BAC AUDEN | دَربي إلى الجامعة

يرحم والدين الاساتذة لي يتفاخرو بواش قاولو يطيح و مايطحيحش ، ماااااشي وقته اطلاقا راكم تديرو تشتيت للتلاميذ ، كاين لي يخافو ، كاين لي يحسو بالندم ، و كاين و كاين . من فضلكم اصدقائي اذا حسيت بالتشتت اقلع انسى ارمي الهاتف تاعك و اخرج من أي مصدر يشتت مهما كان ، يالوكان قناتي . ربي يوفقكم و كملو مراجعتكم 🤲🏻 ، رح تلقاو واش قريتو مش رح يجيبولكم حاجة خارج نطاق البرنامج صدقوني سورثو في العلوم ، باذن الله كامل تعوضو فيها . كذلك باقي الشعب غدوا مادتكم الاساسية ركزو مليح مليح و استغلو كل لحظة من الاختبار . وفقكم الرحمن ، مع السلامة ، لامزيد من تضييع الوقت 🙌🏻 ⏰ .

اصدقائي ازربووو اقراو 😰 ⬇️ صدقوني غدوا رح تلقاو ثلاث تمارين في الموضوع الاول تاع العلوم تاع شعبة علوم تجريبية و ثلاث تمارين في الموضوع الثاني . اما شعبة رياضيات رح تلقاو زوج تمارين في الموضوع الاول و زوج في الموضوع الثاني 🤫!!

وفقكم الرحمن ، ماتخافوش باذن الله رح يكون كلشي في المتناول بالتوفيق مرة اخرى و مع السلامة 🌟

راكم تشوفو ورقتي كيفاش ، حاولو تشرحو لنفسكم باش تجمعو اكبر عدد ممكن من النقاط .

اما في الفرنسية 🇫🇷: اقراو ملا الموضوعين و خدو وقتكم مليح مليح في الاختيار . اقراو كل فقرة مليح مليح مليح ، و اذا مافهمتوش حاجة حاولو تستنتجوها من خلال المصطلحات لي عرفتوها ( وصلت الفكرة ) كل فقرة ديرولها فكرة باش تعاونكم في كتابة le compte rendu اكتبو بخط واضح و منظم و راجعو اجاباتكم مليح مليح ، و ماتكثروش من الاخطاء الاملائية . هذه الامسية تقدرو تراجعو المصطلحات لي قريتوهم ، الوضعيات ، les comptes rendu

🚨 | تنبيه صغير كذلك : اصدقائي من شعبة رياضيات ركزو مليح مليح مليح مليح مليح السياق ، صدقوني الباكالوريات السابقة تاعكم اغلبية الاجابة من السياق خصوصا في النصوص العلمية ( الخاصة بالتمرين الاول او الجزء الثالث من التمرين الثاني ) استعملو المسودة الا للضرورة القصوى من فضلكم باش يكفيكم الوقت و باذن الله جميعكم رح تتميزو في المادة 🌟

هذه هي ورقة موضوع العلوم . 1️⃣ - التسطير و تعيين كل كلمة مفتاحية لانها تساعدك في الاجابة . 2️⃣- تقدرو تشوفو اعلى الصفحة كتبت : = استن1-2 = استنتاج تركيب هذو كتبتهم باش نرجع ليهم و نتفكرهم . لانو مع طول الموضوع و طول الاجابة ممكن الواحد يتخلط و ينسى واش يراجع و واش يدير

يوم اختبار العلوم ⬇️ ⚠️: 1️⃣- اقرا كلا الموضوعين مليح مليح مليح مليح 2️⃣- اقرا بتأني ماشي بسرعة البرق بصح دير بالك على الوقت 3️⃣- لوكان تقرا بسرعة رح تخاف و تتخلط و ممكن تنسى معلوماتك . " ماتخافوش راني على يقين بلي رح يكون في المتناول ، خصوصا التلميذ لي قرا بإذن الله مش رح تلقى صعوبة استعن بذكر الله و حذاري من المبالغة في القلق " واضح ؟ باش تخير الموضوع ⬇️ - اقرا كلا الموضوعين. - احكم التمرين الاول من الموضوع الاول و قارنه مع التمرين الاول من الموضوع الثاني ، نفس الشيء مع باقي التمارين . - اعطي الاولوية للموضوع لي تجيب فيه نقاط بزاف ، او فكرة تمارينه كانت واضحة ماتقولش ماقريتش العصبي مليح و بالتالي مش رح نخير المضوع . ممكن تجيك فكرة بسيطة فيه ! 👈🏻 المهم اختر الموضوع لي مناسب لك ماتبقاش تعس غي التلاميذ وشمن موضوع خيرو لكي لا تتشتت و تغير الموضوع . ⚠️ | قراءة السبياق و التسطير على الكلمات المفتاحية مهم جدا لانو رح يساعدك في صياغة الاجابة و بالاخص الاستنتاج و التركيب . ⏰ | الترم بالوقت الخاص بكل تمرين ، لتجنب ضياع الوقت . ⚠️ | حذاري من تضييع الوقت في المسودة استعملها الا للضرورة ⚠️ | حذاري تخلي مكان الاستنتاج او التركيب فارغ و تنسى ماترجعش ليه ⚠️ | اذا خليته فارغ دير علامة في ورقة الموضوع باش ترجع ليه . و حاول ماتطولش باش ما يروحوش افكارك و ما تنساهمش .

نقطة نسيتها فقط ( خصوصا شعبة رياضيات ) 👇🏻 👈🏻 اذا نسيتو ماراجعتوش نظام CMH او الزمر الدموية او حتى Rh ، اضربو طلة عليه و راجعوه مليح مليح . ماتهملو حتى تفصيلة بسيطة كانت أو معقدة

اذا عندك وقت كافي ، راجع التمارين لي ديرتها و الافكار لي سجلتها . و اذا عندك مصدر للتمارين القي نظرة عليه و على طريقة الحل . ⚠️ | و حذاري من اهمال مراجعة المنهجية : التفسير ، التحليل ، اقتراح الفرضيات ، الرسم التخطيطي ، المخطط الخ