EFFECT.UZ | Расмий канал

Саида Мирзиёева етакчи француз компаниялари вакиллари билан музокара ўтказди Ўзбекистон ва Франция ўртасида иқтисодий ҳамкорлик янги босқичга чиқмоқда. Томонлар энергетикадан тортиб шаҳар инфратузилмасигача бўлган қатор йўналишларда қўшма лойиҳаларни кенгайтириш масалаларини муҳокама қилди. Президент Администрацияси раҳбари Саида Мирзиёева 9 июль куни Франция тадбиркорлари халқаро ҳаракати (MEDEF International) ҳузуридаги Ўзбекистон—Франция ишбилармонлар кенгаши раиси, Orano компанияси директорлар кенгаши раҳбари Клод Имовен бошчилигидаги етакчи француз компаниялари вакиллари билан учрашди. Учрашувда энергетика, таълим, сув таъминоти тизими, транспорт ҳамда шаҳар инфратузилмаси каби устувор йўналишларда ҳамкорликни янада кенгайтириш масалалари муҳокама қилинди. Саида Мирзиёева музокаралар яқинда Франция Президенти Эммануэль Макрон билан ўтказилган олий даражадаги мулоқотнинг мантиқий давоми эканини таъкидлади. Telegram I Facebook I YouTube I Instagram

Ҳоким топшириғи нега бажарилмади? Деновда ногирон фарзандли оила ёрдам кутмоқда Effect.uz таҳририятига Сурхондарё вилояти Денов туманида яшовчи фуқаро мурожаат қилиб, I гуруҳ ногиронлиги бўлган бир нафар ва II гуруҳ ногиронлиги бўлган икки нафар фарзанди билан оғир шароитда яшаётган онага ваъда қилинган ёрдам ҳалигача берилмаганини маълум қилди. Мурожаатчи тақдим этган ҳужжатларга кўра, Денов тумани ҳокими Анвар Нормаматовнинг сайёр қабулида уйни таъмирлаш учун 20 миллион сўмлик қурилиш материаллари ажратиш бўйича топшириқ берилган. Бироқ орадан ойлар ўтганига қарамай, топшириқ ижро этилмагани иддао қилинмоқда. Effect.uz ижодий жамоаси мурожаатчи хонадонида бўлиб, яшаш шароитини ўрганди, шунингдек, туман ҳокимлиги ҳамда Ижтимоий ҳимоя миллий агентлигининг Денов туман бўлими масъуллари билан суҳбатлашди. Масъуллар уйнинг кадастр ҳужжатлари ва амалдаги тартиблар ёрдам ажратилишига ҳуқуқий тўсиқ бўлаётганини билдирган бўлса, мурожаатчи "Бизга пул керак эмас, ваъда қилинган қурилиш материалларини беришса бўлди", дея таъкидлади. ❓ Хўш, ҳоким топшириғи нега бажарилмади? Муаммо ҳужжатлардами ёки масъуллар ижросида? 🎥 Бу ҳақда батафсил — "Қараш" лойиҳасининг янги сонида. 👉 1-ҚИСМ Telegram I Facebook I YouTube I Instagram

Шавкат Мирзиёевнинг Беларусьга расмий ташрифи якунланди Президент Шавкат Мирзиёев Беларусь Республикасига амалга оширган расмий ташрифини якунлади. Ташриф сўнгида давлат раҳбарини Президент Александр Лукашенко кузатиб қўйди. Telegram I Facebook I YouTube I Instagram

Болаларга зўравонлик қилган педагогларга нисбатан жазо кучайтирилади Мактаб ва боғчаларда болаларни камситган, ҳақоратлаган ёки уларга нисбатан зўравонлик қилган педагогларга нисбатан маъмурий жавобгарлик ҳамда касбий чекловлар қўлланилади. Сенатор маълум қилишича, таълим-тарбия жараёнида болаларни камситган, ҳақоратлаган ёки уларга нисбатан жисмоний ёки руҳий зўравонлик қилган тарбиячи ва ўқитувчилар маъмурий жавобгарликка тортилади. Шунингдек, бундай шахсларга бир йил муддатга педагогик фаолият билан шуғулланиш тақиқланади. Мавзу юзасидан сўз юритилар экан, яқинда ижтимоий тармоқларда муҳокама қилинган ҳолат ҳам эсга олинди. Унда болага нисбатан шафқатсиз муносабатда бўлган тарбиячи аввал ҳам интизомий чорага тортилганига қарамай, кейинчалик яна ишга тиклангани ва бошқа болаларга нисбатан ҳам зўравонлик қилгани қайд этилди. Сенатор бундай ҳолатларнинг олдини олиш мақсадида болаларга нисбатан зўравонлик қилган педагогларни болалар билан боғлиқ соҳаларда ишлашдан қатъий чеклаш зарурлигини таъкидлади. Telegram I Facebook I YouTube I Instagram

Ўзбекистон ва Беларусь муносабатлари стратегик шериклик даражасига кўтарилди Ўзбекистон Республикаси Президенти Шавкат Мирзиёевнинг Беларусь Республикасига расмий ташрифи доирасида ўтказилган музокаралар натижасида икки мамлакат муносабатлари стратегик шериклик даражасига кўтарилди. Томонлар савдо-иқтисодий ҳамкорликни кенгайтириш, саноат кооперацияси, инвестиция лойиҳалари, транспорт-логистика, қишлоқ хўжалиги ва бошқа устувор йўналишларда ҳамкорликни янада чуқурлаштириш бўйича келишувларга эришди. Telegram I Facebook I YouTube I Instagram

Ўзбекистон ва Беларусь президентлари музокара ўтказди Минскда Ўзбекистон Президенти Шавкат Мирзиёев ва Беларусь Президенти Александр Лукашенко ўртасида расмий музокаралар бўлиб ўтди. Учрашувда икки томонлама ҳамкорликнинг устувор йўналишлари муҳокама қилинди. Telegram I Facebook I YouTube I Instagram

Зўравонликдан жабрланган аёллар учун янги имтиёзлар жорий этилади Сенат тазйиқ ва зўравонликдан жабрланган хотин-қизлар ҳамда уларнинг фарзандларини қўллаб-қувватлашга қаратилган қонунни маъқуллади. Янги тартиб улар учун ҳуқуқий, ижтимоий ва молиявий кафолатларни кенгайтиради. Сенат томонидан маъқулланган қонунга кўра, тазйиқ ва зўравонликдан жабрланган хотин-қизлар ҳамда уларнинг вояга етмаган фарзандлари учун қатор қўшимча имтиёз ва кафолатлар жорий этилади. Унга мувофиқ, йўқотилган биометрик паспортни қайта расмийлаштириш ҳамда айрим ҳужжатларни олишда улар давлат божини тўлашдан озод қилинади. Шунингдек, жабрланганларга давлат ҳисобидан малакали юридик ёрдам кўрсатилади. Қонун билан махсус ҳимоя марказларида қолиш муддати ҳам узайтирилиб, аввалги 30 кун ўрнига 6 ойгача белгиланмоқда. Бундан ташқари, Президент ҳузуридаги Ижтимоий ҳимоя миллий агентлигининг хотин-қизларни тазйиқ ва зўравонликдан ҳимоя қилиш соҳасидаги ваколатлари ҳам аниқ белгилаб қўйилмоқда. Telegram I Facebook I YouTube I Instagram

Минскда Президент Шавкат Мирзиёевни расмий кутиб олиш маросими бўлиб ўтди Расмий ташриф билан Беларусь Республикасида бўлиб турган Ўзбекистон Президенти Шавкат Мирзиёев Минск шаҳридаги Мустақиллик саройида тантанали кутиб олинди. Маросим давомида сарой олдидаги майдонда Ўзбекистон ва Беларусь давлат байроқлари кўтарилиб, фахрий қоровул саф тортди. Президент Шавкат Мирзиёевни Беларусь Президенти Александр Лукашенко самимий қарши олди. Шундан сўнг икки мамлакат давлат мадҳиялари янгради. Давлат раҳбарлари фахрий қоровул сафи олдидан ўтиб, расмий делегациялар аъзолари билан саломлашдилар. Расмий суратга тушиш маросимидан кейин Ўзбекистон ва Беларусь етакчиларининг тор ва кенгайтирилган таркибдаги олий даражадаги музокаралари бошланди. Telegram I Facebook I YouTube I Instagram

Euronews: Биринчи Халқаро ислом цивилизацияси форуми — илм, мулоқот ва ҳамкорлик майдони Нуфузли халқаро Euronews нашри Ўзбекистонда ўтказилаётган Биринчи Халқаро ислом цивилизацияси форуми ҳақида махсус мақола эълон қилди. Унда форум ислом цивилизациясининг бой илмий-маънавий меросини замонавий тараққиёт нуқтаи назаридан қайта англаш, халқаро илмий ҳамкорликни мустаҳкамлаш ва исломни зўравонлик билан боғловчи стереотипларга қарши маърифий ёндашувни илгари суришга хизмат қилаётган нуфузли мулоқот майдони сифатида баҳоланган. 👉 Батафсил Telegram I Facebook I YouTube I Instagram

Йил бошидан бери тадбиркорларга 97 млрд сўмга яқин ҚҚС қайтарилди Давлат тадбиркорларни қўллаб-қувватлаш доирасида қўшилган қиймат солиғининг бир қисмини қайтаришни давом эттирмоқда. Йил бошидан буён корхоналарга қарийб 97 млрд сўм компенсация тўлаб берилди. 2026 йил 6 июль ҳолатига кўра, айрим соҳаларда фаолият юритувчи тадбиркорларга бюджетга тўланган қўшилган қиймат солиғининг (ҚҚС) бир қисмини қайтариш механизми орқали жами 97 млрд сўмга яқин маблағ тўлаб берилди. Маълум қилинишича, энг катта компенсация умумий овқатланиш соҳасига тўғри келган. Хусусан, 828 та умумий овқатланиш корхонаси 63,8 млрд сўм ҚҚС компенсациясини олган. Шунингдек: 323 та заргарлик корхонасига — 26,2 млрд сўм; 145 та меҳмонхонага — 4,7 млрд сўм; 23 та туроператорга — 1,1 млрд сўм; 28 та чорвачилик ва паррандачилик хўжалигига — 1,1 млрд сўм ҚҚСнинг бир қисми қайтарилган. Мазкур механизм тадбиркорликни қўллаб-қувватлаш, солиқ юкини камайтириш ҳамда туризм, хизмат кўрсатиш ва ишлаб чиқариш соҳаларини рағбатлантиришга қаратилган. Telegram I Facebook I YouTube I Instagram

Ҳудудларда банк ходимлари катта миқдордаги маблағларни ўзлаштирган Қорақалпоғистон, Фарғона, Андижон ва Бухоро вилоятларида имтиёзли ва ипотека кредитларини ноқонуний ўзлаштириш ҳолатлари фош этилди. Ҳолатлар юзасидан жиноят ишлари қўзғатилиб, тергов ҳаракатлари олиб борилмоқда. Бош прокуратура ҳузуридаги Департамент томонидан Қорақалпоғистон Республикаси, Фарғона, Андижон ва Бухоро вилоятларида кредит маблағларини талон-торож қилиш билан боғлиқ бир нечта жиноятлар фош этилди. Беруний туманида тижорат банкининг 3 нафар ходими 5 нафар фуқаро номига расмийлаштирилган 146 млн сўм имтиёзли кредит маблағини ўзлаштиргани аниқланган. Фарғона вилоятининг Риштон туманида банк масъуллари ва бошқалар 21 нафар фуқаро номига ажратилган 747 млн сўм имтиёзли кредит маблағини уларнинг хабариcиз таъминотчи корхоналарга ўтказиб, талон-торож қилган. Андижон вилоятининг Хўжаобод туманида эса сохта маълумотлар асосида 500 млн сўм кредит расмийлаштирилиб, маблағ ўзлаштирилган. Бухоро вилоятининг Жондор туманида банкнинг собиқ раҳбари ва собиқ мутахассиси фуқароларнинг хабариcиз улар номига 110 млн сўм кредит расмийлаштириб, фирибгарлик йўли билан қўлга киритгани маълум бўлди. Шунингдек, Қўштепа туманида банкнинг собиқ бўлим бошлиғи ипотека кредити маблағининг 90 млн сўмини ўз эҳтиёжи учун ишлатиб юборгани аниқланган. Барча ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари давом этмоқда. Telegram I Facebook I YouTube I Instagram

Кам таъминланган оилаларга аризасиз ҳам ижтимоий ёрдам кўрсатилиши мумкин Энди ижтимоий ҳимояга муҳтож оилаларни аниқлаш фақат фуқароларнинг мурожаатига боғлиқ бўлмайди. Давлат органлари ҳам уларни мустақил равишда аниқлаб, ижтимоий ёрдам кўрсатиши мумкин. Сенатда кўриб чиқилган қонунга мувофиқ, ижтимоий ҳимояга муҳтож оилаларни аниқлаш механизми кенгайтирилмоқда. Унга кўра, эндиликда кам таъминланган оилаларга ижтимоий ёрдам тайинлаш учун фақат ариза асос бўлмайди. Давлат органлари мавжуд маълумотлар таҳлили орқали ҳам эҳтиёжманд оилаларни аниқлаши мумкин. Бунда фуқароларнинг даромади, яшаш шароити, маҳалладан олинган маълумотлар, шунингдек оммавий ахборот воситаларида эълон қилинган хабарлар ҳам асос сифатида инобатга олиниши мумкин. Telegram I Facebook I YouTube I Instagram

Ўқишни кўчириш бўйича ўтиш баллари тасдиқланди 2026–2027 ўқув йили учун хорижий ва нодавлат ОТМлардан давлат олийгоҳларига ўқишни кўчиришда қўлланиладиган ўтиш баллари тасдиқланди. Энг юқори талаб ҳуқуқ йўналишига белгиланди. 2026–2027 ўқув йили учун хорижий ва нодавлат олий таълим ташкилотларидан давлат ОТМларига ўқишни кўчириш бўйича махсус синовларнинг ўтиш баллари тасдиқланди. Унга кўра, Ҳуқуқ йўналиши учун ўтиш бали 165 балл, Сиёсатшунослик ва Халқаро муносабатлар йўналишлари учун 140 балл этиб белгиланди. Соғлиқни сақлаш йўналишида ўтиш бали 132 балл, муҳандислик йўналишларида 75 балл, ветеринария йўналишида эса 60 балл қилиб тасдиқланган. Шунингдек, хорижий ОТМлардан республикадаги давлат олий таълим муассасаларининг мос ёки турдош бўлмаган бакалавриат таълим йўналишларига ўқишни кўчиришга рухсат берилмаслиги маълум қилинди. Telegram I Facebook I YouTube I Instagram

Тошкентда Миллий гвардия ходими ҳалок бўлди Тошкент шаҳридаги «Хотира хиёбони» ёдгорлик мажмуаси яқинидаги каналда аёлни қутқаришга уринган 21 ёшли Миллий гвардия ҳарбий хизматчиси ҳалок бўлди. Маълум қилинишича, у кучли сув оқими аёлни олиб кетаётганини кўриб, уни қутқариш учун сувга сакраган. Бироқ кучли оқим туфайли ҳам аёл, ҳам уни қутқаришга уринган ҳарбий хизматчи сувга ғарқ бўлган. Қидирув-қутқарув ишлари давомида ҳарбий хизматчининг жасади топилган. Шунингдек, марҳумнинг яқин кунларда тўйи бўлиши режалаштирилгани маълум қилинди. Telegram I Facebook I YouTube I Instagram

I Халқаро ислом цивилизацияси форуми Декларацияси қабул қилинди: глобал ҳамкорликнинг янги босқичи бошланди

2026 йил 7–8 июль кунлари Тошкент шаҳрида бўлиб ўтган I Халқаро ислом цивилизацияси форуми якунлари бўйича Декларация қабул қилинди. Ҳужжатда ислом цивилизацияси меросини ўрганиш, асраш ва оммалаштириш соҳасида халқаро ҳамкорликни янада кучайтиришга қаратилган ўнта йирик глобал ташаббус илгари сурилди.

👉 Батафсил ўқиш Telegram I Facebook I YouTube I Instagram

Биринчи Халқаро Ислом сивилизацияси форуми: 10 та глобал ташаббус илгари сурилди Тошкентда бўлиб ўтган Биринчи Халқаро Ислом цивилизацияси форуми якунида иштирокчилар Ислом цивилизацияси меросини ўрганиш, сақлаш, рақамлаштириш ва дунё миқёсида тарғиб этишга қаратилган 10 та муҳим халқаро ташаббусни илгари сурдилар. Ушбу ташаббуслар илм-фан, маданият, таълим ва халқаро ҳамкорликни янги босқичга олиб чиқишга хизмат қилади. 👉 Батафсил ўқиш Telegram I Facebook I YouTube I Instagram

“Ўзбекистонда ҳақиқий Уйғониш руҳи намоён бўлмоқда” — Макка бош имоми

I Халқаро ислом цивилизацияси форумида Макка шаҳридаги “Масжид ал-Ҳаром” масжиди Бош имоми Шайх Солиҳ бин Абдуллоҳ бин Ҳумайд Ўзбекистонда амалга оширилаётган маърифий ва маданий ислоҳотларни юксак баҳолади. У мамлакатда кечаётган жараёнлар ҳақиқий Уйғониш руҳини акс эттираётганини таъкидлаб, ислом цивилизациясининг илмий, маънавий ва инсонпарварлик асослари ҳақида фикр билдирди.

👉 Батафсил Telegram I Facebook I YouTube I Instagram

Айрим юк автомобилларини импорт қилишда божхона божи ва утилизация йиғими бекор қилинади 2027 йил охирига қадар айрим турдаги юк транспорт воситаларини Ўзбекистонга олиб кириш арзонлашади. Импортчилар учун божхона божи ва утилизация йиғими ноль ставкада қўлланилади. 2027 йил 31 декабрга қадар ишлаб чиқарилганига 5 йилдан ошмаган айрим юк транспорт воситалари импорт қилинганда божхона божи ва утилизация йиғими бўйича ноль ставка қўлланилади. Имтиёз қуйидаги транспорт воситаларига нисбатан амал қилади: Евро-5 ва ундан юқори экологик стандартларга жавоб берадиган юк автомобиллари ҳамда тортувчи транспорт воситалари; Тўла вазни 15 тоннадан ортиқ ёки юкхонасининг ички ҳажми камида 76 куб метр бўлган ярим тиркамалар. Ушбу чора юк ташиш соҳасида замонавий ва экологик тоза транспорт воситалари улушини оширишга қаратилган. Telegram I Facebook I YouTube I Instagram

“Илм билан иймон уйғунлашган замин”: Ўзбекистоннинг цивилизацион мероси эътироф этилди I Халқаро ислом цивилизацияси форумида Мусулмонлар Жаҳон Лигаси бош котиби Муҳаммад бин Абдулкарим ал-Исса Ўзбекистоннинг ислом цивилизацияси ривожидаги беқиёс ўрни, буюк алломаларнинг илмий мероси ва мамлакатда амалга оширилаётган маърифий ташаббусларни юксак баҳолаб, юртимизни «ислом цивилизацияси китобига ёзилган энг ёруғ саҳифалардан бири» дея таърифлади. 👉 Батафсил Telegram I Facebook I YouTube I Instagram

Россия Киевга ракета зарбалари берди Россия қўшинлари Украина пойтахти Киевга ракета зарбалари берди. Маҳаллий расмийлар ва Фавқулодда вазиятлар хизмати маълумотига кўра, ҳужум оқибатида бир аёл ҳалок бўлган, икки киши жароҳатланган. Зарбалар натижасида Святошинский ва Деснянский туманларида маъмурий бино, омборхоналар ҳамда гаражлар ҳудудида ёнғинлар юзага келган. Министрй оф Дефенcе оф тҳе Руссиан Федератион ҳужум Киев томонидан Россия ҳудудидаги фуқаролик инфратузилмасига уюштирилган ҳужумларга жавоб тариқасида амалга оширилганини маълум қилди. Вазирликка кўра, нишонлар дрон йиғиш цехи ҳамда Самсунг-Украине заводи бўлган. Telegram I Facebook I YouTube I Instagram