Strategic Focus: LIVE

🇺🇸🇮🇷 Трамп Эронга қарши ядро қуролидан фойдаланиш нияти йўқлигини билдирди. Strategic Focus: LIVE

🇺🇸 Kalshi прогноз бозорида Трампга импичмент эълон қилиниши эҳтимоли 78,5 фоизга етди. Импичмент — президентни лавозимидан четлатиш масаласини кўриб чиқишга олиб келадиган расмий айблов жараёни. Strategic Focus: LIVE

🇺🇸🇷🇺 Трампнинг мағлубиятидан Путин, катта эҳтимол билан, Америка тизимининг кучи ҳақида эмас, балки унинг заифлиги тўғрисида хулоса чиқаради. Россия, Хитой, Шимолий Кореяда давлат раҳбарида парламент сайловларини ютқазиб қўйиш хавфи йўқ. Демак, у ҳаммасини тўғри қилаяпти. Трамп ҳам буни истайди-ю, лекин қилолмайди. У қўллари боғлаб қўйилган кучли одам, Путин ёки Ким эса — эркин кучли одамлар, ва шубҳасиз, уларнинг тимсолида фақат ўзлари эмас, халқлари ҳам шундай. Биз эрксизликни кўрган жойда улар эркинликни кўрадилар. Мамлакатнинг парчаланиши, давлатчиликнинг бой берилиши, қонли инқилоблар кўринишидаги «геополитик ҳалокатлар» парламент сайловларида ютқаза олмайдиган ана шундай кучли одамлар билан рўй берган — Россия, Германия, Италия, Кореяда ва бундай ишонч яқиндагина шаклланган Хитойда ҳам. Strategic Focus: LIVE

🇺🇸 Абер Кавас Нью-Йорк штати Сенатига сайловларда ғалаба қозониб, штат қонун чиқарувчи органига сайланган биринчи фаластинлик америкалик бўлди. 2026 йил 3 ноябрдаги сайлов натижаларига кўра: • Абер Кавас Нью-Йорк штати Сенатининг 12-сайлов округида ғолиб бўлди. • У рақиби Хан Хон Тони ортда қолдирди. • Овозларнинг тахминан 93 фоизи ҳисобланганида Кавас 74,3 фоиз, рақиби эса 25,4 фоиз овоз олган. • У Нью-Йорк штати қонун чиқарувчи органига сайланган илк фаластинлик америкалик ва илк мусулмон аёл сифатида тарихга кирди. Муҳим изоҳ: бу АҚШ Конгресси Сенати эмас, балки Нью-Йорк штати Сенати. Уларни адаштирмаслик керак. Strategic Focus: LIVE

🇺🇸 Жоржия штатида илк бор қора танли аёл губернатор этиб сайланди Демократлар партияси вакили Кейша Ленс Боттомс АҚШнинг Жоржия штати губернатори этиб сайланиб, мамлакат тарихида ушбу лавозимни эгаллаган илк қора танли аёл бöлди. Strategic Focus: LIVE

🇷🇺🇰🇿 Олмаотада “Қозоғистон — рус мамлакати” деган эркак 20 суткага қамалди 40 ёшли Қозоғистон фуқароси савдо марказида қўриқчи ҳамда харидорлар билан жанжаллашгани учун ушланди. Strategic Focus: LIVE

🇺🇸🇮🇷 АҚШда бензин қимматлашишига Эрон билан уруш сабаб бўлган. Шунинг учун биз бугун мағлуб бўлдик. Ҳаммасига Эрон айбдор - Трамп АҚШ президенти Дональд Трамп Эрон билан уруш сабаб бензин нархи ошганини тан олди. «Аслида, биз энг кучли иқтисодиётга эгамиз. Аммо бензин нархи туфайли одамлар буни тўлиқ ҳис қилмаяпти. Бензин билан боғлиқ муаммо Эрон сабабли юзага келди», — деди Трамп Fox News телеканалига берган интервьюсида. Аввалроқ у бензин нархи ошишида Украинанинг Россия нефтни қайта ишлаш заводларига берган зарбаларини ҳам айблаган эди. Strategic Focus: LIVE

🇺🇸 Эл-Сайед Сенат сайловидаги ғалабасидан сўнг Трампни масхара қилди: “Доналд, қаранг, исмимни талаффуз қилиш сизга қийинчилик туғдираётганини биламан. Шундай экан, шу йилнинг январь ойида Ж. Д. (Венс) мени қасамёд қилдирганидан сўнг, менга шунчаки “Сенатор” деб мурожаат қилишингиз мумкин.” Strategic Focus: LIVE

🇺🇸 Дональд Трамп Truth Social тармоғида «Вето» ёзуви туширилган қизил бош кийим суратини эълон қилди. Бу АҚШ Конгрессининг ҳар икки палатасида — Вакиллар палатаси ва Сенатда демократик партия кўпчиликни қўлга киритгани ҳақидаги хабарлар ортидан содир бўлди. «Акс ҳолда, мен ҳамма нарсага вето қўяман, бу эса уларга ёқмайди», — деди Трамп CBS News телеканалига берган интервьюсида. Аввалроқ у оралиқ сайловлар натижаларини қабул қилишга ва демократлар билан ҳамкорлик қилишга тайёрлигини билдирган эди. Strategic Focus: LIVE

🇺🇸 Reuters хабарига кўра, АҚШ сайловларида демократларнинг ғалаба қозониши ортидан доллар заифлашмоқда, фонд бозори фьючерслари пасаймоқда, инвесторлар эса давлат облигацияларини фаол сотиб олишмоқда. Демократлар Конгресснинг ҳар икки палатасида кўпчилик ўринни эгаллади. Бу ҳолат инвесторлар ўртасида технология секторини, хусусан, сунъий интеллект соҳасини янада қаттиқроқ тартибга солиш эҳтимоли борлиги ҳақидаги хавотирларни келтириб чиқарди. S&P 500 фьючерслари 0,5 фоизга, Nasdaq фьючерслари 0,9 фоизга, доллар индекси эса 0,3 фоизга пасайди. Шу билан бирга, АҚШ давлат облигациялари ва олтинга бўлган талаб ортмоқда. Инвесторлар демократлар Трамп даврида кузатилган давлат харажатларининг узлуксиз ўсишини жиловлай олиши мумкин, деб умид қилмоқдалар. Демократларнинг Техас ва Канзас штатларидаги ғалабалари алоҳида эътиборга молик — ахир бу штатларда улар ўнлаб йиллар давомида Сенат сайловларида ғалаба қозона олмаган эдилар. Strategic Focus: LIVE

🇺🇸 ​​Эрон билан уруш бошлаш ва савдо тарифларини ошириш Трампнинг Америка сиёсати тарихидаги энг катта сиёсий хатоларидан бири сифатида эсланади. Трамп 2025 йилда иқтисодиёти ўсаётган, ишсизлик даражаси паст, инфляцияси пасайган Американи мерос қилиб олганди. Унинг админи деярли ҳеч нарса қилмасдан ҳам шу иқтисодий ўсишнинг сиёсий мевасини кўриши мумкин эди. AI туфайли ўсаётган иқтисодиётда ҳеч нарса қилмаса ҳам ҳамма ютуқ уники бўлар эди. Аммо бунинг ўрнига ўзи янги иқтисодий ва сиёсий муаммолар яратди. Аҳмоқлик бўлди. Йўқ жойдан, мутлақо йўқ жойдан иқтисодиётга путур етқазди, нархлар ошиб кетди. Админ эса банкет зальни қуриш билан банд. Ўзига ўзи муаммо орттиришнинг бундан яхши мисолини топиш қийин. Strategic Focus: LIVE

🇺🇸 Трамп Техасни кўк рангга бўяди. Ўз қўли билан. Губернатор ҳам, сенатор ҳам демократ бўлишга яқин. 40 йилдан бери штат республикачиларнинг қўлида эди. Барча сайловларда. Бунга эришиш учун ростдан ҳам жуда қаттиқ ҳаракат қилиш керак. Трамп буни уддалади. Қизиғи, Теҳрондан олдин Техасда режим алмашишга яқин. Техас-ку майли, Канзасни қаранг. Канзасда демократлар 100 (!) йилдан бери АҚШ Сенатига сайлана олмаган эди. Бугун эса Адам Ҳамилтон ғалаба қозонмоқда. Ваҳоланки бу штатни Трамп 16 фоиз фарқи билан ютган эди, 2 йил олдин. Яна бир бор, бу сайлов америкаликлар Трамп ва MAGA сиёсатидан қанчалик чарчаганини кўрсатмоқда, назаримда. Бунинг учун бир асрлик анъанани ҳам бузишмоқда. Strategic Focus: LIVE

🇺🇸 Миссиссиппи штатидан Сенатор жойига сайловда икки номзоднинг овозларидаги фарқи 28. Йигирма саккиз дона овоз фарқ. 97% овозлар санаб бўлинган. Strategic Focus: LIVE

🇺🇸 Трамп АҚШдаги оралиқ сайловлар натижаларини тан олишга ҳамда Конгрессдаги демократлар билан ишлашга тайёр эканини билдирди. Strategic Focus: LIVE

🇺🇸 Касби шифокор бўлган Эл-Сайед АҚШ Сенатига сайланган биринчи мусулмон сифатида тарихга кирди. Strategic Focus: LIVE

🇺🇸 Доктор Абдулраҳмон Эл-Сайед Мичиган штатидан АҚШ тарихидаги биринчи мусулмон Сенатор бўлди. Strategic Focus: LIVE

🇺🇸 Демократлар АҚШ Вакиллар палатаси устидан ҳам назоратни қўлга киритди. Strategic Focus: LIVE

🇺🇸🇷🇺🇺🇦 Россия АҚШ сайловларидан кейин Украинага қарши зарбаларни кучайтиради — Bloomberg Москва энди Трамп Украинани Россия шартлари асосида тинчлик шартномасини қабул қилишга мажбур қила олишига ишонмайди, деб хабар беради Bloomberg манбаларга таяниб. Манбаларга кўра, бу эътиқод Путинни Украинага қарши зарбаларни кучайтириш ва Киевни қўллаб-қувватловчи Европа мамлакатларига босимни кучайтириш орқали урушни узайтиришга ундамоқда. Бундан ташқари, Кремлга яқин манбанинг сўзларига кўра, Кремл октябрь ойи бошида Трамп томонидан эълон қилинган дизел битими мисолида Россияга қарши АҚШ санкцияларини янада юмшатиш йўлларини излайди. Унинг таъкидлашича, Россия раҳбариятининг мақсади Трампни АҚШ ва Россия аввал Украинадаги урушни тугатмасдан қўшма бизнес юритиши мумкинлигига ишонтиришдир. Strategic Focus: LIVE

🇺🇸 Трамп президентлиги даврида АҚШда бензин нархи учдан баравардан кўпроққа ошди - Financial Times. Нашрнинг хабар беришича, бир галлон бензин тахминан 4,27 долларга етди — бу Трамп Оқ уйга қайтган 2025-йил январ ойидагига нисбатан учдан бир қисмдан кўпроқ қимматроқ. Трамп нархларни бир галлон учун 2 долларга туширишга ваъда берган эди, аммо Эрон билан уруш Ҳормуз бўғози орқали нефт етказиб беришда узилишларга ва Яқин Шарқдаги энергетика инфратузилмасига зарар етказди. Дизел ёқилғиси нархи янада сезиларли даражада ошди — Трампнинг иккинчи муддати давомида 70% дан кўпроққа, бир галлон учун 6,35 долларга етди. Strategic Focus: LIVE

🇺🇦 Зеленскийнинг собиқ матбуот котиби давлатга хиёнатда гумонланмоқда Украина Хавфсизлик хизмати (СБУ) Бош прокурор идораси билан ҳамкорликда президентнинг собиқ матбуот котиби Юлия Мендельга нисбатан сиртдан гумон эълон қилди. У ҳарбий ҳолат шароитида давлатга хиёнат қилиш, шунингдек, Россиянинг Украинага қарши қуролли тажовузини оқлаш ва инкор этишда гумонланмоқда. Украина ҳуқуқ-тартибот идоралари маълум қилишича, ўтказилган экспертизалар ва текширувлар Мендель ўзининг оммавий чиқишлари ҳамда ижтимоий тармоқлардаги ёзувлари орқали Украина обрўсига халқаро майдонда путур етказгани, Россия ҳукумати ва Украинага қарши кенг кўламли урушни оқлаганини кўрсатган. СБУ маълумотига кўра, Мендель ҳозирда мамлакат ташқарисида. Уни жавобгарликка тортиш бўйича чоралар давом этмоқда. Strategic Focus: LIVE