مُتقلب

مفيش إنسان أقدر علي الارتقاء قد اللي بيسحب نفسه من شهواته ومطامع نفسه، كل اللي وصلوا للقمم، اتخلوا في رحلة صعودهم عن أغلي واحب الأشياء لقلوبهم، ومكانش أقل مشقة وقتها من كونه علي حد فينا دلوقتي. لكنهم عرفوا ان كل مُتعة تلهي الإنسان عن شغله بتشده للهبوط، وبتأخره عن بلوغ مقاصده وأهدافه.

نصيحة اليوم وكل يوم: إغصب نفسك علي كل حاجة بتكسل فيها سواء مشي، رياضة، أكله صحية، قراءة قرآن أو كتب نافعة، دراسة.. إلخ؛ وقيس عليها. متعتمدش علي المزاج لأن دايماً النفس تحب ترتاح، والراحة تولّد الكسل، والكسل ينتج عنه الفشل والندامة. وزي ما قال ابن القيم «من آثر الراحة فاتته الراحة».

نصيحة اليوم وكل يوم: إغصب نفسك علي كل حاجة بتكسل فيها سواء مشي، رياضة، أكله صحية، قراءة قرآن أو كتب نافعة، دراسة.. إلخ؛ وقيس عليها. متعتمدش علي المزاج لأن دايماً النفس تحب ترتاح، والراحة تولّد الكسل، والكسل ينتج عنه الفشل والندامة. وزي ما قال ابن القيم «من آثر الراحة فاتته الراحة».

‏كل يوم بيزيد إيماني بان الحياة لمن يجرُؤ، للي بيجازف خطوة، بيرمي بنفسه لأحضان التجربة، ويخوض ما دام وجوده محتوم. وفجأةً، يلاقي نفسه بيحب الارض باللي فيها، بيوصل لأماكن متوقعهاش، لأبعاد تانية.. لأن الحياة بتجيله كل ما يديها الفرصة.

علشان تشوف الجمال، وتقدّر الفرصة، وتدي بتوازن، استمر في التشافي. علشان تكون أحلامك حقيقية، وتقديراتك واقعية، وخطواتك أغلبها حكيمة، استمر في التشافي. ‏أي هدف يسبق عافيتك مهما كان، هدف ثانوي. ‏أي خطوة تنويها مبتخدمش استقرارك النفسي أولاً، مضيعة للوقت. خد بالأسباب دايمًا، وربك كريم.

في نهاية كل هدف، غُربة صغيرة محدش بيتكلم عنها، ودي بالنسبة لي أصعب حاجه في الوصول، كون الطريق كان مشحون وزحمة، أما النهاية؛ هادية لدرجة تقلق.

علمتني الأيام ان الإنسان مش بإيده يرد كل أذي، بس بإيده يحسن وجهته لله ويحفظ أخلاقه. خصومات كتير مكانش بدايتها إساءة صدرت منك، وإنما من ضيق نفس مش طايقة تشوف في غيرها فضل فاتها، أو خصلة عجزت عن وصولها، أو حقيقة مقدرتش تتصالح معاها.

‏صباح الخيرِ بقولِ السعديّ: ‏وإياك والتحسرَ على الأمور الماضية التي لم تُقَدَّر لك؛ من فقد صحة، أو مال، أو عمل دنيوي ونحوها، وليكن همُّك في إصلاح عمل يومك؛ فإنّ الإنسان ابنُ يومِه لا يحزن لما مضى، ولا يتطلع للمستقبل حيث لا ينفعه التطلع.

من معينات استثمار يوم عرفة: ١- الدخول بروح الرجاء والتهيؤ لرحمة الله. ٢- الاعتزال من بعد الظهر للمغرب ومن لم يستطع فمن العصر. ٣- الصيام. ٤- أخذ كتاب موثوق للدعاء وتكرار ما يمس حاجتك منه. ٥- ترك وقت لدعاء النفس بالحاجات الخاصة التي أعددتها من الليلة.

اترك قليلًا جُمُوعَ الناسِ كلّهمُ ‏وقِف بِبابِ الذي سَوَّى لكَ القَدَرا ‏قد يَعجزُ الناسُ أن يُؤتوكَ أصغرَها ‏واللهُ يُؤتيكَ ما تَدعو ولو كَـبُرا ‏فالجنُّ والإنسُ والأيّامُ شاهدةٌ ‏إذا قضى اللهُ أمرًا غائبًا حَضَرا كم أنقذَ اللهُ أقوامًا فأدهشَهُم ‏قالوا مُحالٌ ولكن ربّنا جَبَرا.

مهما عملوا وكتبوا عن تجنب الإنسان للأخطاء، مهما نصحوه بالذكاء والحكمة، مهما علّموه إزاي يختار وإزاي يتصرف وإزاي يعيش؛ هيفضل اللي بيوصّل الإنسان للنُضج هو تجربته الشخصية البحتة، هتكون اختياراته الغلط هي أول سكة الصح ومعرفته العميقة عن نفسه وعن الحياة وحتى عن الله، لما يتجرح بسبب أنانيته يتعلم التواضع، ولما يتجرح بسبب جهله يتعلم الغفران، ولما يهلكه التفكير في المستقبل وتقفل في وشه "بالمنطق"؛ هيتعلم إنه ربنا طلب منه السعي بس الباقي مش بتاعه ولا بإيده! مهما حاولوا يخلّوا الإنسان كامل، مهما خوّفوه من الغلط؛ هتفضل نواقصه وأخطائه هي بوصلته وطريقه للوصول للنسخة الاحسن منه.

تلقائياً بعرف الشيء الكويس لما بشوفه، ومبترددش أبدًا عن الإقرار العلني بجودته وميزته، بمدحه في وشه لو كان إنسان، وبوصّي بيه للي بجد هيقدّره، أو بمتلكه لو كان شيء، وأشاركه مع الناس بحفاوة كأنها مسؤوليتي انه يتعرف ويتقدر.

مهما توسعت في الشرح والتوضيح، هيفضل الإنسان يفهم مضمون الكلام تبعًا لتجاربه الشخصية، وعقده النفسية، وبناءًا علي ثقافته وظروفه الاجتماعية، ومشاعره الخاصة، ورغباته ونزواته ومصالحه الشخصيّة.