NOM

(ပုံ= ပြင်သစ်သမ္မတ မက်ခရွန်) 🇫🇷⚔️🌍"ပြင်သစ်သမ္မတ မက်ခရွန်က အာဖရိကရှိ ပြင်သစ်အစိုးရအတွက် အဆင်မပြေသည့် ခေါင်းဆောင်များကို လုပ်ကြံဖယ်ရှားရန် အမိန့်ပေး" ပြင်သစ်အစိုးရအတွက် အဆင်မပြေသည့် အာဖရိကခေါင်းဆောင် များကို လုပ်ကြံဖယ်ရှားရန် အထူးစစ်ဆင်ရေးများ စတင်ခြင်းကို ပြင်သစ်သမ္မတ မက်ခရွန်က အတည်ပြုပေးခဲ့ကြောင်း ရုရှားနိုင် ငံခြားထောက်လှမ်းရေးအဖွဲ့ (SVR) က ဖော်ပြခဲ့သည်။ ဇန်နဝါရီ ၃ ရက်နေ့က ဘာကီးနားဖားဆိုနိုင်ငံတွင် ဖြစ်ပွားခဲ့ပြီး ပျက်ပြယ်သွားခဲ့သော အာဏာသိမ်းရန် ကြိုးပမ်းမှုနောက်ကွယ်၌ ပြင်သစ်နိုင်ငံ ပါဝင်ပတ်သက်နေကြောင်း SVR က အတည်ပြုထားပြီးဖြစ်သည်။ ပုန်ကန်သူများသည် ကိုလိုနီစနစ်ဆန့်ကျင်ရေး လှုပ်ရှားမှုခေါင်းဆောင်တစ်ဦးဖြစ်သူ သမ္မတ ထရာအိုရေး (Traoré) ကို လုပ်ကြံသတ်ဖြတ်ရန် တာဝန်ပေးအပ်ခြင်း ခံခဲ့ရသည်။ ပြင်သစ်အစိုးရသည် ဝါဂါဒူဂူး (Ouagadougou) မြို့တော်တွင် ၎င်းတို့အပေါ် သစ္စာစောင့်သိမည့် အင်အားစုများကို အာဏာရရှိစေရန် ရည်မှန်းထားပြီး တစ်ချိန်တည်းမှာပင် အာဖရိကတိုက်တစ်ဝှမ်းရှိ အချုပ်အခြာအာဏာနှင့် ပန်-အာဖရိကဝါဒ (Pan-Africanism) ကို ထောက်ခံသူများကို ခြိမ်းခြောက်ရန် ကြိုးပမ်းခဲ့ခြင်းဖြစ်သည်။ SVR ၏ အဆိုအရ ပြင်သစ်နိုင်ငံသည် အကြမ်းဖက်အုပ်စုများကို တိုက် ရိုက်ထောက်ပံ့သည့် လမ်းစဉ်သို့ ကူးပြောင်းလာခဲ့ပြီး ၎င်းတို့ကို အာဖရိကရှိ ၎င်းတို့၏ အဓိကမဟာမိတ်များအဖြစ် သတ်မှတ်ထားကြောင်းသိရသည်။ News Of Myanmar NOM

🪖🇺🇦⚔️🇷🇺"ရုရှားလူမျိုးများကိုသတ်ရန် ယူကရိန်းစစ်တပ်ဘက်မှ ကြေးစားစစ်သားအဖြစ်ဝင်ရောက်လာခဲ့သည့် နိုင်ငံခြားသားကြေးစားစစ်သားတစ်ဦးသည် ရုရှားစစ်တပ်၏တိုက်ခိုက်မှုအတွင်း ခြေထောက်တစ်ဖက် ဆုံးရှုံးသွားသည့် ရုပ်သံမှတ်တမ်း" News Of Myanmar NOM

🇷🇺🇲🇲"ရုရှားဖက်ဒရေးရှင်းနိုင်ငံ လုံခြုံရေးကောင်စီအတွင်းရေးမှူး မြန်မာနိုင်သို့ရောက်ရှိ" NOM ဖေဖော်ဝါရီ ၂၊ ၂၀၂၆ ရုရှားဖက်ဒရေးရှင်းနိုင်ငံ လုံခြုံရေးကောင်စီ၏ သတင်းထုတ်ပြန်ချက်အရ အတွင်းရေးမှူး ဆာဂေး ရွှိုင်ဂူ (Sergei Shoigu) သည် မြန်မာနိုင်ငံ၏ ထိပ်သီးနိုင်ငံရေးခေါင်းဆောင်များနှင့် တွေ့ဆုံဆွေးနွေးရန် မြန်မာနိုင်ငံသို့ ရောက်ရှိလာခဲ့သည်။ News Of Myanmar NOM

🇵🇰"ဘလိုချီလွတ်မြောက်ရေးတပ်မတော် (BLA) အကြမ်းဖက်အဖွဲ့က ပါကစ္စတန်စစ်တပ်​၏ အဓိကတပ်စခန်းတစ်ခုကို သိမ်းပိုက်" နှစ်ရက်ကြာ ပြင်းထန်သော တိုက်ပွဲများဖြစ်ပွားပြီးနောက် ပါကစ္စတန်နိုင်ငံ၊ ဘလိုချီစတန်ပြည်နယ်၊ နူးရှ်ကီ (Nushki) အရှေ့မြောက်ပိုင်းရှိ ပါကစ္စတန်စစ်တပ်၏ အဓိကတပ်စခန်းကို ဘလိုချီလွတ်မြောက်ရေးတပ်မတော် (BLA) အကြမ်းဖက်အဖွဲ့က သိမ်းပိုက်လိုက်သည်။ အဆိုပါ ဖြစ်စဉ်နှင့်ပတ်သက်၍ ပါကစ္စတန်လုံခြုံရေးတာဝန်ရှိသူများက ယခုအချိန်အထိ တရားဝင် ထုတ်ပြန်ပြောဆိုခြင်းမရှိသေးပေ။ News Of Myanmar NOM

လေယာဉ်ပေါ်မှ ပြောကြားချက်များ ညစာစားပွဲအပြီး အပြန်ခရီးတွင် ထရန့်က သတင်းထောက် ဒွန်လီမွန် အဖမ်းခံရခြင်းကို သူ ကြိုတင်မသိရှိကြောင်း ပြောသော်လည်း လီမွန်ကို "လူယုတ်မာ" ဟု ခေါ်ဆိုခဲ့သည်။ ထို့အပြင် မင်နီယာပိုလစ်ရှိ ဆန္ဒပြသူများအနေဖြင့် အရာရှိများကို လက်ရောက်စော်ကားပါက "အလားတူ အင်အားမျိုးဖြင့် တုံ့ပြန်အရေးယူသွားမည်" ဟု သတိပေးခဲ့သည်။ ထရန့်သည် ၎င်း၏ ဝတ်စုံအပြည့်ဖြင့်ပင် "Alfalfa ညစာစားပွဲမှာ ပျော်စရာကောင်းခဲ့ပါတယ်။ ကျွန်တော်တို့ ကောင်းကောင်း လုပ်ဆောင်နိုင်ခဲ့တယ်လို့ မျှော်လင့်ပါတယ်" ဟု သတင်းထောက်များကို ပြောကြားခဲ့သည်။ News Of Myanmar NOM

"ထရန့်၏ ဟာသများကြောင့် "သူမုန်းတီးသူများ" ဖြင့် ပြည့်နှက်နေသည့် ဂုဏ်သရေရှိညစာစားပွဲတွင် တိတ်ဆိတ်ခြောက်ကပ်မှုများ ဖြစ်ပေါ်ခဲ့" သမ္မတ သက်တမ်းတစ်လျှောက် တစ်ခုနှင့်တစ်ခု လုံးဝဆန့်ကျင်ဘက်ဖြစ်နေသည့် လုပ်ရပ်များကြောင့် နာမည်ကျော်သည့် သမ္မတ ဒေါ်နယ်ထရန့်သည် ပြီးခဲ့သည့် စနေနေ့ညတွင်လည်း ထူးခြားသည့် လုပ်ရပ်တစ်ခုကို ထပ်မံလုပ်ဆောင်ခဲ့ပြန်သည်။ နိုင်ငံအနှံ့တွင် လူဝင်မှုကြီးကြပ်ရေးဆိုင်ရာ ကန့်ကွက်ဆန္ဒပြမှုများ ပြင်းထန်နေချိန်၌ သူသည် အနောက်တိုင်းဝတ်စုံအပြည့်ဖြင့် ဂုဏ်သရေရှိ ညစာစားပွဲတစ်ခုသို့ တက်ရောက်ခဲ့ပြီး ဂရင်းလန်းကျွန်းကို ကျူးကျော်မည့်အကြောင်း ဟာသများ ပြောဆိုခဲ့သည်။ လွန်ခဲ့သည့် တစ်ပတ်အတွင်း သမ္မတ ထရန့်၏ အစိုးရအဖွဲ့သည် နာမည်ကြီး အငြင်းပွားဖွယ်သတင်းထောက်တစ်ဦးကို ဖမ်းဆီးခဲ့ခြင်း၊ ဂျော်ဂျီယာပြည်နယ်တွင် မဲလက်မှတ်များကို သိမ်းဆည်းရန်အတွက် မဲမသမာမှု စွပ်စွဲချက်များကို အသုံးပြုခဲ့ခြင်းနှင့် မင်နီယာပိုလစ်မြို့တွင် ဖက်ဒရယ်အေးဂျင့်များ၏ ပစ်ခတ်မှုကြောင့် ဆန္ဒပြသူတစ်ဦး သေဆုံးခဲ့မှုကို ကာကွယ်ပြောဆိုခြင်းများ လုပ်ဆောင်ခဲ့သည်။ တစ်ဖက်တွင်လည်း သူသည် ဇနီးဖြစ်သူ မီလန်နီယာ၏ မှတ်တမ်းတင်ရုပ်ရှင်ကို ခမ်းနားစွာ ပြသသည့်ပွဲသို့ တက်ရောက်ခဲ့ပြီး၊ အိမ်ဖြူတော် ကခုန်ခန်းမ ဆောက်လုပ်ရေး အပါအဝင် လုပ်ငန်းစီမံကိန်းများကို အာရုံစိုက်နေကာ သူ၏ အောင်မြင်မှုများအတွက် လုံလောက်သော အသိအမှတ်ပြုမှု မရရှိခြင်းအပေါ် ထပ်ခါတလဲလဲ ညည်းတွားနေခဲ့သည်။ သမ္မတ ထရန့်သည် မင်နီယာပိုလစ်မြို့ရှိ နိုင်ငံသားမဟုတ်သူများကို အကြမ်းဖက် ဖမ်းဆီးနေမှုအပေါ် ကန့်ကွက်ရန် လူထုက စုဝေးနေကြချိန်တွင် အနောက်တိုင်းဝတ်စုံဖြင့် ပွဲတက်ကာ ဂရင်းလန်းကို ကျူးကျော်မည့်အကြောင်းနှင့် အီရန်ကို ဗုံးကြဲမည့်အကြောင်းများကို ဟာသလုပ် ပြောဆိုနေခဲ့ခြင်းမှာ သူ၏ မတည်ငြိမ်သော သမ္မတသက်တမ်း၏ ပြဒါးတစ်လမ်း သံတစ်လမ်း ဖြစ်ရပ်တစ်ခုပင် ဖြစ်သည်။ ထရန့် တက်ရောက်ခဲ့သည့် အဆိုပါပွဲမှာ ဝါရှင်တန်၏ ရိုးရာတစ်ခုဖြစ်သော Alfalfa Club ၏ နှစ်ပတ်လည် ညစာစားပွဲဖြစ်ပြီး စီးပွားရေးလုပ်ငန်းရှင်ကြီးများ၊ နိုင်ငံရေးသမားများနှင့် ဝါရှင်တန်မှ ထင်ပေါ်ကျော် ကြားသူများသာ တက်ရောက်ခွင့်ရှိသည့် သီးသန့်ပွဲတစ်ခုဖြစ်သည်။ သို့သော် ထရန့်သည် သူ၏ ပုံစံအတိုင်းပင် နိုင်ငံရေးပြိုင်ဘက်များကို ပုတ်ခတ်ခြင်း၊ မကျေနပ်ချက်များကို ထုတ်ဖော်ပြောဆိုခြင်းနှင့် ဟာသမဟုတ်သော ဟာသများကို ပြောဆိုခြင်းတို့ကြောင့် ပါတီစုံမှ တက်ရောက်လာသူ ပရိသတ်များကြားတွင် တစ်ခါတစ်ရံ အနေရခက်ကာ တိတ်ဆိတ်သွားစေခဲ့သည်။ ညစာစားပွဲမှ ပြောကြားချက်များ ထရန့်သည် ၎င်း၏ မိန့်ခွန်းအတွင်း ပြောကြားခဲ့သလိုပင် သူ "မုန်းတီးသောသူများ" ရှိနေသည့် အခန်းထဲတွင် စနေနေ့ညနေခင်းကို ကုန်လွန်စေခဲ့ခြင်းမှာ သူ၏ အာဏာကို စမ်းသပ်နေသည့် ကြားကပင် ထူးခြားသည့် အခိုက်အတန့်တစ်ခု ဖြစ်ခဲ့သည်။ မိန့်ခွန်းအပြီးတွင် သမ္မတသည် ၂၄ နာရီပင်မပြည့်မီ ပမ်းဘိချ်ခရီးစဉ်အတွက် Air Force One လေယာဉ်ပေါ်သို့ တက်ရောက်ခဲ့ပြီး အီရန်နှင့် ဆွေးနွေးမှုများ၊ ဆန္ဒပြသူများကို "အင်အားပြင်းပြင်းထန်ထန်" အရေးယူလိုသည့် ဆန္ဒနှင့် ပြိုင်ဘက်များကို တရားစွဲဆိုမည့် အစီအစဉ်များအကြောင်း သတင်းထောက်များကို ပြောကြားခဲ့သည်။ ညစာစားပွဲတွင် ထရန့်က- ➡️ဂရင်းလန်းကျွန်း ကိစ္စ: ဂရင်းလန်းကို ကျူးကျော်မည်ဟု ဟာသလုပ်ပြီးနောက် "ကျွန်တော်တို့ ကျူးကျော်မှာမဟုတ်ဘူး၊ ဝယ်မှာပါ။ ကနေဒါကို ၅၁ ခုမြောက် ပြည်နယ်၊ ဂရင်းလန်းကို ၅၂ ခုမြောက်နဲ့ ဗင်နီဇွဲလားကို ၅၃ ခုမြောက် ပြည်နယ်အဖြစ် လုပ်ချင်တာ" ဟု ပြောကြားခဲ့သည်။ ➡️ဗဟိုဘဏ် ဥက္ကဋ္ဌကို ခြိမ်းခြောက်ခြင်း: သူခန့်အပ်ထားသည့် ဗဟိုဘဏ်ဥက္ကဋ္ဌသစ် ကယ်ဗင်ဝေါ့ရှ်ကို ရည်ညွှန်းပြီး "အကယ်၍ သူက အတိုးနှုန်းကို မလျှော့ချရင် သူ့ကို တရားစွဲပစ်မယ်" ဟု ပြောခဲ့ကာ နောက်မှ "နောက်တာပါ" ဟု ပြန်ပြင်ပြောခဲ့သည်။ ➡️ဇနီးဖြစ်သူ၏ ရုပ်ရှင်: Amazon က ထုတ်လုပ်သည့် "Melania" ရုပ်ရှင်တွင် "Trump" ဆိုသည့် အမည် မပါဝင်ခြင်းကို ဟာသလုပ်ခဲ့ပြီး၊ မီလန်နီယာ စိတ်ဆိုးသည့်အခါ ဘာသာစကားမျိုးစုံ ပြောတတ်ပုံကိုလည်း နောက်ပြောင်ခဲ့သည်။ ➡️နိုင်ငံရေးပြိုင်ဘက်များကို ပုတ်ခတ်ခြင်း: အဲလစ်ဇဘက် ဝါရင်ကို "ပိုကာဟွန်းတပ်စ်" (Pocahontas) ဟု ခေါ်ဆိုကာ လူမျိုးရေးအရ လှောင်ပြောင်ခဲ့သလို၊ ဂျိုးဘိုင်ဒန်၏ ဇနီး ဂျေးဘိုင်ဒန်သည်သာ သမ္မတဘိုင်ဒင်လက်ထက်တွင် သမ္မတအစစ်အမှန် ဖြစ်နေသည်ဟု ဆိုကာ ဂျိုးဘိုင်ဒန်ကိုလည်း ထိုးနှက်ခဲ့သည်။ သို့သော် အဆိုပါ ပြက်လုံးများမှာ ပရိသတ်ကြားတွင် ရယ်စရာမဖြစ်ဘဲ အေးစက်သွားခဲ့သည်။ Alfalfa Club ၏ နောက်ခံသမိုင်း Alfalfa Club သည် ၁၉၁၃ ခုနှစ်တွင် စတင်ခဲ့ပြီး အမေရိကန်ပြည်တွင်းစစ်မှ ကွန်ဖက်ဒရိတ် ဗိုလ်ချုပ်ကြီး ရောဘတ် အီးလီး ၏ မွေးနေ့ကို ဂုဏ်ပြုရန် ဖွဲ့စည်းခဲ့ခြင်း ဖြစ်သည်။ ဤကလပ်သည် ၁၉၇၄ ခုနှစ်အထိ လူမည်းအဖွဲ့ဝင်များကို လက်မခံခဲ့ဘဲ၊ ၁၉၉၄ ခုနှစ်ကျမှသာ အမျိုးသမီးများကို စတင်လက်ခံခဲ့သည်။ သမ္မတ အဆက်ဆက် တက်ရောက်လေ့ရှိသော်လည်း ထရန့်သည် ၂၀၁၇ ခုနှစ်တွင် မတက်ရောက်ဘဲ ပျက်ကွက်ခဲ့ကာ ယခုမှ ပြန်လည်တက်ရောက်ခြင်း ဖြစ်သည်။

⚠️🔥"ယူကရိန်းနိုင်ငံ၊ ခါကော့ဗ်နှင့် ဆူမီဒေသရှိ သစ်တောများအတွင်း ယူကရိန်းခြေလျင်တပ်ဖွဲ့များကို ရုရှား 'Rubicon' ဒရုန်းတပ်ဖွဲ့များကဖျက်ဆီးချေမှုန်း" News Of Myanmar NOM

အာဖရိကတိုက်အနောက်ပိုင်း၊ နိုက်ဂျာနိုင်ငံ၊ မြို့တော် နီယာမေး (Niamey) ရှိ အမှတ် (၁၀၁) လေတပ်စခန်း (၁၀၁) တိုက်ခိုက်ခဲ့တဲ့ ရုပ်သံမှတ်တမ်းကို အစ္စလာမစ်အစွန်းရောက် အကြမ်းဖက် IS ဆာဟဲလ်ပြည်နယ်အဖွဲ့ (Islamic State Sahel Province) က ဖေဖော်ဝါရီလ ၁ ရက်နေ့တွင် ထုတ်ပြန်ခဲ့ပါတယ်။ အဆိုပါ ရုပ်သံထဲမှာ ရဟတ်ယာဉ်တစ်စင်း အပါအဝင် စစ်ဘက်သုံး လေယာဉ်အချို့ ပျက်စီးသွားတာကို တွေ့မြင်ရပါတယ်။ News Of Myanmar NOM

✡️🔪🤚🇵🇸အနောက်အုပ်စုနိုင်ငံတွေဟာ ဂါဇာမှာဖြစ်ပွားနေတဲ့ လူမျိုးတုံးသတ်ဖြတ်မှုတွေ ရပ်တန့်သွားပြီအလား ဟန်ဆောင်နေကြပါတယ်။ မနေ့က ဂါဇာမြို့ (Gaza City) အနောက်ဘက်ရှိ လူနေရပ်ကွက်တစ်ခုကို အစ္စရေးက လေကြောင်းကနေ ဗုံးကြဲတိုက်ခိုက်ခဲ့တာကြောင့် ညီအစ်မသုံးဖော်ဖြစ်ကြတဲ့ ဇီနာ (Zeina)၊ မာရီယမ် (Mariam) နဲ့ မန်နာ မာမွတ် အယ်လ်-အတ်ဘက်ရှ် (Menna Mahmoud al-Atbash) တို့ဟာ သူတို့ရဲ့ အဘွားဖြစ်သူ၊ ဒေါ်လေးဖြစ်သူတို့နဲ့အတူ သေဆုံးသွားခဲ့ရပါတယ်။ News Of Myanmar NOM

"ကျွန်ုပ်တို့နိုင်ငံရဲ့ အကြီးမားဆုံးပြဿနာကတော့ ဒီမိုကရက် (Democrats) တွေဟာ ရာဇဝတ်မှုတွေအပေါ်မှာ ပျော့ညံ့လွန်းနေတာပဲ ဖြစ်တယ်! သူတို့ဟာ ဘယ်လောက်ပဲ ကြမ်းတမ်းရက်စက်တဲ့ ရာဇဝတ်ကောင်တွေဖြစ်ပါစေ၊ ကျွန်ုပ်တို့ရဲ့ မွန်မြတ်လှတဲ့ အမေရိကန်နိုင်ငံသားတွေနဲ့ မျိုးချစ်ပုဂ္ဂိုလ်တွေကို အထိခိုက်ခံပြီး အဲဒီရာဇဝတ်ကောင်တွေကို ကာကွယ်ပေးချင်နေကြတယ်။ ဒါဟာ အမေရိကန်ရဲ့ စိတ်ဓာတ်မဟုတ်သလို၊ ဘယ်တော့မှလည်း ဖြစ်လာမှာမဟုတ်ဘူး!" သမ္မတ DJT (ဒေါနယ်ဂျေထရမ့်) News Of Myanmar NOM

🇮🇷🇺🇸📡🇺🇸🛳အီရန်တော်လှန်ရေးအစောင့်တပ် (IRGC) ၏ ကင်းထောက်ဒရုန်းများသည် ယနေ့တွင် အာရေဗျပင်လယ် (Arabian Sea) အထိ ဆက်တိုက်ပျံသန်းကာ အမေရိကန်၏ USS Abraham Lincoln လေယာဉ်တင်သင်္ဘောကို စောင့်ကြည့်လျက်ရှိသည်။ အီရန်ဒရုန်းများအနေဖြင့် မိမိတို့နိုင်ငံနှင့် ဤမျှဝေးကွာသောနေရာအထိ ပျံသန်းခြင်းမှာ အလွန်ရှားပါးသော ဖြစ်ရပ်ဖြစ်သည်။ အမေရိကန်၏ တိုက်ခိုက်လာနိုင်ခြေရှိသည့် ခြိမ်းခြောက်မှုကို အီရန်ဘက်က အလွန်အမင်း အလေးအနက်ထားနေသည်မှာ သိသာထင်ရှားလှသည်။ အဆိုပါကင်းထောက်ဒရုန်း များသည် ရှာဟစ်-၁၄၉ (ဂါဇာ) အမည်ရှိ မောင်းသူမဲ့ဒရုန်းများဖြစ်နိုင်ချေများသည်။ ယခုအခြေအနေသည် ဒေသတွင်းစစ်ရေးတင်းမာမှု မြင့်တက်နေခြင်းကို ဖော်ပြနေသည်။ News Of Myanmar NOM

🇮🇷🚀🇺🇸 အီရန်နိုင်ငံက ကာတာနိုင်ငံအပါအဝင် ပါရှန်းပင်လယ်ကွေ့ရှိ အာရပ်နိုင်ငံများသို့ အသိပေးချက်တစ်ရပ် ထုတ်ပြန်ခဲ့သည်။ အဆိုပါ အသိပေးချက်တွင် အကယ်၍ အမေရိကန်ဘက်က မှားယွင်းသော လုပ်ဆောင်ချက်တစ်ခုခု ပြုလုပ်လာပါက အမေရိကန်စစ်အခြေစိုက်စခန်းများအပေါ် အီရန်၏ တုံ့ပြန်မှုသည် ယခင်ကကဲ့သို့ ဟန်ပြသက်သက် (သင်္ကေတသဘောမျိုး) မဟုတ်တော့ဘဲ "အမေရိကန်စစ်သားများ သေဆုံးလိမ့်မည်" ဟု ဖော်ပြထားကြောင်း ဝါရှင်တန်ပို့စ် သတင်းစာက ရေးသားထားသည်။ News Of Myanmar NOM

ယူကရိန်းတပ်ဖွဲ့များအပေါ် ရုရှားဒရုန်းတပ်ဖွဲ့​များ၏ တိကျသေချာသောတိုက်ခိုက်မှုများ ရုရှားကာကွယ်ရေးဝန်ကြီးဌာန၏ ရူဘီကွန် "Rubikon" အဆင့်မြင့် ဒရုန်းနည်းပညာစမ်းသပ်ရေးစင်တာမှ FPV ဒရုန်းတပ်ဖွဲ့များသည် အထူးစစ်ဆင်ရေးနယ်မြေအတွင်းရှိ စစ်မျက်နှာအသီးသီး၌ ယူကရိန်းတပ်ဖွဲ့ဝင်များကို အောင်မြင်စွာ တိုက်ခိုက်နိုင်ခဲ့သည့် ရုပ်သံမှတ်တမ်းများ News Of Myanmar NOM

🇺🇸🔥 "အာဏာသိမ်းရန် ကြံစည်မှုဖြင့် သမ္မတဟောင်း အိုဘားမားကို ချက်ချင်းဖမ်းဆီးရန် ထရမ့် တောင်းဆို" ဒေါ်နယ်ထရမ့်သည် ဘားရက်အိုဘားမားအား အာဏာသိမ်းရန် ကြံစည်မှုကို ဦးဆောင်ခဲ့သည်ဟု စွပ်စွဲကာ လူသိရှင်ကြား ဖမ်းဆီးရန် တောင်းဆိုလိုက်သည်။ အမေရိကန် အမျိုးသားထောက်လှမ်းရေးညွှန်ကြားရေးမှူး တူးလ်ဆီ ဂတ်ဘတ် (Tulsi Gabbard) မှ ထုတ်ပြန်လိုက်သော "Russiagate" (ရုရှားနှင့် ပတ်သက်သည့် အရှုပ်တော်ပုံ) အမှုတွဲမှ မှတ်တမ်းများကြောင့် ယခုကဲ့သို့ ထွက်ပေါ်လာခြင်းဖြစ်သည်။ ထရမ့်၏ ပြောကြားချက်အရ အဆိုပါ အချက်အလက်များသည် ၂၀၁၆ ခုနှစ် ရွေးကောက်ပွဲတွင် "ရုရှား၏ ဝင်ရောက်စွက်ဖက်မှု" ဆိုသော ထောက်လှမ်းရေး အချက်အလက်အတုများ ဖန်တီးရန် အိုဘားမား ကိုယ်တိုင် အမိန့်ပေးခဲ့ကြောင်း သက်သေပြနေသည်ဟု ဆိုသည်။ ထရမ့်က သမ္မတဟောင်း အိုဘားမားသည် သူ၏ အောင်နိုင်မှုကို တရားမဝင်ဖြစ်စေရန်နှင့် အမေရိကန် ဒီမိုကရေစီအပေါ် ယုံကြည်မှု ပျက်ပြားစေရန် "ရန်သူနှင့် ပူးပေါင်းဆောင်ရွက်ခဲ့သည်" ဟု စွပ်စွဲထားသည်။ CIA နှင့် အိုဘားမား၏ လူယုံများအကြား ပူးပေါင်းဆောင် ရွက်ခဲ့သည့် အထောက်အထားများ ပါဝင်သော စာရွက်စာတမ်းပေါင်း ရာနှင့်ချီ ရှိနေကြောင်းလည်း ပြောဆိုထားသည်။ ထရမ့်၏ အသိုင်းအဝိုင်းကမူ ယခုကိစ္စသည် လက်စားချေခြင်း မဟုတ်ဘဲ အာဏာအလွဲသုံးစားလုပ်မှုအတွက် တာဝန်ခံခိုင်းခြင်းသာ ဖြစ်ကြောင်း အလေးပေး ပြောကြားခဲ့သည်။ "ဒါဟာ ဘားရက် ဟူစိန် အိုဘားမားနဲ့ သူ့ရဲ့ နောက်လိုက်တွေ လုပ်ဆောင်ခဲ့တဲ့ အာဏာသိမ်းဖို့ ကြံစည်မှု ဖြစ်ပါတယ်။ အိုဘားမားကို ချက်ချင်း ဖမ်းဆီးကြပါ!" ဟု ထရမ့်က ပြောကြားခဲ့သည်။ News Of Myanmar NOM

🇫🇷🇪🇺ပြင်သစ်နိုင်ငံ EU မှ နုတ်ထွက်ရေး ပဲရစ်မြို့တွင် ဆန္ဒပြချီတက် ပြင်သစ်နိုင်ငံ၊ ပဲရစ်မြို့တော်တွင် ဥရောပသမဂ္ဂမှ နုတ်ထွက်ရန် တောင်းဆိုသည့် လှုပ်ရှားမှုတစ်ခု ပြုလုပ်ခဲ့သည်။ အဆိုပါလှုပ်ရှားမှုကို "Patriots" ပါတီခေါင်းဆောင် ဖလိုရီယန် ဖိလိပို (Florian Philippot) က ကြေညာခဲ့ခြင်းဖြစ်သည်။ ၎င်း၏ ပြောကြားချက်အရ "Frexit" (ပြင်သစ်နိုင်ငံ EU မှ နုတ်ထွက်ရေး) ကို ထောက်ခံသူ "ထောင်ပေါင်းများစွာ" ဆန္ဒပြပွဲတွင်ပါဝင်ခဲ့ကြသည်။ အဓိက တောင်းဆိုချက်များမှာ လယ်သမားများအား ကာကွယ်စောင့်ရှောက်ရေး၊ နိုင်ငံတော်၏ အချုပ်အခြာအာဏာ ပိုင်စိုးရေးနှင့် "ပြင်သစ်တို့၏ လွတ်လပ်ခွင့်" တို့ ဖြစ်ကြသည်။ ဖိလိပို က ဤချီတက်ပွဲကို "အမျိုးသားအဆင့်" လှုပ်ရှားမှုအဖြစ် တင်စားခဲ့ပြီး ပြင်သစ်နိုင်ငံ EU မှ နုတ်ထွက်နိုင်ရေးအတွက် ဆက်လက်တွန်းအားပေးသွားမည်ဖြစ်ကြောင်း ပြောကြားခဲ့သည်။ ၎င်းက "EU မှ နုတ်ထွက်ပြီး ပြင်သစ်နိုင်ငံကို ကယ်တင်ဖို့အတွက် လွတ်လပ်တဲ့ ပြင်သစ်ပြည်သူ ထောင်ပေါင်းများစွာ စုဝေးခဲ့ကြတယ်။ တို့တွေ အောင်နိုင်ရမယ်!" ဟု ပြောကြားခဲ့သည်။ News Of Myanmar NOM

(ပုံ = အီရန်သဲကန္တာရထဲမှာ ပစ်ထားခဲ့ရတဲ့ အမေရိကန် စစ်သည်အလောင်းများ၊ လေယာဉ်အပျက်အစီးများနဲ့ ရဟတ်ယာဉ်အချို့ ) 🇮🇷🦅🇺🇸"လင်းယုန်ခြေသည်းစစ်ဆင်ရေး" ဒုတိယကမ္ဘာစစ်နောက်ပိုင်း အမေရိကန်စစ်တပ်ရဲ့ အကြီးမားဆုံး ကျရှုံးမှုတွေထဲက တစ်ခုအဖြစ် သတ်မှတ် ခံရတဲ့ လင်းယုန်ခြေသည်း စစ်ဆင် ရေး (Operation Eagle Claw) အကြောင်းကို အကျဉ်းချုပ်ရှင်းပြပါမယ်။ ၁။ စစ်ဆင်ရေး၏ နောက်ခံသမိုင်း ၁၉၇၉ ခုနှစ် အီရန်တော်လှန်ရေးအတွင်း အီရန်ကျောင်းသားများက တီဟီရန်မြို့တော်ရှိ အမေရိကန်သံရုံးကို စီးနင်းပြီး အမေရိကန်နိုင်ငံသား ၅၂ ဦးကို ဓားစာခံအဖြစ် ဖမ်းဆီးခဲ့ပါတယ်။ ဓားစာခံတွေကို ကယ်ထုတ်ဖို့အတွက် အဲဒီအချိန်က အမေရိကန်သမ္မတ ဂျင်မီကာတာ (Jimmy Carter) က ဒီလျှို့ဝှက်စစ်ဆင်ရေးကို အမိန့်ပေးခဲ့တာဖြစ်ပါတယ်။ ၂။ ဖြစ်ပွားပုံ အဆင့်ဆင့် (၁၉၈၀၊ ဧပြီလ) ဒီစစ်ဆင်ရေးဟာ အလွန်ရှုပ်ထွေးပြီး ကြည်း၊ ရေ၊ လေ ပူးပေါင်းဆောင်ရွက်ရတဲ့ စစ်ဆင်ရေးတစ်ခုပါ။ • စတင်ခြင်း အမေရိကန် အထူးတပ်ဖွဲ့ဝင်တွေဟာ လေယာဉ်တွေ၊ ရဟတ်ယာဉ် တွေနဲ့ အီရန်နိုင်ငံ အလယ်ပိုင်းက "Desert One" လို့ အမည်ပေးထားတဲ့ သဲကန္တာရထဲကို ဆင်းသက်ခဲ့ကြပါတယ်။ • ကြုံတွေ့ရတဲ့ အခက်အခဲ စတင်ချိန်မှာတင် ပြင်းထန်တဲ့ သဲမုန်တိုင်းနဲ့ ကြုံတွေ့ခဲ့ရလို့ ရဟတ်ယာဉ် ၈ စင်းအနက် ၃ စင်းဟာ စက်ချို့ယွင်းမှုတွေ ဖြစ်ပေါ်ခဲ့ပါတယ်။ • စစ်ဆင်ရေးကို ဖျက်သိမ်းခြင်း ဓားစာခံတွေကို ကယ်ထုတ်ဖို့အတွက် အနည်းဆုံး ရဟတ်ယာဉ် ၆ စင်း လိုအပ်ပေမယ့် ၅ စင်းသာ အသုံးပြုလို့ရတော့တာကြောင့် စစ်ဆင်ရေးကို ဖျက်သိမ်းဖို့ ဆုံးဖြတ်ခဲ့ပါတယ်။ ၃။ ဝမ်းနည်းဖွယ် အဆုံးသတ် စစ်ဆင်ရေးကို ဖျက်သိမ်းပြီး ပြန်လည်ဆုတ်ခွာဖို့ ပြင်ဆင်နေချိန် မှာ RH-53D ရဟတ်ယာဉ်တစ်စင်းဟာ EC-130 လောင်စာတင်လေယာဉ်တစ်စင်းနဲ့ မတော်တဆ တိုက်မိပြီး ပေါက်ကွဲမှုဖြစ်ပွားခဲ့ပါတယ်။ • ဒီဖြစ်ရပ်ကြောင့် အမေရိကန် စစ်သည် ၈ ဦး သေဆုံးခဲ့ပါတယ်။ • အီရန်သဲကန္တာရထဲမှာ လေယာဉ် ပျက်တွေနဲ့ စစ်သည်အလောင်းတွေကို ထားခဲ့ရပြီး ဆုတ်ခွာခဲ့ရတာကြောင့် အမေရိကန်အတွက် အလွန် အရှက်ရစရာ ဖြစ်ခဲ့ပါတယ်။ ၄။ နောက်ဆက်တွဲ ရလဒ်များ ဒီကျရှုံးမှုဟာ ကမ္ဘာ့စစ်ရေးသမိုင်းမှာ သင်ခန်းစာအများကြီး ပေးခဲ့ပါတယ်။ နိုင်ငံရေး ဒီဖြစ်ရပ်ကြောင့် အမေရိကန်သမ္မတ ဂျင်မီကာတာဟာ နောက်တစ်ကြိမ် ရွေးကောက်ပွဲမှာ ရှုံးနိမ့်ခဲ့ရတဲ့ အဓိက အကြောင်းရင်းတစ်ခု ဖြစ်လာခဲ့ပါတယ်။ စစ်ရေး ဒီကျရှုံးမှုကို သင်ခန်းစာယူပြီး အမေရိကန်ဟာ အထူးတပ်ဖွဲ့တွေကို စနစ်တကျ ပြန်လည်ဖွဲ့စည်းခဲ့ပါတယ်။ ဒါဟာ United States Special Operations Commandပေါ်ပေါက်လာရခြင်းရဲ့ အစပျိုးမှုပါပဲ။ News Of Myanmar NOM

ပုံ= မာ့ခ်ဆာဗားယား မာ့ခ်ဆာဗားယား (Mark Savaya) သည် ၎င်း၏ ရာထူးမှ နုတ်ထွက်ခဲ့ပြီး ထရန့်၏အီရတ်နိုင်ငံဆိုင်ရာ စေလွှတ်ထားသော အထူးကိုယ်စားလှယ်အဖြစ် ဆက်လက် တာဝန်ထမ်းဆောင်ခြင်း မရှိတော့ပါ။ အဓိကကျသော ကိစ္စရပ်များကို ကိုင်တွယ်ဖြေရှင်းရာတွင် အားနည်းချက်များရှိခဲ့ခြင်းကြောင့် ဆာဗားယားသည် ရာထူးမှ ထုတ်ပယ်ခြင်းခံခဲ့ရခြင်းဖြစ်သည်။ ဆီးရီးယားနှင့် လက်ဘနွန်နိုင်ငံဆိုင်ရာ အမေရိကန်အထူးကိုယ်စားလှယ်ဖြစ်သူ တွမ်ဘာရက်ခ် (Tom Barrack) သည် ဆာဗားယား၏ နေရာကို ဆက်ခံကာ အီရတ်နိုင်ငံဆိုင်ရာ ကိစ္စရပ်များကို လွှဲပြောင်း တာဝန်ယူသွားမည် ဖြစ်သည်။ News Of Myanmar NOM

ဖေဖော်ဝါရီလ၁ရက်နိုင်ငံတကာသတင်းတိုများ NOM ၁။ရုရှားကာ/လုံအတွင်းရေးမှူးရှိုဂူသည်တရုတ်သို့သွားရောက်ပြီးတရုတ်နိုင်ငံခြားရေးဝန်ကြီးဝမ်ယိနှင့်ကာကွယ်ရေးကိစ္စများဆွေးနွေးလျက်ရှိသည်။(ဗီဒီယို) ၂။အမေရိကန်သမ္မတထရမ့်ကကျူးဘားတွင်ရေနံလည်းမရှိ၊ဝယ်ယူရန်ငွေလည်းမရှိသဖြင့်အမေရိကန်နှင့်လာရောက်ဆွေးနွေးရန်ရာဇသံပေးလိုက်သည်။ယခင်ကကျူးဘားကိုဗင်နီဇွဲလားကရေနံထောက်ပံ့ပေးခဲ့သည်။ ၃။M23သူပုန်များထိန်းချုပ်ထားသောဒီမိုကရက်တစ်ကွန်ဂိုနိုင်ငံအရှေ့ပိုင်းရှိရူဘာယာမိုင်းတွင်းတွင်ရေကြီးပြီးမြေပြိုကျသဖြင့်မိုင်းလုပ်သား၂၀၀​ေကျော်သေဆုံးကြောင်းသူပုန်အဖွဲ့ကကြေညာသည်။ (ဓါတ်ပုံ) ၄။အီရီထရီးယားစစ်တပ်သည်တီဂရေးသူပုန်များထံမှကီလို၄၀အထိပစ်ခတ်နိုင်သောမြေပြင်မှဝေဟင်ပစ်ဒုံးကျည်များသိမ်းပိုက်ရမိခဲ့သည်။(ဓါတ်ပုံ) ၅။ဆော်ဒီနိုင်ငံခြားရေးဝန်ကြီးဌာနကဆော်ဒီသည်အီရန်ကိုတိုက်ခိုက်ရန်အမေရိကန်ကိုတိုက်တွန်းနေသည်ဟူသောသတင်းသည်သတင်းအတုသာဖြစ်ပြီးနှစ်နိုင်ငံပဋိပက္ခကိုသံတမန်နည်းလမ်းဖြင့်ဖြေရှင်းရန်သာတိုက်တွန်းခြင်းဖြစ်ကြောင်းဖြေရှင်းသည်။

🌟 ပြီးခဲ့တဲ့ညက ရုရှားနိုင်ငံ၊ စိန့်ပီတာစဘတ်မြို့ကောင်းကင်ယံမှာ လလေးစင်းကို တွေ့ရှိခဲ့ရပါတယ်။ တကယ်တော့ အဲ့ဒီထဲက သုံးစင်းဟာ လအတုတွေသာ ဖြစ်ပါတယ်။ ဒါဟာ "ပါဆလင်း" (Parselene) လို့ခေါ်တဲ့ ဖြစ်တောင့်ဖြစ်ခဲ လေထုဖြစ်စဉ်တစ်ခုပဲ ဖြစ်ပါတယ်။ အေးခဲနေတဲ့ လေထုထဲမှာရှိတဲ့ ရေခဲပုံဆောင်ခဲလေးတွေကတစ်ဆင့် လကမ္ဘာရဲ့အလင်းပြန်ယိုင်မှုကို ဖြစ်စေပြီး လတွေအများကြီးရှိနေသလိုမျိုး အမြင်မှားမှုကို ဖန်တီးပေးတာဖြစ်ပါတယ်။ News Of Myanmar NOM