𝐁𝐀𝐂 𝐖𝐈𝐓𝐇 𝐌𝐀𝐋𝐀𝐊 🩷📚

مااادة الفيزياء اغلبية الناس يكرهوهاا و مش حابين يقراوها انا كنت منكم كانت تبانلي حاجة كبيييرة و حاجة ماتتقراش كنت كيما نتوم لكن الاستاذ زدون جزاه الله خيرااا كان المفتاح اللي خلاني نقراها و نفهمها و الاستاذ تاعي تاع الليسي ثان له الفضل بعد الله عز و جل بديت ف فهم الدرس اللي هو نص الاجابة ف الفيزياء خاصة ف السنوات الخيرة هاذي وين ولينا نشوفو اسئلة كثيييرة نظرية ف الفيزياء عكس الماضي كانت التطبيقية اكثر تروحو ل الاستاذ زدون ف اليوتيوب شارح كل حاجة بالتفصيل الممل تفهمو عندو الدرس مليح مليح و كذلك كاين الاستاذ عبد الله ثان في القمة شارح الدروس بطريقة هايلة تفهمو الدرس و ديرو ملخص ل القوانين و تقدرو تستعينو بالملخصات اللي حطيتهالكم لانو كلها من كلام الاستاذ زدون و تقدرو تطبعو الملخصات اللي حاطها عندو هو ثان رائعة بمعنى الكلمة بعد ماتفهمو الدروس اول حاجة ديروها تشوفو فيديوهات تاع حل تمارين على هاذاك الدرس تشوفو كيفاه يجاوب و كيفاه يحل التمارين و كيفاه يحل الاسئلة النظرية وتكتبو المعلومات اللي يقولها بعد ماتكملو تشدو هاذاك التمرين اللي دارو ف الفيديو و تعاودو تحلوه وحدكم بلا ماتشوفو و تصححو ل روحكم و تشوفو وين غلطتو تجربو تمرين او اثنين او ثلاثة هكذا بعدها تحلو تمرين خارجي على هذاك الدرس يعني تمرين غير تاع الفيديو هكذا الطريقة او الفكرة تاع التمرين تترسخ في راسكم و تتعودو على القوانين اللي فيها و هكذا وراكم تتقدمو ف الدروس و مرة على مرة حلو لي باك باش تشوفو الطريقة كيفاه تاع الاسئلة و باذن الله راح تكون نتيجتكم ممتاااازة ف المادة

نبداو بمادة اخرى و هي الفيزياء 🤍 راكم هنا 🧐

بديت متأخرة الصراحة في اواخر ديسمبر بديت نقرا الدروس واحد ب واحد من عند كتفي شريف زينة من مجلاتها تاع الهستونات و من فيديوهاتها الطويييييييلة عارفة انهم طوال بصح مفيدين جداااااااا تفهمو العمق تاع العمق و ملخصاتي اللي حطيتهم هما عبارة عن كلامها ف راح تستفادو منهم المهم واش عليكم ديرو تقراو الدرس وتفهموه مليح و تحاولو تفهموه ك حكاية لانو العلوم عبارة عن جسمك و رح تكون ممتعة انك تتعرف عنو و واش راه يصرا فيه داخل شوفوها بهاذ الطريقة و رح تحبو العلوم تقراو الدرس تكملوه بعدها تروحو تشوفو فيديو تاع كاش تمرين على هاذاك الدرس و ننصحكم ب كتفي تشوفو طريقة تفكيك التمرين و طريقة الاجابة و تشدو ورقة تكتبو فيها المنهاجية اللي استعملتها ف الفيديو اذا ماكفاكمش فيديو واحد او تمرين واحد شوفو كتر عادي راح تستفادو ملييييح بعد ماتشدو المنهاجية في ورقة تبداو بتمرين بسيط على هذاك الدرس وحدكم عادي ماتخافوهش حتى و تخربوها عادي ابداو تحلو و تكتبو الاجابة و تقارنو بالمنهاجية هنا كي تكملو عندكم طريقتين يا اما تمدو ل الاستاذ تاعكم تاع الليسي يشوفلكم الحل او تاع الدروس الخصوصية يااما اللي معندوش تروح ل شات جبتي تمدلو التمرين اللي عندك الحل النموذجي تاعو مثلا حلو استاذ و تفهمو مليح قلو هاذا هو الحل النموذجي و هذي هي الطريقة النموذجية والمنهاجية الصحيحة للحل ف رح اعيطك حلي و قلي اذا ف المنوال الصحيح بهاكذا راح تعرفو اذا راكم فالطريق الصحيح و تحاولو تحاولو ف التمارين حتى تثبتو المنهاجية و طريقة الحل هنا تكونو شديتو المنهاجية مليح و الدرس بافكارو و كي تحلو التمارين حلو بذكاء مش تروحو تحلو 5 تمارين ف نفس الفكرة لالا حلو واحد 2 خلاص تثبتت الفكرة روحو اللي بعدها و هكذا كل فترة و فترة و نتوما راكم تتقدمو ف الدروس ارجعو حلو تمرين على الوحدات اللي فاتو باش ماتنساوهمش حتى لوكان تشوفو فيدو ف الليل كي تكونو رح ترقدو عادي العقل الباطن تعكم راح يرفد دون وعي هاذو اهم النقاط اذا كشنا تفكرت اني نزيد وتابعوني دوك نحط ملخصاتي

مادة العلوم الطبيعية مقسومة لجزئين فهم الدرس و منهجية اجابة واش عليك دير او انا واش درت ف عامي تاع الباك باش قدرت نجيب 18 فيها 👇👇👇👇👇👇👇👇

لا تقلقو حتى المواد الادبية رها فالطريق

💨هل نكمل في كيفية دراسة المواد العلمية💨

شعبة رياضيات و تقني رياضي عندكم محور آخر اسمو الأعداد و الحساب أو القسمة في زاد أو الجبر هذا لازم تفهموه مليييح و تحلو فيهم تمارين و اذا غلطتو فكاش تمرين لازم تفهمو الفكرة تاعو و متحفظوهاش كاين لي يقولو هو صعيب بزاف بصح مكاش منها اذا فهمتو الدرس مليح مليح رح تقدرو تحلو عادي تقني رياضي عاد يجو تمارينه سهلين و أفكار يتعاودو ة رياضيات تمارين شوية أصعب تعتمد بزااف على الفهم المصادر لي تحلو منها تمارين البكالوريات التجريبية تلقاهم في عقبة بن نافع و مواضيع أشبال الأمة و قناة mathyoun في يوتيوب ... و كاين مصادر أخرى

هل نكمل في كيفية دراسة المواد العلمية مع ماريا

الرياضيات بالنسبة ليا ماكانش عندي اي باز فيها من السنوات السابقة كنت الاشتقاق و حافظة و مش فاهمة معلاباليش كامل واش هو الهدف من كل الرياضيات في تام البكالوريا المفتاح اللي تقدر تستعملو باش يفتحلك الرياضيات هو التمارين والممارسة فهم الدرس يعتبر 20 بالمئة فقط من الرياضيات الباقي كلو تمارين و تطبيق و ممارسة الحاجة اللي خلاتني ندي 18.5 هو التمارين الاستاذ اللي كنت نقرا عندو كان استاذ في القمة علاه ماشي بسك يجي يحفظك التمرين لاااااا بسك كان يعطيلك رؤوس اقلام ف الدرس و يعطيلك تمرين وانت تحاول انت تخطأ وانت تصحح يعني خلانا نعتمدو على نفسنا بمعنى الكلمة والاستاذ اللي تبعتو ف اليوتيوب كان الاستاذ نور الدين اللي هو قمة فيها يخليك تحب الرياضيات وتفهمها من الصفر و يشرح ابسط النقاط و ثاني مرات كنت نشوف انفينيتي بديت الرياضيات كيف كيف في اواخر ديسمبر اول حاجة بديت بيها هي الدوال و هي حاجة بديهية لانو اول الدروس و اهمها نشوف على نور الدين نفهم الدرس ونحل معاه التمرين و نروح نحاول وحدي نتخبط ف التمرين بصح نحاول ونغلط و نحاول حتى اتقنتها واللي خلاني ل حد الآن مزالني نقدر نحل التمارين فيها عادي لاني قريتها من القلب كنت نقرا نفهم الدرس و نروح ل التمارين لانها هي المفتاح بمعنى الكلمة نحل ونحل ونحل ونحل حتى وليت كي نعيا من الحفيظة او من مادة اخرى نريح بتمارين الرياضيات لاني كنت مليحة فيها الدوال حليت بكالوريات و حليت تمارين متنوعة تاع ليسيات و تاع اشبال الامة كي تلقى فكرة جديدة حل فيها تمارين حتى تتقنها و انتقل لفكرة ثانية حل التمارين بافكار متنوعة مش العدد هو المهم قد مايهم النوع اذا فهمنا بلي مفتاح الرياضيات هي التمارين افهم الدرس وانطلق معرفتش عادي زيد شوف فيديو اخر حتى تفهم و حل التمارين هاذي اهم حاجة اهم حاجة اهم حاجة ثاني انك كي تشوف الدرس ف اليوتيوب شا دير ؟؟؟ تروح تشد ورقة تكتب فيها ملخص صغيير ليك انت تفهمو انت فيه اهم القوانين واشرحها بجمل بسيطة تحطو قدامك كي تكون تحل التمرين باش توالفهم ويدخلو دماغك حتى تولي تحل دون الورقة هاذيك و توالف القوانين و تولي جيك سهلة جداااا هاذو تقرببا اهم النقاط اذا كشنا نسيت اني نزيد نقولكم

وهذا دليل

مادة الرياضيات الاحب الى قلبي جبت فيها 18.5 فالبكالوريتين تاعي 👇👇👇👇👇👇👇👇👇👇👇

بسم الله نبداو بكيفية دراسة المواد العلمية و شوية الادبية 🤍😇

راك حابين تعرفو كيفاش قرات ماريا وتحصلت على بون نوت في المواد العلمية وحتى الادبية☺️👇

وفي الاخير ان شاء الله القصة تكون الهمتكم ونورت طريقكم واتخدتم منها عبرة ان شاء الله

الحمد لله فرحت الصراحة لكنني من يوم النتيجة قررت اعادة البكالوريا لاني آمنت انني أستطيع و استحق أفضل سجلت في تخصص انفورماتيك و هو تخصص جيد لكني لم احببه درست 3 اشهر و جمدت السنة في شهر نوفمبر و بدأت الدراسة و لم تكن بالدراسة الجيدة لكن بالتدريج ولنقل اني بدأت في ديسمبر المرة هذه ركزت على المواد العلمية وخاصة العلوم لاني ادركت انها السبيل إلى الطب اخذت دروس خصوصية فيها ولكن ليس من اول السنة اخذت في ال3 شهور الاخيرة لاني كنت ادرس الدروس من اليوتيوب من الاستاذة كتفي شريف جزاها الله خيرا و في الدروس الخصوصية نأخذ فقط التمارين و المنهجية و اخذت ايضا دروس في الرياضيات حتى لا اهملها و لكن كنت أستطيع الاستغناء عنها اما العربية قلت يجب أن ادرسها فدرستها من اليوتيوب دون اي مساعدة ثانية من الاستاذ حيقون اسامة و هو نعم الاستاذ درستها جيدااا اما الفرنسية ف كانت مرات من الاستاذة سالي مرات من الاستاذ منصوري و الانجليزية كانت من الاستاذ ناصري اما الفيزياء ف هذه المرة درستها من اليوتيوب من الاستاذ زدون جيداااا كل شيئ كان يجري على مايرام حتى شهر افريل اذا بحياتي تنقلب ثانية بمشاكل صدمتني و لم اتوقعها ولم احتملها و كنا في رمضان اكتأبت و لم استطع النهوض و مرضت بفقر الدم و نزل وزني و مشاااكل عديييدة لكن درست و قمت و جاهدت و الحمد لله جائت البكالوريا و اجتزتها و كنت مطمئنة انني فعلت مااسطيع فقد كنت انهض على 4 صباحا احفظ حتى الساعة 7 ادرس مادة اساسية ثم أنام و انهض ظهرا ادرس لغة او مادة اساسية و ليلا كانت دائما لغة الحمد لله اجتزت المشاكل و البكالوريا و ارتحت كثيييييييرا و وكلت امري لله ظهرت النتائج و قد كنت خائفة جدااااا و لكن الحمد لله كان معدلي احسن ب 16.79 18 علوم 18.5 رياضيات 16 فيزياء 18.5 عربية و هذه هي المواد التي ركزت عليها و اثمرت دراستي فيها و استطعت بهذا المعدل دخول الطب و الحمد لله الحمد لله دائما و ابداااااا على كل الابتلاءات و الحمد لله على كل اختيارات الله لنا كل شيئ يصيبنا في الحياة إلا ل حكمة لا يعلمها إلا الله ف توكل على الله و اسعى و كل شيئ سيكون من نصيبك هو خير لك سواء اردته او لا و كل شيئ لا يكون من نصيبك هو خير لك سواء اردته او لا الحمد لله دائما و ابداااااا على كل شيئ