ግጥም ቤት✍

አያቴ ያ ብርቱ ! ላዲስ ትዳር መሻት  ፣ ሲቃኝ ልጃገረድ ህንጣ ሲያስገነባ ፣ ሲያደላድል መንገድ አቀቡን ቁልቁል ፣ ሲወጣና ሲወርድ ለፊቱ ሀያ ዓመት ፣ የፖም ዛፍ ሲተክል እኔ የርሱ ፍሬ ፣ የዘመን ቅምጥል አዳም በቆመበት ፣ ሶስት አስር ድምሬ ከቦሌ ሩዋንዳ ፣ እርምጃ ጀምሬ ታክሲ አስቆማለሁ ፣ መጓዝ ታክቶኝ በግ’ሬ። : ብርቱ ሰው አያቴ ቆሞ ፊት ለፊቴ ጥቁር ኮፍያ ስር ፣ ሪቫን ለመድገም ለሶስተኛው ዲግሪ ፣ በሂሳብ ሲጠበብ እኔ የርሱ ፍሬ በጓንት እጎርሳለሁ ፣ እጄን ላለማጠብ። : አያቴ ያ ብርቱ ተጨንቆ ለፊቱ ታሪክ ሲያገላብጥ ፣ መጽሀፍ ሲገልጥ ፣ ኋላውን ሲመዝን ፣ መጪውን ሲለካ እንቅልፋን ሲገብር ፣ ለዚህ ፖለቲካ እኔ የርሱ ቅጣይ የረገፍኩት ዋርካ የጫቴን ከቻልኩኝ : እኔክሽ እኔካ ✌️ By Mikael aschenaki @getembate @getembate

(ወሰነ)... ጨለማ ተፍቆ  ፥ ብርሃን ቤቴ ገባ፣ ገርጣ ያለው ፊቴ ፥ ወዝ አምጥቶ ሰባ፣ ወንድ ልጅ ቆረጠ ፥ ወሰነ ሊያገባ። እንደ መስከረም ወር ፥ ከአደዩ ጋራ ፥ ምትጫወት ፈክታ፣ እንደ ወርቀ ዘቦ፥ በሸመናት ጠቢብ ፥ ለእኔ ተለክታ፤ ልክ ጀንበር መሀል ፥ እንዳለችው ጮርቃ አፍቃሪው ልቤ ውስጥ ፥ ፍቅር አንፀባርቃ ልትኖር ከጎጆዬ ፥ ከልቧ የማለች፣ አንዲት ውብ አበባ ፥ ለኔ ተሰታለች። @keysopia @getembate @getembate

❞ስናርስ የከረምን❝ ገበያ ብንገባ ፣ በአገር ዋጋ ማን ይገዛን ነበር ፣ ቀለልን እንደ ቀጋ ወለላ የጠፋን ፣ ተመጠን በደጋ ስናርስ የከረምን ፣ ለሰሃራ ስንተጋ የተነቀሰብን ዜሮ ዶላር ዜሮ ዜጋ ኢምንት ማይቆጠር ሳይኮ የተወጋ ማህተብ አለብን ፣ ከደረታችን ደረት ዋጋ ቢስ የሚል ፣ ነጭ ተረት ተረት አወይ ዘንድሮስ ፣ የ'ኛው ተወዶ እኛው ረከስን ፣ በ'ኛው ተነግዶ እረክሰናል እንደማገዶ የ'ሳት'ራት ነነ ማንን ምን ገዶ አወይ ተሽጠናል ግን ማን ይገዛናል!? By ናትናኤል_አበበ @getembate @getembate

አንድ ቀን “ ለአፍራህ ስጦታ ልሰጣት አሰብኩ” አለኝ ገርሞኝ…! ወይኔ ፍቅር ጉድለት አይገባው ፣ ድህነት እያልኩ ሳስብ አልአሚን አንድ የሃምሳ ብር እና ሶስት የአስር አስር ብሮች ከኪሱ አውጥቶ አሳየኝ። “ከየት አመጣኸው?” “ለረመዳን መስጊድ ጫማ ጠርጌ ያጠራቀምኩት ነው።” እና ለአፍራህ  ስጦታ ለመግዛት በድፍን ደሴ ስጦታ መሸጫ ቤት ዞርን ።ለአፍራህ የሚሆን ስጦታ ጠፋ ። ለነገሩ ስጦታው ብቻ አይደለም የጠፋው ፣ ስጦታ መስጫ ወኔም ጠፋ። አሁንማ አፍራህን እኔም እንደ አልአሚን ሆነኮ የሚፈራት ። ይሄው ወደ 9ኛ ክፍል ስናልፍ አፍራህ ወደቀች። አልአሚን ደግሞ እሷን ጥሎ ማለፉን ጠላት አድርጎ ጠመደው። ወይዘሮ ሲህን ገባን ።ያንን ሰማያዊ ዩኒፎርም ለብሰን በፒያሳ ደረጃን ተጀነንበት ፣ ተኮፈስንበት። በተለይ ያኔ ሌላኛው ‘ሀይ ስኩል’ (ሆጤ ይባላል) እዛ ይማሩ የነበሩ ልጆች በእኛ ይቀኑ እንደነበር ትዝ ይለኛል። ሃሃሃ…በእርግጥ ከዛ ቀይ ሹራባቸው እና አረንጓዴ ካሽሚር ሱሪያቸው ጋር ሲተያይ እኛ የሲህን ተማሪዎች አምባሳደር  ነበር የምንመስለው ፣ የዛሬን አያድርገውና። ስንኮፈስ ታዲያ ደርጃችንን እንደ ዶላር እንመነዝረዋለን ። “የወይዘሮ ሲህን 9ኛ ክፍል የሆጤ 12ኛ ክፍል ጋር ሒሳብ እኩል ነው ።” እያልን ሃሃሃሃ እንደ ሹራባቸው ፈታቸው በብስጭት ይቀላል። ቢሆንም ምርጥ ጓደኞቻችን ነበሩ.......... @getembate @getembate

(ያልተበላ ዕራት..) በረዶ ይወርዳ እንደተወርዋሪ ‎ጨለማ ይበክናል በተዘዋዋሪ ‎ሁሉም ነገር ያልፋል መስሎ ቋሚ ኗሪ። ‎ ‎ድብቅ መውጫ የጀንበር ፥ ተሸሽጎ ምሽቱ ስር ‎አይን ከድነው ለማይተኙ ፥ ፍርሀት ጭሮ ሲያስተሳስር እልፍ ጥበብ ከእውቀት ጋር ፥ አጣምሮ ተክኖ። ‎ያልተንኳኳ ለሊት ሀሳብ ፥ ሳይሞከር ቀረ ባክኖ፣ ‎ ‎ተለያየ ሳይገናኝ ፥ ተከፋፍሎ በቅርንጫፍ ‎መከራ ነው ቆርጦ መድረስ ፥ ችሎ ማየት ሌላውን ጫፍ። ‎ዕድል ደርሶ ለማስታረቅ ፥ አጋጣሚ ሲጠባበቅ ‎ጉዞ ረዝሞ ከትላንቱ ፥ ከአይን እይታ ሲደባበቅ። ‎ ‎በቃኝ ተብሎ ኑሮ ፥ ህይወት ባዶ ላትቀር ‎አርፋጅ ደርሶ አረፈ ፥ ታክሲ በሩ ሲቀረቀር። ‎ለጥጋብ ተለፍቶ ፥ ቅምሻ ሲሆን ቅንጦት ‎ማመንዠግ ተማረን ፥ እያየነው ውጦት። ‎ ‎ @keysopia @getembate @getembate

(አባሮሽ) keysopia✍️ ሽቅብ ተንተርሶ ፥ ህልም እየበረረ በሰማይ አንሶላ፣ ማረፍያ እንዳጣ ፥ ተስፈኛ መላክ ብስራት እየቆላ፣ በጋለ ጭንቅላት ፥ ድንገተኛ ሀሳብ ተጠራቅሞ ሞላ። ዕድሜ አካል ለብሶ ፥ በጊዜ ሲገለጥ፣ መሄጃ የሌለው ፥ ይሮጣል ለማምለጥ። ዕጣ ፈንታ ዞሮ ፥ ሞኙን ጠቢብ አርጎ፣ አለው ባዩን ስቶ ፥ ለእጦት ሰበብ ዳርጎ። በማይታይ ምትሀት እያሳተ መንገድ፣ ስንቱን ገደል ከቶ ሄደ እንደሞገድ። የማይጣፍጥ ኑሮ ፥ በዕዳ ተከፋፍሎ፣ ስንቱ ሜዳ ቀረ ፥ ከሰው ኪስ ቀፍሎ። ለሚመኝ ባዶ ዕጣ ፥ ላልፈለገው ሞልቶ ህልም እየበረረ ፥ የእንቅልፍ በር ላልቶ ማረፍያ እንዳጣ ፥ ተስፈኛ መልዓክ ብስራት እየቆላ፣ በጋለ ጭንቅላት ፥ ድንገተኛ ሀሳብ ተጠራቅሞ ሞላ። @keysopia✍️ @getembate @getembate

ልጅ: አባባ ጥርስ አሎት እንዴ? አባባ; በዚ እድሜዬ ኧረ የለኝም ልጅ : እንግዲያውስ ኳስ ተጫውቼ እስክመጣ ዳቦ ቆሎዬን ያዙልኝ🥹😭😂

It Is A Beautiful Day!!! “ዛሬ ለቀረው የህይወት ዘመኔ የመጀመሪያው ቀን ነው” (John Denver) •  ዛሬ ትበረታላችሁ እንጂ በፍጹም አትደክሙም! •  ዛሬ ቀና ትላላችሁ እንጁ በፍጹም አታቀረቅሩም! •  ዛሬ ከወደቃችበት ትነሳላችሁ እንጂ በፍጹም ወድቃችሁ አትቀሩም! •  ዛሬ ደስተኞች ትሆናላችሁ እንጂ በማንም ሰውና በምንም ሁኔታ ምክንያት ኃዘንተኞች አትሆኑም! •  ዛሬ ጊዜ ያላችሁ ለተስፋ እና ለወደፊት ለማቀድ እንጂ በፍጹም ለድብርትና ለጭንቀት ጊዜ የላችሁም! መልካም ቀን @getembate @getembate

እንኳን ለመስቀል በአል በሰላም አደረሳችሁ🔥 በዓሉ የሰላም እና የመከባበር ፣ የፍቅር እንዲሆን የግጥም ቤት ቻናል ይመኛል🔥 🌼መልካም በአል 🌼 @getembate @getembate

ወንድማችን ተርጓሚ ጌቾ በፀና መታመሙን ሁላችንም እናዉቃለን ለህክምና የሚሆን ብር በማሰባሰብ ወገን እንዳለዉ እናሳየዉ ወንድ አንማፀናችኋለን።

የሚያስፈራው ያፈቀርሽው ሰው ሳይሆን፤ማፍቀር ራሱ ነው።ካፈቀርሽ በኃላ "እኔ" የምትይው ሁሉ ይጠፋል።ለራስሽ ትርፍ ትሆኛለሽ።በፈቃደኝነት ከራስሽ የምታስቀድሚውና የምታስበልጪው ሌላ ሰው ይኖራል ማለት ነው። 📕ርዕስ፦አለመኖር ✍ደራሲ፦ዳዊት ወንድምአገኝ @getembate @getembate

@getembate @getembate

ያመሻሽ ስንኞች (በእውቀቱ ስዩም) በቀዝቃዛ ጎጆ፤  በደብዛዛ ኩራዝ እንባ እያጣቀስኩኝ ፤ በምገልጠው ጥራዝ፤ ኑሮየን ባጠናው፤ ፍቺው አይገለጥ ሊቅ ሆኘ ተፈጠርሁ፤ በቂል ለመበለጥ፤ “”””” እሳቴን አንድጄ ጭራሮ ማግጄ ሰታቴየን ጥጄ ሺ ጊዜ ባማስል፣ ራት አላበሰልሁ እኔ ከማገዶው፤ ቀድሜ እየከሰልሁ፤ @getembate @getembate

❤️አፍሪካ ምድር ላይ አዝላ ያሳደገችውን ሞግዚቱን ሊረሳ ያልቻለው አውሮፓዊ☺ በልጅነቱ በአፍሪካ በነበረው ቆይታ በእናትነት ፍቅር ላሳደገችው ሞግዚቱ የነበረው ፍቅርና አክብሮት ለዓመታት አልደበዘዘም። ከአውሮፓዊው ቤተሰቡ ጋር ወደ አውሮፓ ከተመለሰና ግንኙነታቸው ከተቋረጠ ከበርካታ አሥርተ ዓመታት በኋላ፣ ይህ ሰው በልጅነቱ ያሳየችውን ፍቅርና እንክብካቤ ዘንግቶ መቅረት አልቻለም። ለዓመታት ሲፈልጋት ከቆየ በኋላ በመጨረሻም የት እንደምትኖር በመከታተል አግኝቷታል። ወደ አፍሪካ ተጉዞ በቀጥታ ያገኛት ሲሆን፣ የሁለቱ መገናኘት በእንባ፣ በሳቅና በብዙ ትዝታዎች የታጀበ፣ የብዙዎችን ልብ የነካ አጋጣሚ ነበር። ሞግዚቱ በድህነትና በችግር ውስጥ ትኖር የነበረ ሲሆን፣ ላደረገችለት ውለታና ላሳየችው ቅንነት ምስጋና ይሆነው ዘንድ 10 ሚሊዮን ሴፋ ፍራንክ (የምዕራብ አፍሪካ ገንዘብ) ወይም በግምት 16,000 የአሜሪካ ዶላር በስጦታ አበርክቶላታል። በተጨማሪም በቀሪ የዕድሜ ዘመኗ በምቾት እንድትኖር የሚያስችላትን የዘወትር የገንዘብ ድጋፍ አመቻችቶላታል🥰 " ምንጭ ከአርባ ምንጭ ማለት ትቻለው " ✅ምንጭ Mr Scientific✌ @getembate @getembate

""  እናንተ ሰው አትሙ"💀 አሞታል ይሉኛል ማነው ያልታመመ፣ መኖሩን ተነጥቆ ጓዳው ያልጨለመ፣ ባዶ ሰላም ሸክፎ በእውን ያልደከመ? ለየለት ይላሉ ማነው ያለየለት፣ ውስጡ ተቃውሶ ልቡ ያልጠፋበት፣ ስራው ነፍሱን ገፎት ስጋው ያልከሳበት? ቀወሰ ይላሉ ማነው ያልቀወሰ፣ ችግር ተቆልሎበት ቤቱ ያልታመሰ፣ በመኖር ውስጥ ሆኖ ጭንቅን ያልቀመሰ? ነቀለ ይላሉ ማነው ያልነቀለ፣ ከሰው ተገንጥሎ ብቻው ያልበቀለ፣ እጣው ሸክም ሆና ቤቱ ያልጎደለ፣ ኧረ ያልተፈተነ በምድር ማን አለ? ሁልሽም ደርሶሻል.... ለየለት ብላችሁ በሰው አትጠቋቆሙ፣ በሌለበት ሳሎን የሩቁን አትሙ፣ ቀሪ ተስፋውን ነጥቃችሁ አትቀሙ፣ ህይወት በሁላችው ሳትሆን ክፉ፣ የናንተም ቀን ደርሶ ባለፈው ሳታልፉ፣ ስነ ስርአት ይዛችሁ እናንተን አትርፉ፣ በሌላው ማጣት ከቶ አትሳቁ፣ እላዩን አይታችሁ ሰው አትናቁ፣ ጊዜ ተሽከርክራ አንገት ስታስደፋ፣ መኖር እስኪያስጠላህ ኋላ እንዳትከፋ፣ ካለበለዚያ ግን..... የኋላ የኋላ ጊዜ ቀኑን ቆጥሮ፣ ይመጣል ሊደፋህ ስቃይን ጨማምሮ፣ በእሱ የደረሰው ባንተ ማይደርስ መስሎህ፣ አትፍዘዝ ወዳጄ  ተመለከት ቆም ብለህ፣ ነገም ያንተ ቀነው ይመጣል ከፊትህ። @keysopia✍️ @getembate @getembate