EFFECT.UZ | Расмий канал

Боғчага имтиёзли навбат учун онлайн ариза топшириш бошланди Энди имтиёзли тоифага кирувчи фуқаролар давлат боғчасига навбатга туриш учун уйдан чиқмасдан онлайн мурожаат қилиши мумкин. Ўзбекистонда давлат мактабгача таълим ташкилотларига имтиёзли навбатга туриш хизмати рақамлаштирилди. Энди аризалар my.gov.uz портали орқали онлайн қабул қилинади. Тизим аризада кўрсатилган имтиёз ҳақидаги маълумотларни тегишли вазирлик ва идораларнинг ахборот базалари орқали автоматик тарзда текширади. Бу эса ортиқча ҳужжат талаб қилиниши ва вақт сарфини камайтиради. Имтиёзли навбатга қуйидаги тоифадаги болалар қабул қилинади: ҳарбий хизматчилар, ички ишлар ва божхона органлари ходимларининг фарзандлари; I ва II гуруҳ ногиронлиги бўлган шахсларнинг болалари; етим ва ота-она қарамоғидан маҳрум бўлган болалар; «Аёллар дафтари»га киритилган ёлғиз аёлларнинг фарзандлари; акаси ёки опаси шу боғчага қатнайдиган болалар; кам таъминланган, кўп фарзандли ёки боқувчисини йўқотган оилалар фарзандлари; талабалар ҳамда педагогларнинг болалари ва қонунчиликда белгиланган бошқа имтиёзли тоифалар. Telegram I Facebook I YouTube I Instagram

Шавкат Мирзиёев расмий ташриф билан Минск шаҳрига жўнаб кетди Беларусь пойтахтида Ўзбекистон ва Беларусь ўртасидаги ҳамкорликни янги босқичга олиб чиқишга қаратилган олий даражадаги музокаралар бўлиб ўтади. Президент Шавкат Мирзиёев Беларусь президенти Александр Лукашенконинг таклифига биноан 8 июль куни расмий ташриф билан Минск шаҳрига жўнаб кетди. Ташриф доирасида олий даражадаги икки томонлама музокаралар ўтказилиши режалаштирилган. Унда Ўзбекистон ва Беларусь ўртасидаги савдо-иқтисодий, саноат кооперацияси, инвестиция ҳамда бошқа соҳалардаги кўп қиррали шериклик муносабатларини янада ривожлантириш масалалари муҳокама қилинади. Telegram I Facebook I YouTube I Instagram

"UZCERTEXPERT" PLATFORMASINING YANGI TALQINI ISHGA TUSHDI!

🟢 Hurmatli tadbirkorlar! “O‘zbekekspertiza” AJ tomonidan mahalliy ishlab chiqarilgan tovarlarni sertifikatlashtirish jarayonini yanada qulay, tezkor, shaffof va xavfsiz tashkil etish maqsadida elektron platformaning yangi versiyasi ishga tushirildi. 🟢 Yangi platforma imkoniyatlari: - Mahalliylashtirish darajasi avtomatik hisoblanadi - Arizalar holati real vaqt rejimida kuzatiladi, - Arizalar ekspertlarga avtomatik taqsimlanadi 📌 Mahalliy ishlab chiqarilgan tovarlarni sertifikatlashtirish bo‘yicha arizalarni quyidagi manzil orqali yuborishingizni so‘raymiz: https://app.expertiza.uz 📞 Qo‘llab-quvvatlash xizmati kontaktlari: https://app.expertiza.uz/responsibles 🎬 Platformadan foydalanish bo‘yicha videoqo‘llanma: https://www.youtube.com/watch?v=47SkWRca4w4 Telegram I Facebook I YouTube I Instagram

"UZCERTEXPERT" PLATFORMASINING YANGI TALQINI ISHGA TUSHDI!

🟢 Hurmatli tadbirkorlar! “O‘zbekekspertiza” AJ tomonidan mahalliy ishlab chiqarilgan tovarlarni sertifikatlashtirish jarayonini yanada qulay, tezkor, shaffof va xavfsiz tashkil etish maqsadida elektron platformaning yangi versiyasi ishga tushirildi. 🟢 Yangi platforma imkoniyatlari: - Mahalliylashtirish darajasi avtomatik hisoblanadi - Arizalar holati real vaqt rejimida kuzatiladi, - Arizalar ekspertlarga avtomatik taqsimlanadi 📌 Mahalliy ishlab chiqarilgan tovarlarni sertifikatlashtirish bo‘yicha arizalarni quyidagi manzil orqali yuborishingizni so‘raymiz: https://app.expertiza.uz 📞 Qo‘llab-quvvatlash xizmati kontaktlari: https://app.expertiza.uz/responsibles 🎬 Platformadan foydalanish bo‘yicha videoqo‘llanma: https://www.youtube.com/watch?v=47SkWRca4w4 Telegram I Facebook I YouTube I Instagram

1 августдан жарима майдончаларидан автомашиналар фақат QR-код орқали олиб чиқилади 2026 йил 1 августдан бошлаб Ўзбекистонда жарима майдончаларидан транспорт воситаларини олиб чиқишга рухсат бериш тизими тўлиқ электрон шаклга ўтказилади. Янги тартибга кўра, рухсатнома фақат «Жарима майдончаси» ахборот тизими орқали махсус QR-код кўринишида берилади. Ички ишлар вазирлиги Солиқ қўмитаси ҳамда Рақамли технологиялар вазирлиги билан ҳамкорликда тизимни солиқ органларининг ахборот тизимлари билан интеграция қилади. Натижада жарима майдончасига жойлаштирилган транспорт воситалари ҳақидаги маълумотлар автоматик равишда шакллантирилади. Улар орасида транспорт воситасининг маркаси ва давлат рақами, майдончага киритилган ҳамда чиқарилган вақти, шунингдек, кўрсатилган хизматлар учун тўланган маблағлар ҳақидаги маълумотлар ҳам бўлади. Шунингдек, янги платформага жарима майдончалари эгаларининг реквизитларини киритиш ҳам мажбурий ҳисобланади. Telegram I Facebook I YouTube I Instagram

Тошкентда халқаро киберфирибгарлик тармоғи фош этилди Тошкент шаҳрининг Яшнобод ва Яккасарой туманларида фаолият юритган икки йирик колл-марказ фош этилди. Улар трансмиллий кибержиноят тармоғи сифатида ишлаб, хориж фуқароларини криптовалютага оид сохта инвестиция лойиҳалари орқали алдаб келган. Дастлабки маълумотларга кўра, жиноий гуруҳ аъзолари Канада, Германия, Буюк Британия ҳамда бошқа қатор давлатлар фуқароларини нишонга олган. Ҳуқуқни муҳофаза қилувчи органлар юзлаб гумонланувчиларни қўлга олган. Ҳолат юзасидан тергов ҳаракатлари давом этмоқда. Telegram I Facebook I YouTube I Instagram

Туркияда “Тунги музейлар” лойиҳасининг учинчи мавсуми бошланди Туркияда бой маданий меросни тунги вақтда ҳам кашф этиш имконини берувчи “Тунги музейлар” лойиҳасининг учинчи мавсуми расман бошланди. 2026-йилнинг 1-июнидан 1-октабригача мамлакат бўйлаб 20 та энг машҳур музей ва тарихий обидалар соат 19:00 дан бошлаб маҳаллий ва хорижий сайёҳлар учун ўз эшикларини очиб қўяди. Ушбу лойиҳа маданий туризм салоҳиятини ошириш, кундузги гавжумликни камайтириш ва зиёратчиларга обидаларни осойишта муҳитда томоша қилиш имкониятини яратишга хизмат қилмоқда. 👉 https://effect.uz/uz/news/turkiyada-tungi-muzeylar-loyihasining-uchinchi-mavsumi-boshlandi Telegram I Facebook I YouTube I Instagram

Транспорт соҳасида "Миллий саноат занжири" кўргазмаси ўтказилади Жорий йилнинг 15–16 июль кунлари Самарқанд вилояти, Жомбой туманидаги "Sof Expo" кўргазма марказида транспорт соҳасига бағишланган "Миллий саноат занжири" кўргазмаси бўлиб ўтади. Кўргазма Саноат кооперацияси ва давлат харидлари агентлиги, Транспорт вазирлиги ҳамда соҳадаги йирик давлат буюртмачилари ва тармоқ корхоналари ҳамкорлигида ташкил этилади. Унда йирик давлат буюртмачиларининг мавжуд ва истиқболдаги харид эҳтиёжлари тақдим этилади. Маҳаллий ишлаб чиқарувчилар эса маҳсулотлари, бутловчи қисмлари, технологик ечимлари ва импорт ўрнини босувчи ишланмаларини намойиш этади. Шунингдек, давлат харидлари, маҳаллийлаштириш, саноат кооперацияси, логистика ва инвестициялар бўйича амалий учрашувлар ҳамда B2B ва B2G мулоқотлари ўтказилади. Рўйхатдан ўтиш бошланган. 🗓 15–16 июль, 2026 йил 📍 Самарқанд вилояти, Жомбой тумани, "Sof Expo" кўргазма маркази 📞 Маълумот учун: (97) 888-10-01, (33) 711-08-88 Telegram I Facebook I YouTube I Instagram

Кадастр ёзуви  қонунийлик кафолатими? Расмий муносабат саволларга жавоб бердими ёки фақат архив маълумотларини такрорладими? Effect.uz веб-сайтида Фарғона шаҳри "Истиқлол" МФЙ ҳудудида амалга оширилаётган қурилиш юзасидан эълон қилинган журналистик суриштирув ортидан  расмий муносабат билдирди. Бироқ ушбу муносабат билан танишган ҳар қандай ҳуқуқшунос ёки журналистда табиий савол туғилади: расмий жавоб ҳақиқатдан ҳам барча саволларга жавоб бердими? Эълон қилинган муносабатда асосан Давлат кадастрлари органларининг архив ва электрон маълумотлар базасидаги маълумотлар келтирилган. Объект кимнинг номида экани, кадастр паспорти мавжудлиги ва мулк ҳуқуқи рўйхатдан ўтказилгани қайд этилган. Аммо Effect.uz мақоласининг асосий моҳияти бу эмас эди Биз объектнинг бугунги эгасини эмас, ерга бўлган ҳуқуқ қандай вужудга келганини сўраганмиз. Жамоатчиликни қизиқтираётган асосий саволлар ҳануз очиқ қолмоқда Ер участкаси қайси ҳоким қарори билан ажратилган? Ушбу қарор қабул қилинганда қонун талаблари тўлиқ бажарилганми? Ерни бериш ва қабул қилиш бўйича расмий ҳужжатлар қаерда? Кейинги олди-сотди битимлари қайси ҳуқуқий асосларга қурилган? Қурилиш учун барча зарур рухсатнома ва келишувлар мавжудми? Бу саволларнинг бирортасига расмий муносабатда аниқ жавоб берилмаган. Кадастрда қайд мавжудлиги бу ҳуқуқий жараённинг маълум бир босқичидир. Лекин бу ҳолат ернинг илк бор ажратилиши ҳам қонун талабларига тўлиқ мувофиқ бўлганини ўз-ўзидан исботламайди. Журналистик суриштирувнинг вазифаси ҳам айнан шу занжирнинг барча бўғинини текширишдан иборат. Давлат ерлари алоҳида шахслар ёки мансабдорларнинг хусусий мулки эмас. Ер  халқ бойлиги. Шунинг учун ҳар бир қарор, ҳар бир имзо ва ҳар бир ҳужжат жамоатчилик олдида қонунийлиги билан асосланиши шарт. Шу муносабат билан Effect.uz таҳририяти қуйидаги давлат органларидан мазкур ҳолатни комплекс тарзда ўрганишни сўрайди Фарғона шаҳар ҳокимлиги Фарғона вилояти архив бўлими Фарғона вилояти прокуратураси Фарғона вилояти Давлат хавфсизлик хизмати. Биз қуйидаги ҳужжатларнинг ҳуқуқий экспертизаси ўтказилиб, жамоатчиликка тўлиқ маълумот берилишини сўраймиз ер ажратиш тўғрисидаги ҳоким қарорлари ерни бериш ва қабул қилиш ҳужжатлари ерга бўлган ҳуқуқнинг келиб чиқиш асослари олди-сотди шартномаларининг ҳуқуқий занжири қурилишга оид рухсатнома ва лойиҳа ҳужжатлари. Журналистиканинг вазифаси айблаш эмас  савол бериш. Давлат органларининг вазифаси эса жавоб бериш эмас, балки ҳужжатлар билан исботлаш. Агар барча ҳужжатлар қонуний бўлса, буни энг аввало очиқликнинг ўзи тасдиқлайди. Агар саволлар очиқ қолса, жамоатчилик назорати ҳам давом этади. Ўзбекистон Республикаси хар бир қаричи олтинга тенг давлат ва Халқ мулкининг тақдири эса ҳеч қачон ёпиқ эшиклар ортида ҳал қилинмаслиги керак. effect.uz veb-sayti Мухбири Аҳмедов Хамиджон Telegram I Facebook I YouTube I Instagram

Фарғонадаги қурилиш юзасидан расмий изоҳ берилди Интернет тармоқларида Фарғона шаҳар “Истиқлол” МФЙ ҳудудида ноқонуний қурилиш амалга оширилаётгани мазмунида тарқалган хабар юзасидан қуйидагилар маълум қилинади: Фарғона шаҳар Истиқлол МФЙ, Абдулла Қодирий кўчаси 66/1-уй манзилида жойлашган енгил автомобилларга хизмат кўрсатиш устахонаси “Farg‘ona rieltorlik xizmati” МЧЖ томонидан 2025 йил 11 май куни тузилган олди-сотди шартномаси ҳамда шу кунги топшириш-қабул қилиш далолатномасига асосан С.И. номига тегишли экани аниқланди. ➡️ Мазкур объект бўйича Давлат кадастрлари палатаси Фарғона вилояти бошқармаси ҳамда Фарғона шаҳар филиали томонидан кадастр паспорти расмийлаштирилган ҳамда ер майдони ва кўчмас мулкка бўлган ҳуқуқлар давлат рўйхатидан ўтказилган. Ўрганишлар давомида ер қонунчилиги талаблари бузилиши ҳолатлари аниқланмади. Эслатиб ўтамиз, ер участкаларини ўзбошимчалик билан эгаллаш, улардан мақсадсиз фойдаланиш ёки рухсат берувчи ҳужжатларсиз қурилиш ишларини амалга ошириш амалдаги қонунчиликка мувофиқ маъмурий ва айрим ҳолларда жиноий жавобгарликка сабаб бўлиши мумкин. Кадастр органлари томонидан ер ресурсларидан оқилона ва қонуний фойдаланилишини таъминлаш юзасидан назорат тадбирлари изчил давом эттирилмоқда. Telegram I Facebook I YouTube I Instagram

Абитуриентларга тест синови учун рухсатномалар тарқатилиши бошланди Олий таълимга ҳужжат топширган абитуриентлар энди тест синовига кириш рухсатномасини юклаб олишлари мумкин. Рухсатнома икки хил усулда тақдим этилмоқда. Абитуриентларга тест синовларида иштирок этиш учун рухсатномаларни бериш бошланди. Рухсатномани my.uzbmb.uz сайтидаги шахсий кабинет орқали юклаб олиш мумкин. Бунинг учун «Фанлар мажмуаси» саҳифасига кириб, «Абитуриент рухсатномаси» бўлими орқали ҳужжатни юклаб олиш кифоя. Шунингдек, шахсий кабинетга кирмасдан ҳам паспорт (ID-карта) серияси ва рақами ҳамда ЖШШИР маълумотларини киритиш орқали рухсатномани олиш имконияти мавжуд. Абитуриентлар тест синовига паспорт (ID-карта) ва абитуриент рухсатномаси билан, белгиланган вақтдан кечикмаган ҳолда етиб келишлари шарт. Telegram I Facebook I YouTube I Instagram

Тошкентда реновация вақтида аҳоли бошқа туманларга кўчирилмайди Реновация дастурида фуқароларнинг кундалик ҳаёти ва ижтимоий муҳити сақлаб қолинишига устувор аҳамият берилади. Янги уйлар авваламбор ҳозирги яшаш ҳудудига яқин жойдан таклиф этилади. Тошкент шаҳрида реновация дастури доирасида аҳоли бошқа туманларга мажбурий кўчирилмайди. Фуқароларга янги хонадонлар, аввало, ҳозирги яшаш жойига яқин ҳудуддан таклиф этилади. Бу орқали болаларнинг мактаб ва боғчалари, шунингдек, аҳолининг одатий ижтимоий муҳити сақлаб қолинади. Toshkent Invest маълумотига кўра, янги уйлар тўлиқ таъмирланган ва яшашга тайёр ҳолда топширилади. Шу билан бирга, хоҳиш билдирган мулкдорлар ўз туманидаги хонадондан воз кечиб, пойтахтнинг бошқа ҳудудидан ҳам уй танлаш имкониятига эга бўлади. Telegram I Facebook I YouTube I Instagram

Шавкат Мирзиёев Беларусьга расмий ташриф билан боради Президент Шавкат Мирзиёев 8–9 июль кунлари Беларусь Республикасига расмий ташриф билан боради. Ташриф доирасида икки давлат раҳбарлари ўртасида музокаралар ўтказилиши режалаштирилган. Ташриф давомида Президент Шавкат Мирзиёев ва Беларусь Президенти Александр Лукашенко савдо-иқтисодий алоқаларни кенгайтириш, саноат кооперациясини ривожлантириш ҳамда турли соҳалардаги икки томонлама ҳамкорликни мустаҳкамлаш масалаларини муҳокама қилади. Шунингдек, музокараларда ўзаро манфаатли лойиҳалар ва ҳамкорликнинг янги йўналишлари юзасидан фикр алмашилиши кутилмоқда. Telegram I Facebook I YouTube I Instagram

Олтин қуймаларининг нархи сезиларли арзонлашди Марказий банк 7 июль ҳолатига ўлчовли олтин қуймаларининг янгиланган нархларини эълон қилди. Жаҳон бозорида олтин нархи пасайиши ортидан қуймалар қиймати ҳам тушди. Янги нархларга кўра: • 5 грамм — 9 млн 190 минг сўм; • 10 грамм — 18 млн 380 минг сўм; • 20 грамм — 36 млн 761 минг сўм; • 50 грамм — 91 млн 902 минг сўм; • 100 грамм — 183 млн 804 минг сўм. Ўлчовли олтин қуймаларини тижорат банклари орқали харид қилиш мумкин. Уларнинг нархи халқаро олтин бозоридаги ўзгаришларга қараб мунтазам равишда янгиланиб боради. Telegram I Facebook I YouTube I Instagram

Трамп Эронга яна таҳдид қилди: “Ё келишамиз, ё ишни тугатамиз” АҚШ президенти Доналд Трамп 6 июль куни Оқ уйда журналистлар билан суҳбатда Эрон билан музокаралар юзасидан навбатдаги кескин баёнот билан чиқди. «Биз ё келишувга эришамиз, ёки ишни охирига етказамиз. Мен келишувни афзал кўраман, чунки 91 миллион аҳолига зарар етказишни истамайман», — деди Трамп. Шунингдек, у АҚШ Эрон инфратузилмасига қисқа вақт ичида зарба бера олишини таъкидлаб, Теҳронга нисбатан аввалги таҳдидларини яна такрорлади. Бунга жавобан Эрон Миллий хавфсизлик олий кенгаши котиби Муҳаммад Боқир Золқадр Трампнинг баёнотларини «хаёлий» деб атади. «Эронликлар таҳдид тилини тушунмайди. Эрон халқи билан ҳурмат билан гаплашинг, акс ҳолда биз бошқа тилда жавоб берамиз», — деди у. АҚШ Эрон билан дипломатик жараённи қайта тиклаш тарафдори эканини билдираётган бўлса, томонлар ўртасидаги музокараларда ҳозирча сезиларли силжиш кузатилгани йўқ.

Бишкек аэропортида самолёт қўниш вақтида бахтсиз ҳодиса юз берди Самолётнинг орқа шассиларидан бири синган, йўловчилар фавқулодда эвакуация қилинди. Бишкек аэропортида самолёт қўниш вақтида ён томонга оғиб кетди. Маҳаллий ОАВ маълум қилишича, барча йўловчилар фавқулодда трап орқали эвакуация қилинган. Гувоҳларнинг айтишича, айрим йўловчилар енгил тан жароҳатлари олган. Ҳодиса сабаб аэропортда рейслар вақтинча тўхтатилди. «Қирғизистон аэропортлари» компанияси маълум қилишича, самолётнинг орқа шассиларидан бири синган. Ҳодиса юзасидан текширув ишлари олиб борилмоқда. Telegram I Facebook I YouTube I Instagram

Қашқадарёда ишга жойлаштиришни ваъда қилган меҳнат инспектори фош этилди Қашқадарё вилоятида давлат меҳнат ҳуқуқ инспектори фуқарони ишга жойлаштириб беришни ваъда қилиб, 800 АҚШ долларини фирибгарлик йўли билан олганликда гумон қилинмоқда. Бош прокуратура ҳузуридаги Департаментнинг Қарши тумани бўлими томонидан ўтказилган терговга қадар текширувда Қашқадарё вилояти Камбағалликни қисқартириш ва бандлик бошқармаси давлат меҳнат ҳуқуқ инспектори А.Ҳ. ўзининг юқори лавозимларда ишловчи танишлари орқали фуқаро Н.Ҳ.ни Қарши шаҳридаги Республика ихтисослаштирилган Она ва бола саломатлиги илмий-амалий тиббиёт маркази ҳудудий филиалига орастабон лавозимига ишга киритиб беришни ваъда қилгани аниқланган. Маълумотларга кўра, у бунинг эвазига 800 АҚШ долларини фирибгарлик йўли билан олган. Тергов жараёнида мазкур маблағнинг 200 АҚШ доллари ва 3,3 миллион сўм қисми процессуал тартибда қайтарилган. Мазкур ҳолат юзасидан жиноят иши қўзғатилган. Ҳозирда тергов ҳаракатлари давом этмоқда. Telegram I Facebook I YouTube I Instagram

Роналдо Мундиал Билан Хайрлашди Тунда бўлиб ўтган нимчорак финал баҳсларида Испания терма жамоаси муросасиз кечган учрашувда Португалияни 1:0 ҳисобида мағлуб этиб, чорак финал йўлланмасини қўлга киритди. Мазкур мағлубият португалиялик афсона Криштиану Роналдунинг жаҳон чемпионатидаги сўнгги учрашуви сифатида тарихга кирди. Яна бир баҳсда Белгия АҚШ устидан ишончли 4:1 ҳисобида ғалаба қозониб, кейинги босқичга йўл олди. Энди белгияликлар чорак финалда Испанияга қарши майдонга тушади. Бугун эса Аргентина Миср билан, Швейсария эса Колумбия билан чорак финал йўлланмаси учун баҳс олиб боради. Футбол ихлосмандлари, айниқса, Лионел Месси ва Муҳаммад Салоҳ ўртасидаги қарама-қаршиликни катта қизиқиш билан кутмоқда. Telegram I Facebook I YouTube I Instagram

Қишга тайёргарлик: газ ва кўмир захираси оширилади Президент раислигида ўтган йиғилишда куз-қиш мавсумига тайёргарлик масалалари муҳокама қилиниб, аҳолини энергия ресурслари билан узлуксиз таъминлаш бўйича устувор вазифалар белгиланди. Йиғилишда 220 минг хонадоннинг газ таъминотини яхшилаш, 711,9 километр газ тармоғи ҳамда 400 та газ тақсимлаш пунктини таъмирлаш режалаштирилгани маълум қилинди. Мавсум давомида аҳолига 325,7 минг тонна суюлтирилган газ етказиб берилади. Шунингдек, олис ҳудудлардаги 104,7 минг нафар истеъмолчи қўшимча 8,2 минг тонна суюлтирилган газ билан таъминланади. Йиғилишда иссиқлик электр станцияларига 4,161 миллион тонна кўмир етказиб бериш ҳамда қиш мавсуми учун 120 минг тонна автобензин захирасини шакллантириш режалашари ҳам маълум қилинди. Президент мутасаддиларга барча тайёргарлик ишларини белгиланган муддатларда якунлаш ва аҳолини энергия ресурслари билан барқарор таъминлаш бўйича тегишли топшириқлар берди. Telegram I Facebook I YouTube I Instagram

147 оила ҳали ҳам уйсиз: жабрланувчиларнинг умиди ҳануз апелляция судида 2021 йилда 147 нафар фуқаро «System Metal Stroy» билан тузилган шартнома асосида уй-жой сотиб олиш учун маблағ тўлади. Ҳужжатларга кўра, хонадонлар 2022 йил охирига қадар эгаларига топширилиши лозим эди. Бироқ орадан қарийб беш йил ўтган бўлса-да, кўплаб фуқаролар ҳалигача ўз уйига эга бўлгани йўқ. 2024 йил ноябрь ойида мазкур ҳолат юзасидан жиноят иши қўзғатилиб, айбланувчиларга бир нечта модда, жумладан, фирибгарлик бўйича ҳам айблов эълон қилинган эди. Биринчи инстанция судида эса фирибгарлик айблови бекор қилиниб, айбланувчига 6 йил озодликдан маҳрум қилиш жазоси тайинланди. Бу қарордан норози бўлган жабрланувчилар апелляция шикояти билан мурожаат қилди. Айни пайтда Тошкент шаҳар жиноят судида ишнинг апелляция тартибида кўриб чиқилиши давом этмоқда. Effect.uz ушбу суд жараёнини кузатишда давом этади. Telegram I Facebook I YouTube I Instagram