En Thue Tech

AMD Epyc Turin ထက် စွမ်းဆောင်ရည် သာလွန်ကြောင်း ကြွေးကြော်လိုက်သည့် Nvidia ၏ Vera CPU နှင့် Olympus Core များ ▄▄▄▄▄▄▄▄▄▄▄▄▄▄▄▄▄ Nvidia က ဒီအပတ်အတွင်း သူတို့ရဲ့ လာမယ့် Vera data center CPU အကြောင်း အသေးစိတ် အချက်အလက်တွေကို ထပ်မံထုတ်ဖော် ပြသခဲ့ပါတယ်။ ဒီထဲမှာ agentic AI လုပ်ငန်းတွေအတွက် အထူးတလည် ဒီဇိုင်းဆွဲထားတဲ့ စိတ်ကြိုက် Olympus core တွေရဲ့ အဓိကအချက်အလက်တွေ ပါဝင်ပါတယ်။ ဒါ့အပြင် ဒီ architecture အသစ်ဟာ ပြိုင်ဘက် ထုတ်ကုန်တွေထက် ပိုမိုမြန်ဆန်တဲ့ single-core စွမ်းဆောင်ရည်ကို ပေးစွမ်းနိုင်တယ်လို့လည်း Nvidia က ဆိုပါတယ်။ Nvidia ရဲ့ Vera Rubin ပလက်ဖောင်းရဲ့ တစ်စိတ်တစ်ပိုင်းဖြစ်တဲ့ Arm အခြေပြု Vera CPU ကို AI agent တွေအတွက် reasoning တွေ လုပ်ဆောင်ဖို့၊ tool execution တွေကို အဆင်ပြေချောမွေ့စေဖို့၊ code တွေ ရေးသားပေးဖို့နဲ့ AI အေးဂျင့်တွေအတွက် လုပ်ငန်းတာဝန်တွေကို ရေးဆွဲပေးဖို့ ဒီဇိုင်းထုတ်ထားတာ ဖြစ်ပါတယ်။ ဒီချစ်ပ်ကို ဘက်စုံသုံး chip တစ်ခုအဖြစ် တည်ဆောက်ထားတာကြောင့် ပုံမှန် AI လုပ်ငန်းတွေထက် CPU စွမ်းအား ပိုပြီးလိုအပ်တဲ့ သိပ္ပံနည်းကျ ဒေတာလုပ်ဆောင်မှုနဲ့ reinforcement learning လိုမျိုး အလုပ်တွေကိုပါ ကိုင်တွယ်နိုင်ပါတယ်။  Vera CPU တစ်ခုစီမှာ Olympus cores ၈၈ ခု၊ physical threads ၁၇၆ ခု၊ 64KB four-way L1 instruction cache နဲ့ 164MB unified L3 cache တို့ကို compute die တစ်ခုတည်းပေါ်မှာ ပေါင်းစပ်တပ်ဆင်ထားပါတယ်။ ဒါ့အပြင် 48-instruction decode queue လည်း ပါဝင်ပါတယ်။ core ရဲ့ အလယ်ပိုင်း mid-core မှာတော့ 96KB six-way L1 data cache နဲ့ 2MB eight-way L2 cache တို့ ပါဝင်ပြီး ဒေတာပမာဏများပြားတဲ့ graph နဲ့ analytics လုပ်ငန်းစဉ်တွေအတွက် hardware graph prefetcher စနစ်ကိုပါ ထည့်သွင်းပေးထားပါတယ်။ Custom core တစ်ခုစီမှာတော့ သီးသန့် အစိတ်အပိုင်းတွေ ပါဝင်ပါတယ်။ အဲဒါတွေကတော့ branch prediction စနစ်ကို အကောင်းဆုံးပြင်ဆင်ထားတဲ့ wide front-end၊ အရေးကြီးတဲ့ လုပ်ငန်းစဉ်လမ်းကြောင်းတွေကို အရှိန်မြှင့်ပေးမယ့် mid-core နဲ့ ရှုပ်ထွေးတဲ့ vector တွက်ချက်မှုတွေကို အကောင်းဆုံး မွမ်းမံပေးနိုင်တဲ့ execution engine တို့ပဲ ဖြစ်ပါတယ်။ ဒီ core တွေဟာ cycle တစ်ခုမှာ instruction ၁၆ ခုအထိ ထောက်ပံ့ပေးနိုင်တဲ့ high-bandwidth instruction fetch စနစ် ပါဝင်ပြီး cycle တစ်ခုမှာ ပေါင်းစည်းထားတဲ့ instruction ၁၀ ခုအထိ စီမံပေးနိုင်တဲ့ 10-wide decode engine တစ်ခုလည်း ပါဝင်ပါတယ်။ Olympus ရဲ့ branch prediction စနစ်မှာ သီးသန့် branch pattern တွေကြောင့် လမ်းကြောင်းမှားယွင်းတွက်ချက်မိတာမျိုးကို လျှော့ချပေးနိုင်တဲ့ neural branch predictor ပါဝင်ပါတယ်။ ဒါဟာ Wide decode path နဲ့ ပေါင်းစပ်လိုက်တဲ့အခါ Agentic AI နဲ့ Reinforcement Learning လိုမျိုး latency တိုတောင်းဖို့ လိုအပ်တဲ့ လုပ်ငန်းစဉ်တွေအတွက် front-end throughput ကို ပိုမိုကောင်းမွန်စေပါတယ်။ Olympus core architecture မှာ Nvidia ရဲ့ Spatial Multithreading နည်းပညာကို ပေါင်းစပ်ပေးထားတာကြောင့် စက်ရဲ့ လုပ်ဆောင်နိုင်စွမ်း အရင်းအမြစ်တွေကို လိုက်လျောညီထွေ ခွဲဝေအသုံးပြုနိုင်စွမ်း ရှိပါတယ်။ ဒါ့အပြင် die ပေါ်ရှိ core အချင်းချင်း ချိတ်ဆက်မှုကို Bandwidth 3.4 TB/s အထိ ထောက်ပံ့ပေးနိုင်တဲ့ Scalable Coherency Fabric စနစ်၊ စုစုပေါင်း 1.2 TB/s ရရှိမယ့် SOCAMM2 LPDDR5X memory bandwidth နဲ့ မန်မိုရီပမာဏ 1.5 TB အထိကိုပါ ထောက်ပံ့ပေးထားပါတယ်။ Vera CPU ဟာ NVLink-C2C၊ PCIe 6.4 နဲ့ CXL 3.1 စနစ်တွေပေါ်မှာ 1.8 TB/s ချိတ်ဆက်မှုကို ထောက်ပံ့ပေးထားပါတယ်။ Socket တစ်ခုစီမှာ PCIe Gen 6 lanes ၁၇၆ ခုအထိ ပါဝင်ပြီး dual-socket စနစ်အထိ ချဲ့ထွင်အသုံးပြုနိုင်ပါတယ်။ Dual-socket စနစ်တွေမှာ ဖြစ်တတ်တဲ့ latency ကို လျှော့ချဖို့အတွက် Vera ဟာ socket တစ်ခုစီကို NUMA domain တစ်ခုတည်းအဖြစ် ဖော်ပြပေးတဲ့ software အခြေပြုနည်းလမ်းကို အသုံးပြုထားတာကြောင့် fragmentation မှုကို ရှောင်ရှားနိုင်ပြီး သန့်ရှင်းတဲ့ NUMA-node နှစ်ခုပါဝင်တဲ့ တည်ဆောက်ပုံစနစ်ကို ဖန်တီးပေးထားပါတယ်။ Note: En Thue Tech ၏ သတင်းဆောင်းပါးများကို ခွင့်ပြုချက်မရှိဘဲ တစ်စိတ်တစ်ပိုင်းဖြစ်စေ၊ အပြည့်အစုံဖြစ်စေ ပြန်လည်ကူးယူဖော်ပြခွင့်မပြုပါ။  Source: TechSpot #EnThueTech #News #HPC #CPU Website  https://www.enthuetech.com/2026/07/nvidia-reveals-vera-cpu-with-custom-olympus-cores.html  Join our Telegram channel now! https://t.me/EnThueTech

Foretales ဂိမ်းကို အခမဲ့ရယူပါ  ▄▄▄▄▄▄▄▄▄▄▄▄▄▄▄▄▄ Epic Games ကနေ ဒီအပတ်အတွက် PC၊ Android နဲ့ iOS(EU Region) တို့အတွက် Card Game၊ Narration နဲ့ Strategy ဂိမ်းအမျိုးအစားဖြစ်တဲ့ Foretales ကို ဇူလိုင်လ ၃၀ ရက်နေ့အထိ အခမဲ့ရယူခွင့်ပေးလိုက်ပါတယ်။ PC မှာ အကောင့်ရှိပြီးသားဆိုရင် Andriod မှာ ဆက်လက်အသုံးပြုနိုင်ပါတယ်။ Android အတွက် Epic Games Store ကို အောက်ပါလင့်ခ်ကနေ ဒေါင်းလုဒ်ဆွဲနိုင်ပါတယ်။ https://store.epicgames.com/en-US/download/android လာမဲ့ ဇူလိုင်လ ၃၀ ရက်နေ့မှာတော့ PC အတွက် OTXO နဲ့ Sol Cesto ဂိမ်းကိုပေးသွားမယ်လို့ရပါတယ်။ Source: Epic Games #EnThueTech #News #Gaming Join our Telegram channel now! https://t.me/EnThueTech

Echo Generation: Midnight Edition၊ Luto နှင့် The Ouroboros King ဂိမ်းများကို အခမဲ့ရယူပါ  ▄▄▄▄▄▄▄▄▄▄▄▄▄▄▄▄▄ Epic Games ကနေ ဒီအပတ်အတွက် PC၊ Android နဲ့ iOS တို့အတွက် ဂိမ်း ၃ခုကို ဇူလိုင်လ ၂၃  ရက်နေ့အထိ အခမဲ့ရယူခွင့်ပေးလိုက်ပါတယ်။ ဒီအပတ်မှာ PC အတွက် Action၊ RPG နဲ့  Turn-Based ဂိမ်းအမျိုးအစားဖြစ်တဲ့ Echo Generation: Midnight Edition အပြင် Adventure နဲ့ Horror ဂိမ်းအမျိုးအစားဖြစ်တဲ့ Luto ကိုလည်း အခမဲ့ရယူခွင့်ပေးထားပါတယ်။ Epic Games Store မှာ အကောင့်ဖွင့်ပြီး ရယူနိုင်ပါတယ်။ Android နဲ့ iOS(EU Region) အသုံးပြုသူတွေအတွက်လည်း The Ouroboros King ဂိမ်းကို အခမဲ့ပေးနေပါတယ်။ PC မှာ အကောင့်ရှိပြီးသားဆိုရင် ဆက်လက်အသုံးပြုနိုင်ပါတယ်။ Android အတွက် Epic Games Store ကို အောက်ပါလင့်ခ်ကနေ ဒေါင်းလုဒ်ဆွဲနိုင်ပါတယ်။ https://store.epicgames.com/en-US/download/android လာမဲ့ ဇူလိုင်လ ၂၃ ရက်နေ့မှာတော့ PC အတွက် Echo Generation: Midnight Edition နဲ့ Luto ဂိမ်းကိုပေးသွားမယ်လို့ရပါတယ်။ Source: Epic Games #EnThueTech #News #Gaming Join our Telegram channel now! https://t.me/EnThueTech

Nova Lands၊ Tatto Tycoon နှင့် Princess Farmer ဂိမ်းများကို အခမဲ့ရယူပါ  ▄▄▄▄▄▄▄▄▄▄▄▄▄▄▄▄▄ Epic Games ကနေ ဒီအပတ်အတွက် PC၊ Android နဲ့ iOS တို့အတွက် ဂိမ်း ၃ခုကို ဇူလိုင်လ ၁၆  ရက်နေ့အထိ အခမဲ့ရယူခွင့်ပေးလိုက်ပါတယ်။ ဒီအပတ်မှာ PC အတွက် Adventure၊ Indie နဲ့  Simulation ဂိမ်းအမျိုးအစားဖြစ်တဲ့ Nova Lands အပြင် Indie၊ Simulation နဲ့ Strategy ဂိမ်းအမျိုးအစားဖြစ်တဲ့ Tatto Tycoon ကိုလည်း အခမဲ့ရယူခွင့်ပေးထားပါတယ်။ Epic Games Store မှာ အကောင့်ဖွင့်ပြီး ရယူနိုင်ပါတယ်။ Android နဲ့ iOS(EU Region) အသုံးပြုသူတွေအတွက်လည်း Princess Farmer ဂိမ်းကို အခမဲ့ပေးနေပါတယ်။ PC မှာ အကောင့်ရှိပြီးသားဆိုရင် ဆက်လက်အသုံးပြုနိုင်ပါတယ်။ Android အတွက် Epic Games Store ကို အောက်ပါလင့်ခ်ကနေ ဒေါင်းလုဒ်ဆွဲနိုင်ပါတယ်။ https://store.epicgames.com/en-US/download/android လာမဲ့ ဇူလိုင်လ ၁၆ ရက်နေ့မှာတော့ PC အတွက် Echo Generation: Midnight Edition နဲ့ Luto ဂိမ်းကိုပေးသွားမယ်လို့ရပါတယ်။ Source: Epic Games #EnThueTech #News #Gaming Join our Telegram channel now! https://t.me/EnThueTech

Reshi ရဲ့ အခုဖန်တီးမှုက EA ကုမ္ပဏီရဲ့ မူရင်း source code နဲ့ ဂိမ်းအသိုက်အဝန်းရဲ့ နှစ်ပေါင်းများစွာ အဆင့်မြှင့်တင်ခဲ့တဲ့ လုပ်အားတွေအပေါ်မှာ အခြေခံထားဆဲဖြစ်ပြီး၊ သူကိုယ်တိုင်လည်း အဲဒီလူတွေကို ဂုဏ်ပြုမှတ်တမ်းတင်ထားပါတယ်။ ဒါပေမဲ့လည်း Zero Hour ဂိမ်းကြီးကို iPhone ပေါ်မှာ ဘာကြားခံ software မှမလိုဘဲ တိုက်ရိုက်ဆော့လို့ရနေတာကို မြင်တွေ့ရတာကတော့ တကယ့်ကို အံ့ဩစရာကောင်းလှတဲ့ ရလဒ်တစ်ခုလို့ ဆိုနိုင်ပါတယ်။ စိတ်ဝင်စားလို့ စမ်းသပ်လိုသူတွေအတွက် အောက်မှာ CNC Generals ဂိမ်းရယူနိုင်မဲ့ Ammar Reshi ရဲ့ GitHub လင့်ကိုထည့်သွင်းပေးထားပါတယ်။ https://github.com/ammaarreshi/Generals-Mac-iOS-iPad  Ammaar Reshi ကတော့ သူရဲ့နောက်ထပ် ပရောဂျက်အနေနဲ့ Command & Conquer universe ထဲက ထူးထူးခြားခြား FPS ဂိမ်းတစ်ခုဖြစ်တဲ့ Command & Conquer: Renegade ဂိမ်းကို macOS/iOS ပေါ်မှာ တိုက်ရိုက်ကစားလို့ရအောင် Port လုပ်သွားမယ်လို့ဆိုပါတယ်။ Note: En Thue Tech ၏ သတင်းဆောင်းပါးများကို ခွင့်ပြုချက်မရှိဘဲ တစ်စိတ်တစ်ပိုင်းဖြစ်စေ၊ အပြည့်အစုံဖြစ်စေ ပြန်လည်ကူးယူဖော်ပြခွင့်မပြုပါ။  Source: Digital Trends and Ammar Reshi's GitHub page #EnThueTech #News #Gaming #AI Website  https://www.enthuetech.com/2026/07/google-executive-ports-cnc-generals-to-ios-and-macos-with-claude.html  Join our Telegram channel now! https://t.me/EnThueTech

Google အရာရှိတစ်ဦးမှ Claude AI ကိုအသုံးပြု၍ Command & Conquer Generals: Zero Hour ကို iPhone နှင့် Mac ပေါ်တွင် ကစားနိုင်အောင် Port လုပ်နိုင်ခဲ့ အခုနောက်ပိုင်းဂိမ်းလောကမှာ AI နည်းပညာသုံးပြီး ဂိမ်းထုတ်လုပ်တဲ့စနစ်ကြောင့် App Store တွေထဲမှာ အရည်အသွေးမကောင်းတဲ့ မိုဘိုင်းလ်ဂိမ်းတွေ ပေါများနေတယ်ဆိုပြီး အပြစ်တင်ခံနေရတယ်ဆိုပေမဲ့ တစ်ခါတရံမှာလည်း ဒီနည်းပညာကြောင့် တကယ့်ကို စိတ်ဝင်စားဖို့ကောင်းတဲ့ ရလဒ်တွေ ထွက်ပေါ်လာတတ်ပါတယ်။ Google မှာ ထုတ်ကုန်နဲ့ ဒီဇိုင်းပိုင်းဆိုင်ရာ အကြီးတန်းအရာရှိတစ်ယောက်ဖြစ်တဲ့ Ammaar Reshi ဟာ Claude 3.5 Sonnet AI ကို အသုံးပြုပြီး နာမည်ကျော် Real-Time Strategy ဂိမ်းတစ်ခုဖြစ်တဲ့ Command & Conquer Generals: Zero Hour ဂိမ်းကို iPhone နဲ့ iPad ပေါ်မှာ ဆော့လို့ရအောင် Port လုပ်လိုက်နိုင်ပြီလို့ ပြောကြားခဲ့ပါတယ်။ ဒါဟာ ပုံမှန် Emulator သို့မဟုတ် Cloud ကနေတဆင့် ကစားရတဲ့ပုံစံမျိုး လုံးဝ မဟုတ်ပါဘူး။ Reshi ရဲ့ GitHub စာမျက်နှာမှာ ဖော်ပြထားချက်အရ အမှန်တကယ် ၂၀၀၃ ခုနှစ်က ထွက်ရှိခဲ့တဲ့ ဂိမ်း Engine ကို Apple ရဲ့ ARM64 processor တွေမှာ natively အလုပ်လုပ်နိုင်အောင် ပြန်လည်တည်ဆောက်ထားတာဖြစ်လို့ iPhone၊ iPad နဲ့ Mac ကွန်ပျူတာတွေပေါ်မှာ တိုက်ရိုက်ဆော့ကစားနိုင်တာ ဖြစ်ပါတယ်။ ဒီပရောဂျက်ဟာ ဂိမ်းကုမ္ပဏီ EA က ထုတ်ပြန်ပေးထားတဲ့ မူရင်း GPL source code တွေနဲ့ ယခင်ကတည်းက ရှိနှင့်ပြီးသား ဂိမ်း community ရဲ့ ပြင်ဆင်မွမ်းမံမှုတွေအပေါ် အခြေခံထားတာဖြစ်ပြီး၊ အခုအခါမှာတော့ iOS နဲ့ iPadOS အတွက်ပါ ပြောင်းလဲတပ်ဆင်မှုကို ထပ်မံဖြည့်စွက်ပေးလိုက်တာ ဖြစ်ပါတယ်။ ဂန္ထဝင်ကွန်ပျူတာဂိမ်းတစ်ခုကို iPhone ပေါ်ရောက်အောင် Claude AI က ဘယ်လိုကူညီပေးခဲ့လဲ ဒီလို ပြောင်းလဲအသုံးပြုနိုင်အောင် လုပ်ရတဲ့လုပ်ငန်းစဉ်က ကွန်ပျူတာစခရင်မှာ ဆော့တဲ့ Windows ဂိမ်းအဟောင်းကြီးတစ်ခုကို ဖုန်းစခရင်အသစ်ပေါ်မှာ အလွယ်တကူ လှမ်းဖွင့်လိုက်ရုံလောက်နဲ့တော့ မရိုးရှင်းပါဘူး။ ဂိမ်းရဲ့ မူရင်း Engine ဟာ ကွန်ပျူတာစနစ်လိုမျိုး စိတ်ကြိုက်အချက်အလက် ဝင်ရောက်ရေးသားလို့ရတဲ့ file system မျိုးကို မျှော်လင့်ထားတာဖြစ်ပြီး၊ တစ်ဖက်မှာတော့ iOS app တွေက လုံခြုံရေးအရ သီးသန့်ပိတ်ဆို့ထားတဲ့ code-signed bundle အလုံပိတ်စနစ်ထဲမှာပဲ ရှင်သန်ရတာ ဖြစ်ပါတယ်။ ဒါကြောင့် ဂိမ်းထဲက Save files တွေ၊ ကူညီပေးမယ့် cache လမ်းကြောင်းတွေနဲ့ configuration ရေးသားမှုတွေကို တခြားနေရာဆီ လမ်းကြောင်းလွှဲပေးခဲ့ရပါတယ်။ သူ့အနေနဲ့ graphics pipeline ကိုလည်း အကြီးအကျယ် ပြန်ပြင်ခဲ့ရပါသေးတယ်။ Zero Hour ဂိမ်းကို ခေတ်ဟောင်း DirectX 8 API ပေါ်မှာ အခြေခံတည်ဆောက်ခဲ့တာဖြစ်ပြီး၊ Apple စက်ပစ္စည်းတွေကတော့ သီးသန့် Metal API ကို သုံးတာ ဖြစ်ပါတယ်။ ဒါကြောင့် ဒီပရောဂျက်မှာ အဲဒီပြဿနာကို DXVK နဲ့ MoltenVK စနစ်တွေကတဆင့် ကြားခံချိတ်ဆက်ပေးခဲ့ရပြီး၊ DirectX စနစ်ဟောင်းကြီးကို ကနဦးမှာ Vulkan စနစ်အဖြစ် ပြောင်းလဲကာ၊ အဲဒီကမှတဆင့် Apple ရဲ့ Metal စနစ်ဆီ ထပ်မံ translate လုပ်ပြီး လမ်းကြောင်းလွှဲပေးခဲ့ရတာ ဖြစ်ပါတယ်။ ဒါ့အပြင် Real-Time Strategy ဂိမ်းတွေဟာ ပုံမှန်အားဖြင့် Mouse နဲ့ကစားမှ အဆင်ပြေတာဖြစ်ပြီး၊ iPhoneနဲ့ iPad တွေမှာတော့ မောက်စ်မပါဝင်တာက အထင်အရှားပဲ ဖြစ်ပါတယ်။ ဒါကြောင့် Reshi ရဲ့ ပရောဂျက်မှာ RTS ဂိမ်း ကစားဟန်နဲ့ ကိုက်ညီမယ့် touch control တွေကို ထည့်သွင်းပေးခဲ့ရပါတယ်။ အဲဒီ touch control ထဲမှာဆိုရင် စခရင်ကို နှိပ်ပြီး စစ်သည်ရွေးချယ်တာ၊ ဖိဆွဲပြီး အုပ်စုလိုက်ရွေးချယ်တာ၊ လက်ချောင်းနှစ်ချောင်းနဲ့ စခရင်ကို ရွှေ့တာ၊ လက်ချောင်းနဲ့ ချဲ့တာ၊ ချုံ့တာနဲ့ ဖိနှိပ်ပြီး အမိန့်ပေးတာ စတဲ့ လုပ်ဆောင်ချက်တွေ ပါဝင်လာပါတယ်။ ဂိမ်းလောကအတွက် AI ကို ပိုမိုကောင်းမွန်တဲ့နေရာမှာ အသုံးချခြင်း Command & Conquer Generals Zero Hour ဂိမ်းဟာ သူ့ခေတ်သူ့အခါက ကွန်ပျူတာပေါ်မှာ အကောင်းဆုံး RTS ဂိမ်းတွေထဲက တစ်ခုဖြစ်ခဲ့ပါတယ်။ ဂိမ်းကစားရတာ အလွန်မြန်ဆန်ပြီး ဆူညံပွက်လောရိုက်လှသလို အထူးသဖြင့် Generals Challenge mode ဆိုရင် ကိုယ့်ရဲ့ စစ်ဗျူဟာစွမ်းရည်ကို တကယ့်ကို စမ်းသပ်တဲ့ပွဲကြီးတစ်ပွဲလို ခံစားရစေတာ ဖြစ်ပါတယ်။ ငယ်စဉ်ကတည်းက ကွန်ပျူတာပေါ်မှာ RTS စစ်ဗျူဟာဂိမ်းတွေ ဆော့ပြီး ကြီးပြင်းလာခဲ့ရသူတွေအတွက်တော့ အခုလို AI ပရောဂျက်မျိုးက တကယ့်ကို တန်ဖိုးရှိပြီး အဖတ်တင်တဲ့ အရာမျိုး ဖြစ်ပါတယ်။ ယေဘုယျအားဖြင့် ဂိမ်းကစားသူတွေဟာ ဂိမ်းလောကထဲ AI ဝင်ရောက်လာတာကို သဘောမကျကြပါဘူး၊ အထူးသဖြင့် လူသားတွေရဲ့ ဖန်တီးနိုင်စွမ်းကို အစားထိုးဖို့ ကြိုးစားတာမျိုး ဒါမှမဟုတ် App Store တွေထဲမှာ စိတ်ပျက်စရာ ဂိမ်းအညံ့စားတွေနဲ့ လာရောက်ပိတ်ဆို့တာမျိုးတွေကို မုန်းတီးကြတာ ဖြစ်ပါတယ်။ ဒါပေမဲ့ အခုအခြေအနေမှာတော့ AI ဟာ ဘယ်လိုမှ ဆော့လို့မရနိုင်တော့မယ့် စက်ပစ္စည်းတွေပေါ်ဆီ ဂန္ထဝင်ဂိမ်းဟောင်းကြီးကို ပို့ဆောင်ပေးနိုင်ဖို့အတွက် အကောင်းဆုံး ကူညီပေးသွားခဲ့တာ ဖြစ်ပါတယ်။

I Have No Mouth, and I Must Scream၊ River City Girls 2 နှင့် Sophia the Traveler ဂိမ်းများကို အခမဲ့ရယူပါ  ▄▄▄▄▄▄▄▄▄▄▄▄▄▄▄▄▄ Epic Games ကနေ ဒီအပတ်အတွက် PC၊ Android နဲ့ iOS တို့အတွက် ဂိမ်း ၃ခုကို ဇူလိုင်လ ၉  ရက်နေ့အထိ အခမဲ့ရယူခွင့်ပေးလိုက်ပါတယ်။ ဒီအပတ်မှာ PC အတွက် Adventure၊ Puzzle နဲ့ Retro ဂိမ်းအမျိုးအစားဖြစ်တဲ့ I Have No Mouth, and I Must Scream အပြင် Action-Adventure၊ Fighting နဲ့ RPG ဂိမ်းအမျိုးအစားဖြစ်တဲ့ River City Girls 2 ကိုလည်း အခမဲ့ရယူခွင့်ပေးထားပါတယ်။ Epic Games Store မှာ အကောင့်ဖွင့်ပြီး ရယူနိုင်ပါတယ်။ Android နဲ့ iOS(EU Region) အသုံးပြုသူတွေအတွက်လည်း Sophia the Traveler ဂိမ်းကို အခမဲ့ပေးနေပါတယ်။ PC မှာ အကောင့်ရှိပြီးသားဆိုရင် ဆက်လက်အသုံးပြုနိုင်ပါတယ်။ Android အတွက် Epic Games Store ကို အောက်ပါလင့်ခ်ကနေ ဒေါင်းလုဒ်ဆွဲနိုင်ပါတယ်။ https://store.epicgames.com/en-US/download/android လာမဲ့ ဇူလိုင်လ ၉ ရက်နေ့မှာတော့ PC အတွက် Nova Lands နဲ့ Tatto Tycoon ဂိမ်းကိုပေးသွားမယ်လို့ရပါတယ်။ Source: Epic Games #EnThueTech #News #Gaming Join our Telegram channel now! https://t.me/EnThueTech

Garciaguirre et al. v. Samsung Electronics Co., Ltd. et al. တရားစွဲဆိုမှုအမှုတွင်းမှာ တရားလိုတွေဘက်က စွပ်စွဲထားတာကတော့—ဒီကုမ္ပဏီ ၃ ခုဟာ မန်မိုရီဈေးနှုန်းတွေ တက်နေတဲ့အချိန်မှာတောင် DRAM ထုတ်လုပ်မှုပမာဏကို တမင်တကာ လျှော့ချပစ်ခဲ့ကြတယ်၊ ပြီးတော့ ၎င်းတို့ရဲ့ ကုန်ထုတ်လုပ်မှုအင်အားတွေကို အမြတ် ပိုရမယ့် HBM server memory ဘက်ဆီ ပြောင်းလဲအသုံးချခဲ့ကြတယ်၊ ဒါ့အပြင် ဈေးနှုန်းတွေကို ပိုပြီး မြင့်တက်လာစေဖို့အတွက် သမားရိုးကျ ဖြန့်ချိရေး လမ်းကြောင်းတွေကိုပါ ဖျက်သိမ်းပစ်ခဲ့ကြတယ်လို့ ဆိုပါတယ်။ ၎င်းတို့ရဲ့ အဓိကထောက်ပြတဲ့အချက်ကတော့- တကယ်လို့သာ တရားမျှတတဲ့ ပြိုင်ဆိုင်မှုရှိတဲ့ ဈေးကွက်ဆိုရင် ဈေးတက်လာတဲ့အချိန်မှာ အနည်းဆုံး ထုတ်လုပ်သူတစ်ဦးက ကုန်ထုတ်လုပ်မှုကို တိုးမြှင့်ရမှာဖြစ်ပြီး အဲဒီအခါ ကျန်တဲ့သူတွေကလည်း လိုက်လုပ်ကြရမှာ ဖြစ်တယ်လို့ ထောက်ပြထားတာပါ။ ဒီအမှုက အဆင့်မြင့် DRAM နဲ့ NAND ထုတ်လုပ်မှုကဏ္ဍမှာ ဘာလို့ ထိပ်သီးကုမ္ပဏီ ၃ ခုတည်းကပဲ ဆယ်စုနှစ်ချီ လက်ဝါးကြီးအုပ်ထားနိုင်လဲဆိုတဲ့ အချက်ကိုလည်း မီးမောင်းထိုးပြနေပါတယ်။ မန်မိုရီစက်ရုံတစ်ရုံ တည်ဆောက်တဲ့အခါ ဒေါ်လာဘီလီယံပေါင်းများစွာ ကုန်ပြီး နှစ်ပေါင်းများစွာ အချိန်ယူရတဲ့အပြင် ဆယ်စုနှစ်ပေါင်းများစွာ စုဆောင်းထားတဲ့ ကုန်သွယ်ရေးလျှို့ဝှက်ချက်တွေ လိုအပ်လို့ပါ။ ဒါ့အပြင် အမေရိကန်ရဲ့ ပို့ကုန်ထိန်းချုပ်မှု ဥပဒေတွေကြောင့်လည်း တရုတ် CXMT လို ကုမ္ပဏီတွေက အဆင့်မြင့်ဆုံး စက်ရုံသုံးပစ္စည်းတွေကို ဝယ်ခွင့်မရဘဲ ပိတ်ဆို့ခံထားရပါတယ်။ တကယ်လို့ ဒီအမှုက ရှေ့ဆက်သွားမယ်ဆိုရင်တော့ ပြီးခဲ့တဲ့ နှစ်ပေါင်း ၃၀ အတွင်း တတိယအကြိမ်မြောက် မန်မိုရီဈေးနှုန်း အရှုပ်တော်ပုံ ဖြစ်လာမှာပါ။ ပြီးခဲ့တဲ့ ၁၉၉၈ ခုနှစ်နဲ့ ၂၀၀၂ ခုနှစ်ကြားကာလတုန်းကလည်း Samsung၊ SK Hynix (ထိုစဉ်က Hynix)၊ Micron နဲ့ အခုအခါ လုပ်ငန်းရပ်ဆိုင်းသွားပြီဖြစ်တဲ့ Infineon နဲ့ Elpida တို့ရဲ့ DRAM ဌာနတွေဟာ မန်မိုရီဈေးနှုန်းတွေကို တိုင်ပင်ပြီး တမင်သတ်မှတ်ခဲ့ကြကြောင်း ပြစ်မှုထင်ရှားစီရင်ခြင်း ခံခဲ့ရဖူးပါတယ်။ ထိုစဉ်က ပြစ်ဒဏ်အနေနဲ့ Samsung က အမေရိကန်ဒေါ်လာ သန်း ၃၀၀ နဲ့ SK Hynix က ဒေါ်လာ ၁၅ သန်းအထိ ဒဏ်ရိုက်ခြင်း ခံခဲ့ရပါတယ်။  ဒါတင်မကသေးဘဲ ၂၀၁၀ ပြည့်နှစ်နှောင်းပိုင်းမှာ ဈေးတွေပြန်တက်တုန်းကလည်း ဒီထိပ်သီးကုမ္ပဏီ ၃ ခုဟာ ထပ်မံသံသယဖြစ်ဖွယ် အခြေအနေတွေနဲ့ ကြုံတွေ့ခဲ့ရလို့ ၂၀၁၈ ခုနှစ်က အမေရိကန်မှာ  အုပ်စုလိုက် တရားစွဲဆိုခြင်း ခံခဲ့ရပါသေးတယ်။ ဒါပေမဲ့ နောက်ဆုံးမှာတော့ သက်သေမခိုင်မာလို့ အယူခံအဆင့်မှာ ပယ်ချခံခဲ့ရသလို တရုတ်အစိုးရရဲ့ စုံစမ်းစစ်ဆေးမှုကိုလည်း ခံခဲ့ရဖူးပါတယ်။ Note: En Thue Tech ၏ သတင်းဆောင်းပါးများကို ခွင့်ပြုချက်မရှိဘဲ တစ်စိတ်တစ်ပိုင်းဖြစ်စေ၊ အပြည့်အစုံဖြစ်စေ ပြန်လည်ကူးယူဖော်ပြခွင့်မပြုပါ။  Source: TechSpot #EnThueTech #News #Industry #Memory Website  https://www.enthuetech.com/2026/07/memory-price-will-continue-to-rise-40-50-percent-in-q3-2026.html  Join our Telegram channel now! https://t.me/EnThueTech

AI ကြောင့် RAM ဈေးနှုန်းများ ယခုနှစ် Q3 တွင် ၄၀-၅၀% မြင့်မားလာနိုင်ချေရှိပြီး Memory ထုတ်လုပ်သည့် ထိပ်သီးကုမ္ပဏီ ၃ ခုလည်း ဈေးကစားမှုဖြင့် တရားစွဲခံထားရ ▄▄▄▄▄▄▄▄▄▄▄▄▄▄▄▄▄ ကွန်ပျူတာနဲ့ ဖုန်းအပါအဝင် လျှပ်စစ်ပစ္စည်းတွေရဲ့ ဈေးနှုန်းကို တက်စေတဲ့ Memory ပြတ်လပ်တဲ့ပြဿနာက ဒီနှစ်ကုန်ပိုင်းကနေ ၂၀၂၇ အထိ ပိုဆိုးလာဖို့ပဲ ရှိပြီး ပြန်သက်သာလာမယ့် အလားအလာကို ၂၀၂၈ ကျမှပဲ မြင်ရနိုင်ဖွယ် ရှိပါတယ်။ ၂၀၂၅ခုနှစ်မှာ စတင်လာခဲ့တဲ့ ဒီ Memory ပြဿနာဟာ အခုဆိုရင် ပိုမိုဆိုးရွားလာလို့  RAMageddon လို့တောင် တင်စားခေါ်ဝေါ်နေကြပါပြီ။ မန်မိုရီထုတ်လုပ်သူတွေနဲ့ လုပ်ငန်းတွင်း လေ့လာဆန်းစစ်သူအများစုကတော့ မန်မိုရီစျေးတက်လာရခြင်းဟာ AI ကြောင့် ဝယ်လိုအားတက်လာတာလို့ ပုံချနေကြပေမဲ့ ကာလီဖိုးနီးယားမှာ စွဲဆိုလိုက်တဲ့ တရားစွဲဆိုမှုအသစ်တစ်ခုမှာတော့ မန်မိုရီဈေးကွက်ကို လက်ဝါးကြီးအုပ်ထားတဲ့ ကုမ္ပဏီကြီး ၃ ခုက လက်ရှိအခြေအနေကို အခွင့်ကောင်းယူပြီးဈေးနှုန်းတွေကို မတရား ညှိနှိုင်းမြှင့်တင်နေကြတယ်လို့ စွပ်စွဲထားပါတယ်။  မန်မိုရီလုပ်ငန်းဆိုင်ရာ အကြံပေးနဲ့ Samsung China ရဲ့အမှုဆောင်ဟောင်းတစ်ဦးဖြစ်သူ Ethan Tan အဆိုအရ ၂၀၂၆ တတိယသုံးလပတ်မှာတင် RAM ဈေးတွေဟာ ၄၀% ကနေ ၅၀% အထိ ထိုးတက်သွားနိုင်ပြီး စတုတ္ထသုံးလပတ်မှာ နောက်ထပ် ၃၀% ကနေ ၄၀% အထိ ထပ်တိုးလာနိုင်တယ်လို့ သိရပါတယ်။ ဒီပမာဏက အနောက်နိုင်ငံတွေက ရင်းနှီးမြှုပ်နှံသူတွေ ခန့်မှန်းထားတာထက် အများကြီး ပိုများနေတာပါ။ ကမ္ဘာပေါ်က DRAM နဲ့ NAND အားလုံးနီးပါးကို Samsung၊ SK Hynix နဲ့ Micron ကုမ္ပဏီ ၃ ခုတည်းကပဲ ထုတ်လုပ်နေတာဖြစ်ပြီး၊ သာမန် PC နဲ့ ဖုန်းတွေထက် AI data center တွေဆီ ရောင်းရတာက အမြတ်အဆမတန် ပိုရတာကြောင့် ဖြစ်ပါတယ်။ လတ်တလောမှာ data center တွေရဲ့ ဝယ်လိုအားက အဲဒီကုမ္ပဏီ ၃ ခုစလုံးရဲ့ စုစုပေါင်းထုတ်လုပ်မှုပမာဏထက်တောင် ကျော်လွန်နေတာကြောင့် လွန်ခဲ့တဲ့ ၄ နှစ်တာအတွင်းမှာ ဈေးနှုန်းတွေဟာ ၇၀၀% အထိတောင် မြင့်တက်သွားခဲ့ပါတယ်။ ရလဒ်အနေနဲ့ သာမန်သုံးစွဲသူတွေအတွက် မန်မိုရီဈေးနှုန်းတွေဟာ ဝယ်ဖို့လက်လှမ်းမမီနိုင်လောက်အောင် ကြီးမြင့်လာခဲ့ပြီး Apple၊ Sony နဲ့ Microsoft အပါအဝင် အခြားကုမ္ပဏီကြီးတွေကိုပါ သူတို့ပစ္စည်းဈေးနှုန်းတွေ အဆမတန် လိုက်လံမြှင့်တင်ဖို့ တွန်းအားပေးသလို ဖြစ်ခဲ့ပါတယ်။ ဆီမီးကွန်ဒတ်တာ နည်းပညာတိုးတက်မှုတွေက ၂၀၂၆ ခုနှစ်မှာ ကုန်ထုတ်လုပ်မှုပမာဏကို ၇% ကနေ ၈% အထိပဲ တိုးပေးနိုင်မှာမို့လို့ ပစ္စည်းပြတ်လပ်တဲ့ပြဿနာက လာမယ့်နှစ်အထိ ဆက်ရှိနေဦးမှာဖြစ်ပြီး၊ လာမယ့်နှစ်မှာလည်း တစ်နှစ်ထက်တစ်နှစ် ဈေးနှုန်း ၄၀% မှ ٤၅% အထိ ထပ်မံမြင့်တက်လာနိုင်တယ်လို့ Tan က တွက်ချက်ထားပါတယ်။ ကုန်ထုတ်လုပ်မှုပမာဏ ပြန်လည်တိုးတက်လာတာနဲ့ AI ဝယ်လိုအား ပြန်လည်တည်ငြိမ်သွားတာတို့ ပေါင်းစပ်သွားမယ့် ၂၀၂၈ ခုနှစ်ကျမှသာ ဈေးနှုန်းတွေဟာ ၁၅% မှ ၂၀% ခန့် ပြန်လည်ကျဆင်းသွားနိုင်ခြေ ရှိပါတယ်။ ဒါ့အပြင် CXMT လို တရုတ်နိုင်ငံက မန်မိုရီထုတ်လုပ်တဲ့ ကုမ္ပဏီတွေရဲ့ စျေးကွက်အပေါ်သက်ရောက်မှုဟာ လာမယ့် ၂၀၂၆ နဲ့ ၂၀၂၇ ခုနှစ်တွေမှာ အကန့်အသတ်နဲ့ပဲ ရှိနေဦးမယ်လို့ မျှော်လင့်ရပါတယ်။ အဓိကအကြောင်းရင်းကတော့ တရုတ်ပြည်တွင်းက ထုတ်လုပ်သူတွေအနေနဲ့ မျိုးဆက်သစ် chip တွေထုတ်ဖို့ လိုအပ်တဲ့ EUV lithography လို အဆင့်မြင့်နည်းပညာအသုံးပြုတဲ့စက်တွေကို ဝယ်ယူခွင့် ပိတ်ဆို့ခံထားရလို့ ဖြစ်ပါတယ်။ စမ်းသပ်ချက်တွေအရ CXMT ရဲ့ DDR5 RAM က သာမန် PC တွေအတွက် သုံးလို့ရနေပြီမို့ Apple အနေနဲ့လည်း နာမည်ပျက်စာရင်းသွင်းခံထားရတဲ့ အဲဒီတရုတ်ကုမ္ပဏီဆီက ပစ္စည်းဝယ်ခွင့်ရဖို့ အမေရိကန်အစိုးရကို လိုက်လံနားချနေပါတယ်။ ဒါပေမဲ့လည်း CXMT အနေနဲ့ လတ်တလောမှာ DDR6 သို့မဟုတ် HBM3E နည်းပညာတွေဆီ တက်လှမ်းနိုင်ဦးမှာ မဟုတ်ပါဘူး။ ဒါပေမဲ့ ၂၀၂၈ လောက်မှာတော့ တရုတ်ပြည်တွင်းရဲ့ NAND နည်းပညာက ကျန်လုပ်ငန်းနယ်ပယ်တစ်ခုလုံးနဲ့ ရင်ဘောင်တန်းနိုင်လာလိမ့်မယ်လို့ မျှော်လင့်ရပါတယ်။ ဒါပေမဲ့ ကာလီဖိုးနီးယားက တရားလို ၁၇ ဦးပါဝင်တဲ့ အဖွဲ့တစ်ဖွဲ့ကတော့ အခုဈေးတက်တာဟာ အဆိုပါကုမ္ပဏီကြီးတွေရဲ့ တမင်ကြံစည်မှုကြောင့်လို့ ယူဆနေပါတယ်။ Law360 ရဲ့ ဖော်ပြချက်အရ Samsung၊ SK Hynix နဲ့ Micron တို့ဟာ ဈေးကွက်အတွင်း မတရားယှဉ်ပြိုင်မှုပုံစံနဲ့ ဈေးကစားဖို့အတွက် DRAM ထုတ်လုပ်မှုကို တမင်သက်သက် ကန့်သတ်ထားတယ်လို့ စွပ်စွဲပြီး တရားစွဲထားတာပါ။

အပြောင်းအလဲများ၊ ကွန်ရက်လုံခြုံရေးဆိုင်ရာ ဈေးကွက်များတွင် ဆက်လက်တိုးတက်မှုနှုန်းများ၊ အနာဂတ်တွင် ဝယ်ယူထားသော သို့မဟုတ် ရင်းနှီးမြုပ်နှံထားသော အပြန်အလှန်အကျိုးပြုကုမ္ပဏီများ၊ ထုတ်ကုန်များ၊ ဝန်ဆောင်မှုများ သို့မဟုတ် နည်းပညာများ၏ အောင်မြင်မှု၊ ကျွန်ုပ်တို့၏ အရောင်းအဖွဲ့၏ ကောင်းမွန်စွာ လုပ်ဆောင်နိုင်စွမ်း၊ အရောင်းပိတ်သိမ်းမှု ကြာချိန်ကို တိုတောင်းအောင် လုပ်ဆောင်နိုင်စွမ်း၊ ကျွန်ုပ်တို့၏ ချန်နယ်မိတ်ဖက်များမှ ကျွန်ုပ်တို့၏ ထုတ်ကုန်များကို ရောင်းချနိုင်စွမ်း၊ ကျွန်ုပ်တို့၏ ရောင်းချမှုနှင့်ဆိုင်သော ထုတ်ကုန်ရောနှော ကွဲပြားမှုများ သို့မဟုတ် ပထဝီဝင်တည်နေရာများ ပြောင်းလဲမှုများ၊ နိုင်ငံတကာဈေးကွက်များတွင် ကျွန်ုပ်တို့၏ ရပ်တည်မှုနှင့် ဆက်စပ်နေသော အန္တရာယ်များ၊ ဘဏ္ဍာရေး အစီရင်ခံမှုအပေါ် ကုမ္ပဏီအတွင်း ထိန်းချုပ်မှု အားနည်းချက်များ သို့မဟုတ် ချို့ယွင်းချက်များ၊ ၁၉၃၄ ခုနှစ် Securities Exchange Act အရ တင်သွင်းရန် လိုအပ်သည့် ကာလအပိုင်းအခြားအလိုက် အစီရင်ခံစာများကို အချိန်မီ တင်သွင်းနိုင်စွမ်းနှင့် ၂၀၂၆ ခုနှစ်၊ မေလ ၇ ရက်နေ့တွင် Securities and Exchange Commission ထံ တင်သွင်းခဲ့သော ကျွန်ုပ်တို့၏ Form 10-K အပါအဝင် Securities and Exchange Commission ထံ အချိန်အပိုင်းအခြားအလိုက်တင်သွင်းသည့် ကျွန်ုပ်တို့၏စာရွက်စာတမ်းများရှိ “အန္တရာယ်အကြောင်းရင်းခံများ” တွင် ဖော်ပြထားသော အခြားအန္တရာယ်များ ပါဝင်ပါသည်။ ကျွန်ုပ်တို့သည် သတင်းအချက်အလက်အသစ်များကြောင့်၊ အနာဂတ်ဖြစ်ရပ်များကြောင့် သို့မဟုတ် အခြားကိစ္စရပ်များကြောင့်ဖြစ်စေ သက်ဆိုင်ရာဥပဒေအရ လိုအပ်သည့်အခါမှအပ ကျွန်ုပ်တို့၏ အနာဂတ်မျှော်မှန်းချက် ကြေညာချက်များကို ပြင်ဆင်ရန် သို့မဟုတ် ပြောင်းလဲရန် ရည်ရွယ်ထားခြင်း မရှိပါ။ Source: A10 Networks #EnThueTech  #PressRelease  #Security  #AI Website https://www.enthuetech.com/2026/06/a10-networks-acquires-trojai-inc-ai.html  Join our Telegram channel now! https://t.me/EnThueTech

A10 Networks (NYSE: ATEN) သည် on-premises၊ hybrid cloud နှင့် edge ပတ်ဝန်းကျင်များ တစ်လျှောက် လုပ်ငန်းအရေးပါသော စနစ်များကို ကာကွယ်ခြင်း၊ ပိုမိုကောင်းမွန်အောင်ပြုလုပ်ခြင်းနှင့် ချဲ့ထွင်ခြင်းတို့ကို ဆောင်ရွက်ပေးသည့် လုံခြုံရေး အက်ပလီကေးရှင်းနှင့် ကွန်ရက် solution များကို ပံ့ပိုးပေးလျက်ရှိသည့်ကုမ္ပဏီ ဖြစ်ပါသည်။ ကျွန်ုပ်တို့၏ ထုတ်ကုန်အစုအဝေးသည် ကမ္ဘာတစ်ဝှမ်းရှိ စီးပွားရေးလုပ်ငန်းကြီးများ၊ ဝန်ဆောင်မှုပေးသူများနှင့် Cloud ပလက်ဖောင်းများအား စွမ်းဆောင်ရည်၊ ယုံကြည်စိတ်ချရမှုနှင့် ဆိုက်ဘာခြိမ်းခြောက်မှုများမှ ကာကွယ်ပေးမှုတို့ကို ပံ့ပိုးပေးနိုင်ပြီး တစ်ချိန်တည်းမှာပင် AI နှင့် မျိုးဆက်သစ် Applications၏ လိုအပ်ချက်များအတွက် ၎င်းတို့၏ ကွန်ယက်များကို ပြင်ဆင်ပေးလျက်ရှိပါသည်။ A10 Networks ကို ၂၀၀၄ခုနှစ်တွင် စတင်တည်ထောင်ခဲ့ပြီး အမေရိကန်ပြည်ထောင်စု၊ ကယ်လီဖိုးနီးယားပြည်နယ်၊ ဆန်ဟိုဆေးမြို့တွင် အခြေစိုက်ကာ ကမ္ဘာတစ်ဝှမ်းရှိ သုံးစွဲသူပေါင်း ၇,၀၀၀ ကျော်ကို ဝန်ဆောင်မှုပေးလျက်ရှိပါသည်။ ပိုမိုသိရှိလိုပါက A10networks.com သို့ ဝင်ရောက်ကြည့်ရှုနိုင်ပြီး LinkedIn တွင်လည်း A10Networks ကို follow လုပ်ထားနိုင်ပါသည်။ ### A10 အမှတ်တံဆိပ်နှင့် A10 Networks တို့သည် အမေရိကန်ပြည်ထောင်စုနှင့် အခြားနိုင်ငံများရှိ A10 Networks, Inc. ၏ ကုန်အမှတ်တံဆိပ်များ သို့မဟုတ် မှတ်ပုံတင်ထားသော ကုန်အမှတ်တံဆိပ်များ ဖြစ်ကြပါသည်။ အခြားသော ကုန်အမှတ်တံဆိပ်များအားလုံးသည် သက်ဆိုင်ရာပိုင်ရှင်များ၏ ပိုင်ဆိုင်မှုများသာ ဖြစ်ပါသည်။ မျှော်မှန်းထားသော ထုတ်ပြန်ချက်များ ဤသတင်းထုတ်ပြန်ချက်တွင် အမြတ်ဝေစုများနှင့် အရင်းအနှီးပြန်လည်ရရှိမှု၊ ဝယ်လိုအားနှင့် စျေးကွက်လမ်းကြောင်းများ၊ မဟာဗျူဟာနှင့် ယှဉ်ပြိုင်မှုအနေအထား၊ ဘဏ္ဍာရေးဆိုင်ရာ စွမ်းဆောင်ရည်နှင့် အကျိုးအမြတ်ရရှိနိုင်မှု၊ ထောက်ပံ့ရေးကွင်းဆက် စီမံခန့်ခွဲမှုနှင့် ၂၀၂၆ ခုနှစ်အတွက် ဘဏ္ဍာရေးဆိုင်ရာ လမ်းညွှန်ချက်တို့နှင့် စပ်လျဉ်းသည့် ပြောကြားချက်များအပါအဝင် "မျှော်မှန်းထားသော ထုတ်ပြန်ချက်များ" ပါဝင်ပါသည်။ ဤ မျှော်မှန်းထားသော ထုတ်ပြန်ချက်များသည် သိရှိပြီးနှင့် မသိရှိရသေးသော အန္တရာယ်များနှင့် မရေရာမှုများအပေါ် မူတည်နေပြီး၊ မှားယွင်းနိုင်ချေရှိသည့် ယူဆချက်များအပေါ် အခြေခံထားသောကြောင့်၊ လက်တွေ့ရလဒ်များသည် မျှော်မှန်းထားသော ထုတ်ပြန်ချက်များတွင် မျှော်လင့်ထားသည့် သို့မဟုတ် ညွှန်ပြထားသည့် ရလဒ်များနှင့် လက်တွေ့ရလဒ်များ သိသာထင်ရှားစွာ ကွဲလွဲသွားနိုင်ပါသည်။ လက်တွေ့ရလဒ်များကို ကွဲလွဲသွားစေနိုင်သည့် အကြောင်းရင်းများမှာ-အမြတ်ဝေစု အစီအစဉ် သို့မဟုတ် စတော့ရှယ်ယာ ပြန်လည်ဝယ်ယူရေး အစီအစဉ်အတွက် အသုံးပြုနိုင်မည့် ရန်ပုံငွေများကို လမ်းကြောင်းလွှဲသုံးစွဲရန် လိုအပ်လာနိုင်သည့် မမျှော်မှန်းနိုင်သော အရင်းအနှီးလိုအပ်ချက်များနှင့် ၎င်းကိစ္စရပ်က သုံးလတစ်ကြိမ် အမြတ်ဝေစုပေးအပ်ခြင်း သို့မဟုတ် ကျွန်ုပ်တို့၏ သာမန်စတော့ရှယ်ယာများကို ပြန်လည်ဝယ်ယူခြင်းအပေါ် အပျက်သဘောဆောင်သော သက်ရောက်မှုရှိလာနိုင်ခြင်း၊ ကျွန်ုပ်တို့၏ စီးပွားရေးနှင့် ဘဏ္ဍာရေးရလဒ်များအပေါ် ဆိုးရွားစွာ သက်ရောက်မှုဖြစ်စေသည့် ကမ္ဘာလုံးဆိုင်ရာ မက်ခရိုစီးပွားရေး သို့မဟုတ် နိုင်ငံရေးအခြေအနေများ သိသာစွာကျဆင်းလာခြင်း၊ ကမ္ဘာလုံးဆိုင်ရာ ကုန်သွယ်ရေး ပဋိပက္ခတိုးပွားလာခြင်း သို့မဟုတ် အခြားသော အပြည်ပြည်ဆိုင်ရာ ကုန်သွယ်ရေး ဥပဒေစည်းမျဉ်းများ ပြောင်းလဲခြင်း၊ ကျွန်ုပ်တို့၏ ထောက်ပံ့ရေးကွင်းဆက်နှင့် ဆက်စပ်နေသော လုပ်ငန်းတုန့်ဆိုင်းမှုများ၊ သုံးစွဲသူများမှ အော်ဒါများကို ပယ်ဖျက် သို့မဟုတ် ရွှေ့ဆိုင်းပါက ကျွန်ုပ်တို့၏လုပ်ငန်းနှင့် ကုန်ကျစရိတ်များကို စီမံခန့်ခွဲနိုင်စွမ်း၊ အဓိကကျသော အရောင်းအဝယ်များကို ပိတ်သိမ်းခြင်းနှင့် လုပ်ငန်းဆောင်ရွက်မှု တိုးတက်စေခြင်းတို့နှင့် ပတ်သက်သည့် လုပ်ငန်းဆောင်ရွက်မှုဆိုင်ရာ အန္တရာယ်များ၊ ကျွန်ုပ်တို့၏ ထုတ်ကုန်များကို ဈေးကွက်မှ ဆက်လက်လက်ခံသုံးစွဲခြင်း၊ ဈေးကွက်လိုအပ်ချက်များနှင့် အခွင့်အလမ်းများကို ကျွန်ုပ်တို့မှ အောင်မြင်စွာ ကြိုတင်ခန့်မှန်းနိုင်စွမ်း၊ ထုတ်ကုန်သစ်များနှင့် လုပ်ဆောင်ချက်သစ်များကို အချိန်ကိုက် ဖန်တီးနိုင်စွမ်း၊ အကျိုးအမြတ်ရရှိရန် သို့မဟုတ် ထိန်းသိမ်းထားရန် ကျွန်ုပ်တို့၏ စွမ်းဆောင်နိုင်မှု၊ ကျွန်ုပ်တို့၏ အကြီးမားဆုံး အသုံးပြုသူသုံးစွဲသူများထံမှ မျှော်လင့်ထားသည့် ဝယ်ယူမှုများ ဆုံးရှုံးခြင်း သို့မဟုတ် နှောင့်နှေးခြင်း၊ ယှဉ်ပြိုင်မှုအနေအထားကို ထိန်းသိမ်းရန် သို့မဟုတ် တိုးတက်စေရန် စွမ်းဆောင်နိုင်မှု၊ Cloud အခြေပြု ကွန်ပျူတာနည်းပညာ လမ်းကြောင်းများနှင့် ပတ်သက်သည့် ယှဉ်ပြိုင်မှုနှင့် အကောင်အထည်ဖော်မှုဆိုင်ရာ အန္တရာယ်များ၊ အသုံးပြုသူဖောက်သည်အသစ်များနှင့် အကြီးမားဆုံး သုံးစွဲသူများကို ဆွဲဆောင်ထိန်းသိမ်းနိုင်စွမ်း၊ ကျွန်ုပ်တို့၏ ကုန်အမှတ်တံဆိပ်နှင့် ဂုဏ်သတင်းကို ထိန်းသိမ်းမြှင့်တင်နိုင်စွမ်း၊ ကျွန်ုပ်တို့၏ ထုတ်ကုန်များအတွက် အသုံးပြုချထားမှုနှင့် ငွေပေးချေမှုပုံစံများတွင် သုံးစွဲသူများမှ တောင်းဆိုလာသည့်

သတင်းထုတ်ပြန်ချက် - A10 Networks မှ TrojAI Inc. ကို ဝယ်ယူ၍ AI လမ်းပြမြေပုံကို ချဲ့ထွင် ▄▄▄▄▄▄▄▄▄▄▄▄▄▄▄▄▄ ဖြန့်ကျက်ထားသည့် မော်ဒယ်များအားလုံးတွင် AI မော်ဒယ်များ၊ Application များနှင့် အေးဂျင့်များကို ကာကွယ်ရန် A10 ၏ AI မဟာဗျူဟာကို အရှိန်မြှင့်တင် ဆန်ဟိုဆေး၊ ကယ်လီဖိုးနီးယား - ၂၀၂၆ ခုနှစ် ဇွန်လ ၁၅ ရက် - A10 Networks (NYSE: ATEN) သည် လုပ်ငန်းအဖွဲ့အစည်းများအတွက် AI Application များနှင့် Agentic Workflows များအား လုံခြုံအောင်ထိန်းသိမ်းရန်၊ စမ်းသပ်ရန်နှင့် စီမံအုပ်ချုပ်ရန် ကူညီနေသည့် AI Security ကုမ္ပဏီ TrojAI ကို ဝယ်ယူလိုက်ပြီဖြစ်ကြောင်း ယနေ့ကြေညာလိုက်ပါသည်။ ဤဝယ်ယူမှုကြောင့် သုံးစွဲသူများ၏ AI မော်ဒယ်များ၊ ဒေတာများနှင့် အေးဂျင့်များအား ကာကွယ်ရာတွင် ကူညီထိန်းချုပ်ပေးသည့် အမြင့်မားဆုံးသော AI Security ကို ဖြန့်ဝေနိုင်မည့် A10 ၏ စွမ်းဆောင်ရည်မှာလည်း ပိုမိုတိုးမြင့်လာမည်ဖြစ်ပါသည်။ TrojAI သည် AI လုံခြုံရေးကို အလွှာ နှစ်ခုဖြင့် ကာကွယ်ပေးပါသည်။ ပထမအလွှာမှာ AI စနစ်ကို တည်ဆောက်ချိန်၌ AI မော်ဒယ်များ၊ အေးဂျင့်များနှင့် Applicationများကို အားနည်းချက်ရှိမရှိ စူးစမ်းစစ်ဆေးသည့် Red Teaming စနစ်ဖြစ်ပြီး၊ ဒုတိယအလွှာမှာ Runtimeတွင် ကာကွယ်ပေးသည့် Real-time Threat Protection စနစ် ဖြစ်ပါသည်။ ဤအလွှာနှစ်ခုကို ပေါင်းစပ်ခြင်းဖြင့် လုပ်ငန်းအဖွဲ့အစည်းများအနေဖြင့် Generative နှင့် Agentic AI များကို လျင်မြန်စွာနှင့် ယုံကြည်စိတ်ချစွာ အသုံးပြုနိုင်မည်ဖြစ်ပါသည်။ A10 Networks ၏ ဥက္ကဋ္ဌနှင့် အမှုဆောင်အရာရှိချုပ်ဖြစ်သူ Dhrupad Trivedi က " AI က လုပ်ငန်းတွေ တည်ဆောက်ဖန်တီးတဲ့အရာတွေရော၊ သူတို ကာကွယ်ရမယ့် တိုက်ခိုက်ခံရနိုင်ခြေရှိတဲ့ နယ်ပယ် (Attack surface) ကိုပါ ပြောင်းလဲပစ်နေပါတယ်။ သမားရိုးကျ ထိန်းချုပ်မှုစနစ်တွေဟာ ကြိုတင်ခန့်မှန်းရခက်တဲ့ မော်ဒယ်တွေ (Non-deterministic models) နဲ့ အလိုအလျောက် အလုပ်လုပ်တဲ့ အေးဂျင့်တွေ (Autonomous agents) အတွက် ဒီဇိုင်းလုပ်ထားတာ မဟုတ်ပါဘူး" ဟု ပြောကြားခဲ့ပါသည်။ "TrojAI ဟာ A10 အတွက် မဟာဗျူဟာအရရော လုပ်ငန်းလည်ပတ်မှုပိုင်းမှာပါ သဘာဝကျကျ အံဝင်ခွင်ကျဖြစ်နေတဲ့ ကုမ္ပဏီတစ်ခုဖြစ်ပါတယ်။ ကျွန်ုပ်တို့ရဲ့ Hardware အခြေပြု AI Firewall စနစ်ကို TrojAI ရဲ့ Software အခြေပြု Red Teaming၊ Runtime Protection တို့ကို ပေါင်းစည်းလိုက်ခြင်းဖြင့် သုံးစွဲသူတွေအနေနဲ့ မိမိတို့ရဲ့ မော်ဒယ်တွေ၊ ဒေတာတွေနဲ့ အေးဂျင့်တွေကို လုံခြုံအောင် ကာကွယ်ထားနိုင်ရုံသာမက၊ AI ကိုလည်း လျင်မြန်ယုံကြည်စိတ်ချစွာ သုံးစွဲနိုင်တဲ့ အခွင့်အလမ်းကို ရရှိလာမှာဖြစ်ပါတယ်။ ဒီလို ပူးပေါင်းဆောင်ရွက်ရာမှာ ကျွန်ုပ်တို့အပေါ် သုံးစွဲသူတွေ ယုံကြည်အားကိုးထားတဲ့ တုံ့ပြန်မှုမြန်ဆန်ခြင်းနဲ့ အမြဲရရှိနိုင်ခြင်း ကိုလည်း ထိခိုက်မှုအလျင်းမရှိစေဘဲ ဆောင်ရွက်နိုင်မှာဖြစ်ပါတယ်။ ဒေတာလုံခြုံမှုဆိုင်ရာ တင်းကျပ်သောစည်းမျဉ်းတွေရှိတဲ့ သုံးစွဲသူတွေအတွက်ကတော့ ၎င်းတို့ရဲ့ အထိခိုက်မခံနိုင်ဆုံး ပိုင်ဆိုင်မှုတွေကို ကိုယ်တိုင်ထိန်းချုပ်တဲ့ ပတ်ဝန်းကျင်တွေမှာ ထားရှိရင်း AI နည်းပညာကို အသုံးပြုနိုင်ပါမယ်" ဟု ပြောကြားခဲ့ပါသည်။ ဤဝယ်ယူမှုအပြီးတွင် A10 အနေဖြင့် TrojAI ၏ စွမ်းဆောင်ရည်များကို ၎င်း၏ အဆက်မပြတ်တိုးတက်ပြောင်းလဲနေသော လုံခြုံရေးစနစ်အတွင်းသို့ ပေါင်းစပ်ထည့်သွင်းသွားမည်ဖြစ် ပြီး သုံးစွဲသူများအနေဖြင့် ၎င်းတို့၏ဒေတာရှိနေသည့် နေရာတိုင်းတွင် AI ကို လုံခြုံစွာ လည်ပတ်နိုင်မည်ဟု မျှော်လင့်ထားပါသည်။ TrojAI ၏ အမှုဆောင်အရာရှိချုပ် Lee Weiner က "စီးပွားရေးလုပ်ငန်းတွေနဲ့ အများပြည်သူဆိုင်ရာ အဖွဲ့အစည်းတွေဟာ AI ကို မကြုံဖူးတဲ့ အရှိန်အဟုန်နဲ့ အသုံးပြုလာကြပြီး သူတို့ရဲ့ AI လုံခြုံရေး အခြေခံအဆောက်အအုံအပေါ် စီမံပိုင်စိုးခွင့်ကို ထိန်းသိမ်းထားရင်း လုံခြုံစွာ တီထွင်ဆန်းသစ်ဖို့ လိုအပ်ပါတယ်" ဟု ပြောကြားခဲ့သည်။ A10 နဲ့အတူ ကျွန်ုပ်တို့ဟာ အဖွဲ့အစည်းတွေရဲ့ လုပ်ငန်းလည်ပတ်မှုမှာ အဓိကျလာတဲ့ မော်ဒယ်တွေ၊ Agent တွေနဲ့ App တွေကို လုံခြုံအောင် စီမံခန့်ခွဲနိုင်ပါတယ်။ ကျွန်ုပ်တို့အဖွဲ့ တည်ဆောက်ခဲ့တာတွေအတွက် ဂုဏ်ယူမိသလို ဒီစွမ်းရည်တွေကို A10 ရဲ့ သုံးစွဲသူတွေနဲ့ ဖြန့်ဖြူးရေးလမ်းကြောင်းတွေဆီ ယူဆောင်လာရခြင်းအတွက်လည်း စိတ်လှုပ်ရှားမိပါတယ်" ဟု ပြောကြားခဲ့ပါသည်။ A10 အနေဖြင့် ယခုဝယ်ယူမှုက ၂၀၂၆ ဘဏ္ဍာရေးနှစ်အတွက် ၎င်း၏ ဘဏ္ဍာရေးရလဒ်များအပေါ် သိသာထင်ရှားသော သက်ရောက်မှုရှိလိမ့်မည်ဟု မမျှော်လင့်ထားပါ။ လာမည့် ၂ နှစ်မှ ၅ နှစ်အတွင်း AI တည်ဆောက်မှုများနှင့် အက်ပလီကေးရှင်း ဖြန့်ကျက်မှုများကို လုံခြုံစေရန် ကူညီပေးနိုင်မည့် အနေအထားတွင် တိကျသေချာစွာ နေရာယူထားပါသည်။ မိမိတို့အား လူမှုကွန်ယက်တွင် follow လုပ်ပါ *  A10 Networks ၏ Blog သို့ ဝင်ရောက်ကြည့်ရှုနိုင်ပါသည် *  LinkedIn နှင့် Facebook မှတဆင့် ဆက်သွယ်ပါ A10 Networks အကြောင်း

RollerCoaster Tycoon 3 Complete Edition၊ Voidwrought  နှင့် Teenage Mutant Ninja Turtles - Shredder's Revenge ဂိမ်းများကို အခမဲ့ရယူပါ  ▄▄▄▄▄▄▄▄▄▄▄▄▄▄▄▄▄ Epic Games ကနေ ဒီအပတ်အတွက် PC၊ Android နဲ့ iOS တို့အတွက် ဂိမ်း ၃ခုကို ဇူလိုင်လ ၂  ရက်နေ့အထိ အခမဲ့ရယူခွင့်ပေးလိုက်ပါတယ်။ ဒီအပတ်မှာ PC အတွက် Simulation နဲ့  Strategy ဂိမ်းအမျိုးအစားဖြစ်တဲ့ RollerCoaster Tycoon 3 Complete Edition အပြင် Action၊ Exploration နဲ့ Platformer ဂိမ်းအမျိုးအစားဖြစ်တဲ့ Voidwrought ကိုလည်း အခမဲ့ရယူခွင့်ပေးထားပါတယ်။ Epic Games Store မှာ အကောင့်ဖွင့်ပြီး ရယူနိုင်ပါတယ်။ Android နဲ့ iOS(EU Region) အသုံးပြုသူတွေအတွက်လည်း Teenage Mutant Ninja Turtles - Shredder's Revenge ဂိမ်းကို အခမဲ့ပေးနေပါတယ်။ PC မှာ အကောင့်ရှိပြီးသားဆိုရင် ဆက်လက်အသုံးပြုနိုင်ပါတယ်။ Android အတွက် Epic Games Store ကို အောက်ပါလင့်ခ်ကနေ ဒေါင်းလုဒ်ဆွဲနိုင်ပါတယ်။ https://store.epicgames.com/en-US/download/android လာမဲ့ ဇူလိုင်လ ၂ ရက်နေ့မှာတော့ PC အတွက် I Have No Mouth, and I Must Scream နဲ့ River City Girls ဂိမ်းကိုပေးသွားမယ်လို့ရပါတယ်။ Source: Epic Games #EnThueTech #News #Gaming Join our Telegram channel now! https://t.me/EnThueTech