News Of Myanmar

ဇန်နဝါရီလ၁၈ရက်နိုင်ငံတကာသတင်းတိုများ NOM ၁။ဆီးရီးယားနိုင်ငံရှိရေနံမြေများကိုအစိုးရတပ်များကဆီးရီးယားဒီမိုကရက်တစ်သူပုန်များလက်မှပြန်သိမ်းယူနေသည်။(ဗီဒီယို) ၂။ဂျာမနီနိုင်ငံဟမ်းဘတ်မြို့တွင်အီရန်အစိုးရကိုဆန့်ကျင်ဆန္ဒပြသူများကိုသေနတ်များဓါးများကိုင်ဆောင်တိုက်ခိုက်သည့်အာဖဂန်နစ္စတန်လူမျိုးနှစ်ဦးကိုရဲကဖမ်းလိုက်သည်။(ဗီဒီယို) ၃။စနေနေ့ကဂွာတီမာလာနိုင်ငံရှိအကျဥ်းထောင်သုံးခုတွင်ထောင်ဆူပြီးထောင်ဝန်ထမ်း၄၆ဦးကိုဓါးစာခံအဖြစ်ဖမ်းဆီးထားခြင်းအားစစ်တပ်ကဝင်ရောက်နှိမ်နှင်းလိုက်သည်။ ၄။တရုတ်သည်အမေရိကန်ကဗင်နီဇွဲလားကိုလျှပ်တပြက်ဝင်ရောက်တိုက်ခိုက်ပြီးငမ္မတမာဒူရိုဖမ်းသည့်ပုံစံအတိုင်းထိုင်ဝမ်ကိုတိုက်ခိုက်ရန်လေ့ကျင့်နေသည်ဟုဂျပန်သတင်းဌာနနစ်ကေးအာရှကဖော်ပြလိုက်သည်။ ၅။ဂရင်းလန်းကျွန်းကိုအမေရိကန်ကဝယ်ယူမည့်အပေါ်ဟန့်တားနေသောဒိန်းမတ်၊ပြင်သစ်၊ဗြိတိန်၊ဂျာမနီ၊နော်ဝေ၊ဆွီဒင်၊နယ်သာလန်နှင့်နော်ဝေနိုင်ငံတို့အပေါ်ဖေဖော်ဝါရီလ၁ရက်မှစပြီးအကောက်ခွန်၁၀%တိုးမြှင့်ကောက်ခံမည်ဟုအမေရိကန်သမ္မတထရမ့်ကခြိမ်းခြောက်လိုက်သည်။

အီရန်ဆန္ဒပြပွဲတွေအတွင်း အီရန်နိုင်ငံသားတွေ သေဆုံးရမှုဟာ ရာဇဝတ်ကောင်ထရမ့်ကြောင့် ဖြစ်တယ်လို့ အီရန်ခေါင်းဆောင် အယာတိုလာခါမေနီက ပြောဆိုလိုက်ပါတယ်။ ထရမ့်က စစ်ရေးအကူအညီ ဝင်လာနိုင်တယ်လို့ ပြောဆိုကာ ဆန္ဒပြသူတွေကို သွေးထိုးပေးခဲ့တာကြောင့် ထိခိုက်သေဆုံးမှုနဲ့ ပျက်စီးဆုံးရှုံးမှုတွေအတွက် ထရမ့်မှာ တာဝန်ရှိတယ်လို့လည်း ခါမေနီက သူ့ရဲ့ဝက်ဘ်ဆိုက်ကတဆင့် ပြောဆိုခဲ့ပါတယ်။ NOM

ထွက်ပြေးသူတွေ အားလုံးဘေးကင်းကြပါစေ - ခင်မောင်စိုး ကြီးလည်း မြန်မြန် ဂိန် ပါစေ - တိုက်ပွဲသတင်းစုံ

အီရန်ပြည်ပြေး လူရွှင်တော်မင်းသားလို့ လူသိများတဲ့ ရီဇာပါလာဗီရဲ့ သမီးဖြစ်သူ မင်းသီး Noor Pahlavi က အီရန်ဆန္ဒပြသူတွေဟာ ထရမ့်က တိုက်ခိုက်မှုလုပ်မှာမဟုတ်ဘူးလို့ ယုံကြည်နေကြတာမို့ မိမိကိုယ်မိမိသတ်သေ နေကြတယ်ဆိုပြီး အင်စတာဂရမ်မှာ ပို့စ်တင်ခဲ့ပါတယ်။ NOM

ချောင်းဦးမြို့နယ်ရွေးကောက်ပွဲ ကော်မရှင်အဖွဲ့ဝင်တစ်ဦးကို PDF အကြမ်းဖက်အဖွဲ့က အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွား NOM ဇန်နဝါရီ ၁၈၊ ၂၀၂၆ စစ်ကိုင်းတိုင်းဒေသကြီး၊ ချောင်းဦးမြို့နယ်၊ မြို့မရပ်ကွက်နေ ချောင်းဦးမြို့နယ်ရွေးကောက်ပွဲ ကော်မရှင်အဖွဲ့ဝင် ဦးတင်လှရွှေ (၆၉) နှစ်သည် ဇန်နဝါရီလ ၁၅ ရက်နေ့ ညနေ ၄ နာရီခွဲအချိန်၌ ၎င်း၏နေအိမ်မှ ချောင်းဦးတောင်ရပ်ကွက်သို့ ခြေလျင်ထွက်ခွာလာစဉ် အဆိုပါရပ်ကွက်ရှိ ရွှေပြည်စိန်ဦးဘုရားအနီးအရောက် PDF အကြမ်းဖက်အဖွဲ့အင်အား (စိစစ်ဆဲ) ရောက်လာပြီး အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်းသိရသည်။ News Of Myanmar NOM

မင်းဘူးမြို့နယ်၊ ကိုင်းတောကြီးကျေးရွာအနီးတွင် PDF အကြမ်းဖက်အဖွဲ့က အများပြည်သူထိခိုက်စေရန်ရည်ရွယ်၍ ရမ်းသမ်းပစ်ခတ်လိုက်သည့် လက်နက်ငယ်ကျည်ထိမှန်ခဲ့မှုကြောင့် အပြစ်မဲ့အမျိုးသမီးငယ်တစ်ဦးသေဆုံး NOM ဇန်နဝါရီ ၁၈၊ ၂၀၂၆ မကွေးတိုင်းဒေသကြီး၊ မင်းဘူးမြို့နယ်၊ ကိုင်းတောကြီးကျေးရွာနေ မအိအိထွေး (၂၃) နှစ်သည် ဇန်နဝါရီလ ၁၄ ရက်နေ့မွန်းလွဲ ၃ နာရီ ၄၅ မိနစ်အချိန်၌ ကျေးရွာ၏အရှေ့ဘက် ၂ ဖာလုံခန့်အကွာရှိ နေကြာစိုက်ခင်းအတွင်းရှိနေစဉ် ၎င်းအား PDF အကြမ်းဖက်အဖွဲ့ အင်အား(စိစစ်ဆဲ)က အများပြည်သူထိခိုက်စေရန်ရည်ရွယ်၍ ရမ်းသန်းပစ်ခတ်လိုက်သည့် လက်နက်ငယ်ကျည်လာရောက်ထိမှန်ခဲ့မှုကြောင့် ကျည်ထိမှန်ဒဏ်ရာရရှိခဲ့၍ စကုမြို့ တိုက်နယ်ဆေးရုံသို့ ပို့ဆောင်ဆေးကုသနေစဉ် သေဆုံးသွားခဲ့ကြောင်းသိရသည်။ News Of Myanmar NOM

မြင်းခြံမြို့မှ ညောင်ဦးမြို့သို့မော်တော်ယာဉ်ဖြင့် ထွက်ခွာလာသည့် အပြစ်မဲ့အရပ်သားပြည်သူတစ်ဦးကို PDF အကြမ်းဖက်အဖွဲ့က မော်တော်ယာဉ်အား တားဆီးကာ အကြမ်းဖက်ခြိမ်းခြောက်၍ မော်တော်ယာဉ်နှင့်အတူ ဖမ်းဆီးခေါ်ဆောင်သွား NOM ဇန်နဝါရီ ၁၈၊ ၂၀၂၆ မန္တလေးတိုင်းဒေသကြီး၊ မြင်းခြံမြို့နယ်၊ အမှတ် (၁၉) ရပ်ကွက်နေ ဦးစိန်လွင် (၄၇) နှစ်သည် ဇန်နဝါရီလ ၁၄ ရက်နေ့ နံနက် ၁၀ နာရီအချိန်၌ မြင်းခြံ မြို့မှ ညောင်ဦးမြို့သို့ မြင်းခြံ-ညောင်ဦးကားလမ်းအတိုင်း မော်တော်ယာဉ်တစ်စီးဖြင့် တစ်ဦးတည်း ထွက်ခွာလာစဉ် တောင်သာမြို့နယ်၊ ကျောဇီကျေးရွာနှင့် မာလာကျေးရွာကြားရှိ ရေနံချက်စက်ရုံအနီး အရောက် PDF အကြမ်းဖက်အဖွဲ့ အင်အား(စိစစ်ဆဲ)က မော်တော်ယာဉ်အား တားဆီးကာ အကြမ်းဖက်ခြိမ်းခြောက်၍ မော်တော်ယာဉ်နှင့်အတူ ဖမ်းဆီးခေါ်ဆောင်သွားခဲ့ကြောင်းသိရသည်။ News Of Myanmar NOM

မွန်ပြည်နယ်၊ ဘီးလင်းမြို့နယ်တွင် PDF အကြမ်းဖက်အဖွဲ့ထောင်ထားသည့် လမ်းဘေးမိုင်းပေါက်ကွဲမှုကြောင့် ဆိုင်ကယ်မောင်းနှင်လာသည့် အပြစ်မဲ့အရပ်သားပြည်သူတစ်ဦး မိုင်းစထိမှန်ဒဏ်ရာများရ NOM ဇန်နဝါရီ ၁၈၊ ၂၀၂၆ ရန်ကုန်တိုင်းဒေသကြီး၊ လသာမြို့နယ်ရှိ ရန်ကုန်ပြည်သူ့ဆေးရုံကြီးသို့ ဇန်နဝါရီလ ၁၆ ရက်နေ့ နံနက် ၉ နာရီ ၅ မိနစ်အချိန်၌ မိုင်းပေါက်ကွဲစထိမှန်ဒဏ်ရာဖြင့် အမျိုးသားတစ်ဦးရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ မွန်ပြည်နယ်၊ ဘီးလင်းမြို့နယ်၊ မဲလံကျေးရွာနေ ကိုပြည့်ဖြိုးကျော် (၂၄) နှစ်သည် မဲလံကျေးရွာမှ နတ်ကြီးကျေးရွာသို့ ဆိုင်ကယ်ဖြင့် ထွက်ခွာလာစဉ် မဲလံကျေးရွာနှင့် နတ်ကြီးကျေးရွာကြားအရောက် လမ်းဘေးမှ PDF အကြမ်းဖက်အဖွဲ့ထောင်ထားသည့် မိုင်းတစ်လုံးပေါက်ကွဲခဲ့မှုကြောင့် ၎င်းတွင် မိုင်းပေါက်ကွဲစထိမှန်ဒဏ်ရာများရရှိခဲ့ခြင်းဖြစ်ကြောင်းသိရသည်။ News Of Myanmar NOM

ကံမမြို့နယ်၊ ကြို့ပင်ကျေးရွာနေ အပြစ်မဲ့အရပ်သားပြည်သူတစ်ဦးကို PDF အကြမ်းဖက်သမား ၁၂ ဦးခန့်က အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွား NOM ဇန်နဝါရီ ၁၈၊ ၂၀၂၆ မကွေးတိုင်းဒေသကြီး၊ ကံမမြို့နယ်၊ ကြို့ပင်ကျေးရွာနေ ဦးစံမောင် (၅၉) နှစ်သည် ဇန်နဝါရီလ ၁၆ ရက်နေ့ မွန်းလွဲ ၂ နာရီခွဲအချိန်၌ ကြို့ပင်ကျေးရွာမှ သပြေကိုင်းကျေးရွာသို့သွားရောက်စဉ် သပြေကိုင်းကျေးရွာအရောက် PDF အကြမ်းဖက်သမား ၁၂ ဦးခန့်က ဆိုင်ကယ်ခြောက်စီးဖြင့် ရောက်လာပြီး အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်း သိရသည်။ News Of Myanmar NOM

UEC က ဒီကနေ့ ကြေညာလာတဲ့ အမျိုးသားလွှတ်တော်အတွက် အချိုးကျ ကိုယ်စားပြု စနစ် (PR)အရ ရွေးကောက် တင်မြှောက်မှုအပိုင်းမှာ … ကချင်မှာ တစညပါတီ၊ ကယားပြည်နယ်မှာ ကယားပြည်သူ့ပါတီ၊ ပြည်သူ့ ရှေ့ဆောင်ပါတီနဲ့ တစညပါတီ၊ စစ်ကိုင်းတိုင်းဒေသကြီးအတွက် တစညနဲ့ ပြည်သူ့ပါတီ၊ မကွေးတိုင်းအတွက် တစညပါတီ၊ မွန်ပြည်နယ်အတွက် မွန်ညီညွှတ်ရေးပါတီနဲ့ တစည ပါတီ၊ အမျိုးသားအကျိုးစီးပွား တိုးတက်ရေးပါတီ၊ ရှမ်းပြည်နယ်အတွက် ဓနုတိုင်းရင်း သားလူမျိုးများ ဒီမိုကရေစီပါတီ ဆိုပြီး ပါတီငယ်တွေ တစ်စတစ်စ နေရာ ရလာတာတွေ့ရတယ်။ ---- ဒါက အချိုးကျကိုယ်စားပြုစနစ်ကို ပြောင်းလိုက်တဲ့ ရွေးကောက်ပွဲ ရဲ့ စနစ်ပြောင်းလဲ မှု ကြောင့် ပေါ်ထွက်လာတဲ့ နိုင်ငံရေးပြုပြင်ပြောင်းလဲမှု‌ ရလဒ်ပါပဲ။ သဘောက… တိုင်းရင်းသား ဒေသနယ်မြေအခြေပြု ပါတီတွေအတွက် ဒေသခံပြည်သူယုံကြည်ထိုက်အောင် လုပ်နိုင်ရင် ဆန္ဒမဲရမယ်၊ဒီနေရာမှာ…တစ်ချို့ယူဆနေသလို ပါတီကြီးခြင်း၊ ငယ်ခြင်းက အဓိက မဟုတ်ဘူး ဆိုတဲ့အချက်ကို သွားတွေ့တယ်။ ----- အရေးကြီးတာကတော့…နိုင်ငံရေးလုပ်ချင်တဲ့ ကိုယ်စားလှယ်လောင်းတွေအနေနဲ့ ရန်ကုန်၊ ကြည်မြင်တိုင်မြို့နယ်က ဝင်ပြိုင်တဲ့ ဦးခင်လှိုင်လို ဇွဲ ရှိတဲ့ နိုင်ငံရေးစိတ်ဓာတ်ပြင်းပြနေဖို့ အရေးကြီးတယ်ဆိုတဲ့အချက်ကသာ အဓိက ဆိုတာ သတိပြုနိုင်ကြဖို့ပါ။ သူဆိုရင် ရွေးကောက်ပွဲက (၄)ကြိမ်၊ စည်ပင်ရွေးကောက်ပွဲက (၂)ကြိမ်၊ စုစုပေါင်း (၆)ကြိမ်အထိ ယှဉ်ပြိုင်ခဲ့တာ တွေ့ရတယ်။ သူဖြတ်သန်းခဲ့တဲ့ ရွေးကောက်ပွဲ ယှဉ်ပြိုင်မှုမှာ ရှုံးနိမ့်မှုတွေ အများကြီးဆိုပေမယ့် ဘယ်လောက် ရှုံးနိမ့်၊ ရှုံးနိမ့် ၊ ပြည်သူနဲ့ကြားက ဆက်ဆံရေးကို အနီးကပ် ထိန်းထားနိုင်တာတွေ့ရတယ်။ ---- ဆိုလိုတာက…ရွေးကောက်ပွဲနီးမှ အပူတပြင်း လွှတ်တော်ကိုယ်စားလှယ်ရှာတာမျိုး၊ မဲဆွယ် စည်းရုံးရေးကာလရောက်မှ ပြည်သူဆီကိုသွားပြီး ဟန်ပြ စည်းရုံးရေး ဆင်းတာမျိုးကို ရှောင်နိုင်ကြစေဖို့ ဖြစ်ပါတယ်။ နိုင်ငံရေးလုပ်မယ့် လွှတ်တော်ကိုယ်စား လှယ်လောင်းတစ်ယောက်ဟာ ပြည်သူနဲ့ ဝေးကွာနေလို့ မရဘူးဆိုတာကို မဖြစ်မနေ သတိပြုကြရမှာ ဖြစ်ပါတယ်။ (နရီမိုး)

ရှမ်းပြည်နယ်(တောင်ပိုင်း)၊မိုးနဲမြို့နယ်၌ ၂၀၂၅ ခုနှစ် ပါတီစုံဒီမိုကရေစီရွေးကောက်ပွဲ အပိုင်း(၃) အောင်မြင်စွာကျင်းပနိုင်ရေးအတွက် ဌာနဆိုင်ရာများနှင့်တွေ့ဆုံ၊ မဲရုံနေရာများအား သွားရောက်ကြည့်ရှုစစ်ဆေး နေပြည်တော်၊ ၂၀၂၆ ဇန်နဝါရီ ၁၇ ရက်

ပြည်ထောင်စုသမ္မတမြန်မာနိုင်ငံတော် ပြည်ထောင်စုရွေးကောက်ပွဲကော်မရှင် ကြေညာချက်အမှတ်( ၁၆ / ၂၀၂၆ ) ၁၃၈၇ ခုနှစ်၊ ပြာသိုလပြည့်ကျော် ၁၅ ရက် ၂၀၂၆ ခုနှစ်၊ ဇန်နဝါရီလ ၁၇ ရက် အမျိုးသားလွှတ်တော်ကိုယ်စားလှယ်အဖြစ် ရွေးကောက်တင်မြှောက်ခံရသူများ အမည်စာရင်း ကြေညာခြင်း

ဧရာဝတီတိုင်းဒေသကြီးအတွင်းမှ ပြည်သူ့စစ်မှုထမ်း သင်တန်းအမှတ်စဉ်(၂၁)သို့ တက်ရောက်မည့် နိုင်ငံ့သားကောင်းရတနာများအား သွားရောက်တွေ့ဆုံ နေပြည်တော်၊ ၂၀၂၆ ဇန်နဝါရီလ ၁၇

အပြည်ပြည်ဆိုင်ရာတရားရုံး ICJ တွင် ဂမ်ဘီယာနှင့် မြန်မာနိုင်ငံအကြား တရားရင်ဆိုင်မှုနှင့်ပတ်သက်ပြီး ရခိုင်ပြည်နယ်တွင် တာဝန်ထမ်းဆောင်ခဲ့သည့် ဗိုလ်မှူးကြီး မောင်မောင်ငြိမ်း၏ ပြောကြားချက်

အပြည်ပြည်ဆိုင်ရာတရားရုံး ICJ တွင် ဂမ်ဘီယာနှင့် မြန်မာနိုင်ငံအကြား တရားရင်ဆိုင်မှုနှင့်ပတ်သက်ပြီး သမိုင်းသုတေသနမှ ဒုတိယညွှန်ကြားရေးမှူးချုပ်(ငြိမ်း) ဒေါက်တာမြင့်သိန်း၏ ပြောကြားချက်

အပြည်ပြည်ဆိုင်ရာတရားရုံး ICJ တွင် ဂမ်ဘီယာနှင့် မြန်မာနိုင်ငံအကြား တရားရင်ဆိုင်မှုနှင့်ပတ်သက်ပြီး သေနင်္ဂ မဟာဗျူဟာလေ့လာရေးအဖွဲ့မှ အမှုဆောင်ဒါရိုက်တာ ဦးသိန်းထွန်းဦး၏ ပြောကြားချက်

အပြည်ပြည်ဆိုင်ရာတရားရုံး ICJ တွင် ဂမ်ဘီယာနှင့် မြန်မာနိုင်ငံအကြား တရားရင်ဆိုင်မှုနှင့်ပတ်သက်ပြီး ရန်ကုန်အရှေ့ပိုင်းတက္ကသိုလ် (သန်လျင်) မှ IR ပါမောက္ခ ဒေါက်တာဆင့်ဆင့်မြတ်၏ ပြောကြားချက်

အပြည်အပြည်ဆိုင်ရာတရားရုံး (ICJ) တွင် ဂမ်ဘီယာနှင့် မြန်မာနိုင်ငံအကြား တရားရင်ဆိုင်နေမှုနှင့် ပတ်သက်ပြီး အမေရိကန် စာရေးဆရာ Mr. Rick Heizman ၏ ပြောကြားချက်

NLD လက်ထက်မှာ လူ့အခွင့်အရေးနဲ့ ဒီမိုကရေစီ ဆိုပြီး ဗုဒ္ဓဘာသာ နိုင်ငံကို ဆွဲချ ထားခဲ့တာ အများကြီးပဲ။ ဒီအကျိုးဆက်က ခုထိပုံရိပ်ကြီးနေတုန်းပဲ။ ဥပမာ အင်းစိန် ရွာမ ဆရာတော် ဘုရားကြီးတွေ ဦးဆောင်တဲ့ မဘသ ကို နိုင်ငံတော်အဆင့်ကနေ အရေးယူပြီး ဖျက်သိမ်းဖို့အထိ ကြိုးစားခဲ့ကြတာကိုပဲ အရင်ကြည့်။ သူတို့လက်ထက်မှာ ယဉ်ကျေးလိမ္မာ သင်တန်းတွေပိတ်ပင်၊ တခြား ဘာသာဝင်တွေ မျက်နှာကြည့်ရလို့ ဗုဒ္ဓ အဆိုအမိန့်တွေတောင် မြန်မာ့အလင်း သတင်းစာကနေ ဖယ်ရှားပေးခဲ့ရတာက ဒေါ်စု ဦးဆောင်တဲ့ NLD လက်ထဲမှာပဲ ရှိခဲ့တာ ပဲမဟုတ်ဘူးလားပေါ့။ အဲ့ဒီခေတ်ကာလက ဘယ်လောက်တောင် အနီ ထောက်ခံသူတွေ စရိုက်ဆန်ခဲ့ကြသလဲဆိုတော့ ကိုဗစ်ကာလမှာ ကိုဗစ်ကူးစက်ခဲ့တဲ့ စာသင်တိုက်တစ်ခုလုံးကိုတောင် ကျိန်စာတွေ တိုက်ခဲ့ကြတာပဲလေ။ စရိုက်ဆိုးတွေနဲ့ ရှင်သန်ကြတာကို အဓိက ပြောလိုတာပါ။ ----- ဗုဒ္ဓဘာသာ ကိုးကွယ်မှု အနိမ့်ဆုံး ရာခိုင်နှုန်း ၇၀ လောက်ရှိတဲ့ နိုင်ငံ တစ်ခုကို လစ်ဘရယ်စံနှုန်းတွေနဲ့ နှိုင်းယှဉ်ပြီး လူမျိုးဘာသာပေါင်းစုံ ညီညွှတ်ရေးဆိုပြီး ဘုရားသားတော်တွေကို ကြမ်းတပြေးတည်း ထိုင်ခိုင်ထားတဲ့ စီမံချက်တွေကိုပဲ ပြန်သတိရကြဦးပေါ့။ ------ ခု ဖြစ်နေတဲ့ ဘင်္ဂလီအရေးမှာလည်း ရိုဟင်ဂျာ မရှိပါဘူး ဆိုတဲ့ နိုင်ငံတော်အဆင့် ပြည်တွင်းပညာရှင်တွေရဲ့ ရပ်တည်ချက်ကိုတောင် ဒေါ်စုအနေနဲ့ ရဲရဲ ရပ်တည်ခဲ့တာ မဟုတ်ပါဘူး။ ------ ကုလားကို ကုလားလို့ ခေါ်ရင်တောင် ရိုင်းစိုင်းတဲ့ မိဘက မွေးလာတဲ့ သဘော၊ ဘုန်းကြီးသေတာက ဘာမှ မဖြစ်ဘူး၊ ဗလီက သူတို့ဘာသာရဲ့ အသက်ဆိုပြီး ပြောခဲ့တဲ့ စကားတွေက ဒေါ်စု နှုတ်က ထွက်ခဲ့တဲ့ စကားလုံးတွေပါ။ ----- လက်ရှိ ရင်ဆိုင်နေရတဲ့ ဘင်္ဂလီ ပြဿနာမှာလည်း ၈၂ ခု နှစ် ၊ နိုင်ငံသား ဖြစ်မှု ဥပဒေကို ပြောင်းလဲဖို့၊ တနည်းအားဖြင့် တနှစ်ကို ၄ သားလောက် ကျနေတဲ့ လူမျိုးစုအတွက် ကလေးသူငယ်ဆိုင်ရာ မွေးစားခွင့်(နိုင်ငံသား ခံယူနိုင်ခွင့်ပါတဲ့) ဥပဒေမျိုးကိုတောင် အာဏာရချိန်မှာ ပြဌာန်းခဲ့တာ အထင်အရှားပဲလေ။ ----- ကိုယ်တွေနိုင်ငံက ယဉ်ကျေးမှု၊ ဓလေ့၊ ထုံးတမ်းအစဉ်အလာ ၊ တိုင်းရင်းသား စသဖြင့် ခိုင်ခိုင်မာမာ ရှိတဲ့ နိုင်ငံတစ်ခုပါ။ မူလမျိုးနွယ်စုကို အတင်းအကြပ်ဖယ်ရှားပြီး လူမျိုးပေါင်းစုံနဲ့ နိုင်ငံ ဖွဲ့ထားတဲ့ စရိုက်စုံ နိုင်ငံ တစ်ခု မဟုတ်ပါဘူး။ လူ့အခွင့်အရေးနဲ့ ဒီမိုကရေစီဆိုပြီး တချို့ လစ်ဘရယ်စံနှုန်းတွေအတွက် ကိုယ့်နိုင်ငံရဲ့ ဖြစ်တည်မှုတွေကို ပြောင်းပေးစရာ မလိုဘူးလို့လည်း မြင်ပါတယ်။ (နရီမိုး)

ဇန်နဝါရီလ၁၆ရက်နိုင်ငံတကာသတင်းတိုများ NOM ၁။ဗင်နီဇွဲလားကိုအမေရိကန်ကတိုက်ခိုက်စဥ်စစ်သား ၄၇ဦးအပါအဝင်၈၃ဦးသေ ဆုံးကြောင်းဗင်နီဇွဲလားကကြေညာသည်။ ၂။ကီယက်ဗ်မြို့တော်ဝန်ကလျပ်စစ်နှင့်အပူငွေ့မပေးနိုင်သည့်အတွက်မြို့သူမြို့သားများမြို့ကိုစွန့်ခွာရန်ဒုတိယအကြိမ်ပန်ကြားလိုက်သည်။ ၃။ကနေဒါဝန်ကြီးချုပ်ကသဘာဝဓါတ်ငွေ့ရည်၅၀ကုဗတန်ကိုကနေဒါကထုတ်လုပ်နိုင်ပြီးအားလုံးကိုအာရှစျေးကွက်သို့ရောင်းချမည်ဟုပြောသည်။(ဗီဒီယို) ၄။အမေရိကန်လေယာဥ်တင်သင်္ဘောအီဗရာဟင်လင်ကွန်းသည်ဖျက်သင်္ဘောသုံးစီး၊ရေငုတ်သင်္ဘောတစ်စီးတို့နှင့်အတူအရှေ့အလယ်ပိုင်းဒေသသို့ဦးတည်ခုတ်မောင်းလျက်ရှိသည်။(ဓါတ်ပုံ) ၅။ယူအေအီးနိုင်ငံ၏ဒေသတွင်းသြဇာလွှမ်းမိုးလာမှုကိုကန့်သတ်ရန်ဆော်ဒီ၊အီဂျစ်နှင့်ဆိုမာလီတို့သည်ကာကွယ်ရေးပူးပေါင်းဆောင်ရွက်ရန်စာချုပ်ချုပ်ဆိုလိုက်သည်။