ፍኖተ ቅዱሳን ዝማሬ

እንኳን ለበዓለ ትስብእት እንዲሁም ዳግም መምጣቱ የሚታሰብበት ና ለዓብይ ጾም እኩሌታ በዓለ ደብረዘይት በሰላም አደረሳችሁ ማህሌቱን ለምትቆሙ ሁሉ መልካም አገልግሎት ይሁንላችሁ 🙏

የዕለቱ ወንጌል፦ ማቴ ፳፬፥፩ -፴፮ ቅዳሴ፦  ዘአትናቴዎስ

የዕለቱ ምስባክ እግዚአብሔርሰ ገሃደ ይመጽእ  ወአምላክነሂ ኢያረምም እሳት ይነድድ ቅድሜሁ መዝ ፵፱፥፫ ትርጒም፦ እግዚአብሔር በግልጥ ይመጣል አምላካችን ዝም አይልም እሳት በፊቱ ይነዳል

መልክዓ ኢየሱስ ለጠየቃችሁ

🙏🙏🙏🙏🙏🙏🙏🙏🙏🙏🙏🙏 አመ ፳፱ቱ ለመጋቢት በዓለ እግዚአብሔር ወልድ (ትስብእት) ስርዓተ ማህሌት የማንኛውም ወርኃ በዓልና ክብረ በዓል ሥርዓተ ማኅሌት መጀመሪያ... ስምዓኒ እግዚኦ ጸሎትየ ሃሌ ሉያ፤ ሃሌ ሉያ ወይብጻሕ ቅድሜከ ገዓርየ ሃሌ ሉያ፤ ሃሌ ሉያ ወኢትሚጥ ገፀከ እምኔየ፤ በዕለተ ምንዳቤየ አጽምእ ዕዝነከ ኀቤየ ሃሌ ሉያ፤ ሃሌ ሉያ አመ ዕለተ እጼውአከ ፍጡነ ስምዓኒ ሃሌ ሉያ፤ ሃሌ ሉያ ለዓለም ወለዓለመ ዓለም፤ ሃሌ ሉያ ዘውእቱ ብሂል፤ ንወድሶ ለዘሃሎ እግዚአብሔር ልዑል፤ ስቡሕ ወውዱስ ዘሣረረ ኲሎ ዓለመ፤ በአሐቲ ቃል። መልክአ ሥላሴ ሰላም ለኲልያቲክሙ እለ ዕሩያን በአካል፤ ዓለመክሙ ሥላሴ አመ ሐወጸ በሣሕል፤ እምኔክሙ አሐዱ እግዚአብሔር ቃል፤ ተፈጸመ ተስፋ አበው በማርያም ድንግል፤ ወበቀራንዮ ተተክለ መድኃኒት መስቀል። ዚቅ ሃሌ ሉያ  ለአብ ሃሌ ሉያ ለወልድ ሃሌ ሉያ ለመንፈስ ቅዱስ ልዑል በሳህሉ እምሰማይ ሐወፃ ለማህደሩ ነፀራ ህንፃ እምወርህ ወእምፀሐይ ይበርህ ገፃ ውዳሴ ስና ይበዝህ እምሎዛ ዘጣዕሙ ሰላም ለዝክረ ስምኪ ዘመንክር ጣዕሙ፤ ለወልድኪ አምሳለ ደሙ፤ መሠረተ ሕይወት ማርያም ወጥንተ መድኃኒት ዘእምቀዲሙ፤ ኪያኪ ሠናይተ ዘፈጠረ ለቤዛ ዓለሙ፤ እግዚአብሔር ይትባረክ ወይትአኮት ስሙ። ዚቅ አንቀፀ አድህኖ ረሰያ  አበ ሠምረ አብ ወይቤላ ንኢ ርግብየ  ሠናይትየ አግአዚት  ንባብኪ አዳም ወረብ፦ አንቀፀ አድህኖ ረሰያ ኀደረ ቃል ቃል ኀበ ሠምረ አብ/2/ ወይቤላ ንዒ ርግብየ  ሠናይት/2/   መልክአ ኢየሱስ ሰላም ለዝክረ ስምከ ስመ መሐላ ዘኢይሔሱ፤ ዘአንበረ ቅድመ እግዚአብሔር በአትሮንሱ፤ ኢየሱስ ክርስቶስ ለዳዊት ባሕርየ ከርሱ፤ አክሊለ ስምከ እንዘ ይትቄጸል በርእሱ፤ አህጉረ ፀር ወረሰ ኢያሱ። ዚቅ፦ ኢተሐሰወ ቃሉ ለቅዱስ አብ ዘተነግረ በአፈ ነቢያቲሁ ኢሳይያስኒ ይቤ ይመፅእ መድህን እምፅዮን ወየአትት ሀጢአተ እም፪ኤል ባህርይ ንፁህ በግዑ የዋህ መድህን ዘተከስተ ባህርይ ዘተረክበ እምዘርአ ዳዊት በቤተ ልሔም ዘይሁዳ ተወልደ ወረብ፦ ኢሳይያስኒ ይቤ ይመፅእ መድኅን/2/ ወየአትት ሀጢአተ ወየአትት ሀጢአተ እምእስራኤል/2/       መልክአ ኢየሱስ ሰላም ለርእስከ በመንበረ ክሳድ ዘተሳረረ፤ እንዘ ማዕሰ ስጋ ይለብስ ወእንዘ ይትገለበብ ፀጉረ፤ ኢየሱስ ክርስቶስ ከመ ቃልከ ነገረ  ፤ ይወርሱ በእንቲአነ ነዳያነ ዓለም ክቡረ፤ ወቀደምትኒ ይከውኑ ድህረ ዚቅ፦ ይግበር ሰላመ ምስለ ዘተበአሰ ይትገለበብ ፈቂዶ ድንግል ማዕሰ ፈነወ ዓዋዴ ያስተዳሉ መቅደሰ ገብርኤልሃ ዜናዊ ሐዲሰ ወረብ፦ ሰላመ ይግበር ይግበር ሰላመ ምስለ ዘተበአሰ/2/ ፈነወ ዓዋዴ ያስተዳሉ መቅደሰ/2/ ዚቅ ዓዲ፦ ለብሰ አባለ ዘይትፃፀፍ ነበልባለ በማህጸነ ድንግል ናሁ ተስእለ፣ ዘወሀቦ ለሙሴ አስረ ቃለ፤ ተወልደ እምድንግል ዘአልቦ መምሰለ መልክአ ኢየሱስ እምስራቀ ፀሀይ እስከነ ዐረብ ይትዓኮት ስሙ እግዚአብሔር አምላክነ፤ ኪያከ ወልዶ ዘፈነወ ለነ፤ኢየሱስ ክርስቶስ ሊቀ ካህናትነ፤ አስተጋብአነ ኃበ ትረፍቅ መካነ፤ እስመ ዝርዋን አግብቲከ ንዕነ ዚቅ፦ ነአኲተከ እግዚኦ በፍቁር ወልድከ እግዚእነ ኢየሱስ፤ዘበደኃሪ መዋዕለ ፈኖከ ለነ፤ ወልድከ መድኅነ ፤ ወመቤዝወ መልአክ ምክርከ ወረብ፦ ነአኲተከ እግዚኦ እግዚኦ እግዚእነ ኢየሱስ ክርስቶስ/2/ ፈኖከ ለነ ወልድከ መድኅነ ወመቤዝወ መልአክ ምክርከ/2/ ምልጣን፦ ገብርኤል መልአከ መጽአ ውእቱ ዜነዋ ለማርያም ወይቤላ ትወልዲ ወልደ ትቤሎ ወትቤሎ  ከመዝኑ እንጋ  ይትአምኁ አምኀ ወረብ፦ ገብርኤል መልአከ መጽአ መጽአ  ውእቱ ዜነዋ/2/ ወልደ ትወልዲ በድንግልናኪ ወይቤላ በአርያም/2/ እስመ ለአለም ዘሰንበት፦ ዮም ንወድሳ ለማርያም፤በእንተ ዘተወልደ እምኔሃ፤መንክር ግርማ ኃይለ ልዑል ጸለላ።ፆረቶ በከርሳ፤ውእቱኒ ቀደሳ፤መንክር ግርማ ኃይለ ልዑል ጸለላ፤እግዚአ ለሰንበት፤ወአቡሃ ለምሕረት፤ማ፦መንክር ግርማ ኃይለ ልዑል ጸለላ፤አማን መላእክት ይኬልልዋ አመላለስ፦ መንክር ግርማ ኃይለ ልዑል ጸለላ/፪/ አማን መላእክት ይኬልልዋ/፬/ መዝሙር ዘደብረ ዘይት🌺 እንዘ ይነብር እግዚእነ ውስተ ደብረ ዘይት ወይቤሎሙ ለአርዳኢሁ ዑቁኬ ኢያስሕቱክሙ ወንበሩ ድልዋኒክሙ ብዙኃን ይመጽኡ በስምየ እንዘ ይብሉ አነ ውእቱ ክርስቶስ ወዘአዝለፈ ትዕግሥቶ ውእቱ ይድኅን ወአመ ምጽአቱሰ ለወልደ እጓለ እመሕያው ይትከወስ ኲሉ ኃይለ ሰማያት ወምድር አሜሃ ይበክዩ ኲሎሙ ኃጥአነ ምድር ወይወርድ እግዚእነ እምሰማይ ዲበ ምድር በትእዛዙ ወበቃሉ ወበአዕላፍ መላእክቲሁ በንፍሐተ ቀርን ዘእምኀበ እግዚአብሔር ይምሐረነ አብ በይእቲ ሰዓት እሞተ ኃጢአት እስመ ገባሬ ሕይወት ውእቱ እግዚኣ ለሰንበት

🌿🌿🌿🌿🌿🌿🌿🌿🌿🌿🌿🌿 አመ ፳፱ቱ ለመጋቢት በዓለ እግዚአብሔር ስርዓተ ዋዜማ 🍂🍂🍂🍂🍂🍂🍂🍂🍂🍂🍂🍂 በ፩ ሀሌታ- ለልየ በእዴየ ለሐኵዋ ለድንግል፣ እንተ እምኔሃ ተሰባዕኩ ይቤ እግዚአብሔር ፤ መንበሩ ዘኪሩቤል፤ ዘኢዮር ማህደሩ፤ማ፦ ዘኢይትነገር ቃል፤ ኀደረ ላዕሌሃ ፨አመላለስ፦ ዘኢይትነገር ቃል ኀደረ ላዕሌሃ፤ ዘኢይትነገር ቃል ኀደረ ላዕሌሃ።   በ፭ ለእግዚአብሔር ምድር በምልዓ፦ ገብርኤል አብሠራ ለማርያም፤ ወይቤላ ትወልዲ ወልደ፤ ገብርኤል አብሠራ ለማርያም።   እግዚአብሔር ነግሠ፦ ገብርኤል አብሠራ ለማርያም፤ ተፈሥሒ ይቤላ፤ ኢሳይያስ ይቤላ ሐዳስዩ ጣዕዋ፤ ሰሎሞን ይቤላ ደብተራ።    ይትባረክ፦ ተፈነወ እምልዑላን እም ኃበ አብ ዘስሙ ገብርኤል ቦአ ቤተ መቅደስ ኃበ ማርያም ወይቤላ ተፈሥሒ ፍሥሕትስ ወትቤሎ ድግም ድግም ዜናከ ሰላም በ፭ ሃሌታ- በዝንቱ ቁጹር ኮነ ፡ዝንቱ ምክር ተፈነወ ገብርኤል መልአክ እምኀበ እግዚአብሔር መጽአ እምድኅሬሁ ፣ንጉሠ ሰላም መድኃኒዓለም   ፨አመላለስ፦ መጽአ እምድኅሬሁ ንጉሠ ሰላም፤(2) ንጉሠ ሰላም መድኃኒዓለም(4)  

እንኳን ለበዓለ መድኃኔዓለም አደረሳችሁ