Kegeyli qánigelestirilgen mektebi

Muǵallim aqırǵı waqıtları post salıwǵa úlgermiy atırman keshiriń hám mına video kanalǵa salınbay atır sonı ózińiz salıp jiberińda iltimas. (video tolıq ketpiy atır) foto, daǵaza yaki basqa post salǵanda arqayın salınadı,  video bolsa telefon menen mashqala bolıp qaladı

Қарақалпақстанда 267 оқыўшы мүддетинен алдын студент болды Быйылғы жылда Қарақалпақстан Республикасында 22 245 оқыўшы улыўма орта билим бериў мектеплерин питкерген. Соннан, 649 оқыўшы алтын медаль, 188 оқыўшы гүмис медаль ийеси болды. Буннан тысқары, 1 649 оқыўшы C1 ҳәм B2 дәрежедеги миллий және халықаралық сертификат пенен жоқары оқыў орынларына тапсырыў имканиятына ийе. Улыўма 267 оқыўшы дүньяға белгили ЖООларға мүддетинен алдын оқыўға кириўге миясар болды. 👉 @Karakalpak24

🧤 #Ashıq_sabaq 📚 Mektebimizdiń matematika páni oqıtıwshısı R.Orazalieva hám 9-A klass oqıwshısı H.Tolıbaeva tárepinen "Ashıq esikler kúni" 5-A klass oqıwshılarına "Parallelipipedtiń tolıq betiniń maydanın tabıwǵa baylanıslı ámeliy jumıs" temasında ashıq sabaq ótildi. 🧩 Sabaq jańa metodlar menen birge inglis tilinde alıp barıldı. Sabaqtı oqıtıwshımız "Shágirt ustazınan úlgi aladı" degenindey óz oqıwshısı menen birgelikte alıp bardı. 〽️ Ótilgen ashıq sabaq kelgen miymanlar hám oqıwshılarǵa júdá unadı. telegram 🧤 you tube 🧤 instagram 🧤 facebook 🧤

SOŃǴÍ QOŃÍRAW Qıyal aydınında ózgeshe aǵıs, Kesteler ishinde bar san mıń naǵıs, Ábiger kewlime izlep jubanısh, Ózińdi ańsayman, sońǵı qońıraw. Balalıq jıllardıń sadıq sırlası, Júregimniń bir párshesi — muńlası, Sıńǵırlıń jáhánde sesler aǵlası, Táriypiń tappadım, sońǵı qońıraw. Qádirdan doslarım, diydar ǵániymet, Tarıday shashıldıq, qalıppız siyrek, Baladay biyǵubar jasawdı úyret, Yadıma mórlengen sońǵı qońıraw. Bul sáne hár jılı kelgeni menen, Kim muńayıp, kimler kúlgeni menen, Ómir sırın tereń bilgeni menen, Sen maǵan jalǵızsań, sońǵı qońıraw. Jalǵızsań, júregim ishinde barsań, Máńgilik shertiler sıyqırlı tarsań, Sol áziyz demlerge, qáne, baralsam! Arzıwlar qanatı -- sońǵı qońıraw. Sol jılı tuwılǵan ballar ulǵaydı, Mine, shashıratıp ótti ılaydı, Úmit japıraǵı neshshe sarǵaydı, Hámiyshe mádatkar sońǵı qońıraw. "...vich" xám "...evna"lar- dıń erketayları, Ońınan tuwadı bərha ayları, Bir buyım kóredi eski, qaydaǵı! Olardı ápiw et, sońǵı qońıraw. Jalǵızlıq qıynaydı jandı qashanǵı? Kewlim talpınadı nurlarǵa tańǵı, Tatlı úmitler hesh bolmasın sońǵı, Alıstan saza ber, sońǵı qońıraw! Pátiyma MÍRZABAEVA telegram ☕️ you tube ☕️ instagram ☕️ facebook ☕️

QAYTÍMÍ JOQ – ATÍLǴAN OQ Klaslaslarıma Bári de kesh edi-aw!.. Kóp ómir ótken!.. ,,BazaresPO klubı" súrilip ketken!.. Yadımda sonshelli saqlanǵan bekkem, Sezimler! Ne ushın túspeysiz xatqa?! ,,...Aspanǵa qarasam aydıń sınıǵı, Jerlerge qarasam suwdıń tınıǵı. Yadımnan shıqpaydı yardıń qılıǵı..." Jaslıǵım! Kel, birge aytayıq yadqa?! Samambay toǵayı, basıwda buwday, Sıńsısın jubayın joǵaltqan quwday! Nurjanov muǵallim más edi-aw uwday, Biz onı sırtınan saymayıq joqta! Hár kimde bir laqap – Seyilxan – úlek, Sársenbay dápshiniń dábi dóńgelek. Tólegen solaqay Jannaǵa ókpelep, Awqattan waz keshti qursaǵı toqtay! Oraqqa shıqqanda klasqa dástúr – Tún boyı tancorlıq, lawlatıw kostyor, Bilmegen: ,,Shaytannıń bázimi! Qash!.." der, Al maǵan sol túnniń teń-tayı joqtay! Men seni saǵındım cıganlıq táǵdir, Sol biyǵam aqshamǵa qaytarshı taǵı bir?! Jógilik noqtalap, shektirer jábir, Bir ótken ómirdiń qaytımı joq pa áy?! Sonda-hám toylarda bas qospaq – dástúr, Tancorlıq már emes, Baqıllıq – kostyor, Kim bunı bayaǵı biziń klass der?! – Juwhalıq júrekti órteydi shoqtay! Seylixan – saldamlı, til qalǵan maylı, Sársenbay dápshige – sklad jaylı! Tólegen qus kelse tuwrayjaq paydı, Endi ókpelewdiń paydası joqtay! Bilmeymiz, pák ómir qay tusta kúydi?! – Bilmeymiz, sumlıqtı qay tusta túydik?!. Jaslıǵım, Sonshelli janım kúseydi! Bir túnep qaytıwdıń iláji joq pa-áy?!. Kún kóris ǵamı-hám aydap baratır! – Pul kórsek kózler-hám jaynap baratır!!! – Sum ómir ózińnen qayda apparatır, Balalı-ıq?! Kúnleriń qaytımsız oq pa-áy?! 18-may, 1987-jıl, Nókis. Shawdırbay Seyitov telegram ☕️ you tube ☕️ instagram ☕️ facebook ☕️

Нөкис қаласындағы Жаслар орайы имараты алдында болып өтип атырған «PITKERIWSHI PARTY» кешесине Жоқарғы Кеңес Баслығы Аманбай Орынбаев қатнасты ҳәм питкериўши жасларды бүгинги байрам менен қутлықлады. ϴткен жылларға нәзер таслайтуғын болсақ, жаслар турмысында үлкен тарийхый өзгерислер менен жаңаланыўлар жүз берип атырғанын көплеген мысалларда көриўимиз мүмкин. Атап өтиў керек, ҳүрметли Президентимиз тәрепинен қабыл етилген 213-санлы тарийхый пәрман менен қарақалпақстанлы жасларға қаратылып атырған айрықша итибар нәтийжесинде өткен 2023-2024-оқыў жылында мәмлекетлик грант тийкарында қосымша 3 мың квота, соның менен бирге төлемли-контракт тийкарында қосымша 7 мың квота ажыратылған еди. Бул ийгиликли ислер быйылғы жылда да даўам еттирилип, қосымша 6 мың 500 квота ажыратылыўы нәзерде тутылған. Питкериў кешеси йошлы концерт бағдарламасы менен даўам етти. Каналға ағза болыў: @joqargikenes ✉Telegram 🌐Website 📱Instagram 📱Facebook 📱Twitter

🧤 #Sońǵı_qońıraw 🧤 #Xosh_bol_ana_mektebim Qıyal aydınında ózgeshe aǵıs, Kesteler ishinde millionlap naǵıs. Ábiger kewlime izlep jubanısh, Ózińdi ańsayman, sońǵı qońıraw! 🛎 Búgin Kegeyli rayonı Qánigelestirilgen mektebinde "Sońǵı qońıraw" bayram keshesi bolıp ótti. 🛎 Keshege Kegeyli rayonı Hákimliginen bir topar mártebeli miymanlar, Qánigelestirilgen bilimlendiriw mákemeleri agentligi QR bóliminen B.Hamidullaev, ata-analar h.b miymanlar qatnastı. 🛎 Bayram múnásibeti menen jıl dawamında pidáyılıq kórsetip miynet etken pedagog-ustazlar, xızmetkerler de túrli nominaciyalar tiykarında xoshametlendi. 🛎 Bul nominaciya mektep oqıwshılarınan alınǵan sorawnama tiykarında dúzilgen bolıp, ustazlarǵa "Eń kreativ muǵallim", "Eń dóretiwshi muǵallim", "Eń pozetiv muǵallim" t.b sıyaqlılar edi. Telegram 🛎 Instagram 🛎 Facebook 🛎 You Tube 🛎

Қәдирли оқыўшылар, әзиз мектеп питкериўшилери! Ең дәслеп, сизлерди бүгинги мектепти питкергениңиз ҳәм үлкен өмирге қәдем қойып атырғаныңыз бенен қызғын қутлықлаймыз.  Сизлер көптен күткен 25-май сәнесинде республикамыздың барлық орынларында «Соңғы қоңыраў” сести жаңлап, питкериўши жаслар қәдирли мектеплери, мийирман устазлары менен хошласпақта. Бүгинги сәнеде қаншама жасларымыз алтын медаль, гүмис медаль менен мектепти жоқары баҳаларда питкерип атыр.   Әлбетте, булардың барлығы тек ғана сиз – жаслар емес, ата-аналар, устаз ҳәм оқытыўшылар ушын да айрықша итибарға ылайық ўақыя есапланады. Қәдирли жаслар! ϴткен жылларға нәзер таслайтуғын болсақ, сизлердиң турмысыңызда үлкен тарийхый өзгерислер менен жаңаланыўлар жүз берип атырғанын көплеген мысалларда көриўимиз мүмкин. Атап айтқанда, ҳүрметли Президентимиздиң басшылығында елимизде әмелге асырылып атырған реформалар нәтийжесинде жасларды қоллап-қуўатлаў бойынша бир қатар нызам, пәрман ҳәм қарарлар қабыл етилди. Атап өтиў керек, ҳүрметли Президентимиз тәрепинен қабыл етилген 213-санлы тарийхый пәрман менен қарақалпақстанлы жасларға қаратылып атырған айрықша итибар нәтийжесинде өткен 2023-2024-оқыў жылында мәмлекетлик грант тийкарында қосымша 3 мың квота, соның менен бирге төлемли-контракт тийкарында қосымша 7 мың квота ажыратылған еди. Бул ийгиликли ислер быйылғы жылда да даўам еттирилип, қосымша 6 мың 500 квота ажыратылғаны кеўиллерге айрықша мақтаныш сезимлерин бағышлайды. Жасларға қаратылып атырған имканиятлар нәтийжесинде ҳүрметли Президентимиздиң билимлендириў тараўына болған айрықша итибары менен Қарақалпақстандағы жоқары оқыў орынлары саны 2016-жылғы 6 дан 12 ге жетти. Жасларымыздың жоқары оқыў орынларына кириў кѳрсеткиши 2016-жылғы 9 проценттен 41 процентке жеткерилди. Сондай-ақ, Инвестиция бағдарламасы тийкарында быйылғы жылдың өзинде 35 мектепте 206,9 млрд. сумлық қурылыс-оңлаў жумысларын алып барыў, соннан, 4 мектеп 61,2 млрд. сум қаржы тийкарында жаңадан қурылыўы, қамтыў коэффициенти жоқары 30 мектепте 137,3 млрд. сум қаржы тийкарында реконструкция жумыслары шеңберинде қосымша заманагөй имаратлар қурылыўы, 1 мектепте 4,3 млрд. сум қаржы тийкарында капитал-оңлаў жумыслары әмелге асырылыўы режелестирилген. Нөкис каласында улыўма баҳасы 52,3 млрд. сумлық 504 орынлы заманагөй қәнигелестирилген мектеп (222 орынлы жатақханасы менен) қурылысы жуўмақланыў алдында тур. Буннан тысқары, елимиз келешеги болған сиз-жасларды қоллап-қуўатлаў бойынша илажлар нәтийжесинде усы жылдың өзинде 267 питкериўши жасларымыз мүддетинен алдын жоқары оқыў орынларына кириў бахтына еристи. Олар бүгин дүняның белгили жоқары оқыў орынларына ҳәм елимиздеги филиалларына грант жеңип алып, студент болған жаслар есапланады. Әлбетте, бундай мысалларды еле кѳплеп келтириўге болады. Қәдирли жаслар! Сизлерди мектеп билимлендириўин нәтийжели жуўмақлағаныңыз бенен және бир мәрте қызғын қутлықлап, ҳәммеңиз студент болыў бахтына миясар болғайсыз деп тилеп қаламыз. Аманбай Орынбаев Қарақалпақстан Республикасы Жоқарғы Кеңесиниң Баслығы Каналға ағза болыў: @joqargikenes ✉Telegram 🌐Website 📱Instagram 📱Facebook 📱Twitter

Кегейлидеги барлық улыўма билим бериў мектеплеринде соңғы қоңыраў кешеси болып өтти Бүгин елимиздеги барлық мектеплерде «Соңғы қоңыраў»лар жаңлап, оқыўшы жаслар жаңа турмысқа қәдем таслап атыр. Район ҳәкиминиң орынбасары А.Төремуратов райондағы қәнигелестирилген мектепте болып өткен соңғы қоңыраў кешесине қатнасты. Өз алдына үлкен мақсетлерди қойған питкериўшилерди бүгинги қуўанышлы байрам менен қутлықлап, Президентимиздиң питкериўши ул-қызларға жоллаған байрам тилеклерин жеткерди. Сондай-ақ, кешеде сөзге шыққанлар мәмлекетимизде жоқары оқыў орынларына кириў ушын жасларға жаратылып атырған имканиятлар бойынша кеңнен тоқталып өтти.

Мағлыўмат ушын, бүгин бул билим дәргайын 31 оқыўшы табыслы тамамламақта.

Байрам кешесинде питкериўшилердиң концерт бағдарламалары мийманлар нәзерине усынылды. Кегейли районы ҳәкимлигиниң Мәлимлеме хызмети 👉@kegeylirkuzofficial👈‌‌