News Of Myanmar

🇮🇷🇺🇸📡🇺🇸🛳အီရန်တော်လှန်ရေးအစောင့်တပ် (IRGC) ၏ ကင်းထောက်ဒရုန်းများသည် ယနေ့တွင် အာရေဗျပင်လယ် (Arabian Sea) အထိ ဆက်တိုက်ပျံသန်းကာ အမေရိကန်၏ USS Abraham Lincoln လေယာဉ်တင်သင်္ဘောကို စောင့်ကြည့်လျက်ရှိသည်။ အီရန်ဒရုန်းများအနေဖြင့် မိမိတို့နိုင်ငံနှင့် ဤမျှဝေးကွာသောနေရာအထိ ပျံသန်းခြင်းမှာ အလွန်ရှားပါးသော ဖြစ်ရပ်ဖြစ်သည်။ အမေရိကန်၏ တိုက်ခိုက်လာနိုင်ခြေရှိသည့် ခြိမ်းခြောက်မှုကို အီရန်ဘက်က အလွန်အမင်း အလေးအနက်ထားနေသည်မှာ သိသာထင်ရှားလှသည်။ အဆိုပါကင်းထောက်ဒရုန်း များသည် ရှာဟစ်-၁၄၉ (ဂါဇာ) အမည်ရှိ မောင်းသူမဲ့ဒရုန်းများဖြစ်နိုင်ချေများသည်။ ယခုအခြေအနေသည် ဒေသတွင်းစစ်ရေးတင်းမာမှု မြင့်တက်နေခြင်းကို ဖော်ပြနေသည်။ News Of Myanmar NOM

🇮🇷🚀🇺🇸 အီရန်နိုင်ငံက ကာတာနိုင်ငံအပါအဝင် ပါရှန်းပင်လယ်ကွေ့ရှိ အာရပ်နိုင်ငံများသို့ အသိပေးချက်တစ်ရပ် ထုတ်ပြန်ခဲ့သည်။ အဆိုပါ အသိပေးချက်တွင် အကယ်၍ အမေရိကန်ဘက်က မှားယွင်းသော လုပ်ဆောင်ချက်တစ်ခုခု ပြုလုပ်လာပါက အမေရိကန်စစ်အခြေစိုက်စခန်းများအပေါ် အီရန်၏ တုံ့ပြန်မှုသည် ယခင်ကကဲ့သို့ ဟန်ပြသက်သက် (သင်္ကေတသဘောမျိုး) မဟုတ်တော့ဘဲ "အမေရိကန်စစ်သားများ သေဆုံးလိမ့်မည်" ဟု ဖော်ပြထားကြောင်း ဝါရှင်တန်ပို့စ် သတင်းစာက ရေးသားထားသည်။ News Of Myanmar NOM

ယူကရိန်းတပ်ဖွဲ့များအပေါ် ရုရှားဒရုန်းတပ်ဖွဲ့​၏ တိကျသေချာသော တိုက်ခိုက်မှုများ ရုရှားကာကွယ်ရေးဝန်ကြီးဌာန၏ "Rubikon" အဆင့်မြင့် ဒရုန်းနည်းပညာစမ်းသပ်ရေးစင်တာမှ FPV ဒရုန်းတပ်ဖွဲ့များသည် အထူးစစ်ဆင်ရေးနယ်မြေအတွင်းရှိ စစ်မျက်နှာအသီးသီး၌ ယူကရိန်းတပ်ဖွဲ့ဝင်များကို အောင်မြင်စွာ တိုက်ခိုက်နိုင်ခဲ့သည့် ရုပ်သံမှတ်တမ်းများ News Of Myanmar NOM

တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်ကိုယ်စားလှယ်အဖြစ် ရွေးကောက်တင်မြှောက်ခံရသူများ အမည်စာရင်းကြေညာခြင်း News Of Myanmar NOM

ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်း ပြည်မြို့နယ်အတွင်း ဒေသဖွံ့ဖြိုးရေးလုပ်ငန်းများအား ကွင်းဆင်းကြည့်ရှုစစ်ဆေး

🇺🇸🔥 "အာဏာသိမ်းရန် ကြံစည်မှုဖြင့် သမ္မတဟောင်း အိုဘားမားကို ချက်ချင်းဖမ်းဆီးရန် ထရမ့် တောင်းဆို" ဒေါ်နယ်ထရမ့်သည် ဘားရက်အိုဘားမားအား အာဏာသိမ်းရန် ကြံစည်မှုကို ဦးဆောင်ခဲ့သည်ဟု စွပ်စွဲကာ လူသိရှင်ကြား ဖမ်းဆီးရန် တောင်းဆိုလိုက်သည်။ အမေရိကန် အမျိုးသားထောက်လှမ်းရေးညွှန်ကြားရေးမှူး တူးလ်ဆီ ဂတ်ဘတ် (Tulsi Gabbard) မှ ထုတ်ပြန်လိုက်သော "Russiagate" (ရုရှားနှင့် ပတ်သက်သည့် အရှုပ်တော်ပုံ) အမှုတွဲမှ မှတ်တမ်းများကြောင့် ယခုကဲ့သို့ ထွက်ပေါ်လာခြင်းဖြစ်သည်။ ထရမ့်၏ ပြောကြားချက်အရ အဆိုပါ အချက်အလက်များသည် ၂၀၁၆ ခုနှစ် ရွေးကောက်ပွဲတွင် "ရုရှား၏ ဝင်ရောက်စွက်ဖက်မှု" ဆိုသော ထောက်လှမ်းရေး အချက်အလက်အတုများ ဖန်တီးရန် အိုဘားမား ကိုယ်တိုင် အမိန့်ပေးခဲ့ကြောင်း သက်သေပြနေသည်ဟု ဆိုသည်။ ထရမ့်က သမ္မတဟောင်း အိုဘားမားသည် သူ၏ အောင်နိုင်မှုကို တရားမဝင်ဖြစ်စေရန်နှင့် အမေရိကန် ဒီမိုကရေစီအပေါ် ယုံကြည်မှု ပျက်ပြားစေရန် "ရန်သူနှင့် ပူးပေါင်းဆောင်ရွက်ခဲ့သည်" ဟု စွပ်စွဲထားသည်။ CIA နှင့် အိုဘားမား၏ လူယုံများအကြား ပူးပေါင်းဆောင် ရွက်ခဲ့သည့် အထောက်အထားများ ပါဝင်သော စာရွက်စာတမ်းပေါင်း ရာနှင့်ချီ ရှိနေကြောင်းလည်း ပြောဆိုထားသည်။ ထရမ့်၏ အသိုင်းအဝိုင်းကမူ ယခုကိစ္စသည် လက်စားချေခြင်း မဟုတ်ဘဲ အာဏာအလွဲသုံးစားလုပ်မှုအတွက် တာဝန်ခံခိုင်းခြင်းသာ ဖြစ်ကြောင်း အလေးပေး ပြောကြားခဲ့သည်။ "ဒါဟာ ဘားရက် ဟူစိန် အိုဘားမားနဲ့ သူ့ရဲ့ နောက်လိုက်တွေ လုပ်ဆောင်ခဲ့တဲ့ အာဏာသိမ်းဖို့ ကြံစည်မှု ဖြစ်ပါတယ်။ အိုဘားမားကို ချက်ချင်း ဖမ်းဆီးကြပါ!" ဟု ထရမ့်က ပြောကြားခဲ့သည်။ News Of Myanmar NOM

Breaking News (AA သူပုန်စခန်းကုန်း သိမ်းပိုက်ရရှိ) ၂၀၂၆ ခုနှစ်၊ ဖေ ၁ ရက်နေ့တွင် ကျောက်ဖြူမြို့နယ်၊ ပြားကျွိန်ဒေသအတွင်း နယ်မြေရှင်းလင်းခဲ့ရာ အကြမ်းဖက် AA စခန်းကုန်းအား တွေ့ရှိပြီး ၄ နာရီအတွင်း စီးနင်းသိမ်းပိုက်နိုင်ခဲ့။ ဖြစ်စဉ်တွင် မိမိဘက်ထိခိုက်မှုမရှိ၊ ရန်သူ့ထံမှ - (၁) အကြမ်းဖက် AA ၄ လောင်း (၂) လက်နက်မျိုးစုံ ၁၁ လက် (၃) ကျည်အိမ်(သံ) (၁)ခု (၄) ၇.၆၂ ကျည် (၁၂၀)တောင့် (၅) ၄၀ မမဗုံးသီး (၁၀)လုံး (၆) လက်ပစ်ဗုံး (၂)လုံး (၇) လက်လုပ်မိုင်း (၁)လုံး (၈) ကျည်ကာဦးထုပ် (၁)လုံး (၉) တစ်ယောက်ပစ်ကျင်း (၇)ကျင်း (၁၀) ၇ ယောက်ဆံ့သဲအိတ်ဘန်ကာ (၁)လုံး တို့အား သိမ်းပိုက်ရရှိခဲ့သည်။ - ဆေးကြောင် AA ကို မီးဖုတ်တဲ့ Vdo ဖိုင်တွေ ထပ်မံတင်ပေးပါမည်။ - တိုက်ပွဲသတင်းစုံ News Of Myanmar NOM

မင်းလှမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသား တစ်ဦးသေဆုံးပြီး နှစ်ဦး ဒဏ်ရာရရှိ NOM၊ဖေဖော်ဝါရီ ၁ ၊ ၂၀၂၆ မကွေးတိုင်းဒေသကြီး၊ မင်းလှမြို့နယ်၌ ဇန်နဝါ ရီလ ၂၈ ရက်နေ့ယာဉ် တိမ်းမှောက်မှု ဖြစ်ပွား ၍ အမျိုးသား တစ် ဦးသေဆုံးပြီး နှစ်ဦး ဒဏ် ရာရရှိခဲ့ကြောင်း သိရသည်။ ဖြစ်စဉ်မှာ ဇန်နဝါရီလ ၂၈ ရက်နေ့ ည ၆ နာရီ အချိန်တွင် မင်းလှမြို့နယ်၊ မင်းလှ-မလွန်သွားကားလမ်း မိုင်တိုင်အမှတ် ၂ မိုင် ၃ ဖာလုံအနီး၌ ယာဉ်တိမ်းမှောက်မှုဖြစ်ပွားကြောင်း သတင်းအရ မင်းလှမြို့မရဲစခန်းမှ တပ်ဖွဲ့ဝင်များကသွားရောက်စစ်ဆေးခဲ့ရာ မကွေးမြို့၊ ရန်မျိုးနိုင်ရပ်ကွက်နေ ဦးတိုင်းအောင် (၅၅)နှစ် မောင်းနှင်ပြီး ယာဉ်ပေါ်တွင် မိချောင်းရဲကျေးရွာနေထိုင်သူများဖြစ်ကြသည့် ဦးကျော်မိုးနိုင် (၅၅)နှစ်၊ ဦးရဲဝင်းနိုင် (၄၁)နှစ်နှင့် ဦးပိုင်ဆက်နိုင်(၃၈)နှစ် တို့လိုက်ပါလာသော BGO-18 7P-xxxx HIJET အဖြူရောင်ယာဉ်သည်မင်းလှမြို့ဘက်မှ မလွန်ကျေးရွာဘက်သို့ မောင်းနှင်လာစဉ် အခင်းဖြစ်နေရာအရောက်၌ အရှိန်မထိန်းနိုင်ဘဲ လမ်း၏ဝဲဘက်ခြမ်းသို့ တိမ်းမှောက်ခဲ့သဖြင့် ဦးတိုင်းအောင်တွင် ဒဏ်ရာများရရှိကာ သေဆုံးသွားခဲ့ပြီး ဦးကျော်မိုးနိုင်နှင့် ဦးရဲဝင်းနိုင်တို့တွင် ထိခိုက်ဒဏ်ရာများ ရရှိခဲ့သောကြောင့် မင်းလှမြို့မရဲစခန်းကယာဉ်(ပ) ၂/၂၀၂၆၊ ရာဇသတ်ကြီးပုဒ်မ ၃၀၄-က/၃၃၈/၃၃၇ ဖြင့်အမှုဖွင့်အရေးယူထားကြောင်း သိရသည်။

ပျဉ်မနားမြို့နယ်၌ ရုပ်ပုံလောင်းကစားပြုလုပ်သူ အမျိုးသမီးခုနှစ်ဦးအား ဖမ်းဆီးအရေးယူ NOM၊ဖေဖေါ်ဝါရီ ၁၊ ၂၀၂၆ နေပြည်တော်ပြည်ထောင်စုနယ်မြေ၊ ပျဉ်မနားမြို့နယ်၌ ရုပ်ပုံလောင်းကစားပြုလုပ်သူ အမျိုးသမီး ခုနှစ်ဦးအား ဖမ်းဆီးအရေးယူထားကြောင်း သိရသည်။ ဖြစ်စဉ်မှာ ဇန်နဝါရီလ ၂၈ ရက်နေ့ မွန်းလွဲ ၁၂ နာရီခွဲက ပျဉ်းမနားမြို့နယ်၊ ဘောဂဝတီ ရပ်ကွက်နေ မအေမီမီ၏နေအိမ်၌ လောင်းကစားပြုလုပ်နေကြောင်းသတင်းအရ ပျဉ်းမနား ခရိုင်ရဲတပ်ဖွဲ့မှူးရုံးမှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့ကြောင်း သိရသည်။ ယင်းသို့စစ်ဆေးရာ အဆိုပါ နေအိမ်၌ မအေမီမီ(၃၂နှစ်) နှင့်အတူ တစ်ရပ်ကွက်တည်းနေသူများဖြစ်သည့် မအေးမာ(၄၃)နှစ်၊ မနှင်းနှင်းလှိုင် (၄၆)နှစ်၊ မသိမ့်သိမ့်ဦး(၂၀)နှစ်၊ မလှလှဝင်း(၅၃)နှစ်၊ မအိဖြူ(၃၈)နှစ်နှင့် မတင်တင်လှ (၅၆)နှစ် တို့ ခုနှစ်ဦးအား မင်းသားမင်းသမီးရုပ်ပုံများဖြင့် လောင်းကစားပြုလုပ်နေသည်ကို တွေ့ရှိရပြီး ၎င်းတို့ထံမှ လောင်းကစားပြုလုပ်ရာတွင် အသုံးပြုသည့်ဆက်စပ်ပစ္စည်းများ၊ လောင်းကြေးငွေများနှင့်အတူ ဖမ်းဆီးရမိခဲ့သဖြင့် အေမီမီပါခုနှစ်ဦးအား ရွာကောက်နယ်မြေရဲစခန်း(ပ)၉/၂၀၂၆၊ လောင်းကစား ဥပဒေပုဒ်မ ၁၅(က)/ ၁၆(က) ဖြင့် အမှုဖွင့်အရေးယူထားကြောင်း သိရသည်။

🇫🇷🇪🇺ပြင်သစ်နိုင်ငံ EU မှ နုတ်ထွက်ရေး ပဲရစ်မြို့တွင် ဆန္ဒပြချီတက် ပြင်သစ်နိုင်ငံ၊ ပဲရစ်မြို့တော်တွင် ဥရောပသမဂ္ဂမှ နုတ်ထွက်ရန် တောင်းဆိုသည့် လှုပ်ရှားမှုတစ်ခု ပြုလုပ်ခဲ့သည်။ အဆိုပါလှုပ်ရှားမှုကို "Patriots" ပါတီခေါင်းဆောင် ဖလိုရီယန် ဖိလိပို (Florian Philippot) က ကြေညာခဲ့ခြင်းဖြစ်သည်။ ၎င်း၏ ပြောကြားချက်အရ "Frexit" (ပြင်သစ်နိုင်ငံ EU မှ နုတ်ထွက်ရေး) ကို ထောက်ခံသူ "ထောင်ပေါင်းများစွာ" ဆန္ဒပြပွဲတွင်ပါဝင်ခဲ့ကြသည်။ အဓိက တောင်းဆိုချက်များမှာ လယ်သမားများအား ကာကွယ်စောင့်ရှောက်ရေး၊ နိုင်ငံတော်၏ အချုပ်အခြာအာဏာ ပိုင်စိုးရေးနှင့် "ပြင်သစ်တို့၏ လွတ်လပ်ခွင့်" တို့ ဖြစ်ကြသည်။ ဖိလိပို က ဤချီတက်ပွဲကို "အမျိုးသားအဆင့်" လှုပ်ရှားမှုအဖြစ် တင်စားခဲ့ပြီး ပြင်သစ်နိုင်ငံ EU မှ နုတ်ထွက်နိုင်ရေးအတွက် ဆက်လက်တွန်းအားပေးသွားမည်ဖြစ်ကြောင်း ပြောကြားခဲ့သည်။ ၎င်းက "EU မှ နုတ်ထွက်ပြီး ပြင်သစ်နိုင်ငံကို ကယ်တင်ဖို့အတွက် လွတ်လပ်တဲ့ ပြင်သစ်ပြည်သူ ထောင်ပေါင်းများစွာ စုဝေးခဲ့ကြတယ်။ တို့တွေ အောင်နိုင်ရမယ်!" ဟု ပြောကြားခဲ့သည်။ News Of Myanmar NOM

ဒေသခံပြည်သူများ အေးချမ်းစွာ နေထိုင်လျက်ရှိသည့် ကျေးရွာတစ်ရွာအတွင်းသို့ အကြမ်းဖက် PDF အဖွဲ့ဝင်များက ရှော့တိုက်ဒုံးဖြင့် ပစ်ခတ်နေသည့် သက်သေ (Evidence) ဖိုင်။ တိုက်ပွဲသတင်းစုံ News Of Myanmar NOM

ဗန်းမောက်မှာ သေကုန်ကြတဲ့ KIA/PDF အကြမ်းဖက်သမားတွေ တိုက်ပွဲသတင်းစုံ News Of Myanmar NOM

(ပုံ = အီရန်သဲကန္တာရထဲမှာ ပစ်ထားခဲ့ရတဲ့ အမေရိကန် စစ်သည်အလောင်းများ၊ လေယာဉ်အပျက်အစီးများနဲ့ ရဟတ်ယာဉ်အချို့ ) 🇮🇷🦅🇺🇸"လင်းယုန်ခြေသည်းစစ်ဆင်ရေး" ဒုတိယကမ္ဘာစစ်နောက်ပိုင်း အမေရိကန်စစ်တပ်ရဲ့ အကြီးမားဆုံး ကျရှုံးမှုတွေထဲက တစ်ခုအဖြစ် သတ်မှတ် ခံရတဲ့ လင်းယုန်ခြေသည်း စစ်ဆင် ရေး (Operation Eagle Claw) အကြောင်းကို အကျဉ်းချုပ်ရှင်းပြပါမယ်။ ၁။ စစ်ဆင်ရေး၏ နောက်ခံသမိုင်း ၁၉၇၉ ခုနှစ် အီရန်တော်လှန်ရေးအတွင်း အီရန်ကျောင်းသားများက တီဟီရန်မြို့တော်ရှိ အမေရိကန်သံရုံးကို စီးနင်းပြီး အမေရိကန်နိုင်ငံသား ၅၂ ဦးကို ဓားစာခံအဖြစ် ဖမ်းဆီးခဲ့ပါတယ်။ ဓားစာခံတွေကို ကယ်ထုတ်ဖို့အတွက် အဲဒီအချိန်က အမေရိကန်သမ္မတ ဂျင်မီကာတာ (Jimmy Carter) က ဒီလျှို့ဝှက်စစ်ဆင်ရေးကို အမိန့်ပေးခဲ့တာဖြစ်ပါတယ်။ ၂။ ဖြစ်ပွားပုံ အဆင့်ဆင့် (၁၉၈၀၊ ဧပြီလ) ဒီစစ်ဆင်ရေးဟာ အလွန်ရှုပ်ထွေးပြီး ကြည်း၊ ရေ၊ လေ ပူးပေါင်းဆောင်ရွက်ရတဲ့ စစ်ဆင်ရေးတစ်ခုပါ။ • စတင်ခြင်း အမေရိကန် အထူးတပ်ဖွဲ့ဝင်တွေဟာ လေယာဉ်တွေ၊ ရဟတ်ယာဉ် တွေနဲ့ အီရန်နိုင်ငံ အလယ်ပိုင်းက "Desert One" လို့ အမည်ပေးထားတဲ့ သဲကန္တာရထဲကို ဆင်းသက်ခဲ့ကြပါတယ်။ • ကြုံတွေ့ရတဲ့ အခက်အခဲ စတင်ချိန်မှာတင် ပြင်းထန်တဲ့ သဲမုန်တိုင်းနဲ့ ကြုံတွေ့ခဲ့ရလို့ ရဟတ်ယာဉ် ၈ စင်းအနက် ၃ စင်းဟာ စက်ချို့ယွင်းမှုတွေ ဖြစ်ပေါ်ခဲ့ပါတယ်။ • စစ်ဆင်ရေးကို ဖျက်သိမ်းခြင်း ဓားစာခံတွေကို ကယ်ထုတ်ဖို့အတွက် အနည်းဆုံး ရဟတ်ယာဉ် ၆ စင်း လိုအပ်ပေမယ့် ၅ စင်းသာ အသုံးပြုလို့ရတော့တာကြောင့် စစ်ဆင်ရေးကို ဖျက်သိမ်းဖို့ ဆုံးဖြတ်ခဲ့ပါတယ်။ ၃။ ဝမ်းနည်းဖွယ် အဆုံးသတ် စစ်ဆင်ရေးကို ဖျက်သိမ်းပြီး ပြန်လည်ဆုတ်ခွာဖို့ ပြင်ဆင်နေချိန် မှာ RH-53D ရဟတ်ယာဉ်တစ်စင်းဟာ EC-130 လောင်စာတင်လေယာဉ်တစ်စင်းနဲ့ မတော်တဆ တိုက်မိပြီး ပေါက်ကွဲမှုဖြစ်ပွားခဲ့ပါတယ်။ • ဒီဖြစ်ရပ်ကြောင့် အမေရိကန် စစ်သည် ၈ ဦး သေဆုံးခဲ့ပါတယ်။ • အီရန်သဲကန္တာရထဲမှာ လေယာဉ် ပျက်တွေနဲ့ စစ်သည်အလောင်းတွေကို ထားခဲ့ရပြီး ဆုတ်ခွာခဲ့ရတာကြောင့် အမေရိကန်အတွက် အလွန် အရှက်ရစရာ ဖြစ်ခဲ့ပါတယ်။ ၄။ နောက်ဆက်တွဲ ရလဒ်များ ဒီကျရှုံးမှုဟာ ကမ္ဘာ့စစ်ရေးသမိုင်းမှာ သင်ခန်းစာအများကြီး ပေးခဲ့ပါတယ်။ နိုင်ငံရေး: ဒီဖြစ်ရပ်ကြောင့် အမေရိကန်သမ္မတ ဂျင်မီကာတာဟာ နောက်တစ်ကြိမ် ရွေးကောက်ပွဲမှာ ရှုံးနိမ့်ခဲ့ရတဲ့ အဓိက အကြောင်းရင်းတစ်ခု ဖြစ်လာခဲ့ပါတယ်။ စစ်ရေး ဒီကျရှုံးမှုကို သင်ခန်းစာယူပြီး အမေရိကန်ဟာ အထူးတပ်ဖွဲ့တွေကို စနစ်တကျ ပြန်လည်ဖွဲ့စည်းခဲ့ပါတယ်။ ဒါဟာ United States Special Operations Commandပေါ်ပေါက်လာရခြင်းရဲ့ အစပျိုးမှုပါပဲ။ News Of Myanmar NOM

🌟 ပြီးခဲ့တဲ့ညက ရုရှားနိုင်ငံ၊ စိန့်ပီတာစဘတ်မြို့ကောင်းကင်ယံမှာ လလေးစင်းကို တွေ့ရှိခဲ့ရပါတယ်။ တကယ်တော့ အဲ့ဒီထဲက သုံးစင်းဟာ လအတုတွေသာ ဖြစ်ပါတယ်။ ဒါဟာ "ပါဆလင်း" (Parselene) လို့ခေါ်တဲ့ ဖြစ်တောင့်ဖြစ်ခဲ လေထုဖြစ်စဉ်တစ်ခုပဲ ဖြစ်ပါတယ်။ အေးခဲနေတဲ့ လေထုထဲမှာရှိတဲ့ ရေခဲပုံဆောင်ခဲလေးတွေကတစ်ဆင့် လကမ္ဘာရဲ့အလင်းပြန်ယိုင်မှုကို ဖြစ်စေပြီး လတွေအများကြီးရှိနေသလိုမျိုး အမြင်မှားမှုကို ဖန်တီးပေးတာဖြစ်ပါတယ်။ News Of Myanmar NOM

🇷🇺⚠️💥🇺🇦ရုရှားဒရုန်းတပ်ဖွဲ့များသည် ကင်မရာနှင့် Starlink အင်တာစနစ် တပ်ဆင်ထားသည့် BM-35 (70) အမျိုးအစား ကင်းထောက်-တိုက်ခိုက်ရေး ဒရုန်းများဖြင့် ယူကရိန်းနိုင်ငံ၊ ပိုတာဗာဒေသ မီဂိုရော့ဒ်နယ်မြေအတွင်းရှိ ယူကရိန်းလေတပ်စခန်းတစ်ခုကို တိုက်ခိုက်ခဲ့သည်။ တိုက်ခိုက်မှုအတွင်း Su-27 တိုက်လေယာဉ်နှစ်စင်း၊ F-16 တိုက်လေယာဉ်တစ်စင်းနှင့် ရေဒါစနစ်များကို ချေမှုန်းဖျက်ဆီးနိုင်ခဲ့သည်။ News Of Myanmar NOM

ဖေဖော်ဝါရီလ၁ရက်နိုင်ငံတကာသတင်းတိုများ NOM ၁။ရုရှားကာ/လုံအတွင်းရေးမှူးရှိုဂူသည်တရုတ်သို့သွားရောက်ပြီးတရုတ်နိုင်ငံခြားရေးဝန်ကြီးဝမ်ယိနှင့်ကာကွယ်ရေးကိစ္စများဆွေးနွေးလျက်ရှိသည်။(ဗီဒီယို) ၂။အမေရိကန်သမ္မတထရမ့်ကကျူးဘားတွင်ရေနံလည်းမရှိ၊ဝယ်ယူရန်ငွေလည်းမရှိသဖြင့်အမေရိကန်နှင့်လာရောက်ဆွေးနွေးရန်ရာဇသံပေးလိုက်သည်။ယခင်ကကျူးဘားကိုဗင်နီဇွဲလားကရေနံထောက်ပံ့ပေးခဲ့သည်။ ၃။M23သူပုန်များထိန်းချုပ်ထားသောဒီမိုကရက်တစ်ကွန်ဂိုနိုင်ငံအရှေ့ပိုင်းရှိရူဘာယာမိုင်းတွင်းတွင်ရေကြီးပြီးမြေပြိုကျသဖြင့်မိုင်းလုပ်သား၂၀၀​ေကျော်သေဆုံးကြောင်းသူပုန်အဖွဲ့ကကြေညာသည်။ (ဓါတ်ပုံ) ၄။အီရီထရီးယားစစ်တပ်သည်တီဂရေးသူပုန်များထံမှကီလို၄၀အထိပစ်ခတ်နိုင်သောမြေပြင်မှဝေဟင်ပစ်ဒုံးကျည်များသိမ်းပိုက်ရမိခဲ့သည်။(ဓါတ်ပုံ) ၅။ဆော်ဒီနိုင်ငံခြားရေးဝန်ကြီးဌာနကဆော်ဒီသည်အီရန်ကိုတိုက်ခိုက်ရန်အမေရိကန်ကိုတိုက်တွန်းနေသည်ဟူသောသတင်းသည်သတင်းအတုသာဖြစ်ပြီးနှစ်နိုင်ငံပဋိပက္ခကိုသံတမန်နည်းလမ်းဖြင့်ဖြေရှင်းရန်သာတိုက်တွန်းခြင်းဖြစ်ကြောင်းဖြေရှင်းသည်။

နော်ဝေအိမ်ရှေ့မင်းသမီး Mette-Marit ဟာ မကြာခင် အများပြည်သူဆီ ထုတ်ပြန်ခဲ့တဲ့ Epstein ဖိုင်တွေမှာ အကြိမ်ရာပေါင်းများစွာ‌ ဖော်ပြခံခဲ့ရတယ်လို့ နော်ဝေမီဒီယာတွေက ရေးသားခဲ့ပါတယ်။ မီဒီယာတွေရဲ့ ရေးသားထားမှုမှာဆိုရင် မင်းသမီးဟာ သူမရဲ့ ညံ့ဖျင်းတဲ့ ဆုံးဖြတ်ချက်၊ Epstein နဲ့ ဆက်သွယ်မှုတွေ လုံး၀ရှိခဲ့တဲ့အပေါ် နောင်တရနေတယ်လို့လည်း ပါဝင်ပါတယ်။ "Epstein Files" ဆိုတာက အမေရိကန် ငွေကြေးသူဌေးကြီး ဂျက်ဖရီအပ်စတိုင်း (Jeffrey Epstein) ရဲ့ ကလေးသူငယ်တွေအပေါ် လိင်ပိုင်းဆိုင်ရာ ကျူးလွန်မှု၊ လူကုန်ကူးမှု အရှုပ်တော်ပုံတွေနဲ့ ပတ်သက်တဲ့ တရားရုံးမှတ်တမ်းတွေ၊ စုံစမ်းစစ်ဆေးရေး စာရွက်စာတမ်းတွေ ဖြစ်ပါတယ်။ ဂျက်ဖရီအပ်စတိုင်း (Jeffrey Epstein) ဟာ ကမ္ဘာကျော် လူကုဋေကြီးများ၊ နိုင်ငံခေါင်းဆောင်တွေနဲ့ ရင်းနှီးတဲ့ ဆက်ဆံရေး ရှိခဲ့ပါတယ်။ ဒါကြောင့် ဒီဖိုင်တွေ ထွက်ပေါ်လာတာက သူရဲ့ ရာဇဝတ်မှုတွေမှာ ဘယ်လိုထိပ်သီးပုဂ္ဂိုလ်တွေ ပါဝင်ပတ်သက်နေလဲဆိုတာကို လူထုက တော်တော်လေးစိတ်ဝင်စားနေပါတယ်။ ၂၀၂၅ နှောင်းပိုင်းနဲ့ ၂၀၂၆ ခုနှစ် အစောပိုင်းတွေမှာ ကန်အစိုးရက စာမျက်နှာပေါင်း သန်းနဲ့ချီတဲ့ ဖိုင်ကို အများပြည်သူသိနိုင်ဖို့ တဖြည်းဖြည်းချင်း ချပြနေပါတယ်။ News Of Myanmar NOM

ပုံ= မာ့ခ်ဆာဗားယား မာ့ခ်ဆာဗားယား (Mark Savaya) သည် ၎င်း၏ ရာထူးမှ နုတ်ထွက်ခဲ့ပြီး ထရန့်၏အီရတ်နိုင်ငံဆိုင်ရာ စေလွှတ်ထားသော အထူးကိုယ်စားလှယ်အဖြစ် ဆက်လက် တာဝန်ထမ်းဆောင်ခြင်း မရှိတော့ပါ။ အဓိကကျသော ကိစ္စရပ်များကို ကိုင်တွယ်ဖြေရှင်းရာတွင် အားနည်းချက်များရှိခဲ့ခြင်းကြောင့် ဆာဗားယားသည် ရာထူးမှ ထုတ်ပယ်ခြင်းခံခဲ့ရခြင်းဖြစ်သည်။ ဆီးရီးယားနှင့် လက်ဘနွန်နိုင်ငံဆိုင်ရာ အမေရိကန်အထူးကိုယ်စားလှယ်ဖြစ်သူ တွမ်ဘာရက်ခ် (Tom Barrack) သည် ဆာဗားယား၏ နေရာကို ဆက်ခံကာ အီရတ်နိုင်ငံဆိုင်ရာ ကိစ္စရပ်များကို လွှဲပြောင်း တာဝန်ယူသွားမည် ဖြစ်သည်။ News Of Myanmar NOM

ICJ ကြားနာပွဲ တက်ရောက်လျှောက်လဲခဲ့သည့် မြန်မာကိုယ်စားလှယ်အဖွဲ့ ပြန်လည်ရောက်ရှိ NOM၊ဖေခေါ်ဝါရီ၁၊၂၀၂၆ အပြည်ပြည်ဆိုင်ရာတရားရုံး(ICJ)တွင်ဂမ်ဘီယာနဲ့မြန်မာနိုင်ငံ အမှု နှင့်ပတ်သက်ပြီး ကြားနာပွဲ တက်ရောက် လျှောက်လဲခဲ့သော မြန်မာ ကိုယ်စားလှယ်အဖွဲ့သည် ဖေဖော်ဝါရီ ၁ ရက်၊ နံနက် ၉နာရီက ရန်ကုန် အပြည်ပြည် ဆိုင် ရာ လေဆိပ်ကို ပြန်လည်ရောက်ရှိခဲ့ရာပြည်သူများ‌ကကြိုဆိုခဲ့ကြသည်။ အဆိုပါကြားနာပွဲကို မြန်မာနိုင်ငံ ကိုယ်စားလှယ်အဖွဲ့ခေါင်းဆောင် နိုင်ငံတော်သမ္မတရုံး ဝန်ကြီးဌာန(၂) ပြည်ထောင်စု ဝန်ကြီး ဦးကိုကိုလှိုင် ၊ဥပဒေရေးရာ ဝန်ကြီးဌာန ပြည်ထောင်စုဝန်ကြီး နှင့် ပြည်ထောင်စု ရှေ့နေချုပ် ဒေါက်တာ သီတာဦးတို့ ခေါင်းဆောင်သည့်မြန်မာကိုယ်စားလှယ်အဖွဲ့က တက်ရောက်ပြီး ခုခံချေပ လျှောက်လဲခဲ့ကြသည်။ နယ်သာလန်နိုင်ငံ၊ သည်ဟိတ်ဂ်မြို့ရှိ အပြည်ပြည်ဆိုင်ရာ တရားရုံး (ICJ) ၌ တရားစွဲဆိုထားသော အမှုနှင့်ပတ်သက် ပြီး တရားရုံးကြားနာပွဲကို ဇန်နဝါရီ ၁၂ ရက်ကနေ ၂၉ ရက်ထိ ကျင်းပခဲ့ပြီး မြန်မာ နိုင်ငံအနေဖြင့်ဇန်နဝါရီ ၁၆ ရက်မှ ၂၀ ရက်ထိ နှင့် ဇန်နဝါရီ ၂၈ ရက်မှ ၂၉ ရက်ထိ နှစ်ကြိမ်လျှောက်လဲခဲ့‌ ကြောင်းသိရသည်။

မြန်မာ-တရုတ် ရင်းနှီးမြှပ်နှံမှုနှင့် ကုန်သွယ်မှုမြှင့်တင်ရေးအသင်း (MCITP)ကိုစတင်ဖွဲ့စည်း NOM၊ဖေဖေါ်ဝါရီ၁၊၂၀၂၆ မြန်မာ-တရုတ်နှစ်နိုင်ငံချစ်ကြည်ရေးကိုအခြေခံ၍ ရင်းနှီးမြှပ်နှံမှုနှင့် ကုန်သွယ်မှုကဏ္ဍများတိုးတက်မှုရရှိစေရန်ရည်ရွယ်၍ နိုင်ငံတော်စီမံကိန်းနှင့် လမ်းညွှန်မှုများအရ အထူးစီးပွားရေးအသင်းအဖွဲ့ကြီးဖြစ်သော မြန်မာ-တရုတ် ရင်းနှီးမြှပ်နှံမှုနှင့် ကုန်သွယ်မှုမြှင့်တင်ရေးအသင်း(MCITP)ကို ဇန်နဝါရီ ၃၁ ရက်ညပိုင်းက စတင်ဖွဲ့စည်းခဲ့ရာရန်ကုန်တိုင်း‌ ဒေသကြီး၀န်ကြီးချုပ်ဦးစိုးသိန်းတက်‌ရောက်စက်ခလုပ်နှိပ်ဖွင့်လှစ်‌ ပေးခဲ့သည်။ အဆိုပါ အသင်းကို နိုင်ငံတော်ယာယီသမ္မတ တရုတ်နိုင်ငံသို့သွားရောက်ခဲ့သည့် ခရီးစဥ်အတွင်း တရုတ်ကုမ္ပဏီ (၂၁၇)ခုမှ စီးပွားရေးလုပ်ငန်းရှင်(၂၇၈)ဦးတို့နှင့် တီယန်ကျင်းမြို့နှင့် ချန်ဒူးမြို့တို့၌တွေ့ဆုံဆွေးနွေးပြီးနောက် နှစ်နိုင်ငံစီးပွားရေးလုပ်ငန်းရှင်များပူးပေါင်း ဆောင်ရွက်မှုအရှိန်အဟုန်မြှင့်တင်ရန်နှင့် လုပ်ငန်းများ လျင်မြန်စွာအကောင်အထည်ဖော်နိုင်ရန်အတွက်ဖွဲ့စည်းခဲ့ခြင်းဖြစ်ကြောင်း သိရသည်။