ሳሌም የጉራጌ ሀገረ ስብከት ሚዲያ/ SALEM GURAGE DIOCESE MEDIA

በጉራጌ ሀገረ ስብከት አዲስ ለተመረጡ የሰበካ ጉባኤ አባላት የአቅም መገንቢያ ሥልጠና ተሰጠ ‎ ‎ ‎ በኢትዮጵያ ኦርቶዶክስ ተዋሕዶ ቤተክርስቲያን የጉራጌ ሀገረ ስብከት፣ አዲስ ለተመረጡ የሰበካ ጉባኤ አባላት የሥራ አቅጣጫን የሚያመላክትና ግንዛቤን የሚያስጨብጥ ሰፊ የሥልጠና መድረክ አዘጋጀ። ሥልጠናው የተዘጋጀው አባላቱ በይፋ ወደ ተግባራዊ አገልግሎት ከመሰማራታቸው በፊት፣ ኃላፊነታቸውን በተገቢው መንገድ እንዲወጡና የአስተዳደር ሥራቸውን በዕውቀት እንዲመሩ ለማገዝ ታስቦ መሆኑ ተገልጿል። ‎ ‎በዚሁ መድረክ ላይ ከሀገረ ስብከቱ ሥር ከሚገኙ ልዩ ልዩ አጥቢያ አብያተ ክርስቲያናት የተውጣጡ ከ300 በላይ አዲስ ተመራጭ የሰበካ ጉባኤ አባላት ተሳትፈዋል። ‎ ‎የሥልጠናው ይዘትም የቤተክርስቲያንን ሁለንተናዊ መዋቅርና ሌሎች አሠራር ያካተተ ሥልጠና መሆኑ ተገልጧል። ‎ ‎ ‎ይህ የአቅም ግንባታ መድረክ፣ አዲስ ወደ ኃላፊነት ለመጡት የአገልግሎት መሪዎች ትልቅ መነቃቃትን የፈጠረ ከመሆኑም በላይ፣ መጪውን የሥራ ዘመን በውጤታማነት ለመጀመርና ጠንካራ መሠረት ለመጣል ከፍተኛ ግንዛቤ ያስጨበጠ መሆኑ ታውቋል። ‎ ‎ሥልጠናው በብፁዕ አቡነ መልከጼዴቅ መመሪያ መሠረት በየ ጊዜ ለሚመረጡ የሰበካ ጉባኤ አባላት የሚሰጥ ሲሆን የዛሬው ለ5ኛ ጊዜ የተሰጠ ሥልጠና ነው።