AI | DigiTech

⚡️ChatGPT odamning boshiga o’rnatildi. Synchron olimlari neyrochipni miyaga operatsiyasiz o’rnatishga muvaffaq bo’lishdi. Neyrochip fikrlarni o’qiydi va kompyuterni boshqaradi — ovozli buyruqlarsiz. Tez orada texnologiya nogiron odamlar hayotini o’zgartira oladi. 📟 DigiTech

👩‍🎓O‘zbekistonda Yandex Dasturlash maktabining bitiruvchilari qutlandi 👩‍💻Dasturlash maktabi — yuqori sinf o‘quvchilari uchun mo‘ljallangan, dasturlash va aniq fanlarga qiziqadiganlar uchun Yandex'ning bepul ta’lim loyihasi. O‘zbekistonda loyiha Yandex Go ko‘magida amalga oshiriladi. Bitiruvchilar Google, Facebook va Huawei kabi IT -kompaniyalar tomonidan o‘tkaziladigan yirik xalqaro xakatonlar va olimpiadalarda ishtirok etadilar; WorldSkills Juniorsd'da muvaffaqiyatli qatnashadilar, shu jumladan xorijdagi nufuzli oliy o‘quv yurtlarida o‘qish imkoniyatiga ega bo‘lishadi. Birinchi maktab o‘tgan yili Toshkentda ochilgan edi. Yaqin kelajakda Samarqand va Urganchda yana ikkita maktab ochilishi rejalashtirilgan. 👨‍🏫Yandex'ning IT-ta’lim dasturi doirasida kompaniya informatika o‘qituvchilari uchun dasturlash kurslarini ishga tushiradi va ular uchun Python bo‘yicha metodik materiallardan foydalanish dasturiga kirish imkonini yaratadi. Reklama

📲 Rentgen smartfon: CMF Phone 1 foydalanuvchilari oddiy kamera yordamida obyektlarni orqasidagi narsalarni ko’rish imkonini beruvchi xatolikni topishdi. Buni rentgen ham deb bo’lmaydi. 2 megapikselli yordamchi kamerada chuqurlik datchiklari mavjud bo’lib, ana shular obyektni ichki qismni ko’rsatadi. Bu hiyla hamma obyektlarda ham ishlamaydi. Smartfonning narxi 200 dollar, bu video internetda tarqalganidan keyin smartfon atigi uch soat ichida 100 ming nusxada sotildi. 📟 DigiTech

⚡️Las-Vegasdagi sfera qiymati 1 million dollardan ortiq bo’lgan 150 ta NVIDIA RTX A6000 videokartalarida ishlaydi. Umumiy olganda tizim 7200 Gb xotiraga ega va unumdorligi 5805 teraflops (xuddi 560 ta PlayStation 5 dek). Shu sabab 1,2 million LED panelda to’xtovsiz 16K tasvir namoyish qilinadi. Sfera uchun filmlar esa 18K ga 18K sifatda bo’lgan yagona 316 megapikselli Big Sky kamerasida suratga olinadi. 📟 DigiTech

⚡️OpenAI «Strawberry» deb nomlangan maxfiy sun’iy intellekt ustida ishlamoqda. U inson kabi fikrlay oladi, ya’ni u so’rovlarni mavjud modellarga qaraganda bir necha baravar yaxshiroq bajara oladi. Ko’rinishidan, gap uzoq kutilgan umumiy SI (AGI) haqida ketmoqda. Bundan tashqari, «Strawberry» loyihasi ilgari Q* kod nomi bilan atalgan va AGIga qaratilgan edi. Hozircha loyiha haqida boshqa hech qanday ma’lumot yo’q, OpenAI ularni maxfiy saqlamoqda. Reuters ma’lumotiga ko’ra, beta-versiya allaqachon tayyor va yaqinda ichki yig’ilishda namoyish etilgan. 📟 DigiTech

🏎️ Dunyoda faqat bir nusxada chiqarilgan 2,3 million dollarlik Lotus Evija X giperkari Angliyadagi trekda poyga boshlanishidayoq urildi. Aytishlaricha, haydovchi aybdor emas: to’rtta elektr motorning ishlashini boshqaruvchi dasturiy ta’minotda nosozlik bo’lgan (darvoqe, umumiy quvvati 2039 ot kuchi). Qayta tiklash qanchaga tushishi hozircha noma’lum, biroq avtohalokat past tezlikda sodir bo’lgani uchun tiklash osonroq bo’ladi. 📟 DigiTech

⌚️Bir yigit Apple Watch soatini okeanda yo’qotganidan bir yil o’tib qaytarib oldi. Jared Brik muntazam ravishda dayving bilan shug’ullangan va shong’ish vaqtida soatini tushirib qo’ygan. Jared «Apple Find My» funksiyasini yoqib, qurilmani yo’qolgan deb belgilagan. Oradan bir yil o’tib, boshqa bir g’avvos tasodifan soatni topib oldi va ekranda darhol egasi bilan bog’lanish uchun telefon raqami paydo bo’ldi, soat hali ham ishlayotgan edi. Yigit Jaredga xat yozib, qurilmani yubordi. Apple Watch'ning bundan yaxshiroq reklamasi bo’lmasa kerak :) 📟 DigiTech

⚡️Saudiya Arabistonida 2025-yilda birinchi kibersport Olimpiadasi bo’lib o’tadi. Hozircha aynan qayerda va qaysi o’yinlar bo’yicha bo’lishi noma’lum, ammo musobaqalarni muntazam o’tkazish uchun mamlakat bilan 12 yilga shartnoma imzolashgan. 📟 DigiTech

⚡️Xiaomi Pekinda aqlli zavodni ishga tushirdi: u 24/7 umuman odamlarsiz ishlaydi va har soniyada bitta smartfon chiqaradi. Sun’iy intellektli robotlar barcha jarayonlarni boshqarishadi, hamma narsa robotlashtirilgan. Ushbu zavod qurilishiga 330 million dollar sarflangan. 📟 DigiTech

🎥 Sun’iy intellektlar qanday qilib marketologlar hayotini osonlashtirayotganiga ajoyib misol. Ushbu Volvo reklamasi to’liq yangi Runway Gen-3 modeli tomonidan matnli so’rov asosida yaratilgan. Montajda faqat avtomobil raqamlarini qo’shib, logotip chizishgan va bir nechta keraksiz narsalar olib tashlangan. Butun jarayon bir kundan kamroq vaqtni olgan. Ijtimoiy tarmoqlarda Gen-3 obunasi qimmatligi haqida shikoyat qilishmoqda, ammo bu professional reklama suratga oluvchi jamoaga to’lanadigan to’lovdan ko’ra ancha arzonroq va osonroq ekanligi aniq. 📟 DigiTech