سلسلة اختيار التخصصات الجامعية | BAC AUDEN

حسبي الله و نعم الوكيل في كل أستاذ على مواقع التواصل الاجتماعي يستغل توتر و ضغط التلاميذ في هذه الفترة باش يدير إشهار لنفسه و يطلع الحساب تاعه . نقطة

اذا تحب التعليم صدقني ماكانش حاجة رح تخرج عليك افضل من المدارس العليا للاساتذة . التعليم ، الاختبارات ، اجواء القسم ، التلاميذ .

نبداو بـشروط الالتحاق : بعد ما تجيب الباك بإذن الله بمعدل ماشاء الله يسمح لك بالالتحاق بهذه المدارس . رح تسجل عادي بعدها بعد يومين من ظهور التحويلات ، رح يحددو موعد للمقابلة الشفوية . من شروط الالتحاق بالمدرسة : عمرك يكون اقل من 24 سنة تجتاز المقابلة الشفوية بنجاخ منقول " يخضع التسجيل النهائي في هذه المدارس العليا للأساتذة لشرط السنّ المحدّد ب 24 سنة على الأكثر في 31 ديسمبر 2020 )بالنسبة للجنسين( ولنتيجة المقابلة الشفوية. يجب على المترشح المقبول للتكوين في هذه المدارس التّوقيع على عقد التزام مع قطاع التربية بخصوص توجيهه المستقبلي عند نهاية تكوينه "

ملاحظة 📝 : كل مدرسة عليا عندها مواد تقريهم ، مش شرط هذو المدارس يقرو جميع المواد . مثلا تقدر تلقى مدرسة عليا تاع سطيف تقري اللغة الانجليزية بصح ماتلقاش اللغة الانجليزية في مدرسة مسيلة ( مثال برك دوك نعطيكم القائمة لي فيها المواد لي كاينين في كل مدرسة ) ثاني في بطاقة الرغبات ، مش انت لي تخير وين تقرا ، حسب جهتك رح يبعثوك ، مثلا واحد من ولاية ميلة ما يقدرش يخير يقرا في وهران ، لانو تلقائيا رح يبعثوه لقسنطينة .

1️⃣- المدرسة العليا للأساتذة منطقة الغرب : المدرسة العليا للأساتذة وهرن المدرسة العليا للأساتذة مستغانم المدرسة العليا للأساتذة بشار 2️⃣- المدرسة العليا للأساتذة منطقة الوسط : المدرسة العليا للأساتذة القبة المدرسة العليا للأساتذة الأغواط المدرسة العليا للأساتذة بوزراعة 3️⃣- المدرسة العليا للأساتذة منطقة الشرق : المدرسة العليا للأساتذة قسنطينة المدرسة العليا للأساتذة سطيف المدرسة العليا للأساتذة مسيلة المدرسة العليا للأساتذة ورقلة المدرسة العليا للأساتذة سكيكدة

المدارس العليا للاساتذة : أول حاجة كاين ثلاث فئات : ⭐️ مدرسة عليا للأساتذة ملمح ابتدائي ( يقراو ثلاث سنوات ) ⭐️ مدرسة عليا للأساتذة ملمح متوسط ( يقراو اربع سنوات ) ⭐️ مدرسة عليا للأساتذة ملمح ثانوي ( يقراو خمس سنوات ) في الجزائر كاين 11 مدرسة عليا للأساتذة .

المدارس العليا للاساتذة : أول حاجة كاين ثلاث فئات : ⭐️ مدرسة عليا للأساتذة ملمح ابتدائي ( يقراو ثلاث سنوات ) ⭐️ مدرسة عليا للأساتذة ملمح متوسط ( يقراو اربع سنوات ) ⭐️ مدرسة عليا للأساتذة ملمح ثانوي ( يقراو خمس سنوات ) في الجزائر كاين 11 مدرسة عليا للأساتذة .

قولولي كيفاش تعمرو وقت الانتظار تاعكم بحكم مابقاش بزاف للنتائج 🙌🏻

يبقى عليكم 👇🏻 : - كي تبحثو على تخصص اجرو مباشرة الى صفحات الفيسبوك باش تسقسو التلاميذ لي يقراو فيه . مهما كانت الصفحة ، تاع قراية ، تاع دروس ، تاع اساتذة ، تاع ماستر ، تاع دكتوراه . اي حاجة سقسو مليح مليح و اكثر من واحد و في كل الجوانب و بعده قرروا . ( استعينوا بالاستخارة ) 👈🏻 انا بدلت رايي في شحال من تخصص بسبب اني استشرت أكبر عدد ممكن من الناس لي يقراو هذاك التخصص .

و الان رح نحطلكم موقع لي رح يغنيكم عن تعب البحث عن كل تخصص بالتفصيل . رح تلقاو كلشي بشكل مشروح و واضح مع مصادر الدارسة ، و كذا افاق العمل . ( اي تخصص سقسيتوني عليه من قبل : حقوق ، لغات ، علم النفس ، طاقات متجددة تغذية ، اعلام الي ، هندسة ، كيمياء ، طيران … ) رح تلقاوه و تلقاو تجارب العديد من الطلبة ⬇️ https://www.ency-education.com/specialities-information.html