Galmo kormoso 👈

#Shawaa_Lixaatti 'finxaaleyyiin #Amaaraa' mana cidhaa boombiin haleeluun namoota 20 ol ajjeesuu himame Godina Shawaa Lixaa aanaa #Noonnootti Sanbata darbe haleellaa mana cidhaarratti raawwatameen yoo xiqqaate namoota 24 ajjeefamuu Komaand Postiin Aanichaa Obbo Tashoomaa Sobboqaa BBCtti himan. Haleellaa kana 'finxaaleyyii Amaaraa' raawwachuu kan himan Obbo Tashoomaan, mana cidhaa keessa duubaan itti cufamee boombiidhaan haleelamuu himan. "Warra birmannaa dhufan ammoo alatti rasaasaan haleelaa turan. Manicha keessaa namni bahe tokkoyyuu hin jiru. Misirroota dabalatee achuma keessatti gubatan. Homtuu hin hafne," jechuun waan mudate ibsu. Dabalataan manneen jireenyaa 22 ol tahanitti abidda qabsiisanii gubuu himan. Ergasii humni ittisaafi komaandoo naannicha galuu kan himan Obbo Tashoomaan, "ammayyuu naannoo laga Gibee qabatanii akka jiran odeeffannoo qabna. Garuu teessumni lafasaa mijataa waan hin taaneef oppireshinii gaggeessuufis rakkisaadha," jedhan. https://www.bbc.com/afaanoromoo/articles/c511z0l3rplo

Oduu: Godinaalee #Gujii lamaanitti gudeeddii, ajjeechaa seeraan alaa dabalatee sarbiinsi mirga namoomaa hamaa raawwatameera: Qorannoo Dhaabbatni miti mootummaa Giddugala Guddina Mirgaa fi Dimokraasii (#CARD) jedhamu haala qabiinsa mirga namoomaa godinaalee Gujii fi Gujii Lixaa keessa jiru ilaalchisee qorannoo gaggeesseen, sarbiinsi mirga namoomaa olaanaa raawwatamuu akka mirkaneesse ibseera. Humnoonni nageenyaa mootummaa fi Waraanni Bilisummaa Oromoo (#WBO) gudeeddii, ajjeechaa seeraan alaa, hidhaa jumlaa, fi namoota nagaa humnaan hiraarsuu dabalatee dhiittaa mirgoota namoomaa godinaalee lamaanitti bal’inaan raawwataman keessa hirmaachuu qorannoon kun ibseera. Qorataan mirga namoomaa fi paanaalistii qorannichaa kan ta’an Margaa Fiqaaduu yaada Addis Standard’tti laataniin, godinaalee lamaan keessatti waldhabdeen jiruun walqabatee namoonni baay’ee “WBO waliin hidhata qabdu” jedhamanii jumlaan hidhamanii dhiittaa mirga namoomaaf saaxilamuu himan. https://addisstandard.com/Afaanoromoo/?p=4142

Waa'ee Keenya Yoo itti Dhiisan Silaa Nama Hin Dhiisu Dubbii Keenya Takka Hin Taanee Otoo Jiruu Nutii Akka Hin Jirree Maal Godhu Akka Hin Jirree Jiruu Faana Gargar Baanee itti Dhiisnee Silaa Gad Hin Teenyee Walii Galee yookaan Alaa Hin Galee Ofittan Hima Asaasee Asaaseen Asaasee Dubbii Hundaa Dhibdee tti Anaas Dhibdee Kanaafan Gad Qabee Gad Qabeen Ofitti Asaasee Mee Beekaamoo Wallaalaa Kam Komannaa...??? Nuuf Hin Galee Rakkanne Akkam Taanaa...???. Wal Guddunfuuf Sakaaluun Dantaa Taatee Walii Gamne Rakkoonis Keenya Taatee Mee Goota Moo Dabeessa Kam Komannaa...??? Nuuf Hin Galee Rakkanne Akkam Taanaa...??? Mee Yaa Rabbii Yaa Goofta Koo Tokkichaa Koo Mootii Hundaa Walii Galchii Nuu Lolii Nii Dandeessa Harkaa Qabdaa Jiruu Jechuuf Jiruu Mitti Nutii Akka Jirruutti Jiraa Nuu gamteetti Nuu Qaqqabii Sitti iyyannaa Jiruu Jechuuf Jiruu Mitti Yaa Rabbii Nutii Akka Jirruutti Jiraa. Mee Baramoo Dhaloota Kaam Komannaa...??? Nuu Rakkanne Gubbanne Akka Taanaa...??? Ormaaf Darbaa Maal Goone Maaf Nuu Darbinee...??? Nurra Turee Hin Bubbulee Akkuma Salphaa Mee Yaa Rabbii Yaa Goofta Koo Allaallchaa Mootii Hundaa Walii Galchii Nuu Lolii Nii Dandeessa Harkaa Qabdaa Jiruu Jechuuf Jiruu Mitti Nutii Akka Jirruutti Jiraa Nuu gamteetti Nuu Qaqqabii Sitti iyyannaa #Hachalu_Hundessa #Reminder

Nama Abjuusaa Hin Dhugoomsine Taatee Jireenya itti Fufuu Dandeessa, Nama Abjuusaa isaa Hin Beekne Taatees Akkasumas, Garuu Nama Abjuu Hin Qabnee Taanaan Ati Du'aa dha Jiraachuu Dhaabdeetta By Hachalu Hundessa

Dhiignii Fi lafeen oromoo guyyaadha guyyaatti kan cabaa jiruuf oromiyaa biyyaa Walabaa Ijaaruuf malee Itoophiyaa suphuuf miti.

#The_Hijacked_Revolution Book Qabsoon_Uummata_Oromoo_Eessaa ka’ee Garam Deemaa Jira? Uummanni oromoo waraana Minikiin weeraramee, biyyaa fi bilisummaa isaa erga dhabee jalqabee haa baayyatu haa xiqqaatu waggoota dhibbaa ool, haa dhiphatu haa bal‟atu malee dhuunfaanis ta‟e karaa gurmaa‟een bilisummaa dhabee fi biyya isaa deebifachuuf qabsoo hin lakkaa‟amne geggeessaa har‟a gaheera. Kanaafuu qabsoon bilisumaa oromoo eessaa akka ka‟ee ykn ammoo akkamitti akka jalqabe bal‟inaan ibsuun barbaachisaa hin ta‟u.Sadarkaa qabsoon kun irra gahee fi har‟a maal irratti akka argamu firaafis ta‟e diinaaf ifa waan ta‟eef,waa‟ee kanas gad fageenyaan ibsuun barbaachisaa miti. Garuu gad fageenyaan ilaalamuu kan qabuu fi anis dhimma uummata koo ibsuu kanan barbaadu, qabsoon kun garam deemaa jira? Gaaffii jedhu ilaaluu fi akkasumas qabsoo bilisummaa kana keessa kan turan, amma kan jiranii fi qormaata gara fuulduraatti jiraachuu danda‟an bal‟inaan ilaaluudha.Haa turu haa ariifatu,haa dheeratu gabaabbatu malee qabsoon kun gara xumuraa akka gahe shakkiin hin jiru. Haata‟u malee gara kamitti akka deemuu fi galma isa kam akka gahu amma beekuun rakkisaadha. Maaliif yoo jedhame kaayyoo qabsoo kanaaf hiikni kennamuu fi galmi qabsoo dhumaa maal ta‟uu akka qabu falmisiisaa waan ta‟eefi. As irratti jechuu kanan barbaabe akka itti aanutti ibsuun yaala. Namni dursaa kaayyoo qabsoo ture sirna wayyaanee jiru kuffisee, lola sanyii balleessuu uummata keenya irratti baname dhaabuu ture. Inni milkaa‟eera. wayyaaneenis Tigiraayitti dhokatteetti. Kan oromoo ykn mootummaa jijjiiramaati kan ofiin jedhu mootummaan muummicha ministeeraa Dr. Abiy Ahmed Ali gara aangootti dhufus duuti uummattoota keenyaa dhaabachuu hin dandeenye. Uummanni keenya har‟aas akkuma bara ABUT bilisummaa fi nageenya akka dheebotetti jira. Baay‟ee beela‟eera. Kan mul‟atu hundi sobadha. Kan fakkeessummaati. Siyaasa suura ka‟uuti. Kan ta‟e ta‟ee uummanni oromoo bal‟aa kan barbaaduu fi hawwu kan murteessuu fi abbaa qabsoo galmaan gahuu beekamaa uummata guddaa ta‟edha. Dhaabni ykn gareen kamiyyuu kana murteessuufii hin danda‟u. Gabaabumatti carraa isaa murteessuu kan qabu uummata bal‟aa kana jechuudha. Humni kamillee kana murteessuufii hin danda‟u.Fedhiin nama dhuunfaas ta‟e hawwiin, fedhiis ta‟e hawwii uummata bal‟aa kanaa ta‟uu hin danda‟u.Dhugaan kun ifa ta‟uu qaba. Egaa galma dhumaa qabsoo ilaalchisee hanga kana ergan jedhee booda,qormaata qabsichaa ilaalchisee waan tokko tokko kaasuun yaala. Qormaatota qabsoo bilisummaa bakka saditti qoodnee ilaaluu dandeenya. Isaanis qormaatota kaleessa turan,har‟as jiranii fi borus mul‟achuu danda‟anidha. Qormaatota kaleessa turan as irratti bal‟inaan kaasuun barbaachisaa ta‟uu baatus,haata‟u malee kan darbe irraa barachuuf akka gargaaruuf jecha isaan kanas xiyyeeffannoo keessa galchuun barbaachisaa ta‟a. Kitaaba #Qabsoo_Butame.

Badhaasni Faawundeeshinii Haacaaluu Hundeessaatiin waggaa waggaan qophaa’u, dameelee 11 irratti A L I Waxabajji 22 bara 2016 gaggeeffama.Faawondeeshiniin kun weellisicha yaadachuun cinatti hojiilee aartii guddisuu kan kaayyeeffatedha. via BBC News Afaan Oromoo https://ift.tt/BJxp2DV

Oduu: #Itoophiyaatti bara 2023 keessa sarbiinsi mirga namooomaa dabaluu UN ibse; 70% kan ta’u humnoota mootummaatiin raawwatame jedhe Dhaabbata Mootummoota Gamtoomaniitti waajjirri Komishinara Olaanaa Mirgoota Namoomaa (OHCHR) gabaasa haaraa baaseen, Naannoolee #Oromiyaa fi #Amaaraa keessatti sarbiinsi mirga namoomaa dabaluun yaaddeessaadha jedheera. Waliigaltee Piriitooriyaa hordofee naaannoo #Tigraay keessatti jiijjiiramni gaarii mul’achuu ibseera. Bara 2023 keessa taatewwan sarbiinsa mirga namoomaa 594 mudachuu eeruun lammiileen 8235 hubamaniiru jedhe. Kan bara darbeerra 55.9% dabaluu gabaasichi addeesseera. Sarbiinsa mirga namoomaa mudatan keessaa 70% kan ta’an humnoota mootummaatiin raawwataman namoota 7,103 irra miidhaa qaqqabsiiseera jedhe. Gabaasa guutuu https://addisstandard.com/Afaanoromoo/?p=4113

Uganda, its name👉Ankole