قصٌيد | 🪶.

الله من حاجةٍ راحت وانا ما انتهيت ‏منها وعيّا الزمان الشين ياتي بها ‏َ' ‏لو الليالي على كيفي متى مابغيت ‏ماكان راحت وانا اللي عاد ودي بها ‏َ' ‏كان احسب ان الليال تجود باللي نويت ‏واثر الليالي ماندري وش . . ورى غيبها ‏َ' ‏منين ماقلت سجيت ودلهت ونسيت ‏ذعذع نسيمٍ من الغربي . . وجاني بها !

البارحة يوم الاودام خواشيع ‏في نومها وانا على الكوع واعي ‏همً يمزّع سترة الجوف تمزيع ‏اتقول ينهش ثومة القلب افاعي ‏خذت القلم من بين روس الاصابيع ‏وحبيت اميز سيرتي وانطباعي

لا ذكرت الماضي اللي مضى لي في هواه ‏ودي أستاذن من العقل وأضم الهبوب

كيف يلحقني من الوقت و الأيام روع ‏ و أنتِ مداتك سحابة و فزعاتك وبل

أدوج لو كان مارجلي .. بدوّاجه ‏أدلّـه النفس لين الله يفرّجها

أحبه لو سلا مع خاطره وأقفى مع المقفّين ‏محبة شايبٍ مرخص حياته عند أطيب أبله .

طيفه وهو طيفه لا زارني … يلهي ‏اعيش في واقع يصعب علي شرحه

ودي أكلمك كل . شوي وأسكر ‏أبغى أتطمن مثل لو إنك اوزاني ‏من أمس واليوم والليله وأنا أفكر ‏تكفى تحرص على روحك على شاني ‏إرب عادك الى ذلحين متذكر ‏إن أنت وأنا مانستغني عن الثاني ‏إن كان به فرصه للمواصلي بكر ‏ولانيب قايل على الميعاد مامداني

مدخلك بالله لا تفتح بابٍ مسكر ‏مثل ما الارض متحملتك تحملني ‏انا من الحزن مثل الي معه سكر ‏لا جاني الجرح يبطي مابرى مني

عقب اتساعة خاطري صرت حساس ‏ حتي الرفيق الكفو ما اقبل منه شي ‏أخفقت واجد فالتعامل مَع الناس ‏ مدري البلا فالناس ولا البلا في

لا يليّن خاطرك صادق عذابٍ جاني ‏لو تشوف أنّي من الحزن الرقيق أحنّك ‏أنت تجبرك الظروف الراهنة تجفاني ‏وأنا تفرحني الحزون اللي تجيني منّك

سرحت بخيالي فيك وأسهبت فالتفكير ‏وطلّعت كل اللي مخبّى ، ورى صدري ‏ما تمنعني حدود المسافة عن التعبير ‏أنا توّي مسولف معك وأنت ما تدري

الله لايسامحك يانوف مدري يام نوف ‏ الهوى غلاب والبنت طرقا وطخما ‏خيشتني تقول أقدم ولا يلحقك خوف ‏بس أنا وامي في هالبيت اتقول اغرما ‏مات أبوي ولا لي أخوان وأمي ما تشوف ‏ قلت يا ربي عساها حقيقه ربما

ترا اللي جعلني طول وقتي حزين فواد ‏مسير القدم والنفس ماهيب مهتويه ‏الا واهني اللي مشت له على ما راد ‏وانا لازمي من دونه الطرق ملتويه

هل دمعي على خدي نهار الوداع ‏يوم قالوا فمان الله جاني بلاي ‏التفت والتحضني بالعيون الوساع ‏وأرسل الدمعة اللي زاد منها عناي

أي بالله جر الصوت ياراعي المنكوس ‏ترا والله إن قدني وأنا ماني بحلوا ‏تظاهرت بـ الونسه وأنا خاطري محسوس ‏وعطيت العرب حرية الراي والملوا

على حلم عمرً ماستوى لي على مبداي ‏صرفت النظر منه وانا قد تحليته ‏فجوج البسيطه سلوتي والدجى منفاي ‏اسامر مناديبه واصخر عفاريته ‏على غير علام الخفى م ابتدي شكواي ‏عظيمً يعرف اسرار عبده وخافيته ‏ويأمل قلبً يشعفه صوت عزف الناي ‏يود الهوى لو كان الايام مشقيته

ما عادني باللي يطالع فالحياة، بنص عين ‏اليوم لا طاحت دموع العين طحت وزانها

استباحت غلطة الشاطر عواقبها الوخيمه ‏ غلطةٍ بيموت شاطرها قبل يدفع ثمنها

ماتمنعني حدود المسافة عن التعبير ‏أنا توّي مسولف معك وانت ماتدري .