រដ្ឋបាលខេត្តកំពង់ចាម

ទឹកទន្លេមេគង្គខេត្តកំពង់ចាមនៅថ្ងៃនេះមានកម្ពស់ជិត១០ម៉ែត្រ ខណៈទឹកទន្លេនៅតែបន្តហក់ឡើងរៀងរាល់ថ្ងៃ នៅថ្ងៃនេះទឹកទន្លេមេគង្គខេត្តកំពង់ចាមបានបន្តហក់ឡើងថែមទៀត បើយោងលោក អ៊ុម វិបុល ប្រធានមន្ទីរធនធានទឹក និងឧតុនិយមខេត្តកំពង់ចាមបានបញ្ជាក់ថាចំពោះស្ថានភាព ទឹកទន្លេមេគង្គខេត្តកំពង់ចាម នៅថ្ងៃទី១១ ខែកក្កដា ឆ្នាំ២០២៥នេះទឹកទន្លេបានហក់ឡើងថែមទៀតដល់កម្ពស់៩.៧០ម៉ែត្រ ធៀបថ្ងៃម្សិលមិញ ទឹកឡើងកម្ពស់០,១៦ម៉ែត្រ។ ដោយឡែកកម្ពស់ទឹកនាពេលនេះធៀបទៅឆ្នាំ២០២៤ទឹកទន្លេ មានកម្ពស់ត្រឹម ៦,៥៦ម៉ែត្រខណៈដែលចំណុចប្រកាសប្រុងប្រយ័ត្នមានកម្ពស់១៥,២០ម៉ែត្រ។ ដោយឡែកចំពោះស្ថានភាពអាកាសធាតុកាលពីម្សិលមិញគឺមានភ្លៀងធ្លាក់តិច ឫច្រើនក្នុងស្រុកចំនួន៧ និងក្រុង១។ ប្រភព: ការិយាល័យទីភ្នាក់ងារសារព័ត៌មានកម្ពុជាAKP នៃមន្ទីរព័ត៌មានខេត្តកំពង់ចាម។

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានឧបត្ថម្ភថវិកា ១ ម៉ឺនដុល្លារ ដើម្បីរៀបចំមហាសន្និបាតវិសាមញ្ញទូទាំងប្រទេស តំណាងសមាគមអតីតយុទ្ធជកម្ពុជា ក្រោមអធិបតីភាពដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន ប្រធានសមាគម ដែលនឹងប្រព្រឹត្តទៅនាថ្ងៃទី២៦ ខែកក្កដា ឆ្នាំ២០២៥ ខាងមុខនេះ។ Connect with សមាគមអតីតយុទ្ធជនកម្ពុជា-CVA 🌐Facebook 🌐Telegram 📱TikTok 🌐YouTube 🌐 Website

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានឧបត្ថម្ភថវិកា ១ ម៉ឺនដុល្លារ ដើម្បីរៀបចំមហាសន្និបាតវិសាមញ្ញទូទាំងប្រទេស តំណាងសមាគមអតីតយុទ្ធជកម្ពុជា ក្រោមអធិបតីភាពដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន ប្រធានសមាគម ដែលនឹងប្រព្រឹត្តទៅនាថ្ងៃទី២៦ ខែកក្កដា ឆ្នាំ២០២៥ ខាងមុខនេះ។

ឯកឧត្តម អ៊ុន ចាន់ដា អញ្ជើញចូលរួមពិធីប្រកាសដាក់ឱ្យអនុវត្តក្របខ័ណ្ឌយុទ្ធសាស្ត្រ នៃកម្មវិធីកែទម្រង់ច្បាប់របស់រាជរដ្ឋាភិបាល នៅព្រឹកថ្ងៃទី១០ ខែកក្កដា ឆ្នាំ២០២៥ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញចូលរួមពិធីប្រកាសដាក់ឱ្យអនុវត្តក្របខ័ណ្ឌយុទ្ធសាស្ត្រ នៃកម្មវិធីកែទម្រង់ច្បាប់របស់រាជរដ្ឋាភិបាល ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅវិមានសន្តិភាព។

នៅរសៀលថ្ងៃព្រហស្បតិ៍្ត ទី១០ ខែកក្កដា ឆ្នាំ២០២៥ ឯកឧត្តម ស្រី សុភ័ក្ដ្រ អភិបាលរងខេត្ដ តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្ដកំពង់ចាម បានអញ្ជើញដឹក នាំកិច្ចប្រជុំក្រុមការងារពិនិត្យទៅលេីករណីវិវាទដីលំនៅដ្ឋាន ជាបណ្ដឹងរបស់ប្រជាពលរដ្ឋនៅភូមិទី៩ ឃុំព្រែកតានង់ ស្រុកកោះសូទិន កិច្ចប្រជុំនេះធ្វេីឡេីងនៅសាលាខេត្ដកំពង់ចាម ។

ព្រឹកថ្ងៃទី០១០ ខែកក្កដា​ ឆ្នាំ២០២៥ ឯកឧត្តម ហាន កុសល តំណាងដ៏ខ្ពង់ខ្ពស់​ឯកឧត្ដម អ៊ុន ចាន់ដា អភិ​បាលនៃគណៈអភិបាលខេត្តកំពង់ចាម អញ្ជើញ ដឹកនាំកិច្ចប្រជុំប្រចាំឆមាសទី១ ស្ដីពីរបាយការណ៍វឌ្ឍនភាពនៃការអនុវត្តផែនការសកម្មភាព និងថវិការឆ្នាំ២០២៥ ដោយមានការចូលរួម អភិបាលរងក្រុង-ស្រុក មន្ទីរអង្គភាពពាក់ព័ន្ធជាច្រើនរូប នៅសាលប្រជុំសាលាខេត្តកំពង់ចាម។

នៅព្រឹកថ្ងៃព្រហស្បតិ៍ ទី១០ ខែកក្កដា ឆ្នាំ២០២៥ ឯកឧត្ដម ស្រី សុភ័ក្ដ្រ អភិបាលរងខេត្ដ តំណាងដ៍ខ្ពងខ្ពស់ ឯកឧត្ដម អ៊ុន ចាន់ដា អភិបាលនៃគណៈអភិបាលខេត្ដកំពង់ចាម បានអញ្ជើញដឹកនាំកិច្ចប្រជុំត្រួតពិនិត្យករណីវិវាទដីធ្លីរបស់ប្រជាពលរដ្ឋនៅស្រុកកំពង់សៀម ចំនួន ០៣ករណី កិច្ចប្រជុំនេះធ្វើឡើងនៅសាលាខេត្ដកំពង់ចាម ។

គ្រូបង្រៀន និងពលរដ្ឋនៅខេត្តកំពង់ចាម គាំទ្រការធ្វើវិសោធនកម្មច្បាប់ដកសញ្ជាតិខ្មែរពីក្រុមជ្រុលនិយម

អបអរសាទរ ព្រះរាជពិធីរុក្ខទិវា ៩ កក្កដា ឆ្នាំ២០២៥

ទឹកទន្លេមេគង្គខេត្តកំពង់ចាមបានឡើងបន្តិចទៀតនៅថ្ងៃនេះ នៅថ្ងៃនេះទឹកទន្លេមេគង្គខេត្តកំពង់ចាមបានបន្តហក់ឡើងបន្តិចទៀត បើយោងលោក អ៊ុម វិបុល ប្រធានមន្ទីរធនធានទឹក និងឧតុនិយមខេត្តកំពង់ចាមបានបញ្ជាក់ថាចំពោះស្ថានភាព ទឹកទន្លេមេគង្គខេត្តកំពង់ចាម នៅថ្ងៃទី១០ ខែកក្កដា ឆ្នាំ២០២៥នេះទឹកទន្លេបានហក់ឡើងបន្តិចទៀតដល់កម្ពស់៩.៥៤ម៉ែត្រ ធៀបថ្ងៃម្សិលមិញ ទឹកឡើងកម្ពស់០,០២ម៉ែត្រ។ ដោយឡែកកម្ពស់ទឹកនាពេលនេះធៀបទៅឆ្នាំ២០២៤ទឹកទន្លេ មានកម្ពស់ត្រឹម ៦,៦៦ម៉ែត្រខណៈដែលចំណុចប្រកាសប្រុងប្រយ័ត្នមានកម្ពស់១៥,២០ម៉ែត្រ។ ប្រភព: ការិយាល័យទីភ្នាក់ងារសារព័ត៌មានកម្ពុជាAKP នៃមន្ទីរព័ត៌មានខេត្តកំពង់ចាម។

ប្រជាពលរដ្ឋ​រស់នៅឃុំផ្តៅជុំ​ ស្រុកជេីងព្រៃ​ បង្ហាញការគាំទ្រ​យ៉ាងពេញទំហឹង​ចំពោះ​រាជរដ្ឋាភិបាល​ដែលបង្កេីតច្បាប់ដកសញ្ជាតិខ្មែរ ពីក្រុមជ្រុលនិយមនៅក្រៅប្រទេស​ឃុបឃិតជាមួយបរទេស​ដេីម្បីបំផ្លាញសន្តិភាពជាតិ។

ព្រះមហាក្សត្រខ្មែរ បំផុសឲ្យប្រជារាស្រ្តនាំគ្នាថែរក្សាធនធានធម្មជាតិព្រៃឈើ (ខេត្តកំពង់ចាម): ព្រះរាជពិធី រុក្ខទិវា ៩ កក្កដា បានប្រារព្ធឡើងនៅកសិដ្ឋានផលិតពូជដំណាំដីខ្ពស់ ស្ថិតនៅភូមិកសិដ្ឋាន ឃុំបុសខ្នុរស្រុកចំការលើ ដោយធ្វើឡើងអ្នកព្រឹកថ្ងៃទី៩កក្កដា ឆ្នាំ២០២៥ ក្រោមព្រះរាជអធិបតីភាពដ៏ខ្ពង់ខ្ពស់បំផុត សម្ដេចព្រះបរមនាថនរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា និងដោយមានការអញ្ជើញអមព្រះរាជដំណើរ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ, សម្ដេចមហារដ្ឋសភាធិការធិបតីឃួន សុដារី ប្រធានរដ្ឋសភានៃព្រះរាជាណាចក្រកម្ពុជា សម្ដេចបវរអធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឥស្សរជនមួយចំនួនទៀត។ ជាមួយនោះមានការចូលរួមពីសំណាក់មន្ត្រីរាជការ កងកម្លាំងប្រដាប់អាវុធ យុវជន និងបងប្អូនប្រជាពលរដ្ឋយ៉ាងច្រើនកុះករ។ ឯកឧត្តម អ៊ុន ចាន់ដា អភិបាលខេត្តមានប្រសាសន៍ដោយលើកឡើងថា: គណៈអភិបាលខេត្តព្រះសង្ឃមន្ត្រីរាជការកងកម្លាំងប្រដាប់អាវុធប្រជាពលរដ្ឋទូទាំងខេត្តកំពង់ចាមនិងក្នុងនាមរូបលោកផ្ទាល់សូមប្រកាសគាំទ្រយ៉ាងពេញទំហឹងចំពោះចំណាត់ការដ៏ម៉ឺងម៉ាត់របស់សម្ដេចមហាបវរធិបតីហ៊ុនម៉ាណែត នាយករដ្ឋមន្ត្រី ក្នុងការលើកយកបញ្ហាប្រាសាទតាមាន់ធំប្រាសាទតាមាន់តូច ប្រាសាទតាក្របីនិងតំបន់មុំបី ទៅតុលាការយុត្តិធម៌អន្តរជាតិ(ICJ)។ការដោះស្រាយបញ្ហាព្រំដែនកម្ពុជា-ថៃ ដោយសន្តិវិធីតាមយន្តការការទូតនិងច្បាប់អន្តរជាតិរបស់រាជរដ្ឋាភិបាលកម្ពុជាគឺជាចំណាត់ការប្រកបដោយភាពចាស់ទុំ ខាងនយោបាយក្នុងកិច្ចការពារឯករាជ្យអធិបតេយ្យភាពជាតិនិងបូរណភាពទឹកដីនៃព្រះរាជាណាចក្រកម្ពុជា។ ឯកឧត្តមអភិបាលខេត្ត បានរំលឹកថា នាពេលកន្លងទៅក្នុងព្រះរាជពិធីរុក្ខទិវា ៩កក្កដា ឆ្នាំ២០០០ នៅរមណីយដ្ឋានទឹកឆា ឃុំបឹងណាយ ស្រុកព្រៃឈរក្រោមព្រះរាជវត្តមានដ៏ខ្ពង់ខ្ពស់បំផុតរបស់សម្ដេចព្រះមហាក្សត្រី នរោត្តមមុនិនាថសីហនុ ព្រះវររាជមាតាជាតិខ្មែរ។រហូតមកដល់សព្វថ្ងៃដើមឈើទាំងនោះបានរីកធំធាត់ចោលម្លប់ត្រឈឹងត្រឈៃ។ស្ថិតក្នុងឱកាសដ៏ពិសេសវិសាលនាពេលនេះគឺលើកទី៩ នៃព្រះរាជវត្តមានដ៏ខ្ពង់ខ្ពស់បំផុតរបស់ព្រះករុណាជាអង្គម្ចាស់ជីវិតលើត្បូងជាទីសក្ការៈដ៏ខ្ពស់បំផុតសម្ដេចយាងជាព្រះរាជធិបតីដ៏ខ្ពង់ខ្ពស់នៃការប្រារព្ធព្រះរាជពិធីរុក្ខិវា ៩កក្កដា ឆ្នាំ២០២៥ គឺជាព្រះរាជសកម្មភាពដ៏ឧត្តុងឧត្តម ដែលទូលព្រះបង្គំយើងខ្ញុំទាំងអស់គ្នាពិតជាចងចាំមិនភ្លេចនិងប្ដេជ្ញាបន្តរួមគ្នាស្ដារអភិរក្សប្រភពធនធានដ៏មានសារៈសំខាន់នេះ ឲ្យបានគង់វង្សតាមរយៈការជំរុញចលនាប្រជាពលរដ្ឋគ្រប់រូបនៅតែមូលដ្ឋានស្ថាប័នរដ្ឋវិស័យឯកជន ព្រះសង្ឃនៅតាមវត្តអារាម ដើម្បីចូលរួមសកម្មភាពដាំដើមឈើឲ្យបានច្រើន។សម្រាប់ឧត្តមប្រយោជន៍ជាតិនិងចូលរួមការពារបរិស្ថានធនធានធម្មជាតិពិសេសការបង្កើតគម្របបៃតង។ សម្ដេចព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា ព្រះអង្គទ្រង់មានព្រះបន្ទូលថា ក្រោមព្រះរាជកិច្ចដឹកនាំដ៏ថ្លៃថ្លាបំផុតរបស់ព្រះករុណាព្រះមហាវីរៈក្សត្រព្រះវររាជមាតាជាតិខ្មែរព្រះបរមរតនកោដ្ឋ បានផ្ដួចផ្ដើមរៀបចំពិធីរុក្ខទិវាជាចលនាជាតិ ដែលប្រារព្ធឡើងជារៀងរាល់ឆ្នាំនៅតាមខេត្តនានាក្នុងសម័យសង្គមរាស្ត្រនិយម ដើម្បីបំផុសនិងលើកទឹកចិត្តឲ្យកូនចៅជាទីស្រឡាញ់របស់ព្រះអង្គ ឲ្យចូលរួមថែរក្សាការពារព្រៃឈើនិងដាំដើមឈើនៅទូទាំងប្រទេស។ វិធីរុក្ខទិវាជាវប្បធម៌ដ៏ប្រសើរនិងជាចលនាជាតិមួយដ៏សំខាន់ក្នុងកម្មវិធីស្ដារនិងអភិរក្សធម្មជាតិស្របតាមគោលនយោបាយជាតិក្នុងគោលបំណងអភិរក្សនិងលើកស្ទួយនៅសម្បត្តិធម្មជាតិ ប្រកបដោយចីរភាពជាពិសេសរក្សាការពារព្រៃឈើ ដែលជាជម្រកដល់សំខាន់បំផុតរបស់សត្វគ្រប់ប្រភេទរក្សាទឹកនិងជីវៈចម្រុះ ទុកជាប្រយោជន៍សម្រាប់មនុស្សគ្រប់ជំនាន់និងជាការសន្សំបុណ្យកុសលដ៏ធំធេងសម្រាប់មនុស្សជាតិគ្រប់រូបផងដែរ៕

អបអរសាទរ ព្រះរាជពិធីរុក្ខទិវា ៩ កក្កដា ឆ្នាំ២០២៥ នៅព្រឹកថ្ងៃទី៩ កក្កដា ឆ្នាំ២០២៥ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និង ឯកឧត្តម ខ្លូត ផន ប្រធានក្រុមប្រឹក្សាខេត្ត បានអញ្ជើញចូលរួម ព្រះរាជពិធី រុក្ខទិវា ៩ កក្កដា ឆ្នាំ២០២៥ ឆ្នាំ២០២៥ ស្ថិតនៅភូមិបុសខ្នុរ ស្រុកចំការលើ ក្រោមព្រះរាជាធិបតីភាពភាពដ៏ខ្ពង់ខ្ពស់បំផុត ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត។ ក្នុងព្រះរាជពិធីជាប្រវត្តិសាស្ត្រនេះ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ជួសមុខឲ្យក្រុមប្រឹក្សា គណៈអភិបាលខេត្ត មន្ត្រីរាជការ កងកម្លាំងប្រដាប់អាវុធ និងប្រជានុរាស្រ្ត ទូទាំងខេត្ត សូមរាជានុញ្ញាតដ៏ខ្ពង់ខ្ពស់បំផុត សូមគោរពថ្លែងអំណរគុណយ៉ាងជ្រាលជ្រៅ ថ្វាយព្រះបាទសម្ដេចព្រះ បរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ចំពោះព្រះវត្តមាន នៃការយាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងពិធី រុក្ខទិវា ៩​ កក្កដា ដែល​ប្រារព្ធធ្វើឡើងនៅក្នុងភូមិកសិដ្ឋាន ឃុំបុសខ្នុរ ស្រុកចំការលើ ខេត្តកំពង់ចាម នាព្រឹកថ្ងៃទី៩ ខែកក្កដា ឆ្នាំ២០២៥ នេះ។ ក្នុងនោះខ្ញុំបាទ​ក៏សូមគោរពថ្លែងអំណរគុណយ៉ាងជ្រាលជ្រៅចំពោះវត្តមានដ៏ឧត្តុង្គឧត្តមរបស់ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ, សម្ដេចមហារដ្ឋសភាធិការធិបតី​ ឃួន សុដារី ប្រធានរដ្ឋសភា និងសម្ដេចបវរធិបតី​ ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា​ ព្រមទាំងសម្តេច​ ឯកឧត្តម​ លោកជំទាវ​ លោក​ លោកស្រី​ បានផ្តល់កិត្តិយសអញ្ជេីញចូលរួម​ បង្កនូវបរិយាកាសយ៉ាងអធិកអធម​ និងមហាកិត្តិយសដល់ប្រជាជនខេត្តកំពង់ចាម៕🙏🇰🇭🙏