NOM

သူ့ကိုယ်သူ ယေရှုခရစ်တော် (JESUS CHRIST) ဟု အမည်နာမတပ်ခေါ်ခဲ့သည့် အိမ်ဖြူတော်ဘက်ကို ပစ်ခတ်ခဲ့သည့် သေနတ်သမား၏ ပထမဆုံးထွက်ပေါ်လာသောဓာတ်ပုံ။ NOM

အိမ်ဖြူတော်အနီး သေနတ်ပစ်ခတ်သံများကြောင့် သတင်းထောက်များ ဘေးလွတ်ရာသို့ ထွက်ပြေးပုန်းအောင်း။ NOM

လက်ဘနွန်နိုင်ငံတွင် ကယ်ဆယ်ရေးလုပ်ငန်းများ ဆောင်ရွက်နေစဉ်အတွင်း ဆေးဘက်ဆိုင်ရာ ကယ်ဆယ်ရေးသမားများကို အစ္စရေးကာကွယ်ရေးတပ်ဖွဲ့ (IDF) က တမင်သက်သက် ပစ်မှတ်ထား တိုက်ခိုက်နေပုံ။ NOM

အကယ်၍ အမေရိကန်၊ အစ္စရေးတို့နှင့် ပဋိပက္ခ တစ်ကျော့ပြန် ပြင်းထန်လာပါက ဂရိ၊ ရိုမေးနီးယားနှင့် ဂျာမနီနိုင်ငံတို့ရှိ အမေရိကန် စစ်အခြေစိုက်စခန်းများကို ပစ်မှတ်ထား တိုက်ခိုက်ရန် အီရန်နိုင်ငံက ထည့်သွင်းစဉ်းစားသွားမည် ဖြစ်သည်။ NOM

ဟစ်ဇ်ဘိုလာ ဒရုန်းတစ်စင်းသည် ရေဒါ (သို့မဟုတ်) ရန်သူ့ကာကွယ်ရေးစနစ်များ​၏ ရှာဖွေတွေ့ရှိခြင်းမခံရဘဲ နယ်စပ်ကို ဖြတ်ကျော်လာပြီးနောက် အစ္စရေးတို့သိမ်းပိုက်ထားသည့် ပါလက်စတိုင်းနယ်မြေအတွင်းရှိ ရှိုမဲရာ (Shomera) အခြေချနေထိုင်ရာဒေသရှိ အစ္စရေးကာကွယ်ရေးတပ်ဖွဲ့၏ အိုင်းရွန်းဒုမ်း (Iron Dome) လေကြောင်းရန်ကာကွယ်ရေး ဒုံးကျည်ပစ်စင်ကို တိုက်ရိုက်ထိမှန်ဖျက်ဆီးနိုင်ခဲ့သည်။ NOM

ပြီးခဲ့သည့် စစ်ပွဲအတွင်း ဆုံးရှုံးခဲ့ရသော စစ်ရေးစွမ်းဆောင်ရည်များကို အီရန်နိုင်ငံက အရှိန်အဟုန်ဖြင့် ပြန်လည်တည်ဆောက်နေပြီဖြစ်ကြောင်း အမေရိကန် ထောက်လှမ်းရေး အကဲဖြတ်ချက်များအရ သိရသည်။ အမေရိကန် ထောက်လှမ်းရေး အကဲဖြတ်ချက်များကို သိရှိနားလည်သည့် ရင်းမြစ်နှစ်ခု၏ အဆိုအရ အီရန်သည် ဧပြီလအစောပိုင်းတွင် စတင်ခဲ့သည့် ခြောက်ပတ်ကြာ အပစ်အခတ်ရပ်စဲရေး ကာလအတွင်း ၎င်းတို့၏ ဒရုန်းထုတ်လုပ်မှုအချို့ကို ပြန်လည်စတင်ခဲ့ပြီး ဖြစ်ကြောင်း သိရသည်။ အီရန်စစ်တပ်သည် ကနဦး ခန့်မှန်းထားသည်ထက် ပိုမိုမြန်ဆန်သောနှုန်းဖြင့် ပြန်လည်အင်အားဖြည့်တင်းနေကြောင်း အမေရိကန်ထောက်လှမ်းရေးက ဖော်ပြနေသည်ဟု ရင်းမြစ်လေးခုက CNN သတင်းဌာနသို့ ပြောကြားခဲ့သည်။ လက်နက် အစိတ်အပိုင်းအမျိုးမျိုး၏ ထုတ်လုပ်မှုကို ပြန်လည်စတင်ရန် ကြာမြင့်မည့်အချိန်ချင်း မတူညီသော်လည်း အချို့သော ခန့်မှန်းချက်များအရ အီရန်သည် ၎င်း၏ ဒရုန်းဖြင့် တိုက်ခိုက်နိုင်စွမ်းကို အစောဆုံး ခြောက်လအတွင်း အပြည့်အဝ ပြန်လည်ဖြည့်တင်းနိုင်မည်ဟု အမေရိကန် အရာရှိတစ်ဦးဖြစ်သည့် အဆိုပါ ရင်းမြစ်များထဲမှ တစ်ဦးက CNN သို့ ပြောကြားခဲ့သည်။ NOM

ပါရှန်ပင်လယ်ကွေ့ ရေလက်ကြားအာဏာပိုင်အဖွဲ့ (PGSA) ထံ ဆက်သွယ်ခဲ့သည့် သင်္ဘော အစီး ၃၀ သည် လိုအပ်သော ဖြတ်သန်းခများ ပေးဆောင်ပြီး သက်ဆိုင်ရာ စာရွက်စာတမ်းများတွင် လက်မှတ်ရေးထိုးပြီးနောက် ယနေ့တွင် ဟော်မုဇ်ရေလက်ကြား ဖြတ်သန်းခွင့် လက်မှတ်များ ထုတ်ပေးခြင်း ခံခဲ့ရသည်။ အဆိုပါ သင်္ဘောများကို အစ္စလာမ်မစ်သမ္မတ အီရန်နိုင်ငံ၏ လမ်းညွှန်ချက်များနှင့် စည်းမျဉ်းစည်းကမ်းများနှင့်အညီ ဟော်မုဇ်ရေလက်ကြားအတွင်း ဘေးကင်းလုံခြုံစွာ လမ်းညွှန်ပို့ဆောင်ပေးသွားမည် ဖြစ်သည်။ ရေလက်ကြား ဖြတ်သန်းသွားလာမှုကို အီရန်နိုင်ငံ၏ ရေကြောင်းသွားလာမှု ခွဲခြားသတ်မှတ်ခြင်းဆိုင်ရာ စီမံချက်နှင့်အညီ အဆင့်လိုက် ခွဲခြားလုပ်ဆောင်သွားမည် ဖြစ်သည်။ NOM

ပါရှန်ပင်လယ်ကွေ့ ရေလက်ကြားအာဏာပိုင်အဖွဲ့ (PGSA) သည် ဟော်မုဇ်ရေလက်ကြားအပေါ် အီရန်နိုင်ငံ၏ ကြီးကြပ်ကွပ်ကဲမှု နယ်မြေပြ တရားဝင်မြေပုံတစ်ခုကို ထုတ်ပြန်ကြေညာလိုက်သည်။ NOM

အီရန်တပ်ဖွဲ့များသည် အမေရိကန်​၏ Operation Epic Fury စစ်ဆင်ရေးအတွင်း အမေရိကန်စစ်တပ်ကို အကြီးအကျယ် ထိခိုက်ပျက်စီးမှုများ ဖြစ်ပေါ်စေခဲ့ပြီး ပင်တဂွန်စစ်ဌာနချုပ်အတွက် ခန့်မှန်းခြေ အမေရိကန်ဒေါ်လာ ၂.၆ ဘီလီယံ တန်ဖိုးရှိမည့် အမေရိကန်စစ်ဘက်ဆိုင်ရာ လေယာဉ် ၄၂ စင်းကို ပစ်ချခြင်း (သို့မဟုတ်) ပြင်းထန်စွာ ပျက်စီးစေခြင်းများ ပြုလုပ်ခဲ့ကြောင်း လက်ရှိတွင် အမေရိကန်အတွက် စစ်စရိတ်စုစုပေါင်းမှာ ဒေါ်လာ ၂၉ ဘီလီယံအထိ ရောက်ရှိနေပြီဖြစ်ကြောင်း သိရသည်။ NOM

အမေရိကန်နှင့် အစ္စရေးတို့၏ တိုက်ခိုက်မှုများကြောင့် ဝင်ပေါက်များ ပိတ်ဆို့ပျက်စီးသွားခဲ့သည့် အီရန်နိုင်ငံ၏ "အာဗ်ယက်ခ် (Abyek) မြေအောက်ဒုံးကျည်မြို့တော်" ကို ယခုအခါ အပြည့်အဝ ပြန်လည်လည်ပတ်နိုင်သည်အထိ ပြုပြင်မွမ်းမံပြီးစီးသွားပြီ ဖြစ်သည်။ အီရန်နိုင်ငံသည် အာဗ်ယက်ခ်စခန်းကဲ့သို့ပင် တိုက်ခိုက်ခံခဲ့ရသည့် အခြားမြေအောက် ဒုံးကျည်စခန်းများကိုလည်း ယခင်အတိုင်း အမြန်ဆုံး ပြန်လည်အသုံးပြုနိုင်ရန် အလျင်အမြန် ပြုပြင်လျက်ရှိသည်။ NOM

ကျူးဘားသမ္မတဟောင်း ရာအူးလ် ကက်စထရိုကို အမေရိကန် တရားစွဲဆို၊ မာဒူရိုပုံစံ စစ်ဆင်ရေးသတင်းများ ထွက်ပေါ်နေ ကျူးဘားသမ္မတဟောင်း ရာအူးလ် ကက်စထရို (Raul Castro) အား အမေရိကန်ပြည်ထောင်စုတွင် တရားစွဲဆို လိုက်ပြီဖြစ်ကြောင်း ဒေါ်နယ်ထရမ့်အစိုးရအဖွဲ့၏ အဆင့်မြင့်အရာရှိကြီးတစ်ဦးက ဗုဒ္ဓဟူးနေ့တွင် ရိုက်တာ သတင်းဌာနသို့ အတည်ပြုပြောကြားခဲ့သည်။ ယခုလုပ်ရပ်သည် ကျူးဘားကွန်မြူနစ်အစိုးရအပေါ် ဝါရှင်တန်၏ ဖိအားပေးမှုကမ်ပိန်းကို အရှိန်မြှင့်တင်လိုက်ခြင်းဖြစ်ပြီး အသက် ၉၄ နှစ်အရွယ်ရှိ တော်လှန်ရေးခေါင်းဆောင်ဟောင်းအား ယခုကဲ့သို့ တရားစွဲဆိုခြင်းမှာ ၁၉၉၆ ခုနှစ်က လူသားချင်းစာနာထောက်ထားမှုဆိုင်ရာ လေယာဉ်နှစ်စင်းကို ကျူးဘားစစ်တပ်က ပစ်ချခဲ့သည့် ဖြစ်စဉ်နှင့် ဆက်စပ်နေကြောင်း သိရသည်။ "မာဒူရိုပုံစံ" စစ်ဆင်ရေး ကောလာဟလများ အဆိုပါ တရားစွဲဆိုမှုသည် ပြီးခဲ့သည့် ဇန်နဝါရီလအတွင်းက ဗင်နီဇွဲလားသမ္မတဟောင်း နီကိုးလပ်စ် မာဒူရို (Nicolas Maduro) ကို အမေရိကန်က ဖမ်းဆီးခေါ်ဆောင်သွားခဲ့သည့် စစ်ဆင်ရေးပုံစံမျိုး ကျူးဘားတွင်လည်း ဖြစ်ပွားလာနိုင်ခြေရှိကြောင်း ကောလာဟလများနှင့် စိုးရိမ်မှုများ ထွက်ပေါ်နေသည့်အချိန်နှင့် တိုက်ဆိုင်နေသည်။ အမေရိကန်အစိုးရသည် ကျူးဘားအပေါ် လောင်စာဆီပိတ်ဆို့မှုများ ပြုလုပ်ထားသဖြင့် ကျူးဘားကျွန်းပေါ်တွင် လျှပ်စစ်မီးပြတ်တောက်မှုများနှင့် ပြင်းထန်သော စီးပွားရေးအကျပ်အတည်းများ ကြုံတွေ့နေရသည်။ အမေရိကန်ထောက်လှမ်းရေး စီအိုင်အေ (CIA) ညွှန်ကြားရေးမှူး ဂျွန် ရက်ကလစ်ဖ် (John Ratcliffe) ဦးဆောင်သောအဖွဲ့သည် ဟာဗားနားမြို့တွင် ကျူးဘားအရာရှိများနှင့် တွေ့ဆုံကာ ဒေါ်လာ သန်း ၁၀၀ တန်ဖိုးရှိ လူသားချင်းစာနာမှုအကူအညီများ ပေးရန်ကမ်းလှမ်းခဲ့သော်လည်း စီးပွားရေးနှင့် နိုင်ငံရေးဆိုင်ရာ ကြီးမားသော ပြုပြင်ပြောင်းလဲမှုများ ပြုလုပ်ရန် ဖိအားပေးခဲ့သည်။ ကျူးဘားနိုင်ငံခြားရေးဝန်ကြီး ဘရူနို ရိုဒရီဂွက်ဇ် (Bruno Rodriguez) ကမူ အမေရိကန်၏ ပိတ်ဆို့မှုများနှင့် စစ်ရေးအရ ခြိမ်းခြောက်မှုများ ရှိနေသော်လည်း မိမိတို့နိုင်ငံ၏ အချုပ်အခြာအာဏာကို ဆက်လက်ကာကွယ်သွားမည်ဖြစ်ကြောင်း တုံ့ပြန်ပြောကြားထားသည်။ ဝေဖန်ဆန်းစစ်သူအချို့က ယခုကဲ့သို့ ရာအူးလ် ကက်စထရိုကို တရားစွဲဆိုခြင်းသည် ကျူးဘားအစိုးရအား အမေရိကန်၏ တောင်းဆိုချက်များကို လိုက်လျောရန် သို့မဟုတ် စစ်ရေးအရ အရေးယူဆောင်ရွက်ရန်အတွက် တရားဝင်မှုပြတင်းပေါက်တစ်ခုကို အမေရိကန်ဘက်က ဖန်တီးလိုက်ခြင်းဖြစ်နိုင်ကြောင်း သုံးသပ်နေကြသည်။ NOM

ဟစ်ဇဘိုလာအဖွဲ့က အစ္စရေးမြောက်ပိုင်းရှိ အိုင်းရွန်းဒုမ်း Iron Dome လောင်ချာ ၂ ခုကို ပစ်မှတ်ထားတိုက်ခိုက် ပြီးခဲ့သည့် ၄၈ နာရီအတွင်း ဟစ်ဇဘိုလာလက်နက်ကိုင်အဖွဲ့သည် အစ္စရေးနိုင်ငံမြောက်ပိုင်းရှိ အိုင်းရွန်းဒုမ်း Iron Dome လေကြောင်းရန်ကာကွယ်ရေးစနစ်၏ လောင်ချာနှစ်ခုကို ပစ်မှတ်ထားတိုက်ခိုက်ခဲ့ကြောင်း သိရသည်။ အဆိုပါတိုက်ခိုက်မှုသည် လွန်ခဲ့သည့် နှစ်ပတ်ခန့်ကလည်း အောင်မြင်စွာ တိုက်ခိုက်ခံခဲ့ရဖူးသည့် ဂျာလ်အယ်လ်အာလမ် စစ်စခန်းတွင် ဖြစ်ပွားခဲ့ခြင်းဖြစ်သည်။ ယခင်က တိုက်ခိုက်ခံရမှု ရှိခဲ့သော်လည်း အစ္စရေးစစ်တပ်အနေဖြင့် အဆိုပါ ဒုံးပစ်လောင်ချာများကို အဘယ်ကြောင့် နေရာရွှေ့ပြောင်းထားခြင်း မရှိသည်ကိုမူ ရှင်းလင်းစွာ မသိရသေးပေ။ လက်ရှိတွင် ဟစ်ဇဘိုလာအဖွဲ့သည် ဒရုန်းများကို ပိုမိုကျွမ်းကျင်စွာ အသုံးပြုလာနိုင်ပြီး အစ္စရေး​၏ တန်ဖိုးကြီးပြီး အရေးပါသည့် စစ်ဘက်ဆိုင်ရာပစ်မှတ်များကို ထိရောက်စွာ တိုက်ခိုက်နိုင်စွမ်း ရှိလာကြောင်း လေ့လာစောင့်ကြည့်သူများက သုံးသပ်ထားကြသည်။ NOM

လက်ဘနွန်တောင်ပိုင်းတွင် ဟစ်ဘိုလာ၏ ဒရုန်းတိုက်ခိုက်မှုများကြောင့် အစ္စရေးစစ်တပ်၏ စစ်ဆင်ရေး ၈၀ ရာခိုင်နှုန်းခန့် ရပ်တန့်လုနီးပါးဖြစ်နေကြောင်း အစ္စရေးအခြေစိုက် KAN ရုပ်သံလွှင့်ဌာနက ထုတ်ဖော်ပြောကြားလိုက်သည်။ ဟစ်ဘိုလာအဖွဲ့၏ စဉ်ဆက်မပြတ် လုပ်ဆောင်နေသော ဒရုန်းစစ်ဆင်ရေးများသည် လက်ဘနွန်တောင်ပိုင်းရှိ အစ္စရေးစစ်တပ်၏ လွတ်လပ်စွာ စစ်ဆင်ရေးဆင်နွှဲနိုင်စွမ်းကို သိသိသာသာ ထိခိုက်လျက်ရှိကြောင်း အဆိုပါ သတင်းဌာနက ဝန်ခံထားသည်။ ဒရုန်းများ၏ အန္တရာယ်ကြီးမားမှုကြောင့် အစ္စရေးစစ်တပ်အနေဖြင့် အချို့သော စစ်ဆင်ရေးများကို နေ့ခင်းဘက်တွင် လုပ်ဆောင်နိုင်ခြင်း မရှိတော့ဘဲ အချို့ကိုမူ လုံးဝဖျက်သိမ်းလိုက်ရသည့်အတွက် စစ်သားများ အကျအဆုံး ပိုမိုများပြားလာကြောင်း အစီရင်ခံစာတွင် ဖော်ပြထားသည်။ NOM

ဂါဇာကူညီရေးသင်္ဘောအဖွဲ့မှ တက်ကြွလှုပ်ရှားသူများ အဖမ်းခံရမှုအပေါ် အစ္စရေးဝန်ကြီး ဘန်ဂီဗီယာ လှောင်ပြောင် သရော် အစ္စရေးနိုင်ငံအတွင်း ဖမ်းဆီးထိန်းသိမ်းခံထားရသည့် ဂါဇာကူညီရေးသင်္ဘောအဖွဲ့ (Gaza flotilla) မှ ပါလက်စတိုင်းလိုလားသူ နိုင်ငံတကာတက်ကြွလှုပ်ရှားသူများကို အစ္စရေးအမျိုးသားလုံခြုံရေးဝန်ကြီး အီတာမာ ဘန်ဂီဗီယာ (Itamar Ben-Gvir) က လှောင်ပြောင်သရော်ခဲ့သည်။ လက်ထိတ်ခတ်ခံရပြီး ကြမ်းပြင်ပေါ်တွင် မှောက်လျက်အနေအထားဖြင့် ဖမ်းဆီးခံထားရသည့် တက်ကြွလှုပ်ရှားသူအများအပြားရှေ့တွင် ဝန်ကြီး ဘန်ဂီဗီယာက အစ္စရေးအလံကို ဝှေ့ယမ်းပြသကာ "အစ္စရေးနိုင်ငံမှ ကြိုဆိုပါသည်" ဟု ပြောဆိုခဲ့သည်။ ဖမ်းဆီးခံရသူများအနက် အမျိုးသမီးတစ်ဦးက "ပါလက်စတိုင်း လွတ်မြောက်ရမည်" ဟု ကြွေးကြော်ခဲ့ပြီးနောက် ရဲအရာရှိတစ်ဦး၏ ဖိနင်းချုပ်ကိုင်ခြင်းကို ခံခဲ့ရကြောင်းသိရသည်။ NOM

အစိုးရရှေ့နေများက ထောင်ဒဏ် ၅ နှစ် ချမှတ်ရန် တောင်းဆိုပြီးနောက် အင်ဒိုနီးရှား ဒုဝန်ကြီးဟောင်းက သူ "ဒီထက် ပိုခိုးခဲ့သင့်သည်" ဟု ပြောကြား အင်မန်နျူရယ် အီဘန်နီဇာ (Immanuel Ebenezer) က သူကျူးလွန်ခဲ့တယ်လို့ စွပ်စွဲခံထားရတဲ့ အမေရိကန်ဒေါ်လာ ၁၇၀,၀၀၀ ခန့် တန်ဖိုးရှိတဲ့ ခြစားမှုကို နောက်ထပ် တရားခံတစ်ဦးရဲ့ အမှုနဲ့ နှိုင်းယှဉ်ပြီး ပြောဆိုခဲ့တာပါ။ အဲဒီနောက်ထပ် တရားခံတစ်ယောက်ဟာ ဒေါ်လာ ၄.၂ သန်း အထိ အဂတိလိုက်စားမှုနဲ့ ဆက်နွှယ်နေတယ်လို့ စွပ်စွဲခံထားရပေမဲ့ ထောင်ဒဏ် ၆ နှစ်ပဲ ရင်ဆိုင်နေရတာ ဖြစ်ပါတယ်။ ဒါကြောင့် အီဘန်နီဇာက သူ့ရဲ့ အမှုနဲ့ နှိုင်းယှဉ်ရင် ပြစ်ဒဏ်ပမာဏ မမျှမတ ဖြစ်နေတာကို မကျေမနပ်ဖြစ်ပြီး အခုလို ပြောဆိုလိုက်တာ ဖြစ်ပါတယ်။ NOM

ဘီလျံနာ အဒါနီက အမေရိကန်တွင် ဒေါ်လာ ၁၀ ဘီလီယံ ရင်းနှီးမြှုပ်နှံရန် ကတိပြုပြီးနောက် အမေရိကန်အစိုးရက လိမ်လည်မှုစွဲချက်များကို ရုပ်သိမ်း အိန္ဒိယနိုင်ငံရှိ နေရောင်ခြည်စွမ်းအင်သုံး လျှပ်စစ်ဓာတ်အားပေးစက်ရုံ စီမံကိန်းတစ်ခုကို ရရှိရန်အတွက် အဒါနီသည် အိန္ဒိယအရာရှိများကို လာဘ်ထိုးခဲ့ပြီး အမေရိကန် ရင်းနှီးမြှုပ်နှံသူများကို လှည့်ဖြားခဲ့သည်ဟု စွပ်စွဲခံခဲ့ရသည်။ အမေရိကန်သမ္မတ ဒေါ်နယ်ထရမ့်၏ အစိုးရအဖွဲ့သည် အိန္ဒိယဘီလျံနာ ဂေါတမ်အဒါနီအပေါ် စွဲဆိုထားသည့် ရာဇ၀တ်မှုဆိုင်ရာ လိမ်လည်မှုစွဲချက်များကို ပယ်ဖျက်ရန် လုပ်ဆောင်ခဲ့သည်။ အဆိုပါအမှုတွင် အဒါနီသည် အိန္ဒိယနိုင်ငံ၌ နေရောင်ခြည်စွမ်းအင်စီမံကိန်း ကန်ထရိုက်များရရှိရန် အိန္ဒိယအရာရှိများကို အမေရိကန်ဒေါ်လာ ၂၆၅ သန်းအထိ လာဘ်ထိုးခဲ့ပြီး အဆိုပါစီမံကိန်း ရရှိရန်အတွက် အမေရိကန် ရင်းနှီးမြှုပ်နှံသူများကို လိမ်လည်ပြောဆိုခဲ့သည်ဟု စွပ်စွဲခံထားရခြင်း ဖြစ်သည်။ အဒါနီ၏ ကုမ္ပဏီကမူ ထိုစွပ်စွဲချက်များကို ကာလရှည်ကြာ ငြင်းဆိုလာခဲ့သည်။ အဒါနီက အမေရိကန်နိုင်ငံတွင် ဒေါ်လာ ၁၀ ဘီလီယံ ရင်းနှီးမြှုပ်နှံမည်ဟု ကတိပြုပြီးနောက်တွင် အမေရိကန် တရားရေးဝန်ကြီးဌာန (DOJ) က ဤအမှုကို ရုပ်သိမ်းပေးခဲ့ခြင်း ဖြစ်သည်။ နယူးယောက်အရှေ့ပိုင်းခရိုင် အမေရိကန်ခရိုင်တရားရုံးမှ တရားသူကြီး နီကိုလပ်စ် ဂါရော်ဖစ် (Nicholas Garaufis) ထံ တရားရေးဝန်ကြီးဌာနက ပေးပို့သည့် စာတိုတစ်စောင်တွင် “တရားရေးဝန်ကြီးဌာနအနေနဲ့ ဒီအမှုကို ပြန်လည်သုံးသပ်ပြီးနောက် တရားစွဲဆိုခွင့် အာဏာအရ အမှုတွဲပါ တရားခံတစ်ဦးချင်းစီအပေါ် စွဲဆိုထားတဲ့ ရာဇ၀တ်မှုဆိုင်ရာ စွဲချက်တွေအတွက် နောက်ထပ် အရင်းအမြစ်တွေ (အချိန်နဲ့ ငွေကြေး) ထပ်မံမသုံးစွဲတော့ဖို့ ဆုံးဖြတ်လိုက်ပါတယ်” ဟု ဖော်ပြထားသည်။ သို့သော်လည်း တရားရေးဝန်ကြီးဌာန၏ တောင်းဆိုချက်ကို တရားသူကြီးက လက်မှတ်ရေးထိုး အတည်ပြုပေးရန် လိုအပ်နေသေးသည်။ အမေရိကန်သမ္မတဟောင်း ဂျိုးဘိုင်ဒင် အစိုးရလက်ထက်တွင် တရားရေးဝန်ကြီးဌာနက စတင်တရားစွဲဆိုခဲ့သည့် ဤအမှု၌ အဒါနီသည် အမေရိကန်ရင်းနှီးမြှုပ်နှံသူများ၏ နစ်နာမှုဖြင့် နေရောင်ခြည်စွမ်းအင် ကန်ထရိုက်များရရှိရန် အရာရှိများကို လာဘ်ထိုးခဲ့သည်ဟု စွပ်စွဲထားသည်။ ထိုစဉ်က နယူးယောက်အရှေ့ပိုင်းခရိုင် အမေရိကန်အစိုးရရှေ့နေ ဘရီယွန် ပိစ် (Breon Peace) က "တရားခံတွေဟာ ဒေါ်လာဘီလီယံနဲ့ချီ တန်ဖိုးရှိတဲ့ ကန်ထရိုက်တွေ ရရှိဖို့အတွက် အိန္ဒိယအစိုးရအရာရှိတွေကို လာဘ်ထိုးဖို့ စနစ်တကျ အစီအစဉ်ဆွဲခဲ့ကြပြီး ဂေါတမ် အက်စ် အဒါနီ၊ ဆာဂါ အာ အဒါနီ နဲ့ ဗနီးတ် အက်စ် ဂျိန်း တို့ဟာ အမေရိကန်နဲ့ နိုင်ငံတကာ ရင်းနှီးမြှုပ်နှံသူတွေဆီကနေ ရန်ပုံငွေ ရှာဖွေတဲ့အခါမှာ ဒီလာဘ်ထိုးမှု အစီအစဉ်နဲ့ ပတ်သက်ပြီး လိမ်လည်ပြောဆိုခဲ့ကြပါတယ်" ဟု ပြောကြားခဲ့သည်။ အဒါနီ ဂရင်း အင်နာဂျီ (Adani Green Energy) ကုမ္ပဏီသည် အိန္ဒိယနိုင်ငံတွင် အကြီးဆုံး နေရောင်ခြည်စွမ်းအင်သုံး လျှပ်စစ်ဓာတ်အားပေးစက်ရုံ တည်ဆောက်ခွင့် ကန်ထရိုက်ကို ရရှိရန်အတွက် အရာရှိများကို လာဘ်ထိုးခဲ့သည်ဟု စွပ်စွဲခံခဲ့ရသည်။ အဒါနီသည် မိမိကုမ္ပဏီ၏ အဂတိလိုက်စားမှု တိုက်ဖျက်ရေး လုပ်ထုံးလုပ်နည်းများနှင့် ပတ်သက်၍ မမှန်မကန် ပြောဆိုကာ ရင်းနှီးမြှုပ်နှံသူများကို လှည့်ဖြားခဲ့သည်ဟု ဆိုသည်။ ထိုသို့ လှည့်ဖြားမှုများ ပြုလုပ်ပြီး စွပ်စွဲခံရသူများနှင့် ၎င်း၏ ပူးပေါင်းကြံစည်သူများသည် ဒေါ်လာ ၃ ဘီလီယံကျော်အထိ ရန်ပုံငွေ ရှာဖွေခဲ့ကြကြောင်း အစိုးရရှေ့နေများက ပြောကြားခဲ့သည်။ အစိုးရက အမှုကို ရုပ်သိမ်းလိုက်ခြင်းသည် အဒါနီ၏ ရှေ့နေအဖွဲ့တွင် မကြာသေးမီက အပြောင်းအလဲများ ပြုလုပ်ခဲ့ပြီးနောက် ပေါ်ပေါက်လာခြင်း ဖြစ်သည်။ Bloomberg ဘီလျံနာညွှန်းကိန်းအရ ခန့်မှန်းခြေ အသားတင်ပိုင်ဆိုင်မှု ဒေါ်လာ ၁၀၈ ဘီလီယံဖြင့် ကမ္ဘာ့ ၁၇ ဦးမြောက် အချမ်းသာဆုံးပုဂ္ဂိုလ်ဖြစ်သည့် အဒါနီသည် ၎င်း၏ ရှေ့နေအဖွဲ့တွင် ရောဘတ် ဂျေ ဂျူးဖရာ ဂျူနီယာ (Robert J Giuffra Jr) ကို ခန့်အပ်ခဲ့ကြောင်း ပြီးခဲ့သည့်အပတ်က New York Times သတင်းစာ၏ ဖော်ပြချက်အရ သိရသည်။ ၎င်းရှေ့နေသည် အမေရိကန်သမ္မတ ဒေါ်နယ်ထရမ့်၏ ကိုယ်ရေးကိုယ်တာရှေ့နေများထဲမှ တစ်ဦးလည်း ဖြစ်နေသည်။ ရှေ့နေဖြစ်သူ ဂျူးဖရာ ဂျူနီယာ က အဒါနီအနေဖြင့် အမေရိကန်တွင် ဒေါ်လာ ၁၀ ဘီလီယံ ရင်းနှီးမြှုပ်နှံရန် ကတိပြုထားကြောင်း ပြောကြားခဲ့ပြီး အဆိုပါ ရင်းနှီးမြှုပ်နှံမှုသည် အလုပ်အကိုင်ပေါင်း ၁၅,၀၀၀ အထိ ဖန်တီးပေးနိုင်မည်ဖြစ်ကြောင်း သတင်းစာတွင် ဖော်ပြထားသည်။ ထို့အပြင် ဘီလျံနာ အဒါနီအနေဖြင့် စွပ်စွဲချက်များကို ငြင်းဆိုထားကြောင်းကိုလည်း ရှေ့နေက ထပ်လောင်း အလေးအနက် ပြောကြားခဲ့သည်။ NOM

အမေရိကန် အထက်လွှတ်တော်အမတ် ခရစ်မာဖီ က လောင်စာဆီနှင့် စားသောက်ကုန်စျေးနှုန်းများ မြင့်တက်လာခြင်းသည် အမေရိကန် မိသားစုများကို ထိခိုက်နစ်နာစေလျက်ရှိကြောင်း သတိပေးပြောကြားခဲ့သည်။ ၎င်းက ကုန်ကျစရိတ်များ မြင့်တက်လာရခြင်းမှာ ဒေါ်နယ်ထရမ့် ၏ အနောက်အာရှ (အရှေ့အလယ်ပိုင်း) မူဝါဒကြောင့်ဖြစ်သည်ဟု အပြစ်တင်ခဲ့ပြီး အီရန်အပေါ် ဆင်နွှဲနေသည့် “မိမိအလိုအလျောက်ရွေးချယ်ခဲ့သော စစ်ပွဲ” (War Of Choice) ကို အဆုံးသတ်ရန် တောင်းဆိုလိုက်သည်။ NOM

ဂျာမန် ဆယ်ကျော်သက်တစ်ဦး အစိုးရထံမှ တရားစွဲဆိုစာ လက်ခံရရှိမှုအား အင်တာနက်ပေါ်တွင် ထုတ်ဖော်ပြသ အင်တာနက်လိုင်း နှေးကွေးမှုနှင့် ပတ်သက်၍ ဂျာမန်အဓိပတိ အိုလက်ဖ် ရှောလ်ဇ် အား ဝေဖန်သည့် ပို့စ်ကို ဆယ်ကျော်သက်တစ်ဦးက X (ယခင်တွစ်တာ) တွင်တင်ခဲ့ တာဝန်ရှိသူများက 'နိုင်ငံရေးသမားတစ်ဦးအား စော်ကား နစ်နာစေမှု' ဖြင့် အဆိုပါဆယ်ကျော်သက်အား ရာဇဝတ်ကြောင်းအရ အရေးယူဆောင်ရွက်မှုများ စတင်ခဲ့ ၎င်းက အဆိုပါပို့စ်ကို ပြန်လည်ဖျက်သိမ်းလိုက်ပြီးနောက် တာဝန်ရှိသူများက အမှုပိတ်မ်းခဲ့သော်လည်း ၎င်းရရှိခဲ့သည့် မူရင်းတရားစွဲဆိုစာကို အင်တာနက်ပေါ်တွင် ပြန်လည်ထုတ်ဖော်ပြသခဲ့ NOM

အာဏာပိုင်များက ဂျာနယ်လစ်များနှင့် ရုပ်သံသတင်းဌာနများကိုလည်း ရွေးကောက်ပွဲ သတင်းတင်ဆက်မှုတွေမှာ အီမရန်ခန်းရဲ့ ပါတီအကြောင်း ထည့်သွင်းပြောဆိုခြင်း မပြုရန် အမိန့်ထုတ်ခဲ့ပါတယ်။ ပြီးခဲ့သည့်နှစ် ဒီဇင်ဘာလတွင် ကုလသမဂ္ဂ ညှင်းပန်းနှိပ်စက်မှုဆိုင်ရာ အထူးအစီရင်ခံစာတင်သွင်းသူ အဲလစ် ဂျေးလ် အက်ဒဝပ်စ် (Alice Jill Edwards) က အီမရန်ခန်းကို ထောင်သွင်းအကျဉ်းချထားတဲ့ အခြေအနေဟာ ညှင်းပန်းနှိပ်စက်မှု သို့မဟုတ် လူမဆန်စွာ နှိမ့်ချဆက်ဆံမှု မြောက်နေကြောင်း သတိပေးခဲ့ပါတယ်။ အက်ဒဝပ်စ်ရဲ့ ပြောကြားချက်အရ အီမရန်ခန်းကို သဘာဝအလင်းရောင်နဲ့ လေဝင်လေထွက် ကောင်းကောင်းမရတဲ့ အခန်းကျဉ်းလေးတစ်ခုထဲမှာ အချိန်အတော်ကြာ တစ်ဦးတည်း သီးသန့်ပိတ်လှောင်ထားကြောင်း သိရပါတယ်။ လေဝင်လေထွက် မကောင်းတာကြောင့် အနံ့အသက်ဆိုးများနှင့် ပိုးမွှားပြဿနာများ ဖြစ်ပွားကာ အီမရန်ခန်းမှာ မူးဝေအော့အန်ခြင်းနှင့် ကိုယ်အလေးချိန် သိသိသာသာ ကျဆင်းခြင်းတို့ကို ခံစားနေရပါတယ်။ အသက် ၇၂ နှစ်အရွယ် ခရစ်ကက် ကစားသမားဟောင်း ဝန်ကြီးချုပ်ဟောင်း အီမရန်ခန်းဟာ ၂၀၁၃ ခုနှစ်မှာ မတော်တဆမှုကြောင့် ပြင်းထန်တဲ့ ခါးရိုးဒဏ်ရာနှင့် ၂၀၂၂ ခုနှစ် လုပ်ကြံသတ်ဖြတ်ရန် ကြိုးပမ်းမှုအတွင်း ရရှိခဲ့တဲ့ သေနတ်ဒဏ်ရာများ အပါအဝင် ကြီးမားတဲ့ ကျန်းမာရေး စိန်ခေါ်မှုများကို ရင်ဆိုင်နေရဆဲဖြစ်ပါတယ်။ NOM

အီမရန်ခန်းကို ရာထူးကနေ မဖယ်ရှားရင် 'အခြေအနေတွေ ခက်ခဲလာလိမ့်မယ်' လို့ အမေရိကန်က ပါကစ္စတန်ကို ပြောခဲ့ကြောင်း ပေါက်ကြားလာတဲ့ စာရွက်စာတမ်းများက ဖော်ပြ ပါကစ္စတန်ပိုင်နက်ထဲမှာ အမေရိကန် မောင်းသူမဲ့ဒရုန်းအခြေစိုက်စခန်းတစ်ခု တည်ဆောက်ဖို့ အမေရိကန်ထောက်လှမ်းရေး စီအိုင်အေ (CIA) ကို ခွင့်ပြုရန် ငြင်းဆန်ခဲ့ပြီးနောက်ဖြစ်ပွားခဲ့တဲ့ ပါကစ္စတန်ဝန်ကြီးချုပ် အီမရန်ခန်းကို ဖြုတ်ချတဲ့ အာဏာသိမ်းမှုမှာ ၎င်းတို့ ပါဝင်ပတ်သက်မှု မရှိကြောင်း အမေရိကန်က နှစ်ပေါင်းများစွာ ငြင်းဆိုခဲ့ပါတယ်။ သို့သော်လည်း ၂၀၂၂ ခုနှစ်တွင် ဝန်ကြီးချုပ်ဟောင်း အီမရန်ခန်းကို ရာထူးမှ ဖယ်ရှားရန် အမေရိကန် ထိပ်တန်းသံတမန်တစ်ဦးက အတင်းအကျပ် ဖိအားပေးခဲ့ကြောင်း ပါကစ္စတန်ရဲ့ လျှို့ဝှက်သံတမန်ရေးရာ ကြေးနန်းစာတစ်စောင်က အတည်ပြုပေးလိုက်ပြီး အဆိုပါစာကို မေလ ၁၈ ရက်နေ့တွင် ပထမဆုံးအကြိမ်အဖြစ် ထုတ်ဖော်ပြသခဲ့တာ ဖြစ်ပါတယ်။ Drop Site News က ထုတ်ဖော်ပြသခဲ့တဲ့ အဆိုပါ ကြေးနန်းစာအရ ထိုစဉ်က အမေရိကန် နိုင်ငံခြားရေးဝန်ကြီးဌာနရဲ့ တောင်ဘက်နှင့် ဗဟိုအာရှရေးရာ လက်ထောက်အတွင်းရေးမှူး ဒေါ်နယ်လူး က ဝါရှင်တန်ဒီစီရှိ ပါကစ္စတန်သံအမတ်ကြီး အာဆတ် မာဂျစ်ခန်း (Asad Majeed Khan) ကို ပြောကြားရာမှာ အကယ်၍ ဝန်ကြီးချုပ်ဟောင်းကို လွှတ်တော်တွင်း အယုံအကြည်မရှိအဆိုဖြင့် ရာထူးမှ ဖယ်ရှားပေးမယ်ဆိုရင် "အရာအားလုံးကို ခွင့်လွှတ်ပေးမှာဖြစ်ကြောင်း" ပြောဆိုခဲ့ပါတယ်။ ရုရှားက ယူကရိန်းနိုင်ငံအတွင်း အထူးစစ်ဆင်ရေး စတင်ခဲ့တဲ့ ၂၀၂၂ ခုနှစ် ဖေဖော်ဝါရီ ၂၄ ရက်နေ့မှာပဲ အီမရန်ခန်းဟာ ရုရှားသမ္မတ ဗလာဒီမာ ပူတင်နဲ့ တွေ့ဆုံဖို့ မော်စကိုမြို့ကို သွားရောက်ခဲ့ပြီးနောက် အဆိုပါ ကြေးနန်းစာ ထွက်ပေါ်လာခဲ့တာ ဖြစ်ပါတယ်။ ၂၀၂၂ ခုနှစ် မတ်လ ၇ ရက် နေ့စွဲပါရှိပြီး "လျှို့ဝှက် / ပြင်ပသို့ မဖြန့်ဝေရ" (Secret / No Circulation) ဟု သတ်မှတ်ထားသော အဆိုပါ ကြေးနန်းစာတွင် အီမရန်ခန်းနှင့် ပူတင်တို့ မော်စကို၌ တွေ့ဆုံမှုသည် ဝါရှင်တန်တွင် "ပြင်းထန်သော စိုးရိမ်ပူပန်မှု" ဖြစ်ပေါ်စေခဲ့ကြောင်း ဒေါ်နယ်လူးက ပြောကြားခဲ့သည်ဟု မှတ်တမ်းတင်ထားပါတယ်။ အစ္စလမာဘတ် (ပါကစ္စတန်အစိုးရ) ကမူ အီမရန်ခန်းရဲ့ မော်စကိုခရီးစဉ်ဟာ လပေါင်းများစွာကတည်းက ကြိုတင်စီစဉ်ထားခြင်းဖြစ်ပြီး ရုရှားရဲ့ အထူးစစ်ဆင်ရေးနဲ့ မသက်ဆိုင်ကြောင်း၊ ပါကစ္စတန်အနေနဲ့ စစ်ပွဲအပေါ် "ကြားနေ" မူဝါဒကို ကျင့်သုံးနေခြင်းဖြစ်ကြောင်း အလေးအနက် ပြောကြားခဲ့ပါတယ်။ အဆိုပါ ကြေးနန်းစာထဲမှာ သံအမတ်ကြီး အာဆတ် မာဂျစ်ခန်းရဲ့ သုံးသပ်ချက်လည်း ပါဝင်ပြီး ဒေါ်နယ်လူးဟာ ထိုသဝဏ်လွှာကို ပေးပို့ဖို့ အိမ်ဖြူတော်ရဲ့ အတည်ပြုချက်ကို ရရှိထားပုံရကြောင်း ဖော်ပြထားပါတယ်။ ဒါ့အပြင် ဒေါ်နယ်လူးရဲ့ ပြောကြားချက်တွေဟာ ပါကစ္စတန်ရဲ့ ပြည်တွင်းရေးကိစ္စရပ်တွေကို ဝင်ရောက်စွက်ဖက်ခြင်း ဖြစ်တယ်လို့လည်း သံအမတ်ကြီးက ထောက်ပြခဲ့ပါတယ်။ ဒီလျှို့ဝှက်စာရွက်စာတမ်းကို ဝန်ကြီးချုပ်ရုံးအတွင်းရေးမှူး၊ နိုင်ငံခြားရေးဝန်ကြီး၊ စစ်ဦးစီးချုပ်၊ ထောက်လှမ်းရေး (ISI) အကြီးအကဲနှင့် ရဲချုပ် (SSP) အပါအဝင် ပါကစ္စတန် ထိပ်တန်းတာဝန်ရှိသူ အသီးသီးထံ ပေးပို့ခဲ့တာ ဖြစ်ပါတယ်။ ခြောက်ပတ်အကြာ ၂၀၂၂ ခုနှစ် ဧပြီလ ၉ ရက်နေ့မှာတော့ အီမရန်ခန်းဟာ လွှတ်တော်တွင်း ဖြုတ်ချခြင်း ခံခဲ့ရပါတယ်။ အဲ့ဒီအချိန်တုန်းက အီမရန်ခန်းဟာ ဒီကြေးနန်းစာ ရှိနေကြောင်း ထုတ်ဖော်ပြောဆိုခဲ့ပြီး သူ့ကို ရာထူးက ဖယ်ရှားတာဟာ "အမေရိကန် ကျောထောက်နောက်ခံပြုထားတဲ့ အစိုးရအပြောင်းအလဲ လုပ်ဆောင်မှု" ရဲ့ အစိတ်အပိုင်းဖြစ်တယ်လို့ စွပ်စွဲခဲ့ပါတယ်။ အယုံအကြည်မရှိအဆိုဖြင့် အီမရန်ခန်းကို ဖယ်ရှားပြီးနောက်ပိုင်း ပါကစ္စတန်အစိုးရသစ်ဟာ ဝါရှင်တန်နဲ့ ဆက်ဆံရေး ပိုမို ရင်းနှီးလာခဲ့ပါတယ်။ ရာထူးကနေ မဖယ်ရှားခံရမီက အီမရန်ခန်းဟာ တိုက်ခိုက်မှုတွေနဲ့ လုပ်ကြံမှုတွေ ပြုလုပ်ဖို့အတွက် ပါကစ္စတန်ပိုင်နက်ထဲမှာ ဒရုန်းအခြေစိုက်စခန်းတွေ တည်ဆောက်မယ့် စီအိုင်အေရဲ့ တောင်းဆိုချက်ကို ငြင်းပယ်ခဲ့တာ ဖြစ်ပါတယ်။ သို့သော်လည်း အီမရန်ခန်း ဖယ်ရှားခံရပြီးနောက် ပါကစ္စတန်ဟာ အမေရိကန် ကာကွယ်ရေး ကန်ထရိုက်တာတွေနဲ့ တတိယနိုင်ငံ ကြားခံတွေကတစ်ဆင့် ယူကရိန်းထံ လက်နက်များ စတင်ထောက်ပံ့ပေးခဲ့ကြောင်း Drop Site News က ဖော်ပြခဲ့ပါတယ်။ ပါကစ္စတန်အတွက် နိုင်ငံတကာငွေကြေးရန်ပုံငွေအဖွဲ့ (IMF) ရဲ့ ချေးငွေရရှိဖို့ အမေရိကန်ရဲ့ ထောက်ခံမှုဟာ အဆိုပါ လက်နက်တင်ပို့မှုတွေအပေါ် မူတည်နေခဲ့ပြီး ၂၀၂၃ ခုနှစ် ဇူလိုင်လမှာ IMF က အမေရိကန်ဒေါ်လာ ၃ ဘီလီယံ ချေးငွေကို အတည်ပြုပေးခဲ့ပါတယ်။ လက်ရှိတွင် အီမရန်ခန်းဟာ တရားရင်ဆိုင်ရမယ့် အမှုပေါင်း ၁၅၀ ကျော် ရင်ဆိုင်နေရပါတယ်။ သူဟာ ၂၀၂၃ ခုနှစ် မေလတွင် အစ္စလမာဘတ် တရားလွှတ်တော်ချုပ် အဆောက်အအုံအတွင်း၌ ဖမ်းဆီးခံခဲ့ရပြီး ၂၀၂၄ ခုနှစ် ဇန်နဝါရီလ အထွေထွေရွေးကောက်ပွဲ မတိုင်မီ ရက်ပိုင်းအလိုမှာပဲ ပြစ်ဒဏ်ချမှတ်ခြင်းခံခဲ့ရပါတယ်။ ထိုရွေးကောက်ပွဲတွင် ၎င်းရဲ့ နိုင်ငံရေးပါတီဖြစ်တဲ့ "တရားမျှတမှုလှုပ်ရှားမှုပါတီ (PTI)" ကို ပါတီရဲ့ အမှတ်အသားဖြစ်တဲ့ ခရစ်ကက်ပုံသင်္ကေတ အသုံးပြုခွင့်ကိုပါ ပိတ်ပင်ခဲ့ပါတယ်။