲ့တယ်လို့ ရဲတပ်ဖွဲ့သတင်းမှတ်တမ်းအရ သိရပါတယ်။ အဲဒီဖြစ်စဥ်ဟာ ဇူလိုင်လ ၁၉ ရက်နေ့ ညနေ ၄ နာရီအချိန်က ဖြစ်ပွားခဲ့တာလို့ သိရပြီး သတ်ဖြတ်ခံရသူကတော့ ဂွေးချိုကျေးမှာရွာနေထိုင်တဲ့ အသက် (၄၅) နှစ်အရွယ် ဦးမြင့်ကိုဦးဆိုသူဖြစ်တယ်လို့ ရဲတပ်ဖွဲ့က အတည်ပြုထားပါတယ်။ ၎င်းဟာ ကျေးရွာရဲ့ မြောက်ဘက် ၂ မိုင်ခန့်အကွာမှာရှိတဲ့ သူစောင့်ပေးနေရတဲ့ ခြံဝင်းအတွင်းမှ ရှိနေစဉ် PDF အမည်ခံ အကြမ်းဖက်သမား ၂ ဦးက ဆိုင်ကယ် ၁ စီးနဲ့ ရောက်ရှိလာပြီး သေနတ်နဲ့ ပစ်ခတ်သတ်ဖြတ် သွားခဲ့တာဖြစ်တယ်လို့လည်း သိရပါတယ်။

ဂျပန်က ကမ္ဘောဒီးယားကို ကာကွယ်ရေးပစ္စည်းကိရိယာများ ပေးမည် စိတ်တူကိုယ်တူ မိတ်ဖက်များကို ပံ့ပိုးရန်သတ်မှတ်ထားသော တိုကျို၏ လုံခြုံရေးအကူအညီမူဘောင်အရ ဂျပန်သည် ကမ္ဘောဒီးယားစစ်တပ်ကို ယန်းသန်း ၅၀၀ တန်ဖိုးရှိသော ကာကွယ်ရေးပစ္စည်း ကိရိယာများ ပေးမည်ဖြစ်ကြောင်း ဂျပန်အစိုးရက တနင်္ဂနွေနေ့တွင် ပြောကြားခဲ့သည်။ အစိုးရ၏ လုံခြုံရေးအကူအညီအစီအစဉ်အရ ကမ္ဘောဒီးယားသို့ ကာကွယ်ရေးပစ္စည်း ကိရိယာများ ကို ပထမဆုံးအကြိမ် ထောက်ပံ့ရာတွင် ကမ္ဘောဒီးယားကြည်းတပ်သို့ ဆက်သွယ်ရေးပစ္စည်းများနှင့် ရေတပ်သို့ ကင်းလှည့်ရေယာဉ်များကို ဂျပန်က ပေးပို့သွားမည်ဖြစ်ကြောင်း ဂျပန်နိုင်ငံခြားရေးဝန်ကြီးဌာနက သတင်းထုတ်ပြန်ချက်တွင် ပြောကြားခဲ့သည်။ အဆိုပါသဘောတူညီချက်နှင့်ပတ်သက်၍ ထိုနေ့အစောပိုင်းတွင် ဖနောင်ပင်၌ နှစ်ဖက်အစိုးရအကြား လက်မှတ်ရေးထိုးပွဲအခမ်းအနား ပြုလုပ်ခဲ့သည်။ ကမ္ဘောဒီးယား၏ လုံခြုံရေးစွမ်းရည်များ မြှင့်တင်ရေးနှင့် ဒေသတွင်း ငြိမ်းချမ်းရေးနှင့် တည်ငြိမ်ရေးအတွက် ပံ့ပိုးကူညီခြင်းသည် နှစ်နိုင်ငံအကြား လုံခြုံရေးဆက်ဆံရေးကို ခိုင်မာစေရာတွင် ထိရောက်အရေးပါလိမ့်မည် ဟု ဝန်ကြီးဌာနက ပြောကြားခဲ့သည်။ ၂၀၂၃ ခုနှစ်တွင် စတင်ခဲ့သော အစိုးရ၏ လုံခြုံရေးအကူအညီအစီအစဉ်အရ အင်ဒိုနီးရှား၊ မလေးရှားနှင့် ဖိလစ်ပိုင်ကဲ့သို့သော အခြားအရှေ့တောင်အာရှနိုင်ငံများကိုလည်း အကူအညီရရှိမည့်သူများအဖြစ် ရွေးချယ်ထားသည်။ Ref: ဘန်ကောက်ပို့စ်

ဂျပန်က ကမ္ဘောဒီးယားကို ကာကွယ်ရေးပစ္စည်းကိရိယာများ ပေးမည်

သီပေါမြို့ ဖောင်ဆိပ်တွင် ဖောင်တစ်စီးနစ်မြုပ် ကားတစ်စီး မျှောပါပြီး ၅ ဦးပျောက်ဆုံးနေ ‎ NOM ဇူလိုင် ၂၀၊ ၂၀၂၆ ‎ရှမ်းပြည်နယ်(မြောက်ပိုင်း)၊ သီပေါမြို့နယ်၊ တာလုံရွာအနီးရှိ တာလုံချောင်းအတွင်း ယမန်နေ့ ဇူလိုင် ၁၉ ရက်နံနက် ၂ နာရီခွဲတွင် ဇတ်ကူးပေးနေသည့် ဖောင်တစ်စီးနစ်မြုပ်ခဲ့ရာ ဖောင်ပေါ်တွင်ပါသွားသည့် ကားတစ်စီးနှင့် အမျိုးသား ၅ ဦးပျောက်ဆုံးနေကြောင်း သီပေါမြို့နယ်မှဒေသခံတစ်ဦးကပြောသည်။ သီပေါမြို့နယ်၊ တာလုံဖောင်ဆိပ်တွင် ဖောင်ကြိုးပြတ်ပြီး ဖောင်ရေထဲမျှောသွားခဲ့ရာ ဖောင်ပေါ်တွင်ဖောင် လုပ်သားနှစ်ဦးနှင့်အတူ ခရီးသည် ကားတစ်စီး၊ ခရီးသည်ငါးဦးစုစုပေါင်း ခုနှစ်ဦးရေထဲမျောပါခဲ့ရာ နှစ်ဦးသာ အသက်ရှင်လျက် ပြန်တွေ့ခဲ့ကြောင်းသိရသည်။ ပြီးခဲ့သည့် ဇူလိုင် ၁၇ ရက်တွင်လည်း သီပေါမြို့ တာပုတ်လှေဆိပ်တွင်လှေမှောက်ခဲ့သော်လည်း ကမ်းစပ်နားဖြစ်၍ လူအသေအပျောက်မရှိခဲ့ပဲ ပစ္စည်းများသာရေထဲမျောပါဆုံးရှုံးခဲ့သည်။ NOM

၂၀၂၆ ကမ္ဘ့ာဖလားပြိုင်ပွဲ၏ အသန့်ရှင်းဆုံးအသင်းဆုကို နယ်သာလန်အသင်းရရှိ ၂၀၂၆ ဖီဖာ ကမ္ဘာ့ဖလားပြိုင်ပွဲကြီး ပြီးဆုံးချိန်တွင် စည်းကမ်းအကောင်းဆုံးနှင့် အားကစားစိတ်ဓာတ် အရှိဆုံးအသင်းအား ပေးအပ်သည့် အသန့်ရှင်းဆုံးအသင်းဆု (FIFA Fair Play Award) ကို နယ်သာလန်အသင်း (Netherlands) က ထိုက်ထိုက်တန်တန် ဆွတ်ခူးရရှိသွားခဲ့ကြောင်း သိရသည်။ FIFA ၏ ထုတ်ပြန်ချက်အရ နယ်သာလန်အသင်းသည် ဤပြိုင်ပွဲကြီးတစ်ခုလုံးတွင် အဝါကတ် ၃ ကတ်သာ ပြသခံခဲ့ရပြီး အနီကတ် လုံးဝမရှိခဲ့သည့်အပြင်၊ ပြစ်ဒဏ်ဘော (Fouls) ကျူးလွန်မှု အနည်းဆုံးအသင်းအဖြစ် အသန့်ရှင်းဆုံ ဆုကို ရရှိခဲ့ခြင်းလည်း ဖြစ်သည်။ နယ်သာလန်အသင်းသည် ၁၆ သင်းချန်ပီယံရှစ်အဆင့် (Round of 16) ၌ မော်ရိုကိုအသင်းကို ရှုံးနိမ့်ကာ ပြိုင်ပွဲမှ စောစောစီးစီး နှုတ်ဆက်ခဲ့ရခြင်းလည်း ဖြစ်သည်။ ၂၀၂၆ ကမ္ဘာ့ဖလားပြိုင်ပွဲတွင် ချန်ပီယံ ဖြစ်ခဲ့သည့် စပိန်အသင်းသည် ဆုဖလားအပြင် တစ်ဦးချင်းဆု ၃ ဆုဖြစ်သည့် ရွှေဘောလုံးဆုကို ရိုဒရီ၊ ရွှေလက်အိတ်ဆုကို အူနိုင်း ဆီမွန် နှင့် အကောင်းဆုံးလူငယ်ကစားသမားဆုကို ကူဘာဆီက ရရှိခဲ့ပြီး ၂၀၂၆ ကမ္ဘာ့ဖလား၏ အအောင်မြင်ဆုံးအသင်း ဖြစ်လာကြောင်း သိရသည်။

ရွှေဆိုင် ဓားပြတိုက်ခံရ ဇူ ၂၀ ရက် ညနေ ၃ နာရီခွဲခန့်က ချမ်းမြသာစည်မြို့နယ်၊ ၁၁၀လမ်း၊ ၆၂×၆၃လမ်းကြားရှိ မီလျံနာရွှေဆိုင်အား ဆိုင်ကယ် ၃ စီးဖြင့် လူ ၆ ယောက် သေနတ်ပစ်ဖောက်ပြီး ဓားပြတိုက်သွားကြောင်း ကနဦး သိရှိရ။ KT July 20

လျှပ်စစ်ဓာတ်အားခိုးယူသုံးစွဲသည့် မှော်ဘီမြို့နယ်မှ ကော်စေ့လုပ်ငန်းပိုင်ရှင်အား လျော်ကြေး၊ ဒဏ်ကြေးချမှတ် (၁၄)ရက်အတွင်းမသွင်းပါက လျှပ်စစ်ဥပဒေအရအရေးယူမည် လျှပ်စစ်စွမ်းအားဝန်ကြီးဌာန၏ Control Center များမှစောင့်ကြည့်စစ်ဆေးချက်အရ ရန်ကုန်တိုင်း၊ မှော်ဘီမြို့နယ်မှ ကော်စေ့လုပ်ငန်းပိုင်ရှင်သည် လျှပ်စစ်ဓာတ်အားကိုခိုးယူသုံးစွဲသဖြင့် လျော်ကြေး၊ ဒဏ်ကြေးချ မှတ်ကာ (၁၄)ရက်အတွင်းမသွင်းပါက လျှပ်စစ်ဥပဒေအရအရေးယူမည်ဖြစ်ကြောင်း သိရသည်။ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှတာ ဝန်ရှိသူများက ဇူလိုင် ၁၃ ရက်တွင် မှော်ဘီမြို့နယ်၊ ဝါး နက်ချောင်းကျေးရွာရှိ မီတာအမည်ပေါက် ဦးစန်းဦး၏ ကော်စေ့လုပ်ငန်းတွင်အသုံးပြုထားသော Transformer နှင့် တွဲဖက်တပ်ဆင်ထားသည့် Digital Meter ၏ Cover Seal ကိုပြုပြင်ကာ လျှပ်စစ်ဓာတ်အားခိုးယူသုံး စွဲထားကြောင်းစစ်ဆေးတွေ့ရှိခဲ့ရသဖြင့် မီတာအား ချက်ချင်းဖြုတ်သိမ်းခဲ့ကြောင်း သိရသည်။ ထိုသို့ ခိုးယူသုံးစွဲမှုကြောင့် လျှပ်စစ်ဓာတ်အားယူနစ်(၄) သိန်းခွဲခန့်နစ်နာဆုံးရှုံးခဲ့ရပြီး လျော်ကြေး၊ ဒဏ်ကြေးအဖြစ် ငွေကျပ်သိန်း၃၀၀)ကျော်အားပေးဆောင်စေခဲ့ကြောင်း သိရသည်။ ထို့ပြင် လျှပ်စစ်ဥပဒေအရ (၆)လဓာတ်အားပေးခြင်းအား ရပ်ဆိုင်းမည်ဖြစ်ကာ လျော်ကြေး၊ ဒဏ်ကြေးငွေအား (၁၄)ရက်အတွင်းမပေးသွင်းပါက လျှပ်စစ်ဥပဒေအ တရားစွဲဆိုဆောင်ရွက်သွားမည်ဖြစ်ကြောင်း သိရသည်။

လျှပ်စစ်ဓာတ်အားခိုးယူသုံးစွဲသည့် မှော်ဘီမြို့နယ်မှ ကော်စေ့လုပ်ငန်းပိုင်ရှင်အား လျော်ကြေး၊ ဒဏ်ကြေးချမှတ် (၁၄)ရက်အတွင်းမသွင်းပါက လျှပ်စစ်ဥပဒေအရအရေးယူမည်

အကြမ်းဖက် PDF အဖွဲ့ မဟာဓာတ်အားလိုင်း တာဝါတိုင်အား မိုင်းခွဲဖျက်ဆီး ဇူလိုင် ၁၉ ရက် ညနေပိုင်းမှာ ပခုက္ကူ-ညောင်ပင်ကြီး ပင်မဓာတ်အားခွဲရုံကို သွယ်တန်းထားတဲ့ မဟာဓာတ်အားလိုင်းက တာဝါတိုင် အမှတ် (၃၀၄) ကို အကြမ်းဖက် ရေစကြို PDF အဖွဲ့က မိုင်းခွဲဖျက်ဆီးခဲ့တယ်လို့ သိရပါတယ်။ ဒီဖြစ်စဉ်ကြောင့် ပခုက္ကူ၊ ရေစကြို၊ မြိုင်၊ ကံမ မြို့နယ်တွေအပြင် အနီးအနား ကျေးရွာအချို့မှာလည်း လျှပ်စစ်ဓာတ်အား ပြတ်တောက်မှုတွေ ဖြစ်ပေါ်ခဲ့ပါတယ်။ PDF တွေရဲ့လုပ်ရပ်တွေက ပြည်သူကို မျက်နှာ မမူကြတော့ဘူး။ ညှာတာထောက်ထားမှုလုံးဝမရှိတော့ဘူး။ အုပ်ချုပ်မှုယန္တရားပျက်စီးရာ ပျက်စီးကြောင်းလုပ်တယ်လို့ အတွေးတိမ်တိမ်ပဲတွေးပြီး ပြည်သူတွေဘယ်လောက်နစ်နာမလဲ မစဉ်းစားတော့ဘူး။ ဒီကောင်တွေခေါင်းထဲမှာ ပြည်သူဆိုတာမရှိ‌တော့ဘူး။ ခုလို မဟာဓာတ်အားလိုင်းဖျက်ဆီးတယ်ဆိုတာ ပြည်သူကို ဘယ်လောက်ဒုက္ခများသွားစေနိုင်မလဲသူတို့ မသိဘူး။ ပြည်သူကိုချစ်တဲ့စိတ်လည်း မရှိကြတော့ဘူး။ ဒီလမ်းစဉ်စလိုက်ခဲ့ကြတုန်းက ပြည်သူအတွက်ဆိုတဲ့စိတ်ဓာတ်တွေ ခု လုံးဝ(လုံးဝ) မရှိကြတော့ဘူး။ ဗကပ လော့ဂျစ် ဘယ်သူသေသေ ငတေမာရင်ပြီးရော ဆိုတဲ့ စိတ်တွေဖြစ်ကုန်ပြီ။ ဖိုးမောင်

" ကမ္ဘောဒီးယားသို့ ပေးပို့သည့် တင့်ကားများအရေး ထိုင်း စိုးရိမ် " ထိုင်းဝန်ကြီးချုပ် အနုတင် ချာန်ဗီရာကူက တရုတ်သမ္မတ ရှီကျင့်ဖျင်နှင့် တွေ့ဆုံစဉ် ကမ္ဘောဒီးယားတပ်မတော်ထံ တရုတ်က ပေးအပ်သည့် တင့်ကားများနှင့်ပတ်သက်ပြီး ထိုင်းဘက်၏ စိုးရိမ်မှုကို တင်ပြခဲ့ပါတယ်။ - တရုတ်ဘက်ကတော့ အဆိုပါ တင့်ကားများဟာ နှစ်နိုင်ငံအကြား ယခင်ကတည်းက ချုပ်ဆိုထားတဲ့ စာချုပ်အရ ပေးအပ်တာဖြစ်ပြီး၊ နယ်စပ်တင်းမာမှု ဖြစ်ပွားချိန်မှာ အခြေအနေကြောင့် ပေးပို့မှုကို ယာယီဆိုင်းငံ့ထားခဲ့တယ်လို့ ရှင်းပြခဲ့ပါတယ်။ ဒါ့အပြင် အဆိုပါ စစ်လက်နက်တွေကို ထိုင်းနိုင်ငံကို ထိခိုက်စေမယ့် ရည်ရွယ်ချက်နဲ့ အသုံးပြုမှာ မဟုတ်ဘူးလို့ အာမခံခဲ့ပါတယ်။ - တစ်ချိန်တည်းမှာပဲ သမ္မတ ရှီကျင့်ဖျင်က ထိုင်း-ကမ္ဘောဒီးယား နယ်စပ်အငြင်းပွားမှုကို ငြိမ်းချမ်းစွာ ဖြေရှင်းနိုင်ရေးအတွက် တရုတ်အနေနဲ့ ကြားဝင်ညှိနှိုင်းပေးဖို့ အဆင်သင့်ရှိကြောင်း ပြောကြားခဲ့ပါတယ်။ KT July 20

July-20 ကချင်ပြည်နယ် ကံပိုင်တည်–ဝိုင်းမော် လမ်းမကြီးမှာ မြေပြိုလမ်းပိတ်ပြီး ရက်အတော်ကြာပိတ်မိနေတဲ့ ကုန်တင်ကားတွေကို အကြမ်းဖက် KIA အဖွဲ့က ကားတစ်စီးကို တစ်ရက် ၁၂,၀၀၀ ကျပ်နှုန်း အတင်းအဓမ္မ ဆပ်ကြေးကောက်နေပါတယ်...KIA အကြမ်းဖက်အဖွဲ့က သူတို့တောင်းတဲ့ဆက်ကြေးငွေမပေးရင် ကားသမားတွေကို ဖမ်းဆီးရိုက်နှက် နှိပ်စက်တာတွေနဲ့ ကုန်ပစ္စည်းတွေကို ဖျက်ဆီးတာတွေ ကျူးလွန်နေကြတယ်လို့ သိရပါတယ်...ကားသမားတွေက မခံနိုင်လွန်းလို့ ရှိခိုးတောင်းပန်တာတောင် နှိပ်စက်တာမပျက်ဘဲ ပစ်သတ်မယ်ဆိုပြီး ခြိမ်းခြောက်တယ်ဆိုပဲ... လုပ်ရပ်တွေက ရွံဖို့တောင်ကောင်းတယ်...

မန္တလေးအဝေးသင်တက္ကသိုလ်တွင် Diploma in English (Basic Level-I) သင်တန်း ဖွင့်လှစ်မည် မန္တလေး၊ ဇူလိုင်-၂၀ မန္တလေးအဝေးသင်တက္ကသိုလ် အင်္ဂလိပ်စာဌာနမှ ကြီးမှူး၍ Diploma in English Course (Basic Level-I) သင်တန်းကို လာမည့် ဩဂုတ် ၁ ရက်တွင် စတင်ဖွင့်လှစ်သင်ကြားမည်ဖြစ်ကြောင်း သိရသည်။ အဆိုပါသင်တန်းသည် သင်တန်းကာလ (၃) လကြာမြင့်မည်ဖြစ်ပြီး အပတ်စဉ် စနေနှင့် တနင်္ဂနွေနေ့တို့တွင် နံနက် ၉ နာရီမှ မွန်းတည့် ၁၂ နာရီအထိ သင်ကြားပို့ချပေးမည်ဖြစ်သည်။ သင်တန်းသို့ တက္ကသိုလ်ဝင်တန်းအောင်မြင်ပြီးသူများ လျှောက်ထားနိုင်ကာ လျှောက်လွှာများကို ဇူလိုင် ၂၀ ရက်မှ ၃၁ ရက်အထိ မန္တလေးအဝေးသင်တက္ကသိုလ် အောင်ပင်လယ်ဆောင်ရှိ အင်္ဂလိပ်စာဌာနတွင် ဝယ်ယူ၍ လျှောက်ထားနိုင်ကြောင်း သိရသည်။ ယခုသင်တန်းအတွက် သင်တန်းသားဦးရေ (၁၀၀) ဦးသာ လက်ခံသွားမည်ဖြစ်ပြီး လျှောက်လွှာထုတ်ယူရာတွင် တက္ကသိုလ်ဝင်တန်းအောင်လက်မှတ်မူရင်းနှင့် နိုင်ငံသားစိစစ်ရေးကတ်မူရင်းတို့ကို ယူဆောင်လာရမည်ဖြစ်သည်။ သင်တန်းနှင့်ပတ်သက်သည့် အသေးစိတ်အချက်အလက်များကို မန္တလေးအဝေးသင်တက္ကသိုလ် အောင်ပင်လယ်ဆောင်ရှိ အင်္ဂလိပ်စာဌာနတွင် ရုံးချိန်အတွင်း သွားရောက်စုံစမ်းနိုင်ကြောင်း သိရသည်။

Forwarded From Eleven Media Group ရန်ကုန်မြို့ အောင်ဆန်းအားကစားကွင်းပတ်လည်ရှိ ဆိုင်ခန်းအဆောက်အအုံများ ဖျက်သိမ်းနေ ရန်ကုန်မြို့ မင်္ဂလာတောင်ညွန့်မြို့နယ် အောင်ဆန်းအားကစားကွင်းပတ်လည်ရှိ ဆိုင်ခန်းအဆောက်အအုံများ ဖျက်သိမ်းနေကြောင်း သိရသည်။ “ဖျက််နေတာ သိပ်တော့ မကြာသေးပါဘူး” ဟု ပတ်ဝန်းကျင်နေထိုင််သူတစ်ဦးက ပြောကြားသည်။ ယင်းအောင်ဆန်းအားကစားကွင်းအတွင်းရှိ ဌာနပိုင် အဆောက်အအုံဟောင်းများ ဖျက်သိမ်း၍ လေလံတင်ရောင်းချနိုင်ရေး ညှိနှိုင်းအစည်းအဝေးကို ဇွန် ၂၆ ရက်တွင် ရန်ကုန်တိုင်းဒေသကြီး သင်္ဃန်းကျွန်းမြို့နယ် အမျိုးသားအားကစားပြိုင်ပွဲရုံ (၁) သုဝဏ္ဏရှိ ပတ္တမြားခန်းမ၌ ကျင်းပခဲ့ကြောင်း သိရသည်။ Website Link- - - >>> https://news-eleven.com/article/313507

ဝဇီရာရုပ်ရှင်ရုံတွင် အပတ်စဥ်ရုပ်သေးပွဲပြသနိုင်တော့မည်ဟု သဘင်ဥက္ကဌပြော

"တရုတ်နှင့် ဖိလစ်ပိုင် ထိပ်တန်းသံတမန်များ ၂၀၂၄ နောက်ပိုင်း ပထမဆုံးအကြိမ် တွေ့ဆုံမည် " တရုတ်နှင့် ဖိလစ်ပိုင်နိုင်ငံတို့၏ ထိပ်တန်းသံတမန်များသည် ၂၀၂၄ ခုနှစ်နောက်ပိုင်း ပထမဆုံးအကြိမ်အဖြစ် တွေ့ဆုံဆွေးနွေးရန် စီစဉ်ထားကြောင်း သိရပါသည်။ ယင်းတွေ့ဆုံမှုသည် တောင်တရုတ်ပင်လယ်အတွင်း ပိုင်နက်အငြင်းပွားမှုများနှင့် နှစ်နိုင်ငံကြား တင်းမာမှုများကို လျှော့ချနိုင်ရေးအတွက် အရေးပါသည့် ဆွေးနွေးပွဲတစ်ရပ်အဖြစ် သတ်မှတ်ခံထားရပါသည်။ - ဆွေးနွေးပွဲတွင် အပြန်အလှန်ယုံကြည်မှု တည်ဆောက်ရေးနှင့် ပင်လယ်ပြင်အတွင်း မလိုလားအပ်သည့် ထိပ်တိုက်တွေ့မှုများကို ရှောင်ရှားနိုင်မည့် လုပ်ထုံးလုပ်နည်းများကို အဓိကထား ဆွေးနွေးသွားမည်ဖြစ်ပြီး ဒေသတွင်း ငြိမ်းချမ်းရေးနှင့် တည်ငြိမ်ရေးအတွက် အပြုသဘောဆောင်သည့် ရလဒ်များ ထွက်ပေါ်လာရန် နှစ်ဖက်စလုံးက မျှော်လင့်ထားကြပါသည်။ KT July 20

ချူံကင်းမြေပြိုမှုတွင် ပျေ-ာက်ဆုံးနေသူများကို ဆက်လက်ရှာဖွေနေ

တောင်ပြုံးပွဲတော်ကို ဩဂုတ် ၂၁ ရက်မှ ၂၈ ရက်အထိ စည်ကားသိုက်မြိုက်စွာ ကျင်းပမည် တောင်ပြုံး၊ ဇူလိုင်-၂၀ လာမည့် ဩဂုတ်လ၌ မန္တလေးတိုင်းဒေသကြီး၊ အောင်မြေသာစံခရိုင်၊ မတ္တရာမြို့နယ်၊ တောင်ပြုံးကျေးရွာ၌ သမိုင်းဝင်တောင်ပြုံး ဆုတောင်းပြည့်-ဆုတောင်းရ မြတ်စွာဘုရား ဗုဒ္ဓပူဇနိယ ဆွမ်းတော်ကြီးလောင်းလှူပွဲနှင့် တောင်ပြုံးအရှင်နှစ်ပါးပွဲတော်ကို ကျင်းပမည်ဟု သိရသည်။ ကျင်းပမည့်ရက်သည်ဩဂုတ်လ ၂၁ ရက်မှ ၂၈ ရက် (မြန်မာသက္ကရာဇ် ၁၃၈၈ ခုနှစ်၊ ဝါခေါင်လဆန်း ၈ ရက်မှ ၁၅ ရက်) အထိ ဖြစ်သည်။ အဆိုပါပွဲတော်ကာလအတွင်း ဘုရားဖူးလာ မိဘပြည်သူများ၊ ရိုးရာဓလေ့ကိုးကွယ်ယုံကြည်သူများနှင့် လာရောက်အရောင်းအဝယ်ပြုလုပ်ကြမည့် ဈေးသူ/ဈေးသားများအနေဖြင့် စိတ်အေးချမ်းသာစွာ လာရောက်နိုင်ကြောင်း အသိပေးကြေညာထားသည်။ လက်ရှိတွင် ပွဲတော်ကျင်းပမည့် တောင်ပြုံးနယ်မြေဒေသ၏ အခြေအနေမှာ အေးချမ်းတည်ငြိမ်လျက်ရှိကြောင်းလည်း ပွဲတော်ကျင်းပရေးကော်မတီ၏ ထုတ်ပြန်ချက်အရ သိရသည်။

ပီရူးတွင် ငလျင်နှစ်ကြိမ်လှုပ်၊ လူခြောက်ဦး ‌ေ-သဆုံးပြီး ၂၁ ဦး ဒ-ဏ်ရာရ

"ထရမ့်၏ စွပ်စွဲချက်များကြားမှ ရှီကျင့်ဖျင်၏ အမေရိကန်ခရီးစဉ် ဆက်လက်ရှိမည်ဟု ရူဘီယို အတည်ပြု " တရုတ်နိုင်ငံ၏ ရွေးကောက်ပွဲဝင်ရောက်စွက်ဖက်မှုနှင့် ပတ်သက်၍ အမေရိကန်သမ္မတ ဒေါ်နယ်ထရမ့်က စွပ်စွဲပြောကြားခဲ့သော်လည်း တရုတ်သမ္မတ ရှီကျင့်ဖျင်၏ အမေရိကန်ခရီးစဉ်မှာ အစီအစဉ်အတိုင်း ဆက်လက်ပြုလုပ်သွားမည်ဖြစ်ကြောင်း အမေရိကန်အရာရှိ မာကို ရူဘီယိုက ပြောကြားခဲ့ပါသည်။ ၎င်းက နှစ်နိုင်ငံအကြား တင်းမာမှုများရှိနေသော်လည်း ဆက်ဆံရေးတည်ငြိမ်စေရန် ယင်းခရီးစဉ်သည် အရေးကြီးကြောင်း အလေးပေးပြောဆိုခဲ့ပါသည်။ - သတင်းများအရ ခရီးစဉ်အတွင်း နှစ်နိုင်ငံခေါင်းဆောင်များသည် ကုန်သွယ်ရေး၊ နည်းပညာနှင့် ဒေသတွင်းလုံခြုံရေးဆိုင်ရာ ကိစ္စရပ်များကို အဓိကဆွေးနွေးသွားမည်ဖြစ်ပါသည်။ ထရမ့်၏ စွပ်စွဲချက်များကြောင့် နိုင်ငံရေးတင်းမာမှုများ မြင့်တက်နေသော်လည်း သံတမန်ရေးဆက်သွယ်မှုများကို ဆက်လက်ထိန်းသိမ်းရန် နှစ်ဖက်စလုံးက ကြိုးပမ်းနေကြောင်း သိရပါသည်။ KT July 20