WARTA – беларускае нацыянальнае медыя

😞Полк Каліноўскага паведаміў пра двух загінуўшых ваяроў 9 чэрвеня падчас супраціву расейскай агрэсіі на Харкаўскім кірунку загінулі два “каліноўца”. Трагедыя здарылася па дарозе на пазіцыі, дзе яны павінны былі забраць адзін з баявых разьлікаў пасьля сканчэньня задачы, але патрапілі на міну, паведамляе ТГ-канал ПКК. Атрыманыя траўмы аказаліся несумяшчальныя з жыцьцём. Целы загінуўшых у тую ж ноч былі эвакуяваны з месца трагедыі дзякуючы падтрымцы сумежных падраздзяленняў ВСУ. Развітаньне з ваярамі будзе арганізавана службай ваярскай дапамогі Палка імя Каліноўскага. Прадстаўнікі ПКК просяць прэсу і грамадскасьць з павагай паставіцца да памяці ваяроў і не распаўсюджваць асабістыя дадзеныя ў мэтах бясьпекі сяброў і блізкіх, якія знаходзяцца на тэрыторыі Беларусі.

Фундацыя Kamunikat.org адчыніла інтэрнэт-кнігарню Цяпер на сайце https://kamunikat.shop можна рабіць замовы на ўсе кнігі, выдадзеныя Фондам, а таксама — на кнігі партнёрскіх выдавецкіх ініцыятываў. Каталог інтэрнэт-крамы налічвае амаль 40 кніг, атрымаць замовы можна па пошце, альбо асабіста (у Беластоку).

Зянон Пазьняк выдаў новую кнігу — беларускі самвыдат 70-80-х гадоў Беларускі палітык Зянон Пазьняк, вядомы таксама як пісьменьнік і выдавец, выпусьціў чарговую кнігу -- "Самвыдат" (Беларускія падземныя выданьні 1970-1980 гг.). Агляд новай кнігі З.Пазьняка на сайце Warta: https://warta.media/2131

Santander банк даў беларусам два тыдні, каб прынесьці ВНЖ Грамадзяне Беларусі і Расеі пачалі атрымліваць апавяшчэньні аб тым, што да іх банкаўскіх рахункаў абмяжуюць доступ або заблакуюць з-за адсутнасьці ВНЖ. У якасьці прававога абгрунтаваньня банк спасылаецца на арт. 1u Рэгламенту Савета (ЭЗ) 765/2006 ад 18 мая 2006 года "Аб абмежавальных мерах у сувязі з сітуацыяй у Беларусі і датычнасьцю Беларусі да агрэсіі Расеі супраць Украіны" (там, дзе гаворыцца, што грамадзяніну РБ нельга мець больш за 100 тысяч еўра на рахунку без эўрапейскага ВНЖ). І яшчэ на арт. 5b Рэгламенту Савета (ЭЗ) 833/2014 ад 31 ліпеня 2014 г. «Аб абмежавальных мерах у сувязі з дзеяньнямі Расеі, якія дэстабілізуюць сітуацыю ва Украіне» (дзе, у прыватнасьці, згадваецца забарона на фінансавыя аперацыі расейскім юрыдычным асобам). У аддзяленьнях банка прадастаўляецца розная інфармацыя, што будзе далей з рахункамі пасля 26 чэрвеня без ВНЖ. Кліентам банка, якія звярнуліся па тлумачэньні, казалі аб поўнай блакіроўцы рахунку або частковай блакіроўцы паслуг мабільнага банкінгу.

Улады Грузіі і Расеі запусьцілі працэс аднаўленьня дыпламатычных адносін Тбілісі ўжо набірае супрацоўнікаў для грузінскай амбасады ў Маскве, паведаміў тэлеканал Mtavari Arkhi са спасылкай на крыніцы "блізкія да крамля" Грузінскія суразмоўцы канала заявілі, што кіруючая прарасейская партыя "Грузінская мара" адмаўляе падобныя планы, а прадстаўнікі грузінскага ўрада называюць інфармацыю аб адкрыцьці амбасады неабгрунтаванай.

Усё адбываецца па тым жа сцэнары, па якім былі адноўленыя прамыя авіязносіны з Расеяй, адменены візавы рэжым для грамадзян Грузіі і прыняты расейскі закон ("аб замежных агентах")

- адзначае тэлеканал.

“ Дзеткі - кветкі, якія абавязкова прарастуць у вольнай Беларусі” Тэатральнай студыі "Купалінка" - 4 гады! З нагоды 4 гадавіны сваёй дзейнасьці тэатральная студыя “Купалінка” паказала адразу тры прэм'еры на сцэне Мазавецкага Інстытуту Культуры ў Варшаве. Медыя Варта запісала камэнтары рэжысэркі студыі "Купалінка" Натальлі Локіць, акторкі і выкладчыцы студыі -- Сьвятланы Зелянкоўскай, а таксама юнага актора Максіма Бокача. Глядзець: https://www.youtube.com/watch?v=pz9_CNRegoA

❤️🇵🇱Для беларусаў у Польшчы цяпер будзе лягчэй пацьвердзіць наяўнасьць сярэдняй адукацыі Прэзідэнт Польшчы Анджэй Дуда падпісаў праўкі ў закон, згодна з якімі пацьвердзіць атэстат (пачатковай, сярэдняй, прафесійнай адукацыі) можна будзе праз адміністрацыйную працэдуру непасрэдна ў Польшчы. Да гэтага моманту так рабіць маглі толькі асобы са статусам уцекача або дадатковай абароны. Беларусь прыпыніла пагадненьне аб супрацоўніцтве ў сфэры адукацыі з Польшчай у лютым 2023 года, а гэтай вясной у выпускнікоў зьявіліся праблемы ў атрыманьні пацвярджэньня атэстату дзеля паступлення ў замежныя ВНУ. Прынятыя праўкі таксама прадугледжваюць стварэньне пасады міжкультурнага асістэнта, які будзе працаваць у школах для дапамогі замежным грамадзянам, якія не валодаюць польскай мовай на дастатковым для атрыманьня адукацыі ўзроўні.

КДБ у Віцебску і Магілёве затрымаў дзясятак падлеткаў: «працавалі на ўкраінскіх нацыстаў» Дзяржтэлеканал ОНТ паказаў сюжэт аб затрыманьні каля дзесяці падлеткаў з Магілёва і Віцебска. Іх назвалі «тэрарыстамі» з-за таго, што яны падрывалі ў лесе слоічкі з-пад ёду, начыняючы іх самаробнай выбухоўкай. Прапагандысты абвінавачваюць іх у тым, што яны дзейнічалі "пад кантролем украінскіх нацысцкіх груповак". Сам сюжэт складаецца з архіўных ролікаў выбухаў, падпалаў і нацысцкай хронікі. Цяпер адзін з падлеткаў знаходзіцца ў віцебскім СІЗА. Яму прад'явілі абвінавачаньні па двух артыкулах - незаконныя дзеяньні ў дачыненьні да выбуховых рэчываў і падрыхтоўка да акта тэрарызму.

Politico: Эўрапейская народная партыя атрымала ўпэўненую перамогу на выбарах у Эўрапарламэнт Правыя сілы дабіліся значных посьпехаў, а лібералы і “зялёныя” згубілі давер выбаршчыкаў. Чытаць цалкам на сайце: https://warta.media/2122

Рада БНР выпусьціла паштовыя маркі, прысьвечаныя Васілю Быкаву Дызайн маркі зрабіў беларускі мастак, па сюжэце цяпер ужо клясычнага фотаздымка Ўладзімера Кармілкіна. Для выпуску Рада БНР скарысталася паслугамі Чэскай пошты. Зробленыя два лісты ў розных міжнародных літарных наміналах – як для ўнутраных, гэтак і міжнародных адпраўленьняў. Акрамя таго, абмежаваным накладам выпушчаныя два лісты з павялічанай выявай маркі з партрэтам Быкава і з сюжэтам вядомай паштоўкі з «Пагоняй» і выявамі беларускіх гарадоў. Між іншым, удалося скарыстаць марку Чэскай пошты зь літапрай В (пры жаданьні, можна чытаць як «Васіль», а можна – як «Bykau”), дзе ёсьць выява бел-чырвона-белага сымбалю. Як заўважыў Сяргей Навумчык, падобныя выданьні ў счэпках зь дзейнымі знакамі паштовай аплаты зьяўляюцца прадметам філятэліі, і Рада БНР пастараецца, каб хаця б невялікая колькасьць «быкаўскіх» марак патрапіла на тэрыторыю Беларусі. “Спадзяемся, што ў вольнай Беларусі выява гэтай маркі зьявіцца, напрыклад, на блёку пошты будучай вольнай Беларусі” – адзначыў намесьнік старшыні Рады БНР у сваім ТГ-канале.