Ethiopian Aviation ✈️

ኬንያ የጆሞ ኬንያታ ዓለም አቀፍ አውሮፕላን ማረፊያን ለማስፋፋት ከቻይና ኩባንያ ጋር ስምምነት ተፈራረመች የኬንያ መንግሥት በናይሮቢ የሚገኘውን ጆሞ ኬንያታ ዓለም አቀፍ አውሮፕላን ማረፊያ ለማስፋፋት ከቻይናው «ቻይና ሮድ ኤንድ ብሪጅ ኮርፖሬሽን» ጋር የ154.2 ቢሊዮን የኬንያ ሺሊንግ (1.2 ቢሊዮን ዶላር) ስምምነት መፈራረሙን የትራንስፖርት ሚኒስትር ዴቪስ ቺርቺር ማክሰኞ ዕለት አስታውቀዋል። አገሪቱ በዓመት የሚያስተናግደውን የመንገደኞች አቅም አሁን ካለበት 7.5 ሚሊዮን ወደ 22 ሚሊዮን በሦስት እጥፍ ገደማ ለማሳደግ አቅዳለች። ፕሮጀክቱ አዲስ የተርሚናል ሕንፃ ግንባታን፣ ነባር መሠረተ ልማቶችን ማዘመንና ማሻሻልን እንዲሁም የአየር ላይ እና የምድር ላይ ሥራዎችን ማሳደግን ያካትታል። ይህ ፕሮጀክት ባለፈው ዓመት ከሕንዱ «አዳኒ ግሩፕ» ጋር የነበረው ስምምነት መሰረዙን ተከትሎ ተቋርጦ የነበረ ሲሆን፣ በአሁኑ ወቅት ኢትዮጵያ እና ሩዋንዳን ጨምሮ በየአገራቱ እየተካሄደ ካለው የአየር ማረፊያ ግንባታ ጋር ተያይዞ ኬንያ ቀጠናዊ የአቪዬሽን ማዕከል ሆና ለመቀጠል እየጣረች መሆኑን ታይቷል። ለፕሮጀክቱ የሚሆን የገንዘብ አቅርቦት ለማመቻቸት የአፍሪካ ንግድ እና ልማት ባንክ እና የአፍሪካ ፋይናንስ ኮርፖሬሽን መመደባቸውን ሚኒስትሩ ገልጸዋል። #ቅዳሜገበያ #etbusinessview #Ethiopia #Keneya