Iffatli ayol

▫️Аллоҳ кимни жаннат учун халқ қилган бўлса ундан кўнгилсизликлар кети узилмайди. ▫️Қатъиятли мўмин буюк ишларда собит бўлади. Унинг фикри ўзгармайди, тили шикоятла сўз демайди. ▫️Шундай экан, ўзингга етган кўнгилхираликни ажр ваъдаси ила ва енгил санаш билан осонлаштир. Шунда машаққатлар шикоятсиз арийди. ▫️Шуни доим ёдингда тутгилки, берилиш учун маҳрум бўлгансан! Офиятли бўлиш учун синалгансан! Покланиш учун балолангансан! Ибн Қоййим ☝ •┈┈┈┈•🌸••✾••🌸•┈┈┈┈•      https://t.me/iffatli_ayol       •┈┈┈┈•🌸••✾••🌸•┈┈┈┈•

Тавбани тилингиздан қалбингизга шундай туширингки, гуноҳлар сизни кўрганда йўлини ўзгартирсин! Абдулқодир Жийлоний қуддиса сирруҳу. ─┅─═इई🌸🌺🌸ईइ═─┅─ https://t.me/iffatli_ayol

Ҳаётий қисса Халил Саййид бўйра тўқиб, сотиш билан шуғулланарди. Агар бирор масжидни бўйрасиз кўрса, дарҳол унга янги бўйра тўқиб берарди. Бир куни Халил ажойиб туш кўради. Тушида унинг умуртқа суяги бир бош узум шаклига кириб қолганини, одамлар гуруҳ-гуруҳ бўлиб келиб, ўша бир бош узумдан есалар ҳам тугамаганини кўради. Бу туш бир неча маротаба такрорлангач, катта устозлардан бирини олдига бориб, кўрган тушини айтиб беради. Шунда устоз ундан «Фарзандинг борми?» деб сўрайди. У «Икки яшар ўғлим бор» деб жавоб берди. Устоз «Уни Азҳарга ўқишга юбор, шаръий илмларни ўргансин, келажакда унинг шони ва манфаати буюк бўлади» деб тайинлайди. У ўғлини Азҳарга ўқишга юборади. Маҳмуд Қуръони Каримни саккиз ёшида ёд олди. Кейинчалик инсоният тарихида биринчи бўлиб Қуръонни ўқиб, магнит тасмасига ёздирган қори бўлди. Маҳмуд бу иш учун ҳақ олишдан бош тортди. Бу ихлоси туфайли Аллоҳ таоло уни бутун дунёда мақбул бўлиш шарафи билан мукофотлади. Бу ўша машҳур Маҳмуд Халил Ҳусорий эди. •┈┈┈┈•🌸••✾••🌸•┈┈┈┈•      https://t.me/iffatli_ayol       •┈┈┈┈•🌸••✾••🌸•┈┈┈┈•

​​​​❣️🌷 ПАЙҒАМБАРИМИЗДАН ﷺ ҲАЁТГА ЙЎЛ-ЙЎРИҚЛАР 🌷❣️ بِسْــــــــــــــــــــــمِ ﷲِالرَّحْمَنِ الرَّحِيم БИР КУНИ БИР КИШИ ПАЙҒАМБАРИМИЗНИНГ ﷺ ҲУЗУРИГА КЕЛИБ: “СИЗГА ДУНЁ ВА ОХИРАТГА ОИД САВОЛЛАРИМ БОР.” — ДЕДИ. ШУНДА ПАЙҒАМБАРИМИЗ ﷺ “НИМА ИСТАСАНГ, СЎРА.” — ДЕБ МАРҲАМАТ ҚИЛДИЛАР. СЎНГРА, У КИШИ БИЛАН ПАЙҒАМБАРИМИЗ ЎРТАСИДА БИЗГА ҲАМ КЎП ДАРСЛАР ЧИҚАРИШИ МУМКИН БЎЛГАН ҚУЙИДАГИ СУҲБАТ БЎЛИБ ЎТДИ: ❣️🌷 ИНСОНЛАРНИНГ ЭНГ БОЙИ БЎЛИШНИ ИСТАЙМАН. НЕМА ҚИЛАЙ? — ҚАНОАТ ҚИЛСАНГ, ИНСОНЛАРНИНГ ЭНГ БОЙИ БЎЛАСАН. ❣️🌷 ИНСОНЛАРНИНГ ЭНГ ХАЙРЛИСИ БЎЛИШНИ ИСТАЙМАН. — ИНСОНЛАРНИНГ ЭНГ ХАЙРЛИСИ — ИНСОНЛАРГА ФОЙДАСИ ТЕГГАН КИШИДИР. СЕН ҲАМ ИНСОНЛАРГА ФОЙДАЛИ БЎЛ. ❣️🌷 ИНСОНЛАРНИНГ ЭНГ АДОЛАТЛИСИ БЎЛИШНИ ИСТАЙМАН. — ЎЗИНГА НИМА ХОҲЛАСАНГ, БОШҚАЛАР УЧУН ҲАМ ШУНИ ИСТАСАНГ, ИНСОНЛАРНИНГ ЭНГ АДОЛАТЛИСИ БЎЛАСАН. ❣️🌷 ИНСОНЛАР ОРАСИДА АЛЛОҲГА ЭНГ ЯҚИН, УНИНГ ЭНГ СОФ БАНДАСИ БЎЛИШНИ ИСТАЙМАН. — АЛЛОҲНИ КЎП ЗИКР ҚИЛИБ, УНИ ЭСЛАСАНГ, У ҲОЛДА АЛЛОҲНИНГ ЭНГ СОФ БАНДАСИ БЎЛАСАН. ❣️🌷 МУҲСИНЛАРДАН, ЯЪНИ ЯХШИЛИК ҚИЛУВЧИЛАРДАН БЎЛИШНИ ИСТАЙМАН. — АЛЛОҲГА, ГЎЁКИ УНИ КЎРАЁТГАНДЕК ИБОДАТ ҚИЛ. ГАРЧИ СЕН УНИ КЎРМАСАНГ ҲАМ, У СЕНИ КЎРАДИ. ❣️🌷 ИЙМОНИМ КОМОЛГА ЕТИШИНИ ИСТАЙМАН. — ГЎЗАЛ ХУЛҚ-СИФАТЛАРГА ЭГА БЎЛСАНГ, ИЙМОНИНГ КОМОЛГА ЕТАДИ. ❣️🌷 ҚИЁМАТ КУНИ НУР ИЧИДА ҲАШР ЭТИЛИШНИ ИСТАЙМАН. — ҲЕЧ КИМГА ЗУЛМ ҚИЛМА, ШУНДА ҚИЁМАТ КУНИ НУР ИЧИДА ҲАШР ЭТИЛАСАН. ❣️🌷 ГУНОҲЛАРИМНИНГ КАМАЙИШИНИ ИСТАЙМАН. — ИСТИҒФОР АЙТИБ, ГУНОҲЛАРИНГНИНГ МАҒФИРАТИ УЧУН АЛЛОҲГА ЁЛВОРСАНГ, ГУНОҲЛАРИНГ КАМАЯДИ. ❣️🌷 ИНСОНЛАРНИНГ ЭНГ КАРАМИ БЎЛИШНИ ИСТАЙМАН. — АЛЛОҲГА УНИНГ БАНДАЛАРИДАН ШИКОЯТ ҚИЛМАСАНГ, ИНСОНЛАРНИНГ КАРАМИ БЎЛАСАН. ❣️🌷 РИЗҚИМНИ КЕНГ БЎЛИШИНИ ИСТАЙМАН. — ПОКЛИККА ДАВОМ ЭТСАНГ, РИЗҚИН КЕНГ БЎЛАДИ. ❣️🌷 АЛЛОҲ ВА УНИНГ ПАЙҒАМБАРИ ТОМОНИДАН СЕВИЛИШНИ ИСТАЙМАН. — У ҲОЛДА АЛЛОҲ ВА УНИНГ ПАЙҒАМБАРИ СЕВГАНЛАРНИ СЕВ, СЕВМАГАНЛАРИНИ СЕВМА. ❣️🌷 АЛЛОҲНИНГ ҒАЗАБИДАН ВА ҒАЗАБЛАНИШИДАН ЎЗИМНИ САҚЛАШНИ ИСТАЙМАН. — ҲЕЧ КИМГА ҒАЗАБ ҚИЛМАСАНГ, АЛЛОҲНИНГ ҒАЗАБИДАН ҲАЛОС БЎЛАСАН. ❣️🌷 ДУОЛАРИМНИНГ ҚАБУЛ БЎЛИШИНИ ИСТАЙМАН. — ҲАРОМЛАРДАН САҚЛАНСАНГ, ДУОЛАРИНГ ҚАБУЛ БЎЛАДИ. ❣️🌷 АЛЛОҲНИНГ МЕНИ БОШҚАЛАР ОЛДИДА ШАРМАНДА ҚИЛМАСЛИГИНИ ИСТАЙМАН. — НОМУСИНГНИ ҲИМОЯ ҚИЛИБ, ИФФАТЛИ БЎЛСАНГ, ИНСОНЛАР ОЛДИДА ШАРМАНДА БЎЛМАЙСАН. ❣️🌷 АЛЛОҲНИНГ АЙБЛАРИМНИ, КАМЧИЛИКЛАРИМНИ ЁПИШИНИ ИСТАЙМАН. — БИРОДАРЛАРИНГНИНГ АЙБЛАРИНИ ЁПСАНГ, АЛЛОҲ ҲАМ СЕНИНГ АЙБЛАРИНГНИ ЁПАДИ. ❣️🌷 ГУНОҲЛАРИМНИ НИМА ЮВАДИ? — КЎЗ ЁШЛАРИНГ, ҲУДУЪУН (АЛЛОҲГА ҲУРМАТ БИЛАН БАНДАЛИК ҚИЛИШИНГ) ВА БЕМОРЛИКЛАРИНГ. ❣️🌷 АЛЛОҲ ҲУЗУРИДА ҚАНДАЙ СИФАТЛАР ЭНГ ФАЗИЛАТЛИДИР? — ГЎЗАЛ ХУЛҚ, ТАВОЗЕ, БАЛОЛАРГА САБР ВА ТАҚДИРГА РИЗО. ❣️🌷 АЛЛОҲ ҲУЗУРИДА ЭНГ КАТТА ГУНОҲ ҚАНДАЙ? — ЁМОН ХУЛҚ ВА АЛЛОҲНИНГ АМРЛАРИГА НИСБАТАН БАХИЛЛИК. ❣️🌷 РАҲМОН АЛЛОҲНИНГ РАҲМАТИНИ НИМА ЖЎШҚИН ҚИЛАДИ? — ЯШИРИН САДАҚА ВА СИЛАЙИ РАҲМ (ҚАРИНДОШЛАРНИ ЗИЁРАТ ҚИЛИШ ВА ҲАМИША ҒАМХЎРЛИК ҚИЛИШ). ❣️🌷 ДЎЗАХ ОЛОВИНИ НИМА ЎЧИРАДИ? — РЎЗА. 📖 (Али ал-Муттақий, Кензул-Уммол, 16/127-129) ꧁✿🌺🌸꧂🌸🌺 https://t.me/iffatli_ayol

#ҲАР_БИР_ЛАХЗА_БАХТДИР! Қачон толеим куларкин? Бу савол барчамизда бўлиши табиий. Савол шу даражада миямизга ўрнашиб қолганки, ўзимизни овутишга тушамиз: “Турмуш қуриб олай, бахт қуши бошимга қўнади”; “Янги машина гаражимда турса, ўзимни анча хотиржам ҳис қиламан”; “Таътилга чиқиб, бир дам олсам, ҳаммаси изига тушиб кетади...” Бундай сўзларни айтишга сабаб бахт сари аниқ бир йўлнинг мавжуд эмаслигидир. Энг яхшиси – ҳозирги онларни қадрига етишдир. Донишмандлардан бири айтади: “Ҳақиқий ҳаёт кечириш йўлини анча изладим. Лекин ҳар сафар йўлимда қандайдир тўсиқлар, аввал эришилиши лозим мақсадлар, чала қолиб кетган ишлар, тўланиши керак қарзларим бўларди. Кейин ҳаёт давом этарди. Мен англаб етдимки, айнан мана шулар менинг ҳаётим экан”. Шунинг учун ихтиёримиздаги вақт қадрига етайлик. Бир нарса аниқ: Вақт ҳеч кимни кутиб турмайди! Катта бўлсам; Мактабни битирсам; Ишга кирсам; Фарзандли бўлсам; Ёз келса; Йил ўтса; Уйимни таъмирлаб олсам; Нафақага чиқсам; Касалликдан қутулсам... Биласизми, бу рўйхатни яна қанча давом эттириш мумкин? Яхшиси, келгуси онларни кутмасдан, нафас олиб турганимиз айни дамларни бахтли лаҳзалар деб ўтказайлик . "Бахтли ҳаёт сари" китобидан ─┅─═इई🌸🌺🌸ईइ═─┅─ https://t.me/iffatli_ayol

АГАР БАНДА ЎЗИГА ЮҚОРИ БАҲО БЕРСА... Нақлга кўра, Жаброил алайҳиссалом: «Эй Юсуф! Бир куни кўзгуга қараган вақтингизни эслайсизми?» – дедилар «Ҳа, эслайман», – дедилар. «Ўшанда кўнглингиздан нима кечган эди?» – дедилар. «Кўнглимда, агар қул бўлганимда (қийматим баланд бўлиб) мени сотиб олишга ҳеч кимнинг пули етмас эди, деган эдим», – дедилар. Жаброил алайҳиссалом дедилар: «Бугун ўша кунингиз келди! Туринг, энди ўз қийматингиз ва нархингизни кўрасиз!». Бирор банда ўзига юқори баҳо берса, унинг ҳеч қандай қиймати бўлмайди, чунки нафснинг ҳеч қандай қиймати бўлмас. Жаноб Расулуллоҳ соллаллоҳу алайҳи ва саллам дедилар: «Аллоҳ таоло сизларнинг ҳуснларингизга ҳам, жамолларингизга ҳам, бойликларингизга ҳам, сўзларингизга ҳам қарамайди, лекин сизларнинг қалбларингизга ва ниятларингизга қарайди». "Баҳрул-маҳабба" асаридан. Биз билан бирга бўлинг. ─┅─═इई🌸🌺🌸ईइ═─┅─ https://t.me/iffatli_ayol

ОРАМИЗДАГИ ОДАМЛАР ✍ Ёмғир шаррос қуйиб турган куз кунларидан бир кун эди . Душанба , уйда бўлган куним . Эшик таққиллади . Хўжайин Русда , болалар мактабда . Кимм дедим , эшик очмаси . Хола идиш олиб келувдим деган овоз эшитилди . Жиянимни овозига ўхўатиб эшикни очиб юбордим . Остонада жияниммас бошқа  бир йигитча турарди . Юпунгина кийинган , сочлари ёмғирда хўл бўлиб кетган елкасида ўртача катталикда бозор сумка . Ассолому алайкум опажон , идиш олинг деди . 50 та пахта гуллик пиёла , 30 та косам бор деди . Ўзимизда ишлаб чиқарилган . Сумкасини ерга қўяркан совуқдан титрарди . Юрагим эзилиб кетди . Майли беринг дедим . Ҳаммасини олиб қолдим . Рахмат опажон деди чиройи очилиб , бўш сумкасини ихчам қилиб тахлар экан йигитча . Росса чарчаб , совуқ қотиб кетган эдим .  Сирдарёга кетаман , шунча нарсани оғир қилиб кўтариб кетишга қийналиб турувдим ,  яхши бўлди деди қувониб . Худо хохласа 15 кунда тўй қиласиз шу идишларни ишлатасиз деди дилкашлик билан . Совуқ егани хам эсидан чиқиб хурсанд бўлиб кетди . Оғир сумкага чарчаган эканда , қувонган дан нима  деганини хам билмади дедим , билдирган тилакларини эслаб куларканман . Ўн беш кунда қанақа тўй қиламан , ижарада турсам , волаверса мадонна ё багема идиш  эмас , оддий ўзимизнинг чиннилар бўлса , хўжайиним бу ерда бўлмасалар тўй қаёқда , ҳатто яқин орада туғулган кун хам йўқ деб ўйлаб қўйдим . Йўқ Аллоҳим ,, бўл ,, деса хеч тўсиқ йўқ экан . Ижарада уйда хам мехмон айтиларкан , чин дилдан олинган кўнгил қилган дуолар ижобат бўлмай қўймас экан . Бераётган ноз неъматлар қувонч билан , дуолар билан бўлса оддий сопол косаларда хам бериларкан . 15 кун ичида катта қизимга совчи келиб , розилик олишди . Қудалар кичикроқ тўй бериб , оқ ўраб кетишди . Катта тўйни дадаси келгандан кейин қиламиз дейишди . Қўни қўшнидан олган мадонна идишларим етмай , бояги боладан олган косаларда шўрва суздик ..... Ҳа дўстлар орамизда тирикчилиги ҳалол , дуолари ижобат этиладиган одамлар бор . ШАХЗОДА САТТОРОВА .✍ •┈┈┈┈•🌸••✾••🌸•┈┈┈┈•      https://t.me/iffatli_ayol       •┈┈┈┈•🌸••✾••🌸•┈┈┈┈•

Шоколад. (Хикоя). Шаҳримизда Фотима деган жажжигина қизалоқ яшайди. У унчалик бой эмас, аммо аҳли-иноқ хонадонда тарбия топмоқда. Унинг отаси йўналиш бўйича қатнайдиган такси ҳайдовчиси, онаси эса тиббиёт ҳамшираси. Фотиманинг ота-онаси ҳеч қачон ҳаётдан нолимайдиган, самимий, фидокор инсонлар – маҳалла кўйда ҳаммага қўлидан келганча ёрдам қилиб, ҳар доим Аллоҳ ризолигини истаб яшайди улар. Қизига ҳам шуни ўргатади. Аллоҳ таоло уларнинг эзгу амалларини кўриб ҳар доим уларга ёрдам беради. Бир куни Фотима уйда ёлғиз қолди. Ота-онаси ишга кетган эди. Дафъатан унинг жуда ҳам ширинлик егиси келди. Олдинлари ҳам ширинлик егиси келиб турарди-ю, аммо бугун негадир жуда ҳам кучли келди бу истак. У одатига биноан қўлларини дуога очиб Аллоҳ таолога дуо қилди: – Ё Раббим, Сен меҳрибон ва раҳмли зотсан! Менга шоколад юборгин! Амийн! Дуоси якунига етар-етмас ташқари эшик очилди ­­– дадаси ишдан қайтибди. Остонада турибоқ Фотимани чақирди: – Фотима! Қара, сенга нима олиб келдим! – деди. Унинг қўлида чиройли қоғозга ўралган шоколад бор эди. – Ҳа, ҳовлида сени Амина кутиб ўтирибди, кўп қолиб кетма, хўпми, – дея шоколадни унинг қўлига тутқазди. Фотима кўзларига ишона олмади. У Аллоҳга ҳамду сано айтиб, дадасини қучоқлаб ўпди-да, шоколадни бағрига босиб ҳовлига отилди. Ҳовлидаги скамейкада дугонаси Амина ўтирган эди. У жуда ҳам ғамгин эди. Фатима дугонасидан: – Ассалому алайкум, Амина! Нима бўлди? – дея ҳол сўрди. Амина: – Ва алайкум ас-салом, Фотима! Инглиз тилини яхши ўзлаштира олмаётганим учун аям уришди. Бугун ҳам “уч” олдим. Ойим айтдики, мен энди ўйнагани чиқмас эканман, баҳоларимни тузатиш учун уйда ўтириб китоб ўқир эканман. Шунинг учун хайрлашгани чиқдим, – деди ва чуқур нафас олди. – Эй чатоқ бўлибди-ку! – деди Фотима. У дугонасининг кайфиятини кўтариш учун нимадир қилгиси келар эди . Шунда у қўлида тутиб турган шоколадни эслаб қолди. – Амина, мана бу шоколадни Аллоҳ ризоси учун ол. Сиқилма, тез орада яна учрашамиз, иншоаллоҳ! – дея шоколадни дугонасига узатди. – Вой! Раҳмат! Бу менинг энг севган шоколадим! – дея Амина дугонасини маҳкам бағрига босди. Кейин хурсанд бўлиб уйига югуриб кетди. Амина йўлка олдида Зуҳра бувининг ўтирганини кўриб қолди. Буви хафаҳол тарзда атрофга кўз югуртириб ўтирар эди. Амина тўхтади-да: – Ассалому алайкум, бувижон! – деди. – Ва алайкум ас-салам, Амина жоним! – буви уни кўриб чеҳраси ёришди. Унинг ёлғизликдан сиқилаётгани аён эди. У Амина билан суҳбатлашмоқчи бўлди. Қизалоқ унинг ёнига ўтириб: – Нега хафа бўлиб ўтирибсиз, бувижон, ­- деб сўради. – Ах, Аминахон, ўғлим хизмат сафарига кетди, келиним болалари билан қишлоқда. Мен ўзим ёлғиз қолиб кетдим… жуда ҳам зерикдим, гаплашадиган одам ҳам йўқ… Шу чоқ Аминани онаси чақириб қолди. Амина бувига ачинди, унинг ёнида яна бир оз ўтириб гаплашгиси, унинг дардига малҳам бўлгиси келган эди. Аммо уйга қайтиш керак… Қўлидаги шоколадни бувига тутқазди. – Мана бу сизга совға! – деди бувига. – Уйга кириб чой билан ичасиз ва кайфиятингиз аъло бўлади. Буви: – Раҳмат сенга, қизалоғим! – деди ва шоколадни эҳтиёткорлик билан қўлига олди; уни қизчанинг меҳрибонлиги тўлқинлантириб юборди ва кўнгли кўтарилди. Зуҳра буви уйига кўтарилди. Кечқурун чой ичмоқчи бўлган эди. Аммо қўққисдан кўкрагида оғриқ туриб қолди. Қўнғироқ қилиб қўшни уйдан ҳар доим ярим тунларда чақирса ҳам ғизиллаб етиб келадиган ҳамшира Марямни чақирди. Бир неча дақиқа ўтиб Марям келди ва бувининг қон босимини ўлчаб укол қилиб қўйди. Буви бирданига енгил тортиб ўзини яхши ҳис қилди ва ёрдаи кўрсатгани учун ҳамширага миннатдорчилик билдирмоқчи бўлди ва Амина совға қилган шоколадни унга тутқазиб: – Марям, ёрдаминг учун раҳмат! Мана бу шоколад мендан арзимас совға бўлсин! – деди. Марям хижолат бўлиб: – Нималар деяпсиз? Ҳеч кераги йўқ! Бунинг мен учун сира қийин жойи йўқ! деди. – Аллоҳ ризоси учун ол, деди буви ва шоколадни уялиб турган Марямга ушлатиб қўйди. Марям уйга қайтар экан, ширинликхўр қизи Фотима шоколадни кўрганда қанчалар севинишини ўйлаб жилмайиб қўйди . •┈┈┈┈•🌸••✾••🌸•┈┈┈┈•      https://t.me/iffatli_ayol       •┈┈┈┈•🌸••✾••🌸•┈┈┈┈•

Ажаб дарё кўрдим, сувга лиммо-лим, Шарқираб оқолмас, ёқолмас чироқ. Дунё дарсхонадир, ҳаёт-муаллим, Кўрган-билганларинг барчаси-сабоқ. Ажаб доно кўрдим, донғи зўр олим, Оқил бўлмадим деб, чекади фироқ. Дунё дарсхонадир, ҳаёт-муаллим, Кўрган-билганларинг барчаси-сабоқ! Жамол Камол •┈┈┈┈•🌸••✾••🌸•┈┈┈┈•      https://t.me/iffatli_ayol       •┈┈┈┈•🌸••✾••🌸•┈┈┈┈•

Иффатлиларим... Аллоҳ ҳар бир лаҳзангизни бахтга тўлдирсин! Бугунги кунингиз хайрли, файзли, барокатли давом этсин! Биздан узоқлашманг каналимиз сизлар билан файзли! https://t.me/iffatli_ayol