አስገራሚ እውነታዎች

‼️ዘመኑ ያመጣውን የAI ጎርፍ ተከትሎ ብዙ ግለሰቦችና ድርጅቶች ከዚህም ከዚያም "አዲስ AI ፈጠርሁ" እያሉ ዜና ሲያስነግሩ ይሰማል። Optimist ለመሆን እሞክራለሁ፣ አደንቃለሁ ግን ደግሞ ሙሉ የAI ቴክኖሎጅ በአንድ ሰው የሚሰራ የቴክኖሎጅ ውጤት አደለም። በየደረጃው ብዙ ሀብትና እውቀት የሚጠይቅ ቴክኖሎጅ ነው። ከየት ይጀምራል መሰላችሁ። የመጀመሪያው የኮምፒውተር መሰረተ ልማት ነው። ግዙፍ መረጃ የማሰላሰል አቅም ያላቸው የኮምፒውተር ሰርቨሮችና የኔትወርክ መሰረተ ልማት ያስፈልጋሉ። Data Center ማለታችን ነው። በሁለተኛ ደረጃ በሚሊዮን or ቢሊዮን ቴራባይት የሚገመት የዳታ ክምችት ያስፈልጋል። ሶስተኛ  የዳታ ክምችቱን መሰረት አድርጎ በተሰራ አልጎሪዝም የሰለጠነ የAI ሞዴል ያስፈልጋል። በመጨረሻ ሞዴሉ ከሰው ጋር እንዲያወራ የሚያስችለው Interfacing ያስፈልጋል። API ይባላል። አንድ ግለሰብ ይህን ሁሉ አሟልቶ አንድ ቻትቦት ሊሰራ አይችልም። ነገር ግን እንደ ጎግልና Open AI ያሉ ግዙፍ የቴክኖሎጂ አቅራቢዎች ከላይ ያወራሁትን 3ቱን ደረጃዎች ከሰሩ በኋላ የመጨረሻውን interfacing በሽያጭ መልኩ ለሶስተኛ ወገን አልሚዎች (3rd party developers) ያቀርባሉ። ሶስተኛ ወገን አልሚዎች subscribe ያደረጉትን API በመጠቀም የራሳቸውን mobile app ወይም web app ሰርተው ያቀርባሉ። ይህን ነው እንግዲህ "እኔ ሰራሁት" የሚሉን። ከእነዚህ ሶስተኛ ወገን አፕሊኬሽኖች ጋር ስታወሩ የምትፀፃፉት ግለሰቡ ከሰራው app ጋር ይመስላል እንጅ ከጀርባ ሙሉ ለሙሉ ሰርቭ የሚደረጉት በጎግል ወይም Open AI ሰርቨሮች ነው። Subscription ካቆመ የነዚህ አፕሊኬሽኖች አገልግሎትም ያቆማል። 🤷‍♂️ ምን ለማለት ነው... እንደ አገርም እንደ ግለሰብም "በራስ አቅም ሰራን" እያልን ራሳችንን ባናታልል ባይ ነኝ። AI based app ሰራሁ ቢባል ኖርማል ነው ያስኬዳል። AIዩን ራሱን ሰራሁት ማለት ግን አይነፋም። 😌