Dr. Eyob Mamo

ጥያቄ፡- ሰላም ዶክተር፡፡ በአንተ ማሕበራዊ መድረኮች በነጻ ስለምናገኛቸው ትምህርች ላመሰግንህ እፈልጋለሁ፡፡ መጠየቅ የምፈልገው ግን፣ በጣም አስቸጋሪ ሕይወት የነበራት አንድ ጓደኛዬ ከተወሰነ ጊዜ በኋላ ሳገኛት በጣም ተለውጣ እና ሕይወቷን በስርአት እየመራች አገኘኋትና ምን እንደተፈጠረ ስጠይቃት ከአንተ ጋር የግል ሜንቶርሺፕ እንደወሰደች ነገረችኝ፡፡ ሜንቶርሺፕ ምን ማለት እንደሆነ ስጠይቃት ጋን ማስረዳት አልቻችም፡፡ ሁኔታው ትኩረቴን የሳበው እኔም መለወጥ ስለምፈልግ ነው፡፡ የተለያዩ የማነቃቂያ ስልጠናዎችን ወስጄ ግን እስካሁን ያው ነኝ፡፡ በሜንቶርሺፕና በማነቃቂያ ስልጠኛዎች መካከል ልዩነት አለ? ልዩነታቸውን ብታስረዳኝ፡፡ መልስ፡- በነጻ በማቀርበው የማሕበራዊ ሚዲያ አገልግሎት በመጠቀም ላይ ስላላችሁ በጣም ደስተኛ ነኝ፡፡ በምችለውና ጊዜው በፈቀደልኝ ሁሉ ይህንን ማድረጌን እቀጥላለሁ፡፡ በክፍያ የግል ምክር፣ Coaching እና mentorship ላልሺው፣ እሱን የሚፈልጉ ሰዎች inbox በማድረግ ፍላጎታቸውን በመግለጽ አገልግሎቱን እያገኙ እንደሆነ ላሳውቅሽ እፈልጋለሁ፡፡ ስለሆነም ያንን በማድረግና ቀጠሮ በማስያዝ ላለባችሁ ጥያቄ፣ ተከታታይ የ Coaching እና mentorship ፍላጎት መልስ ማግኘት ትችላላችሁ፡፡ የማነቃቂያ ስጠና እወስዳለሁ ስላልሺው፣ ማነቃቂያ ማለት ያው እንደ ስሙ ማነቃቂያ ነው፡፡ ያነቃቃሻል፣ ማለትም “ትችያለሽ፣ ተነሺ፣ ስሪ ሃብታም ትሆኛለሽ . . .” ይልና ያቃሻል እንጂ መንገዱን አያመላክትሽም፡፡ ይህ ሂደት የራሱ የሆነ ጥቅም ቢኖረውም ዘላቂ ውጤት ግን አያመጣም፡፡ ብዙ ሰዎች እንዲዘህ አይነቱን ዝግጅት ይካፈሉና ማነቃቂያው የሰጣቸው እንድርድረት ሲደክም እደገና ሊነቃቁ ይዳ፡፡ በመጨረሻም ተስፋ ይቆርጣሉ፡፡ ከዚህ ሂደት ባለፈ ሁኔታ ለውጥን ከፈለግሽ የሚከተሉትን አሰራሮች መገንዘብና መጠቀም አስፈላጊ ነው፡፡ 1. ማሰልጠን የአሰልጣኝነት ሂደት ሰልጣኙ አንድን ክህሎት እስከሚያዳብር ድረስ እና ወደ አንድ የብቃት ደረጃ እስከሚደርስ ድረስ የሚደረግ የሁለት ሰዎች ግንኙነት ነው፡፡ በዚህ ግንኙነት ውስጥ የራእይ ጉዳይ ሊካተት ወይም ላይካተት ይችላል፡፡ ያም ሆነ ይህ ግን የአሰልጣኝ ድርሻ በተቀመጠለት የጊዜ ገደብ ውስጥ ሰልጣኝን አንድ የክህሎት ደረጃ እንዲደርስ ማለማመድ ነው፡፡ ስሆነም፣ ያሰለጥናል፣ ስልጠናው ግቡን መምታቱን ያረጋግጣል፣ በተገቢው ሁኔታ በመሰልጠን ብቃቱን ያዳበረውን ሰው ያሳልፋል፣ በብቃት ያልጨረሰውን ሰው ደግሞ የራሱን ጉዞ እንዲዲከተል ይለቀዋል፡፡ የአሰልጣኝ ገደቡ እዚህ ድረስ ነው፡፡ 2. ማማከር የማማከር ሂደት የሚነካው አንድ ሰው ባጋጠመው ሁኔታ ዙሪያ ወይም ወደፊት መቀጠል በሚያስፈልገው ነገር ላይ ጥበብን የማካፈልንና ምሪትን የመስጠትን ሁኔታ ነው፡፡ በዚህም ግንኙነት ውስጥ የራእይ ጉዳይ ሊካተት ወይም ላይካተት ይችላል፡፡ ሆኖም፣ በምክር ፈላጊው አነሳሽነት ወይም በመካሪው ሃላፊነት የተሰማው እርምጃ በአንድ ርእሰ ጉዳይ ላይ የጥበብና የምክር መካፈልን ያደርጋል፡፡ ይህ የምክር ተግባር በአንድ ጊዜ ግንኙነት ሊከሰት ሲችል አንዳድ ጊዜ ደግሞ የጥቂት ቀናትንና ሳምንታት ሂደት ሊኖረው ይችላል፡፡ ስለሆነም፣ መካሪው ምክረ-ሃሳቡን ይለግሳል፣ ተመካሪውም ምክሩን ተግባራዊ ለማድረግ መንገዱን ይቀጥላል፡፡ 3. ማስተማር የአስተማሪ-ተማሪ ግንኙነት እንደ ስልጠና ከአንድ ክህሎት ጋር የተያያዘ ሊሆን ቢችልም ከዚያ የሚለይበት ሁኔታም ሊያቅፍ ይችላል፡፡ አስተማሪው ለተማሪው አንድን ርእስ ወይም ጽንሰ-ሃሳብ ከማስጨበጥ አንጻር ተገቢውን እውቀት ያካፍለዋል፡፡ ይህ ጽንሰ-ሃሳብ ከአንድ ራእይ ጋር ሊዛመድም ላይዛመድም ይችላል፡፡ በአብዛኛው ግን አንድ የአእምሮ እውቀት ከማስጨበጥ፣ አንድን ጥበብ ከማካፈል ወይም አንድን ሞያዊ ክህሎት ከማዳበር ጋር ይገናኛል፡፡ ስለሆነም፣ አንድ አስተማሪ የአሰራሩ ሂደት ለመማር ብቁ ነው ብሎ በፊቱ ያመጣለትን ሰው በማስተማርና በመፈተንና የብቃት ማረጋገጫን በመስጠት ያሳልፋል፡፡ 4. “ኮች” ማድረግ የኮች ድርሻ በአብዛኛው የአሰልጣኝነትን ተግባር ያቀፈ ሲሆን፣ ከዚያ ለየት የሚለው አሰልጣኝ ሰልጣኙ አንድ ክህሎት ደረጃ ከደረሰለት በኋላ ያንን ክህሎት መጠቀም በሚፈልግበት መስክ እንዲጠቀም ሲተወው፣ ኮች ግን አንድ የስኬት ግብ ወይም ጥግ ላይ እስከሚያደርስ ድረስ ይሰራል፡፡ ልክ እንደ ማሰልጠን፣ ማማከርና ማስተማር፣ የኮችነት ሂደትም ምንም እንኳን አንድ ግብ ላይ ያተኮረ ቢሆንም ከአንድ ራእይ ጋር የተገናኘ ሊሆንም ላይሆንም ይችላል፡፡ 5. ሜንቶር ማድረግ በጥቅሉ ሲገለጽ የሜንቶርነት ሂደትና አሰራር ከላይ የተዘረዘሩትን አራት ገጽታዎች ያቀፈ ነው፡፡ ሜንቶር ያሰለጥናል፣ ያማክራል፣ ያስተምራል እንዲሁም ኮች ያደርጋል፡፡ ትክክለኛ ሜንቶር ለአንድ ዓላማ አጠገቡ ያስጠጋውን ሰው የሕይወት አቅጣጫ መስመር የማስያዝ አቅም አለው፡፡ አመለካከቱን፣ ባህሪይውን፣ ዲሲፕሊኑንና ከዚያም አልፎ ራእዩን ማካፈል አንጻር ሰፊ ድርሻ አለው፡፡ ስለዚህ ሜንቶር ከላይ የተዘረዘሩትን አራቱን ሂደቶች ያጠቃልላል፣ እነዚህ አራቱ ሂደቶች ግን ሜንቶርነትን አያጠቃልሉም፡፡ https://t.me/Dreyob https://m.youtube.com/user/naeleyob623 https://www.facebook.com/Dr-Eyob-Mamo-1050816404958639/

ጥያቄ፡- ሰላም ዶክተር፡፡ በአንተ ማሕበራዊ መድረኮች በነጻ ስለምናገኛቸው ትምህርች ላመሰግንህ እፈልጋለሁ፡፡ በጣም አስቸጋሪ ሕይወት የነበራት አንድ ጓደኛዬ ከተወሰነ ጊዜ በኋላ ሳገኛት በጣም ተለውጣ አገኘኋትና ምን እንደተፈጠረ ስጠይቃት ከአንተ ጋር የግል ሜንቶርሺፕ እንደወሰደች ነገረችኝ፡፡ ሜንቶርሺፕ ምን ማለት እንደሆነ ስጠይቃት ጋን ማስረዳት አልቻችም፡፡

በፍጹም አታቁም! “አንድ ጊዜ ነገሮችን በቀላሉ የማቆም ልምምድ ከጀመርክ ሁኔታው ልማድ ይሆንብሃል” - Vince Lombardi በፍጹም ተስፋ አትቁረጥ! ጠቃሚና ዋጋ ያለው ግብን የምትከታተል ከሆነ፣ የሆነ ጊዜ ላይ ከዚህ በታች ያሉትን ሃሳቦች ማስተናገድህ አይቀርም፡ • “ይህ ነገር ካሰብኩት በላይ ከባድ ነው፡፡” • “ለምንድን ነው ይህ ነገር ይህን ያህል ረጅም ጊዜ የወሰደብኝ?” • “ይህ ነገር ወደፊት አላራምድ አለኝ፡፡” • “ይህ ግብ ደጋግሞ እየተበላሸብኝ ነው፡፡” • “ይህንን ነገር መቀጠል የምችል አይመስለኝም፡፡ ምን አስቤ ነው የጀመርኩት?” በእዚህና በመሰል ስሜቶች ከጀመርከው ነገር እንዳትገታ ከፈለክ “በፍጹም አላቆምም” የሚልን አመለካከት አዳብር፡፡ ተስፋ አለመቁረጥ የአመለካከት ጉዳይ ነው፡፡ ይህም አመለካከት ልታዳብረው የምትችለው አመለካከት ነው፡፡ ይህንን አመለካከት ለማዳበር ከሚረዱህ ልምምዶች መካከል የሚከተሉትን ሃሳቦች ደግመህና ደጋግመህ ለራስህ መናገር ነው፡- • ነገሮች ሲከብዱብኝ በዓላማዬ ጸንቼ እቀጥላለሁ፡፡ • መንገድን እፈልጋለሁ ወይም እፈጥራለሁ፡፡ • ማንኛውም ችግር መፍትሄ አለው፣ እኔ ደግሞ መፍትሄውን ለማግኘት ብቃቱ አለኝ፡፡ • በየቀኑ የሚሰራውንና የማይሰራውን የመለየትን እውቀትና ግንዛቤ እያገኘሁ ነው፣ ይህም ማለት በጥንካሬና በጥበብ እየጨመርኩኝ ነው ማለት ነው፡፡ • መሰናክሎች ጊዜያዊ ናቸው፡፡ ከላይ ያሉትን ሃሳቦች ለራስህ ከተናገርክ በኋላ ቆም ብለህ አስብ! እንደገናም ወደፊት ቀጥል! (“ጀምሮ መጨረስ” ከተሰኘው የዶ/ር ኢዮብ ማሞ መጽሐፍ የተወሰደ) https://m.youtube.com/user/naeleyob623 https://www.facebook.com/Dr-Eyob-Mamo-1050816404958639/

በ Zoom ሊሰጥ የታቀደው የስድስት ሳምንት ስልጠና ባለፈው ሰኞ በተሳካ ሁኔታ ተጀምሯል፡፡ የመጀመሪያውን ሳምንት (ክፍል አንድ) ትምህርት ጀምረናል፡፡ ምናልባት ለመሳተፍ ፈልጋችሁ የተዘናጋችሁና ሳትመዘገቡ የመጀመሪያው ክፍል ያመለጣችሁ ካላችሁ ለጥቂት ሰዎች ብቻ አንድ እድል እንሰጣለን፡፡ በእዚህ ሁለት ቀናት ቀድሞ ጥያቄ ላቀረቡና ለሚመዘገቡ አምስት ሰዎች ያመለጣቸውን ክፍለ-ጊዜ የማካካሻ ክፍለ-ጊዜ እንደምሰጥ አሳውቃለሁ፡፡ በሚከተለው የቴሌግራም ሊንክ ጥያቄያችሁን ለህሊና በመላክና መስፈርቱን በሟላት መመዝገብ ትችላላችሁ፡፡ @Helinakeb

ችግር ሲታየን! የሚከፈለን ለፈታነው ችግር ነው! ችግር ስናይ ሁለቱ ምርጫዎቻችን 1. መነጫነጭ፣ መካሰስ፣ መወቃቀስ፣ አሉታዊ ወሬን ማራባት 2. እንደተልእኳችን ማየት፣ መፍትሄ መፈለግ፣ ማበርከት የሁለተኛው መንገድ ጥቅም 1. ለችግሩ መፍትሄ በማምጣታችን ምክንያት ይህ ነው የማይባል እርካታ ይሰጠናል፡፡ 2. ለፈታነው ችግር የገንዘብ ክፍያ እገኛለን፡፡ 3. የስነ-ልቦና ጤንነት እናገኛለን፡፡ ለተግባራዊ ማብራሪያ ከታች ያለውን የ YouTube ሊንክ በመጫን ትምህርቱን ይከታተሉ! https://youtu.be/QDZ73X37fnQ

የጠበቅነውና የሆነው ነገር ሊለያይ! በአንድ ነገር ላይ ጊዜያችንን፣ ጉልበታችንን፣ ስሜታችንንና አንዳንዴም ገንዘባችንን አውጥተን፣ ሰርተንና ገንብተን የጠበቅነው ውጤት ሌላ ያገኘነው ውጤት ግን ሌላ ሲሆን ግር መሰኘታችን አይቀርም፡፡ ሆኖም፣ አንድን ነገር ጠብቀን የምንፈልገውና የምንጠባበቀው ውጤት ሳይሆን ሲቀር ለሁኔታው የምንሰጠው ምላሸ ወሳኝ ነው፡፡ ለማንኛውም ማየት የሚገቡን ሁኔታዎች . . . 1. ምናልባት የተሳሰተና መጀመር የሌለብንን ነገር ጀምረን ይሆናል ሁኔታው ይህ እንደሆነ ከደረስንበት ያለን አማራጭ የሚከፈለውን ዋጋ ሁሉ ከፍሎ የተጀመረውን የተሳሳተ ነገር በማቆም፣ ትክክለኛ ነገር የመጀመር ውሳኔ መወሰንና የአቅጣጫ ለውጥ ማድረገ ነው፡፡ 2. ምናልባት ትክክለኛውን ነገር ጀምረን የተጠቀምነው ስልት ግን የተሳሳተ ይሆናል ሁኔታው ይህ እንደሆነ ከደረስንበት የአደራረግ ስልታችንን የማረምና የተለየ ስልት የመጠቀምን አማራጭ መከተል የግድ ነው፡፡ ይህንን ለማድረግ ደግሞ ማንበብ ካለብን ማንበብ፣ መሰልጠን ካለብን መሰልጠን፣ ባለሞያ ማማከር ካለብን ደግሞ ማማከር አስፈላጊ ነው፡፡ 3. ምናልባት የተጀመረው ነገርም ሆነ የተጠቀምንበት ስልት ትክክለኛው ሆነው ሳለ የተጠባበቅነው ውጤት እውነታውን ያላገናዘበ ይሆናል ሁኔታው ይህ እንደሆነ ከደረስንበት ከአንድ ነገር የምንጠባበቀው ውጤት ከልክ ያለፈና ከእውነታ ውጪ የመሆኑን ሁኔታ ልክና ገደብ ማስያዝ አስፈላጊ ነው፡፡ ይህንን ዝንባሌ ካላስተካከል ሁል ጊዜ ተስፋ እንደቆረጥን እንኖራለን፡፡ https://t.me/Dreyob https://m.youtube.com/user/naeleyob623 https://www.facebook.com/Dr-Eyob-Mamo-1050816404958639/

የዓላማና የተስፋ ግንኙነት በአንድ የማጎሪያ እስር ቤት ውስጥ በመቶዎች የሚቆጠሩ ታራሚዎች ነበሩ፡፡ እነዚህ ታራሚዎች በቂ የሆነና የተሟላ የምግብ አቅርቦት ነበራቸው፡፡ ከተወሰነ የማረሚያ ቤት ቆይታቸው በኋላ እርስ በርሳቸው ስለተላመዱ በተለያዩ ጨዋታዎች እየተደሰቱና አንዳንድ ሞያ ነክ ነገሮችንም እየሰሩ መረጋጋት ጀምረዋል፡፡ ብዙም ሳይቆዩ ግን ሁሉንም የተስፋ መቁረጥ ስሜት ተጫጫናቸው፡፡ በማረሚያ ቤቱ ውስጥ ተስፈኛ ሆነው የመቆየት አቅማቸውንም አጡ፡፡ የሆነው ነገር ይህ ነው፡፡ አንድ ቀን ጠዋት ሲነሱ በማረሚያ ቤቱ ግቢ አንድ ጥግ ላይ የተከመሩ አሸዋ የሞላባቸው ጆንያዎች ነበሩና እነዚህን ጆንያዎች ካሉበት በማንሳት ወደሌላው የማረሚያ ቤቱ ግቢ ጥግ እንዲወስዱና እንዲከምሯቸው ተነገራቸው፡፡ ሁሉም ታራሚዎች በመነሳሳት ያንን ሲያደርጉ ዋሉ፡፡ ከዚያም ወደማምሻው ላይ ጠዋት ወስደው የከመሩትን የጆንያ አሸዋ ክምር ወደ ነበረበት እንዲመልሱ ታዘዙና ይህ ስራ በየቀኑ እንደሚቀጥል ተነገራቸው፡፡ እነዚህ ታራሚች በተወካያቸው በኩል አሸዋ የሞላባቸው ጆንያዎች ወዲያና ወዲህ የሚመላለሱበት ዋና ዓላማ ምን እንደሆነ ሲጠይቁ የተሰጣቸው መልስ ምንም ዓላማ የሌለው ተግባር እንደሆነና አርፈው እንዲታዘዙ ተነገራቸው፡፡ በዚህ ጊዜ ነበር ስሜታቸው በጣም የወረደው፡፡ ምንም ዓላማ የሌለውን ተግባር ሲደጋግሙ መኖር ተስፋ ያስቆርጣል፡፡ ምናልባት ሁል ጊዜ ተስፋ መቁረጥ የሚጫጫነን የመኖራችንን ዓላማና ትርጉም እንዲሁም በየቀኑ የምናደርጋቸውን ነገሮች ለምን እንደምናደርጋቸው ዓላማቸውን በሚገባ ስላላወቅነው ይሆን? https://t.me/Dreyob https://m.youtube.com/user/naeleyob623 https://www.facebook.com/Dr-Eyob-Mamo-1050816404958639/

በአንድ ሁኔታ ውስጥ ስታልፉ! አንድን የምታውቁትን ነገር እንደገና ላስታውሳችሁ፡፡ በአለም ላይ አሁን እናንተ በማለፍ ላይ ባላችሁበት አስቸጋሪ ሁኔታ ውስጥ ያለፉ፣ በማለፍ ላይ ያሉና ወደፊትም የሚያልፉ ሰዎች እልፍ ናቸው፡፡ አንዳንዶቹን ይህ ተመሳሳይ ሁኔታ ሲቀብራቸው፣ ሌሎች ደግሞ በእርግጥም ያልፉታል፡፡ ለዚህ ልዩነት መነሻ የሚሆኑ ሌሎች ምክንያቶች ሊኖሩ የመቻላቸው እውነታ እንደተጠበቀ ሆኖ፣ በእነዚህ ሰዎች መካከል ያለው ዋና ልዩነት፣ በዚያው ተውጠው የቀሩት ሰዎች ከሚያልፉበት ሁኔታ የተነሳ በመደናገጥ ወደፊት መገስገስን በመተው በመቆማቸው ምክንያት ሲሆን፣ እነዚያ ዘልቀው የሄዱትና በአሸናፊነት የወጡት ደግሞ በሚያልፉበት ሁኔታ ውስጥ በፍጹም ሳይቆሙ ወደፊት በመንቀሳቀሳቸው ምክንያት ነው፡፡ በአንድ ሁኔታ ውስጥ ስታልፉ፣ በእርግጥም እለፉ እንጂ እንዳተቆሙ! https://t.me/Dreyob https://m.youtube.com/user/naeleyob623 https://www.facebook.com/Dr-Eyob-Mamo-1050816404958639/

የልጅነት ልምምዴ ጣጣ! “የቤተሰቡ ብቸኛ ሴት ልጅ ሆኜ ነው ያደኩት፡፡ በልጅነቴ ያሳለፍኳቸው ደስ የሚያሰኙ ብዙ ልምምዶች ቢኖሩኝም እስካሁን ትዝታው በፍጹም ያልደከመና ትናንትና የሆነ እስከሚመስለኝ ድረስ ትዝ የሚለኝ አንድ ሁኔታ አለ፡፡ ገና የአምስት ዓመት ልጅ እያለሁ አንድ ቀን አባቴ አዲስ ልብስ ገዛልኝና በጣም ከመደሰቴ የተነሳ ወዲያውኑ ልብሱን ለብሼ ላሳየው አባቴ ተቀምጦ ቲቪ ሲመለከት ወደነበረበት ወደ ሳሎን ቤት መጣሁ፡፡ አባቴም፣ “ዋው! በጣም የሚያምር ልብስ ነው፣ ነገር ግን ውፍረትሽን ትንሽ አወጣው” ብሎ የተናገረኝ ንግግር እስካሁን ውስጤ ቀርቷል፡፡ አሁን የ25 አመት ወጣት ነኝ፡፡ ይህ የአባቴ ንግግር በራሴ ላይ ካመጣብኝ የአመለካከት ቀውስ ጋር እየታገልኩኝ እንደምኖር ሲሰማኝ የመጀመሪያ ጊዜዬ አይደለም፡፡ ሰዎች ሁሉ የሚያተኩሩት የማያምረው የእኔነቴ ክፍል ላይ እንደሆነ ይሰማኛል፡፡ ምንም አይነት ልብስ ብገዛ የልብሱን ውበት እኔ ያበላሸሁት ነው የሚመስለኝ፡፡ የምለብሰው ልብስም ሆነ የማደርጋቸው ነገሮች የእኔን አስቀያሚነት የሚያጎሉ እንደሆነም ይሰማኛል፡፡ ስዎች ሳይገፉኝ የገፉኝ ሳይነቅፉኝ የነቀፉኝ፣ ሳያገልሉኝ ያገለሉኝ . . . ይመስለኛል”፡፡ የዚህች ወጣት ታሪክ የተለያየ ቅርጽና ቀለም ይያዝ እንጂ ብዙ ወጣት ወንዶች እና ሴቶች የሚታገሉበትን ሁኔታን አመልካች ነው፡፡ አያችሁ፣ እድሜያችን ከሰባት ዓመት በታች በነበረበት ጊዜ አመለካከታችንን ገና ቀርጸን ያልጨረስንበት እድሜ (formative age) ላይ በመሆናችን ምክንያት የሚነገረንን ነገር በሙሉ እንደወረደ የመውሰድ ዝንባሌ አለን፡፡ በሌላ አገላለጽ አንድ ነገር ሲነገረን፣ “ይህ ሰው እንደዚህ ያለኝ ከእኔ የተነሳ ብቻ ሳይሆን ከራሱም የግል አመለካከት አንጻር ነው” በማለት በምክንያታዊነት (rationalize አድርገን) የማሰብ የአእምሮ ክፍላችን ስላልዳበረ ማንነታችን የተነገረውን ሁሉ እንደ እውነት ተቀብሎ ነው የምናድገው፡፡ ይህ ውስጠ-ህሊናችን የገባውና የተቀበልነው “እውነታ” መሰል "ምልከታ" በወደፊቱ የራስ-በራስ እይታችን ላይ ይህ ነው የማይባል ጫናን የማስከተል አቅም አለው፡፡ በአሁኑ ጊዜ . . . 1. ከራሳችሁ ጋርም ሆነ ካላችሁ የሰው-ለሰው ግንኙነት አንጻር የምታስቧቸው ሃሳቦች ትክክል እንዳልሆኑ እያወቃችሁ እንኳን ማቆም ካቃታችሁ . . . 2. ከራሳችሁ ጋርም ሆነ ካላችሁ የሰው-ለሰው ግንኙነት አንጻር የምታንጸባርቋቸው ስሜታዊ ሁኔታዎች ትክክል እንዳልሆኑ እየገባችሁና እየተጸጸታችሁ ደጋግማችሁ የምታደርጓቸው ከሆነ . . . 3. “መቀየር እኮ እፈልጋለሁ ግን አልቻልኩም” የምትሏቸው፣ የፍቅር ግንኙታችሁን፣ ትዳራችሁን፣ ጓደኝነታችሁን ወይም ማሕበራዊ ግንኙነታችሁን የሚያበላሹ ባህሪዎችና ዝንባሌዎች ካሏችሁ . . . ወደኋላ መለስ በማለት የልጅነት ልምምዳችሁን በማሰብና ምናልባት በአንድ ልምምድ ተጽእኖ ስር የመሆናችሁን ሁኔታ እንድታጣሩ ትመከራላችሁ፡፡ ይህንን የለውጥ መንገድ ለመጀመር ደግሞ፣ ጸሎት የማድረጋችሁ አስፈላጊነት ሳይዘነጋ፣ ስለሁኔታችሁ በማንበብ፣ ምክርን በመውሰድና ሆን ብሎ (intentionally) በማሰብ የለውጥ መንገድን መጀመር ይኖርባችኋል፡፡ https://t.me/Dreyob https://m.youtube.com/user/naeleyob623 https://www.facebook.com/Dr-Eyob-Mamo-1050816404958639/