News Of Myanmar

ရီပတ်ဘလီကန် လွှတ်တော်အမတ် Randy Fine ဟာ အမေရိကန်ပြည်ထောင်စုက ဂရင်းလန်းကျွမ်းကို သိမ်းပိုက်ခြင်းနဲ့ ပြည်နယ်အဖြစ် ပေးအပ်ခြင်း" ဆိုင်ရာ ဥပဒေကြမ်းတစ်ရပ်ကို တင်သွင်းခဲ့တယ်လို့ ကွန်ဂရက်ဝက်ဘ်ဆိုက်မှာ ဖော်ပြထားပါတယ်။ NOM

Wall Street Journal : နိုင်ငံတစ်ဝှမ်း အင်တာနက်တွေ ပိတ်ဆို့ထားချိန်အတွင်း ဆူပူအကြမ်းဖက်ဆန္ဒပြသူတွေက ဗီဒီယိုတွေထုတ်လွှင့်ဖို့ အင်တာနက်ဝန်ဆောင်မှုကို Starlink ကတဆင့် အသုံးပြုနေပြီး အီရန်က Starlink terminal တွေကို ခြေရာခံပြီး သိမ်းဆည်းနေပါတယ်။ NOM

အီရန်နဲ့ ကုန်သွယ်မှုပြုလုပ်နေတဲ့ နိုင်ငံတွေကို ထရမ့်က ထိုးနှက်ဖို့ လုပ်ဆောင်နေချိန်မှာ တရုတ်ကို ထိခိုက်နိုင်တယ်လို့ Bloomberg သတင်းဌာနက ဖော်ပြခဲ့ပါတယ်။ ဒီခြိမ်းခြောက်မှုဟာ အီရန်ရေနံကို ကမ္ဘာ့ထိပ်တန်းဝယ်ယူသူဖြစ်နေတဲ့ ပေကျင်းနဲ့အတူ အမေရိကန်-တရုတ် ကုန်သွယ်ရေးစစ်ပြေငြိမ်းရေးကို ပျက်ပြားစေနိုင်တယ်လို့ ဆိုထားပါတယ်။ NOM

မြင်းခြံမြို့နယ်၊ ခေါင်းကွဲကျေးရွာနေ အပြစ်မဲ့အရပ်သားပြည်သူနှစ်ဦးကို PDF အကြမ်းဖက်သမားငါးဦးက သေနတ်ဖြင့်ပစ်ခတ်သတ်ဖြတ်သွား NOM ဇန်နဝါရီ ၁၃၊ ၂၀၂၆ မန္တလေးတိုင်းဒေသကြီး၊ မြင်းခြံမြို့နယ်၊ ခေါင်းကွဲကျေးရွာနေသူများဖြစ်သည့် ဦးဝင်းခိုင် (၄၂) နှစ်နှင့် ကိုမင်းခန့်အောင် (၂၄) နှစ်တို့သည် ဇန်နဝါရီလ ၁၁ ရက်နေ့ နံနက် ၇ နာရီခွဲအချိန်၌ ကျေးရွာ၏တောင်ဘက် ၁ မိုင်ခန့်အကွာရှိ ယာခင်းသို့ခြေလျင် ထွက်ခွာလာစဉ် ခေါင်းကွဲ-တလုတ်ကျေးရွာသွားကားလမ်းပေါ်အရောက် PDF အကြမ်းဖက်သမားငါးဦးက ဆိုင်ကယ်နှစ်စီးဖြင့် ရောက်လာပြီး သေနတ်ဖြင့်ပစ်ခတ်သတ်ဖြတ်သွားခဲ့သဖြင့် ၎င်းတို့နှစ်ဦးတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်းသိရသည်။ News Of Myanmar NOM

မော်လမြိုင်မြို့‌ဒေသခံပရဟိတအဖွဲ့ (၈) ဖွဲ့ ပူးပေါင်းပြီးကတုံးပေါ်ကျေးရွာ မီးဘေးပြန်လည်ထူထောင်ရေးအတွက် အလှူခံထွက်ကူညီ NOM၊ဇန်နဝါရီ၁၃၊၂၀၂၆ မွန်ပြည်နယ်၊ မုဒုံမြို့၊ ကတုံပေါ်ကျေးရွာ မီးဘေးပြန်လည်ထူထောင်ရေးအတွက် မော်လမြိုင်မြို့‌ဒေသခံပရဟိ တ အဖွဲ့ (၈) ဖွဲ့ ပူးပေါင်းပြီးယနေ့ဇန်န ဝါရီ (၁၃) ရက်တွင်ဒုတိယ နေ့ အလှူခံထွက်ကာ ကူညီဆောင်ရွက်လျက်ရှိကြောင်း မော်လမြိုင်လူမှုကူညီရေးအသင်းမှ ကိုဇင်မိုးက ပြောသည်။ မုဒုံမြို့၊ ကတုံးပေါ်ကျေးရွာတွင်ဇန်နဝါရီ (၈) ရက် မွန်းလွဲပိုင်းက မီးလောင်မှုဖြစ်ပွားခဲ့ရာစုစုပေါင်း အိမ်ခြေ (၅၇) လုံးဆုံးရှူံးခဲ့ပြီး လူဦးရေ (၂၁၃) ဦး အိုးမဲအိမ်မဲ့ဖြစ်ခဲ့ပြီး လက်ရှိတွင် ကျေးရွာဓမ္မာရုံနှင့် စေတနာရှင်လူမှုကယ်ဆယ်ရေးရုံး၌ ကယ်ဆယ်ရေးစခန်းဖွင့်လှစ်ထားကြောင်းသိရသည်။ "ကျွန်တော်တို့အဖွဲ့က မနေ့ကစပြီးအလှူခံထွက်တာပါ ဒီနေ့တော့နောက်ဆုံးပါ ရရှိလာတဲ့ငွေကိုလည်းလက်ရှိလျာထားတော့ တစ်အိမ်ကို ၅သိန်း လောက်ပေးနိုင်မလားဆိုပြီးစီစဉ်ထားပါတယ်တစ်ကယ်လို့မှငွေမပြည်ဘူးဆိုရင်တော့ ကျွန်တော် တို့လက်ရှိပြန်လည်ထူးထောင်ရေးကော်မတီဥက္ကဌကိုအပ်မှာပါ ။လက်ရှိမနေ့ကတစ်ရက်အလှူခံထွက်တာ ၁၃၅သိန်း၉သောင်းနဲ့ဘတ် ၄၀ရရှိခဲ့ပါတယ် ဒီနေလည်းမနေ့ကလောက်တော့မနည်းနိုင်ပါဘူး"ဟု မော်လမြိုင်လူမှုကူညီရေးအသင်းမှ ကိုဇင်မိုးက ပြောသည်။ တရွာလုံးနီးပါးမီးဘေးခဲ့သည့်အတွက် ဒေသခံများကိုလူသားချင်းစာနာစွာ ဖြင့် မီးဘေးပြန်လည်ထူထောင်ရေးအတွက်ကူညီရန်မော်လမြိုင်မြို့ခံ၊ မြန်မာနိုင်ငံလူမှုကယ်ဆယ် ရေးအဖွဲ့များနှင့် ဒေသခံကွန်ယက် အသင်းများစုစုပေါင်း(၈)ဖွဲ့ပူးပေါင်း ပြီး(၂)ရက် အလှုခံထွက်ပြီးကူညီနေကြောင်းသိရသည်။

အလောင်း/လက်နက်ရရှိ (ကြို့ပင်ကောက်) ဇန်နဝါရီလ ၁၃၊ ၂၀၂၆ ၂၀၂၆ ခုနှစ်၊ ဇန်နဝါရီလ ၁၃ ရက် နံနက်ပိုင်းက ကြို့ပင်ကောင်မြို့နယ်အတွင်း ကင်းပုန်းဝပ်ဆောင်ရွက်နေသည့် လုံခြုံရေးတပ်ဖွဲ့ဝင်များနှင့်အကြမ်းဖက်သမားများ ထိတွေ့တိုက်ပွဲဖြစ်ခဲ့ရာ ရန်သူ့ထံမှ - ၁။ အလောင်း(၃)လောင်း ၂။ MA-3 သေနတ် (၁) လက် တို့အား သိမ်းဆည်းရရှိခဲဲ့ပါသည်။ တိုက်ပွဲသတင်းစုံ

AA အကြမ်းဖက်အဖွဲ့ရဲ့လူသစ်စုနည်း AA တပ်သားသစ်အတွက် အရင်လို ရွာအလိုက် မတောင်းခံတော့ဘဲ၊ တွေ့ရင်တွေ့သလို ဆွဲခေါ်နေကြသည်။ ၁၀ နှစ် ကျော်သာရှိသည့် ကလေးများပါ မဝင်မနေရ ဖိအားပေးဆွဲခေါ်နေကြသည်ဟုပြောကြသည်။ - အရင်တုန်းက AA အကြမ်းဖက်များသည် တစ်ရွာလျှင် တပ်သားသစ် ဘယ်လောက်ပေးရမယ်ဆိုပြီး သတ်မှတ်ထားသော်လည်း ခုအခါ အဲ့ဒီစနစ်မလိုက်နာနိုင်တော့ဘဲ တွေ့သည့်လူငယ်များကို တိုက်ရိုက် ဆွဲခေါ်နေကြရသည်။  - “AA ထဲမဝင်မနေရ”ဟု ခေါ်ဆွဲသွားကြသည်ဟု ဒေသခံများကပြောကြသည်။ ဒေသခံမိဘများအနေဖြင့် မိမိတို့ကလေးများကို အန္တရာယ်ကင်းစွာ ထိန်းသိမ်းရန်အခက်အခဲများ ကြုံတွေ့နေရကြပြီး စိုးရိမ်မှုများ တိုးပွားလာနေသည်။ - ဒါ.. လက်တွေ့မြေပြင်က ရခိုင်တိုင်းရင်းသားတွေ ပြောလာတာ။ - တိုက်ပွဲသတင်းစုံ

အီရန်အပေါ် တိုက်ခိုက်ဖို့အတွက် ပင်တဂွန်ဟာ ဒေါ်နယ်ထရမ့်ဆီ တင်ပြခဲ့မှုဟာ ယခင်က ဖော်ပြခဲ့တာတွေထက် ပိုမိုကျယ်ပြန့်တဲ့ တိုက်ခိုက်ရေး ရွေးချယ်စရာတွေကို ထည့်သွင်းခဲ့တယ်လို့ ဆိုပါတယ်။ အခုအခါမှာဆိုရင် နူကလီးယားနဲ့ ပဲ့ထိန်းဒုံးကျည်တွေကို ပစ်မှတ်ထားမှုတွေ ပါဝင်လာတယ်လို့ The New York Times က ဖော်ပြခဲ့ပါတယ်။ NOM

“ကျနော်တို့က စစ်ပွဲအတွက် အဆင်သင့်ဖြစ်နေသလို စားပွဲဝိုင်းမှာ ဆွေးနွေးဖို့အတွက်လည်း အသင့်ပါပဲ” - အီရန်နိုင်ငံခြားရေးဝန်ကြီး Araqchi NOM

တပ်မတော်ရဲ့ ချေမှုန်းမှုကြောင့် အလောင်းများထမ်းပြီး ပြန်ပြေးသွားရတဲ့ အကြမ်းဖက်သမားများ။ တိုက်ပွဲသတင်းစုံ

ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးအောင်စောဝင်း အာရှငြိမ်းချမ်းရေးနှင့် ပြန်လည်သင့်မြတ်ရေးကောင်စီဥက္ကဋ္ဌနှင့် အဖွဲ့အား လက်ခံတွေ့ဆုံ ဇန်နဝါရီ ၁၂၊ ၂၀၂၆ ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးအောင်စောဝင်းသည် အာရှငြိမ်းချမ်းရေးနှင့်ပြန်လည်သင့်မြတ်ရေးကောင်စီ (Asian Peace and Reconciliation Council – APRC) ဥက္ကဋ္ဌ H.E. Prof. Dr. Surakiart Sathirathai နှင့် အဖွဲ့အား ယနေ့မွန်းလွဲပိုင်းတွင် ရန်ကုန်တိုင်းဒေသကြီးအစိုးရ အဖွဲ့ သံတမန်ဧည့်ခန်းမ၌ လက်ခံတွေ့ဆုံသည်။ တွေ့ဆုံပွဲသို့ ပြည်ထောင်စုရွေးကောက်ပွဲကော်မရှင်အဖွဲ့ဝင်နှင့်အတူ ရန်ကုန်တိုင်းဒေသကြီးရွေးကောက်ပွဲကော်မရှင်အဖွဲ့ခွဲဥက္ကဋ္ဌ ဦးခင်မောင်ကျော်နှင့် တာဝန်ရှိသူများ တက်ရောက်ခဲ့ကြပြီး အာရှငြိမ်းချမ်းရေးနှင့်ပြန်လည်သင့်မြတ်ရေးကောင်စီဥက္ကဋ္ဌက မြန်မာနိုင်ငံတွင် ၂၀၂၅ ခုနှစ် အထွေထွေရွေးကောက်ပွဲအပိုင်း (၁) နှင့် အပိုင်း (၂) ကို လွတ်လပ်တရားမျှတစွာ အောင်မြင်အောင် ကျင်းပနိုင်ခဲ့ခြင်းအတွက် ဝမ်းမြောက်ဂုဏ်ယူပါကြောင်း၊ မြန်မာနိုင်ငံ၏ ရွေးကောက်ပွဲကျင်းပမှုအပေါ် ထောက်ခံပါကြောင်း၊ ဇန်နဝါရီ ၂၅ ရက်တွင် ကျင်းပမည့် ရွေးကောက်ပွဲ အပိုင်း (၃) ကျင်းပရာတွင်လည်း ရွေးကောက်ပွဲစောင့်ကြည့်လေ့လာရေးအဖွဲ့ ဖွဲ့စည်းတာဝန်ပေးလေ့လာကြည့်ရှုစေပြီး ရွေးကောက်ပွဲဆိုင်ရာ တွေ့ရှိချက်၊ သုံးသပ်အကြံပြုချက်များကိုလည်း တင်ပြပေးသွားမည်ဖြစ်ပါကြောင်း ပြောကြားပြီး ၂၀၂၅ ခုနှစ် အထွေထွေရွေးကောက်ပွဲဆိုင်ရာ လုပ်ငန်းဆောင်ရွက်မှုအခြေအနေများနှင့် သိရှိလိုသည်များကို မေးမြန်းဆွေးနွေးသည်။ ပြည်ထောင်စုရွေးကောက်ပွဲကော်မရှင်အဖွဲ့ဝင်က ပြည်ထောင်စုရွေးကောက်ပွဲကော်မရှင်အနေဖြင့် ၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲအပိုင်း (၁) ကို ၂၈ - ၁၂ - ၂၀၂၅ ရက်တွင်လည်းကောင်း၊ ရွေးကောက်ပွဲအပိုင်း (၂) ကို ၁၁ - ၁ - ၂၀၂၆ ရက် တွင်လည်းကောင်း ဥပဒေနှင့်အညီ ပွင့်လင်းမြင်သာမှုရှိစွာ လွတ်လပ်မျှတစွာ ကျင်းပနိုင်ခဲ့သည့် အခြေ အနေများ၊ နိုင်ငံတကာနှင့် ပြည်တွင်းရွေးကောက်ပွဲ စောင့်ကြည့်လေ့လာရေးအဖွဲ့များကို ဖိတ်ခေါ်၍ စောင့်ကြည့် လေ့လာခွင့်ပြုခဲ့သည့်အခြေအနေများ၊ ပြည်တွင်း/ပြည်ပသတင်းမီဒီယာများကို ပွင့်လင်းမြင်သာစွာ သတင်းရယူနိုင်ရေး ဆောင်ရွက်ပေးခဲ့မှုအခြေအနေများ၊ ကျင်းပပြီးသည့် အပိုင်းလိုက် ရွေးကောက်ပွဲများတွင် မဲဆန္ဒရှင်ပြည်သူများ၏ မဲပေးမှုအခြေအနေများ၊ မဲပေးရာတွင် မြန်မာအီလက် ထရောနစ်မဲပေးစက် (Myanmar Electronic Voting Machine) အသုံးပြုခဲ့မှုအခြေအနေများ၊ ပြည်တွင်း/ ပြည်ပကြိုတင်မဲပေးမှုအခြေအနေများ၊ ပြောင်းလဲကျင့်သုံးသည့် ရွေးကောက်ပွဲစနစ်ဆိုင်ရာအကြောင်းအရာများ၊ ဆက်လက်ပြီး ရွေးကောက်ပွဲအပိုင်း (၃) ကို အောင်မြင်စွာကျင်းပနိုင်ရေး ပြင်ဆင်ဆောင်ရွက်မှုအခြေအနေများကို ရှင်းလင်းပြောကြားပြီး APRC ဥက္ကဋ္ဌနှင့် အဖွဲ့ဝင်များအား ဇန်နဝါရီ ၂၅ ရက်တွင် ကျင်းပမည့် ရွေးကောက်ပွဲအပိုင်း (၃) ကို လာရောက်လေ့လာရန် ဖိတ်ကြားခဲ့သည်။ ယင်းနောက် ပါတီစုံဒီမိုကရေစီအထွေထွေရွေးကောက်ပွဲအပိုင်း (၃) ကို အောင်မြင်စွာ ဆက်လက်ကျင်းပနိုင်ရေး၊ APRC နှင့် ပူးပေါင်းဆောင်ရွက်ရေးကိစ္စရပ်များကို အပြန်အလှန် ရင်းနှီးပွင့်လင်းစွာ ဆွေးနွေးခဲ့ကြောင်း သတင်းရရှိသည်။

အမြဲတမ်းအတွင်းဝန်/ညွှန်ကြားရေးမှူးချုပ်အဖြစ် တာဝန်ပေးအပ်ခြင်း

ပြည်ပထွက်ခွာခွင့်နှင့်ပတ်သက်၍ အသိပေးကြေညာချက်

တီဟီရန်က မိန်းကလေးတစ်ဦးဟာ ပြည်ပြေး လူရွှင်တော်မင်းသား Reza Pahlavi ကို ကောင်းကောင်းပြန်တုံ့ပြန်သွားခဲ့ပါတယ်။ 'ငါတို့က နင့်အဖေ ရှားဘုရင်ကို ခွေးတကောင်လို ကန်ထုတ်ခဲ့တာ၊ နင့်ကိုလည်း ငါတို့ ပြန်လာခွင့်မပြုဘူး'။ NOM

BREAKING : အီရန်ကို စစ်ရေးအရ စစ်ဆင်ရေးလုပ်ဖို့ စီစဉ်နေတာ အတော်လေးခရီးပေါက်နေပြီဖြစ်ပြီး ထရမ့်က အလေးအနက် စဉ်းစားနေတယ်လို့ အမေရိကန်အရာရှိတစ်ဦးက Al-Jazeera ကို ပြောကြားခဲ့ပါတယ်။ NOM

ပါတီစုံဒီမိုကရေစီအထွေထွေရွေးကောက်ပွဲ အပိုင်း (၂) ကျင်းပပြုလုပ်စဉ် အကြမ်းဖက်သောင်းကျန်းသူအဖျက်သမားအုပ်စုကအဖျက်အမှောင့်လုပ်ရပ်များလုပ်ဆောင်၊ နိုင်ငံတော်အစိုးရ၏ ဦးဆောင်မှု၊ ပြည်သူလူထု၏ လိုက်ပါဆောင်ရွက်မှုတို့ဖြင့် ရွေးကောက်ပွဲအောင်မြင်စွာ ကျင်းပပြီးစီး နေပြည်တော်၊ ၂၀၂၆ ခုနှစ်၊ ဇန်နဝါရီ ၁၂

စစ်ဆင်ရေးတာဝန်များကို စွမ်းစွမ်းတမံထမ်းဆောင်ခဲ့ပြီး ရွပ်ရွပ်ချွံချွံတိုက်ပွဲဝင်ခဲ့သော အောင်ပွဲအလီလီရ ရှေ့တန်းပြန်နိုင်ငံ့သားကောင်း တပ်မတော်သားများအား ဝမ်းမြောက်စွာ သောင်းသောင်းဖြဖြ ဂုဏ်ပြုကြိုဆို နေပြည်တော်၊ ၂၀၂၆ ဇန်နဝါရီ - ၁၂

စစ်ကိုင်းတိုင်းဒေသကြီး၊ ရေဦးမြို့နယ်တွင် PDF အကြမ်းဖက်အဖွဲ့က အများပြည်သူထိခိုက်စေရန်ရည်ရွယ်၍ ရမ်းသန်းပစ်ခတ်လိုက်သည့် လက်နက်ငယ်ကျည်ထိမှန်မှုကြောင့် အပြစ်မဲ့အရပ်သားပြည်သူတစ်ဦး ထိခိုက်ဒဏ်ရာရ NOM ဇန်နဝါရီ ၁၂၊ ၂၀၂၆ စစ်ကိုင်းတိုင်းဒေသကြီး၊ ရေဦးမြို့နယ်၊ အောင်ချမ်းသာရပ်ကွက်နေ ဒေါ်တင်မိုးခိုင် (၅၁) နှစ်သည် ဇန်နဝါရီလ ၈ ရက်နေ့ နံနက် ၆ နာရီခွဲအချိန်၌ ၎င်း၏နေအိမ်တွင်ရှိနေစဉ် PDF အကြမ်းဖက်အဖွဲ့က အများပြည်သူထိခိုက်စေရန်ရည်ရွယ်၍ ရမ်းသန်းပစ်ခတ်လိုက်သည့် လက်နက်ငယ်ကျည်လာရောက်ထိမှန်ခဲ့မှုကြောင့် ၎င်းတွင်ကျည်ထိမှန် ဒဏ်ရာရရှိခဲ့၍ ဆေးကုသနိုင်ရေး ရေးဦးမြို့နယ်ပြည်သူ့ဆေးရုံသို့ ပို့ဆောင်ထားရှိကြောင်းသိရသည်။ News Of Myanmar NOM