TTY(Təcili Tibbi Yardım) 🚑

#müzakire_2 Sağ mədəcik infarktında xəstəyə nitroqliserin və diuretik verməkdən niyə çəkinirik, amma kiçik maye bolusunu niyə düşünə bilərik?

#müzakire1 Uşaqda AED istifadə edərkən, əgər cihazda pediatrik rejim/uşaq elektrodları yoxdursa, böyüklər üçün nəzərdə tutulmuş elektrodları istifadə etmək olarmı?

#Klinik_hal_1 Xəstə: 58 yaşlı kişi. Şikayət: Döş qəfəsində kəskin göynədici ağrı və təngnəfəslik (45 dəqiqədir başlayıb). Ağrı sol qola və çənəyə radiasiya edir. Anamnez: Hipertoniya, Şəkərli Diabet (Tip 2). ​📊 Vital göstəricilər: • ƏB: 85/55 mm Hg (Hipotoniya) • Puls: 48 v/d (Bradikardiya) • SpO₂: 93% • Auskultasiya: Ağciyərlər təmizdir. Boyun venalarında dolğunluq (qabarma) var. ​📈 EKG: II, III, aVF-də ST elevasiyası, V1-V3-də ST depresiyası.

Klinik Test 45 yaşlı kişi xəstə təcili yardım briqadası tərəfindən gətirilib. Şikayətləri 1 gün əvvəl başlayıb: əvvəlcə görmədə bulanıqlıq və cüt görmə, bir neçə saat sonra ağızda həddindən artıq quruluq, danışığının ağırlaşması, bərk qidaları uda bilməmə. Son 6 saatda qollarında gücsüzlük yaranıb, əşyaları qaldıra bilmir. Anamnezdən: Xəstə subyektiv olaraq nəfəs darlığı hiss etmir. Qızdırması olmayıb. İshal və ya qusma olmayıb, lakin 2 gündür qəbizlikdən əziyyət çəkir. 3 gün əvvəl evdə hazırlanmış göbələk konservi yeyib. Ailədə onunla eyni yeməyi yeyən digər şəxsdə də yüngül ağız quruluğu və halsızlıq var. Fiziki müayinə: Şüur açıqdır, tam orientasiyalıdır. Dəri örtüyü quru, turgoru azalmış kimi görünür. AT 120/80 mmHg, nəbz 88/dəq, tənəffüs sayı 18/dəq, SpO2 97%. Nevroloji müayinədə: ikitərəfli ptozis, midriazis (hər iki bəbək geniş, işığa zəif reaksiya), oftalmoplegiya. Üz əzələlərində zəiflik, "təbəssüm" əmri zəif yerinə yetirilir. Dizartriya və dizfoniya aşkar edilir. Udma qabiliyyəti zəifləyib – tüpürcəyi udmaqda çətinlik çəkir. Yuxarı ətraflarda simmetrik əzələ gücü 3/5, aşağı ətraflarda 4/5 səviyyəsindədir. Dərin tendon refleksləri diffuz azalıb, lakin tam itməyib. Yana əyri duran xəstə başını qaldıra bilmir. Meningeal simptomlar mənfi, sensori normaldır. Bu klinik mənzərə üçün ən ehtimal olunan diaqnoz hansıdır?