يوسُف 👾

قواعد مضمونة خدها سكتم بكتم ومتراجعش ورايا: ١. محدش له ذنب يتحمل مشاكلك الشخصية، فبعد إذنك عامل الناس كويس طالما هما مش جزء من مشاكلك الشخصية. ٢. بلاش تعيش دور الضحية، كل الناس بتكرهه. ٣. مينفعش تفتح مساحات حياتك على بعض، بمعنى: اللي بيحصل في شغلك مينفعش يأثر على بيتك، واللي بيحصل في بيتك مينفعش يأثر على شغلك، وهكذا.. ساعتها تبقى راجل بجد. ٤. انشف عشان الدنيا مش هتقفلك لحد ما تخلص تذمر على كل كبيرة وصغيرة. ٥. إياك تكون أناني، ولازم تحط في اعتبارك إن مصلحتك ممكن تتعارض مع حقوق غيرك، ساعتها لازم يكون عندك نظر ودم. ٦. مش انت بس اللي عندك مشاكل، كل الناس بتعاني، فبعد إذنك العيشة مش ناقصة قرف. ٧. لو انت مش سوي نفسيًا اتعالج، وبتكلم بجد.

انا بقول ننام شوية ونصحى نتقمص الدور تاني

صباح الخير هنحاول نكمل نعمل اللي علينا عشان مقدمناش غير كدا، لحد ما ربنا يفرجها من عنده..

نحاول تاني هنعمل إيه يعني

يلا تصبحوا على خير

وانا مقتنع ان اللي عايز يعيش باللي معاه هيعيش. ومقتنع ان الحياة الكويسة السعيدة والبيت الحلو بجودة علاقة الطرفين اصلا.. مدى التوافق، ومدى النضج، ووجود معاني زي المودة والرضا والقناعة وانهم يقدروا ينبسطوا باقل حاجة. لكن اللي ميعجبهوش العجب دا عمرك ما هتعرف ترضيه ولو بفلوس الدنيا كلها.

فيعني الجواز في الزمن دا وفي البلد دي بالذات محتاج ارتباط بالواقع اوي، وتبقى مقلل سقف توقعاتك، فمعلش مش لازم تحقق كل احلامك لا في التشطيب ولا في العيشة نفسها ولا في التفاصيل.... الخ. يعني الناس مش لاقية تاكل وتلاقي الشباب بتتكلم بكل العبط اللي في الدنيا عن تصوراتهم عن الحياة. فانت تشوف يكفيك كام اساسيات وعليهم هامش ترفيه ولو بسيط.

عامة كويس لسه في امل ان بعض الشباب القليل واعي على الدنيا وعارف انها مبتتحسبش كدا. وعموما انا ميهمنيش الرقم على قد ما يهمني النفسية اللي الشباب داخل بيها الجواز. لان دلوقت، البنت شايفة ان المفروض تلبي كل احلامها اللي ابوها معرفش يعملهالها مع كامل احترامي ليها وليه، سفر وخروجات واكل من برة وتفاصيل اكتر زي السكين كير والمش عارف ايه. والشاب شايف انه لو محققش الحياة المترفه يبقى كدا هو فيه مشكلة ومينفعش يتجوز، وكله بيضرب في كله.

يا ولي النعم

يجدعان الارقام مبتظهرش ليه ايه الفقر دا

دادي؟ يجوزني؟ واحدة؟ معلم، انت مين وعايز ايه

كويس في امل

هو لو انت كاتب رقم فمش ظاهر. واتمنى الرقم دا ميبقاش ٥٠٠

مصروف ايه انا بتكلم على فلوس تفتح بيت اتنين متجوزين

بالظبط، ودا حال معظم الناس اساسا. لكن نقول ايه جيل متدلع صحيح

ايوة كدا دلعني يبويا دا انا كنت هفقد الامل

هو المشكلة ان فعلا في شباب مقتنع ان مبلغ زي ٥٠ الف ممكن يتجاب لو بشغلانتين (معرفش الحقيقة هيشتغل ايه وفين بس اشطا) في حين ان معظم الشعب مجموع دخله ما بين ١٥ لـ ٢٥ الف، وتلاقيه معاه اربع عيال وماشية حتى لو بالحب.

فانا عايز اعرف انت/ي شايف كام شهريا يكفوك انت والطرف التاني كحد ادنى؟ (ركز،، حد ادنى + فردين بس) https://youssefalsafi.sarhne.com

بعد كام نقاش مع كام حد لقيت ان الشباب بتتكلم في ارقام فلكية المفروض يعملوها شهريا ومش هيتجوزوا الا لما يوصلولها الاول. يعني واحد قالي وسط الكلام ٥٠ الف. وواحد كنا بنحسبها سوا فلقيته بيقولي بند ٥٠٠ جنيه فاكهة في اليوم. وحاجة تجيب المرض.