មហាវិទ្យាល័យព័ត៌មានវិទ្យា ស.ជ.គ Faculty of Information Technology NUM

🏆 សូមណែនាំក្រុមតំណាងមហាវិទ្យាល័យព័ត៌មានវិទ្យា នៃសាកលវិទ្យាល័យជាតិគ្រប់គ្រង ដែលនឹងចូលរួមប្រកួត «Programming-Based Algorithms Challenge 2026»! ក្រុមរបស់យើងបានត្រៀមខ្លួន ដើម្បីបង្ហាញសមត្ថភាពសរសេរកម្មវិធី ការគិតបែបតក្កវិជ្ជា និងការដោះស្រាយបញ្ហាតាម​ Algorithms ជាមួយនឹងស្មារតីសហការជាក្រុម និងការប្តេជ្ញាចិត្តខ្ពស់។ 🚀 សូមលើកទឹកចិត្ត និងជូនពរក្រុមរបស់យើងឱ្យទទួលបានជោគជ័យក្នុងការប្រកួត! 💙 #NUM #FIT #CodingChallenge2026 #Programming #Algorithms #Team

ការទន្ទឹងរង់ចាំរបស់ត្រូវបានបញ្ចប់ 🎓🤩👩‍🎓👨‍🎓 សេចក្តីជូនដំណឹងស្តីពីការរៀបចំពិធីសម្ពោធដាក់ឱ្យប្រើប្រាស់សាលសន្និសីទសម្តេចធិបតី អគារសិក្សាថ្មី និងប្រគល់សញ្ញាបត្រជូននិស្សិតជ័យលាភីសម្រាប់ថ្នាក់បរិញ្ញាបត្រជំនាន់ទី២៩ និងទី៣០ សម្រាប់ថ្នាក់បរិញ្ញាបត្រជាន់ខ្ពស់ជំនាន់ទី២៥ និងទី២៦ និងសម្រាប់ថ្នាក់បណ្ឌិតជំនាន់ទី៧ នៃសាកលវិទ្យាល័យជាតិគ្រប់គ្រង នៅថ្ងៃទី៩ ខែធ្នូ ឆ្នាំ២០២៦ នៅទីតាំងសាកលវិទ្យាល័យជាតិគ្រប់គ្រងសាខាវាលស្បូវ។ គេហទំព័រNUM: num.edu.kh

📢 មុខងារថ្មីនៅលើប្រព័ន្ធ NUM Feedback៖ ការស្នើសុំច្បាប់អវត្តមានរបស់និស្សិត! ឥឡូវនេះ និស្សិតអាចស្នើសុំច្បាប់អវត្តមានដោយខ្លួនឯង តាមរយៈគណនីរបស់និស្សិតក្នុងប្រព័ន្ធNUM Feedback ដើម្បីផ្តល់ដំណឹង និងស្នើសុំការអនុញ្ញាតពីលោកគ្រូ–អ្នកគ្រូបានកាន់តែងាយស្រួល និងរហ័ស។ 👨‍🎓 សម្រាប់និស្សិត៖ ✅ ជ្រើសរើសមុខវិជ្ជារៀនតាមកាលវិភាគ ✅ ជ្រើសរើសកាលបរិច្ឆេទដែលត្រូវសុំច្បាប់អវត្តមាន ✅ បញ្ជាក់មូលហេតុដែលមិនអាចចូលរៀនបាន ✅ ចុចផ្ញើរសំណើរសុំច្បាប់អវត្តមានដើម្បីសុំច្បាប់ ✅ តាមដានស្ថានភាពសំណើសុំច្បាប់អវត្តមាន 👩‍🏫 សម្រាប់លោកគ្រូ–អ្នកគ្រូ៖ នៅពេលបើកដំណើរការ Student Attendance QR សម្រាប់កត់ត្រាវត្តមាននិស្សិត លោកគ្រូ–អ្នកគ្រូអាចពិនិត្យសំណើសុំច្បាប់របស់និស្សិត រួចចុចអនុញ្ញាច្បាប់ ឬ បដិសេធ បានយ៉ាងងាយស្រួល។ 📌 ការផ្ញើសំណើសុំច្បាប់អវត្តមានមិនមានន័យថាទទួលបានការអនុញ្ញាតដោយស្វយប្រវត្តិនោះទេ។ និស្សិតត្រូវរង់ចាំការអនុញ្ញាពីលោកគ្រូ–អ្នកគ្រូជាមុនសិន។ ✨ ស្នើសុំកាន់តែងាយស្រួល សម្រេចចិត្តកាន់តែច្បាស់លាស់ និងគ្រប់គ្រងវត្តមានកាន់តែប្រសើរ! 🌐 www.numfeedback.com

ការប្រកួតប្រណាំងដ្រូនលើកទី១ ឆ្នាំ២០២៦ និងពិធីប្រគល់វិញ្ញាបនបត្រហោះហើរដ្រូន ជូនសិក្ខាកាមនៃកងរាជអាវុធហត្ថរាជធានីភ្នំពេញ នារសៀលថ្ងៃអាទិត្យ ១រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកញ្ញា ឆ្នាំ២០២៦ មហាវិទ្យាល័យព័ត៌មានវិទ្យា នៃសាកលវិទ្យាល័យជាតិគ្រប់គ្រង បានរៀបចំកម្មវិធីប្រកួតប្រណាំងដ្រូនលើកទី១ ឆ្នាំ២០២៦ និងពិធីប្រគល់វិញ្ញាបនបត្រហោះហើរដ្រូន ជូនសិក្ខាកាមចំនួន ១១៨នាក់ នៃកងរាជអាវុធហត្ថរាជធានីភ្នំពេញ។ —————————————————— កម្មវិធីនេះមានការអញ្ជើញចូលរួមដ៏ខ្ពង់ខ្ពស់ពីសំណាក់៖ • ឯកឧត្តមបណ្ឌិត សាន វឌ្ឍនា រដ្ឋលេខាធិការក្រសួងអប់រំ យុវជន និងកីឡា • ឯកឧត្តម ជា មានិត រដ្ឋលេខាធិការក្រសួងប្រៃសណីយ៍ និងទូរគមនាគមន៍ • ឯកឧត្តម គង់ ផល្លៈ រដ្ឋលេខាធិការក្រសួងប្រៃសណីយ៍ និងទូរគមនាគមន៍ • ឯកឧត្តម មែ ស៊ីថន អនុរដ្ឋលេខាធិការទីស្តីការគណៈរដ្ឋមន្ត្រី និងជាពិធីការរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា • ឯកឧត្តមសាស្ត្រាចារ្យបណ្ឌិត ហោ ប៉េង សាកលវិទ្យាធិការនៃសាកលវិទ្យាល័យជាតិគ្រប់គ្រង • ឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ។ ព្រមទាំងមានការអញ្ជើញចូលរួមពីឯកឧត្តម លោកជំទាវ លោក លោកស្រី ជាអគ្គលេខាធិការ អគ្គនាយក អគ្គនាយករង ប្រធានក្រុមហ៊ុន តំណាងអង្គភាពនានា ភ្ញៀវកិត្តិយស សាស្ត្រាចារ្យ សិក្ខាកាមកងរាជអាវុធហត្ថ និស្សិត និងទស្សនិកជនជាតិ និងអន្តរជាតិជាច្រើនរូប។ ក្នុងឱកាសនេះ លោកសាស្ត្រាចារ្យ ឆាយ ផាង ព្រឹទ្ធបុរសមហាវិទ្យាល័យព័ត៌មានវិទ្យា បានធ្វើរបាយការណ៍សង្ខេបអំពីគោលបំណង ដំណើរការ និងសមិទ្ធផលនៃកម្មវិធី។ លោកបានបញ្ជាក់ថា វគ្គបណ្តុះបណ្តាលបានផ្សារភ្ជាប់ទ្រឹស្តីនឹងការអនុវត្តជាក់ស្តែង លើការដំឡើង ការបញ្ជា និងការប្រើប្រាស់ដ្រូនប្រកបដោយសុវត្ថិភាព ដោយមានសិក្ខាកាមចំនួន ១១៨នាក់ ក្នុងនោះស្រី ៦នាក់ បានបញ្ចប់ការសិក្សាដោយជោគជ័យ។ ចំពោះការប្រកួតប្រណាំងដ្រូន បេក្ខជន បានឆ្លងកាត់ការហ្វឹកហាត់តាមកម្មវិធី Drone Simulator នៅលើកុំព្យូទ័រ មុននឹងទទួលបានឧបករណ៍ដ្រូនមួយឈុតសម្រាប់ក្រុមនីមួយៗពីមហាវិទ្យាល័យ ដើម្បីរួមគ្នាដំឡើង កំណត់ប្រព័ន្ធ និងហ្វឹកហាត់ការហោះហើរជាក់ស្តែង។ ការប្រកួតបានដំណើរការចាប់ពីវគ្គជម្រុះក្នុងពូល រហូតដល់វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ ដោយផ្តល់ឱកាសឱ្យបេក្ខជនបង្ហាញសមត្ថភាពបច្ចេកទេស ការដោះស្រាយបញ្ហា និងស្មារតីសហការជាក្រុម។ បន្ទាប់ពីរបាយការណ៍ ឯកឧត្តមសាស្ត្រាចារ្យបណ្ឌិត ហោ ប៉េង សាកលវិទ្យាធិការនៃសាកលវិទ្យាល័យជាតិគ្រប់គ្រង បានអញ្ជើញថ្លែងសុន្ទរកថាស្វាគមន៍ និងបើកកម្មវិធី ប្រកបដោយភាពស្វាគមន៏ ស្និតស្នាល និងមតិជដ៏មានតម្លៃ។ ជាបន្តបន្ទាប់ ឯកឧត្តមបណ្ឌិត សាន វឌ្ឍនា ឯកឧត្តម ជា មានិត និងឯកឧត្តម ឧត្តមសេនីយ៍ឯក រ័ត្ន ស្រ៊ាង ក៏បានអញ្ជើញ មានមតិចូលរួម ដោយបានកោតសរសើរចំពោះការខិតខំប្រឹងប្រែងរបស់គណៈកម្មការរៀបចំកម្មវិធី គ្រូបណ្តុះបណ្តាល សិក្ខាកាម និងបេក្ខជនទាំងអស់។ ឯកឧត្តមបានលើកទឹកចិត្តឱ្យសិក្ខាកាម និងបេក្ខជនបន្តសិក្សាស្រាវជ្រាវ ហ្វឹកហាត់ និងអភិវឌ្ឍជំនាញបច្ចេកវិទ្យារបស់ខ្លួន ដើម្បីក្លាយជាធនធានមនុស្សប្រកបដោយសមត្ថភាព និងរួមចំណែកដល់ការអភិវឌ្ឍសង្គមជាតិ។ កម្មវិធីបានប្រព្រឹត្តទៅដោយរលូន និងបញ្ចប់ដោយជោគជ័យ ក្នុងបរិយាកាសរីករាយ ស្និទ្ធស្នាល និងសាមគ្គីភាព ព្រមទាំងបានពង្រឹងចំណងមិត្តភាព និងការចែករំលែកបទពិសោធន៍រវាងអ្នកចូលរួមទាំងអស់។ មហាវិទ្យាល័យព័ត៌មានវិទ្យា សូមគោរពថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំ ភ្ញៀវកិត្តិយស ដៃគូសហការ អ្នកឧបត្ថម្ភ គណៈកម្មការ ក្រុមការងារ និងអ្នកចូលរួមទាំងអស់ ដែលបានគាំទ្រ និងរួមចំណែកធ្វើឱ្យព្រឹត្តិការណ៍នេះសម្រេចបានដោយជោគជ័យ។ #សាកលវិទ្យាល័យជាតិគ្រប់គ្រង #មហាវិទ្យាល័យព័ត៌មានវិទ្យា #NUM #DroneRacing2026

កម្មវិធីការប្រកួតប្រណាំងដ្រូន លើកទី១ ឆ្នាំ២០២៦ និងពិធីប្រគល់វិញ្ញាបនបត្រហោះហើរដ្រូន ជូនសិក្ខាកាមចំនួន ១១៨នាក់ នៃកងរាជអាវុធហត្ថរាជធានីភ្នំពេញ។ ថ្ងៃទី២៧ ខែកញ្ញា ឆ្នាំ២០២៦ ទីតាំង សាកលវិទ្យាល័យជាតិគ្រប់គ្រង សាខាវាស្បូវ. រៀបចំឡើងដោយ មហាវិទ្យាល័យព័ត៌មានវិទ្យា Faculty of Information Technology #it #drone #droneracingcompetition2026 #technology

សូមអបអរសាទរ ក្រុម FIT 04 ទទួលបានជ័យលាភីលេខ 1 ក្នុងកម្មវិធីការប្រកួតប្រណាំងដ្រូន លើកទី១ ឆ្នាំ២០២៦។ #FIT04 #DroneRacingCompetition2026 #top1 #Drone

សូមអបអរសាទរ ក្រុម FIT 07 ទទួលបានជ័យលាភីលេខ ២ ក្នុងកម្មវិធីការប្រកួតប្រណាំងដ្រូន លើកទី១ ឆ្នាំ២០២៦។ #FIT07 #DroneRacingCompetition2026 #top2 #Drone

សូមអបអរសាទរ ក្រុម FIT 03 ទទួលបានជ័យលាភីលេខ 3 ក្នុងកម្មវិធីការប្រកួតប្រណាំងដ្រូន លើកទី១ ឆ្នាំ២០២៦។ #FIT03 #DroneRacingCompetition2026 #top3 #Drone

សូមអបអរសាទរ ក្រុម FIT 05 ទទួលបានជ័យប្រជាប្រិយ ក្នុងកម្មវិធីការប្រកួតប្រណាំងដ្រូន លើកទី១ ឆ្នាំ២០២៦។ #FIT05 #DroneRacingCompetition2026 #popular #Drone

ការអញ្ជើញរបស់គណធិបតី ទស្សនាបរិវេន អាគារ នៃសាកលវិទ្យាល័យជាតិគ្រប់គ្រង សាខាវាលស្បូវ មុនដំណើរការ ការប្រកួតប្រណាំងដ្រូន លើកទី១ ឆ្នាំ២០២៦ និងពិធីប្រគល់វិញ្ញាបនបត្រហោះហើនដ្រូន នារសៀលថ្ងៃអាទិត្យ ទី២៧ ខែកញ្ញា ឆ្នាំ២០២៧។