𝐁𝐀𝐂 𝐖𝐈𝐓𝐇 𝐌𝐀𝐋𝐀𝐊 🩷📚

هناك دورة مجانية فاللغة الانجليزية تفيدك ان شاء الله ولو بالقليل يعني على الاقل تكون حافظ بعض المصطلحات الاساسية وتعرف تكون جملة باذن الله 💥💫فقط للتوضيح الدورة تحتوي فقط على الوحدة الاولى في الانجليزية 💨اخلاقيات العمل 💨 لي يحب ينضم يكتب فالتعليقات وخاصو يكون ملتزم باه يقدر يستفاد + اماكن محدودة

​سلااام يا أبطال! 🤍 بزاف منكم يشوفوا الاجتماعيات (تاريخ وجغرافيا) غول كبير بسبب كثرة الحفظ والتفاصيل.. لكن الحقيقة هي أنها أسهل مادة تقدر تضمن فيها نقطة ممتازة إذا قريتها بذكاء مش بعنف! 😉 ​إليكم خطوات بسيطة وذكية تخلي مراجعة الاجتماعيات متعة: ​1️⃣ احكيها كـ "قصة" (ما تحفظش صم!) 🎬 التاريخ مش أرقام وجمل جافة، التاريخ قصة وحكاية صرات في الماضي. ​تخيل الأحداث كأنك تتفرج في فيلم: شكون هما الأطراف؟ علاش تدابزوا؟ وش صرا بعد ذاك؟ ​لما تفهم السبب والنتيجة، الحفظ يجي وحده بلا ما تعصر مخك. ​2️⃣ ملخصات ملونة وخفيفة 🎨 خطيك من الكراس الضخم والسطور المتداخلة لي تدّوخ! ​استعمل أوراق بيضاء، ألوان هادئة، وأكتب النقاط الأساسية فقط على شكل رؤوس أقلام (Bullet points). ​عينيك لما تشوف ورقة منظمة ومزوقة، المخ يستوعبها وينسخها بسرعة. ​3️⃣ قاعدة "3 كلمات" للشخصيات 👤 لا تحفظ تعريف طوله 4 سطور! لكل شخصية احفظ فقط: 👉 الجنسية + المنصب + أهم عمل داروا. (مثال: سياسي أمريكي + رئيس الولايات المتحدة + صاحب مشروع مارشال). ​4️⃣ الشريط الزمني للتواريخ ⏳ بدل ما تحفظ التواريخ منفصلة وتتخلطلك، ارسم خط زمني بسيط (Line) وحط فيه السنين بالترتيب. ربط التاريخ بالحدث يخليك تشفى عليه بصرياً.

الان مع مادة الاجتماعيات

نواصل في الرحلة هل انتم جاهزون 😊

✋️💥💣🖤سلام مع احتراماتي لكل اعضاء المجموعة لكن كاينة فئة فالقناة راهي تديلي فمنشوراتي دون رابط.القناة فقط تنسخه وتقوم بنشره احترمو شوي جهدي لي راني نضيع فيه باه نكتب حرف ونعبر انا ماعنديش مانع باه تدي لي منشوراتي بالعكس ولكن اضف رابط قناتي كيفاش تنسبو اليك بلا مجهود؟؟ ان شاء الله تكون رسالة💌 وصلت للذين اريدهم ان تصل اليهم

اولا مادة الفلسفة هي مادة الحكمة 🙂💔 مادة العقلاء مادة لي يحبو يكتشفو بزاف ويطرحو بزااف الأسئلة فالفلسفة قديما بدات بطرح الأسئلة وكان كاين صراعات قائمة على سؤال والجواب هل السؤال اهم من الجواب والعكس💀😂علبالي دختو بضح بشويا برك تتوضح عموما فالحصة الاولى الاستاذ حيعرفكم على هاد المادة تاريخها كيفاش بدات منبعد تبداو تغوصو فالمسائل الفلسفية وتحللوها تحليل منطقي غير مشخصن 🙂😃 وخالي من العواطف والافكار الشخصية حتحكيو على اهمية الفلسفة وغيرها من الاشكاليات الفلسفة القائمة في عصور مضت طبعا حتستعينو بحجج وافكار الفلاسفة🤌 لي سبقونا مثلا سقراط ديكارت ارسطو كلود برنارد وغيرهم من الفلاشفة لي حكاو وساندو عدة قضايا وتبناوها وكاين لي نقضوها 👍☺️ حتحفظو كامل مقولاتهم الفلسفية باش تكتبوها فالمقال وتدعمو بيه فالباك راح يطلبو منك تكتب مقالات فلسفية كاين ثلاث انواع فقط للعلميين جدل تحليل نص ومقالات دفاع عن الاطروحات 🤌🤍 اسرار النجاح فهاد المادة 📍الحفظ والفهم معا ✨تبع مليح مع استاذ القسم وتركز فكل كلمة يقولها 📍الاستعانة بالمقولات الفلسفية الأمثلة والحجج والبراهين المختلفة لدعم فكؤتك واطروحتك 🔎 📍التدرب على كتابة مقالات شخصية فالمنزل وعرضها على استاذ القسم 🔖 📍اعطاء المادة حقها ودراستها على الاقل ثلاث مرات اسبوعيا للتمكن من المنهجية والمقالة تكون وجدت مقالات شخصية قبل لباك📚 📍عدم حفظ مقالات جاهزة لانو راح يفيقزلك ويصفروك بطبيعة لحال المصاادر 🍀 استاذ خليل سعيداني يوتيوب فقط كتاب هبة جبابرية استاذ القسم و عادل مقرود

انا علمية ، ديت فالباك 17.5 فالفلسفة في مقالة كانت مقترحة ولكن انا مكنتش حافظتها عن ظهر قلب كيما الناس ، طريقتي فالفلسفة كانت طريقة بسيطة ،ربما ساعدتني قدرتي على التعبير فاني منحفظش المقالة كوبي كولي ،ولكن الطريقة اللي تمشيت بيها ساعدتني فاني نقرا سبع مقالات وندخل بيهم الفلسفة ماتحتاحش حفظ مباشر ،خلو الفصل الاول يفوت مع تدريبكم على تحليل نص ،مع عطلة الفصل الاول ابداو تديرو فالملخصات ،وكل ماتحسو رواحكم تعبتو من مادة علمية ديرو ملخص تاع مقالة ، كاين قنوات عديدة منها الاستاذ هواري وفارس وكاين خليل سعيداني ثاني ،استعنت بكتاب خليل سعيداني جميل جدا ، ووليت نروح نشوف مخطط مقالة ونروح لجيميني يفهمني ،وهو يعطيني اقوال فلاسفة قصار ،مع كل موقف ديرو اربع حجج ،واربع اقوال على الاقل تتفكرو زوج ، ديرو كل مرة ملخص وكي يولي باقي شهر على الباك ،ارجعو ليهم احفظوهم بالاستعانة بالمراجعة مع جيميني ، مخططات فقط لا داعي للحفظ الكلي رح توسعو دائرة المقترحات اللي تدخلو بيهم ،وممكن متعتامدوش قع عليهم ❤️‍🩹🫶

نمشو الان الى الفلسفة 🫣 الشعب الادبية هيا بنا 🫡 العلمية كذالك انضمو في الرحلة 😶‍🌫️

اللغة العربية برنامجها قصير جدا ، لذلك لا تستعجلوا ابداو من بداية السنة لازم تكونو اجور مع المواد الاساسية ومتخلوش المواد الاخرى تشتتكم ، في رمضان يحط الاستاذ حماش بلايليست تاع فيديوهات اظن ثمان فيديوهات يكمللكم فيها ڨع البرنامج ، اقسموهم على ثمان ايام وديرو مع كل فيديو ملخص تاعكم ،اليوم التاسع راجعوا كلشي وتأكدوا من تثبيتكم للملخصات ، وزيدو ثلاث ايام حلو في كل يوم ثلاث مواضيع ، باه تثبتو نيشان ،تولو في تسع مواضيع اولية ومنبعد خطرة على خطرة حلوا المواضيع هادي نصيحتي لكم ،لانكم مم لوكان تقراوها عل بكرة غادي تنغبنو وتعاااودو تقراو كلشي فالتالي ، وشكرا❤️‍🩹🫶

يلا نكملو طريقة دراسة المواد 🤍😊

💨واش حابين المادة لي حابينها منبعدا 💨 اتركوها هنا 👇

https://t.me/+jujVD6chSgs5ZTI8 هذا قروب المناقشة اي استفسار ولا سؤال خلوه هنا

الفلسفة 👇👇👇👇👇👇👇 🌷بزاف ناس يخافو من الفلسفة ويحسبوها صعيبة بصح في الحقيقة الفلسفة ماشي صعيبة غير تحتاج طريقة صحيحة أول حاجة ما تقراش الفلسفة بالحفظ برك لازم تفهم الفكرة ومن بعد تعبّر عليها بكلماتك ثاني حاجة قبل ما تبدا تحفظ الدروس لازم تكون عارف المنهجية كيفاه تطرح المشكلة كيفاه تعرض رأي فيلسوف كيفاه تناقشو وكيفاه دير الامثلة و دير الحجج و البراهين و تشرحهم كي تقرا أي درس قسّمو لأفكار كل فكرة اشرحها بشرح بسيط زيد مثال او مثالين او حتى اكثر لا يهم وإذا قدرت زيد قول فيلسوف ما تحفظوش حياة الفلاسفة احفظو غير وش قال علاش قال وكيفاش نطبقو فكرته وأهم حاجة درّبو رواحكم على الكتابة انكم تكتبو مقالات او مواقف الفلسفة تتقرا شوية بشوية وماشي غير قبل الفرض ولا الباك 🔹 المنهجية الصحيحة للفلسفة: فهم السؤال والدرس كي تشوفوا سؤال أو درس ركّزوا على الفكرة الرئيسية حاولوا تعرفوا المطلوب منكم: تحليل؟ نقاش؟ أو شرح رأي الفيلسوف؟ كتابة الأفكار الرئيسية سجلوا النقاط المهمة بكلماتكم، مش حرفيًا. اعتمدوا على المخططات والجداول باش ترتبوا المعلومات الدرس. الأمثلة والتطبيق ضيفوا 3 أمثلة على الأقل لكل فكرة إذا ممكن زيدوا قول مأثور أو مقولة للفيلسوف كي الأستاذ يشرّحلكم درس في الكلاصة: 1️⃣ اكتبوا شرح الأستاذ باختصار بالكلمات اللي تفهموها أنتم 2️⃣ اعتمدوا على المخططات أو الجداول باش ترتبوا الأفكار 3️⃣ لكل فيلسوف: اكتبو اسمو + الفكرة اللي يعتقدها + شرح الفكرة بكلماتكم 4️⃣ ضيفوا أكثر من 3 أمثلة من الحياة اليومية أو من الدرس باش تثبت الفكرة 5️⃣ زيدوا قول مأثور أو مقولة للفيلسوف إذا ممكن هكذا راح تكون عندكم مقالة مفهومة و سهلة المراجعة قبل الباك بالطريقة هذي الفلسفة تولّي سهلة والنقطة تطلع بإذن الله 🙂‍↕️🩷

انتم هنا للمواصلة في السلسلة 😶‍🌫️🤍

لاتنسو بالدعاء لصديقتي ماريا 💞 هذه السلسلة التي اقدمها لكم الان هي من تجاربها الشخصية بحكم انها تحصلت على معدل ممتاز لاتنسوها من صالح دعائكم 🩷 💫وترقبو تكملة السلسلة غدا ان شاء الله مع الفلسفة كونو حاضرين بقوة لاحضر لكم افضل النصائح

العربية يا جماااعة كانت ف باكي الاول مادة مجهولة مكروهة منبوذة و كملوها كيما تحبو .... مكنتش نعرف فيها اي حاجة لا نفهم الشعر لا النثر لا والو والغلطة اللي درتها اني قريت غير النثر و رحت بيه و ف الباك هذاك العام جا النثر صعيب ف مقدرتش نحل ف الباك الثاني حلفت عليها اني نتفوق فيها ماتخلعنيش مادة وفرات علاه نخافها بديتها من اليوتيوب مع الاستاذ الاسطورة حيقون اسامة و مرات كنت نشوف على الاستاذ حماش فيديوهات لايف لي كان يديرها كانت في القمة ماشاء الله قريت كل حاجة من عند هاذ الاستاذين كانت الدراسة عندهم ممتعة جدااا و كانو يمدو بزااف طرق للحفظ و بزاااف معلومات مساعدة للفهم قريت الشعر ملييح مليييح و قريت النثر ثاني و قريت القواعد و فهمتهم و كنت نطبق معاهم ف الفيديوهات بمعنى الكلمة لما تفهم تولي تحب المادة و درت ملخصات خاصة بيا مليحة بزااف للاسف ماراهيش عندي كنت نلخص القواعد و لخصت كل نوع شعر وحدو بالخصائص و كيفية الاجابة كل حاجة كان يقلها كنت نكتبها و نلخص باش نراجع بيه قبل الامتحان نقولكم مادام انا حبيت العربية و وليت نقراها نتوم كامل راح تقراوها لانو كانت بمعنى الكلمة هاجس بالنسبة ليا باش نقولكم حليت لي سوجي ف العربية ماحليتش كنت نحل فقط الامثلة اللي كان يمدهم الاستاذ حيقون و حماش ف الفيديوهات برك و الحمد لله رحت ل الباك و حليت مليح و وفقني ربي جبت فيها 18.5 و الحمد لله 💫المصادر الاستاذ زريق الاستاذ حماش الاستاذ اسامة الاستاذ حيقون ☄ المراجع كاين كتاب حماش كتاب حيقون كتاب الجوهرة للاستاذ بوبكر

اللغة العربية و آدابها 👇👇👇👇👇👇👇👇

جماعة الشعب الادبية او حتى العلمية راكم هنا 👁 اثبتو وجودكم 👇 باه نبدأ في سلسلة كيفية دراسة المواد الادبية 🥰

مااادة الفيزياء اغلبية الناس يكرهوهاا و مش حابين يقراوها انا كنت منكم كانت تبانلي حاجة كبيييرة و حاجة ماتتقراش كنت كيما نتوم لكن الاستاذ زدون جزاه الله خيرااا كان المفتاح اللي خلاني نقراها و نفهمها و الاستاذ تاعي تاع الليسي ثان له الفضل بعد الله عز و جل بديت ف فهم الدرس اللي هو نص الاجابة ف الفيزياء خاصة ف السنوات الخيرة هاذي وين ولينا نشوفو اسئلة كثيييرة نظرية ف الفيزياء عكس الماضي كانت التطبيقية اكثر تروحو ل الاستاذ زدون ف اليوتيوب شارح كل حاجة بالتفصيل الممل تفهمو عندو الدرس مليح مليح و كذلك كاين الاستاذ عبد الله ثان في القمة شارح الدروس بطريقة هايلة تفهمو الدرس و ديرو ملخص ل القوانين و تقدرو تستعينو بالملخصات اللي حطيتهالكم لانو كلها من كلام الاستاذ زدون و تقدرو تطبعو الملخصات اللي حاطها عندو هو ثان رائعة بمعنى الكلمة بعد ماتفهمو الدروس اول حاجة ديروها تشوفو فيديوهات تاع حل تمارين على هاذاك الدرس تشوفو كيفاه يجاوب و كيفاه يحل التمارين و كيفاه يحل الاسئلة النظرية وتكتبو المعلومات اللي يقولها بعد ماتكملو تشدو هاذاك التمرين اللي دارو ف الفيديو و تعاودو تحلوه وحدكم بلا ماتشوفو و تصححو ل روحكم و تشوفو وين غلطتو تجربو تمرين او اثنين او ثلاثة هكذا بعدها تحلو تمرين خارجي على هذاك الدرس يعني تمرين غير تاع الفيديو هكذا الطريقة او الفكرة تاع التمرين تترسخ في راسكم و تتعودو على القوانين اللي فيها و هكذا وراكم تتقدمو ف الدروس و مرة على مرة حلو لي باك باش تشوفو الطريقة كيفاه تاع الاسئلة و باذن الله راح تكون نتيجتكم ممتاااازة ف المادة

نبداو بمادة اخرى و هي الفيزياء 🤍 راكم هنا 🧐