Уже доступно! Исследование Telegram 2025 — ключевые инсайты года 
ИБРАТЛЫ СӨЗЛЕР...
Открыть в Telegram
От жаққыштан дана шығар, Сөзге қулақ түре-түре. Аязий. Шөлкемлестириўши: Яссаўий Инстаграм каналымыз: Instagram.com/ibratli_sozler_ Ютуб каналымыз: https://www.youtube.com/channel/UCYp0lSkO4ACpBKxCKO-mvcw
Больше📈 Аналитический обзор Telegram-канала ИБРАТЛЫ СӨЗЛЕР...
Канал ИБРАТЛЫ СӨЗЛЕР... (@ibratli_sozler) языкового сегмента Казахский является активным участником. Сейчас сообщество объединяет 18 877 подписчиков, занимая 4 298 место в категории Религия и духовность и 452 место в регионе Казахстан.
📊 Показатели аудитории и динамика
С момента создания невідомо проект демонстрирует стремительный рост, собрав аудиторию из 18 877 подписчиков.
Согласно последним данным от 28 июня, 2026, канал показывает стабильную активность. За последние 30 дней изменение числа участников составило -262, а за последние 24 часа — -14, при этом общий охват остаётся высоким.
- Статус верификации: Не верифицирован
- Уровень вовлечённости (ER): Средний показатель вовлечённости аудитории составляет 26.62%. В первые 24 часа после публикации контент обычно набирает 19.61% реакций от общего числа подписчиков.
- Охват публикаций: В среднем каждый пост получает 5 027 просмотров. В течение первых суток публикация набирает 3 704 просмотров.
- Реакции и взаимодействия: Аудитория активно поддерживает контент: среднее количество реакций на один пост — 46.
📝 Описание и контентная политика
Автор описывает ресурс как площадку для выражения субъективного мнения:
“От жаққыштан дана шығар,
Сөзге қулақ түре-түре.
Аязий.
Шөлкемлестириўши: Яссаўий
Инстаграм каналымыз:
Instagram.com/ibratli_sozler_
Ютуб каналымыз:
https://www.youtube.com/channel/UCYp0lSkO4ACpBKxCKO-mvcw”
Благодаря высокой частоте обновлений (последние данные получены 29 июня, 2026) канал поддерживает актуальность и высокий уровень охвата публикаций. Аналитика показывает, что аудитория активно взаимодействует с контентом, что делает его важной точкой влияния в категории Религия и духовность.
18 877
Подписчики
-1424 часа
-867 дней
-26230 день
Архив постов
18 873
#ғәзийне
📜 Қарақалпақ халық нақыл-мақаллары
Жалғыз жүрип жол танығанша,
Көпшилик пенен адас
Ерден аспақ болса да,
Елден аспақ жоқ
Бағды қуртсаң балаңа қәўип,
Елди жаманласаң өзиңе қәўип
Телпек кийгенниң ары бир,
Кемеге мингенниң жаны бир
Халқыңды, журтыңды жаманлама,
Халық табады миниңди
Ўатан күннен сулыў,
Алтыннан қымбат
Ел басына түскен ис
Ер басына түскени
Көп билсең де,
Көптен артық билмейсең
Халық бир тислемнен берсе тойдырар,
Бир муштан берсе өлтирер
Ел сөзи - теңиз толқыны
Жалғыз ағаш үй болмас,
Жалғыз жигит бий болмас.
Көп аўыз бир болса,
Бир аўыз жоқ болады.
Жалғыз аттың шаңы шықпас,
Жалғыздың үни шықпас.
Саяқ жүрсең таяқ жерсең.
Жекке жүрип ат шаппа (қус тутпа),
Биреўден екеў жақсы.
📜
https://t.me/ibratli_sozler
18 873
Жетимнинг ҳақын жеп қойма
Муҳмин бенде жетим ҳақтың қулыдур,
Жетим ҳақын наинсаплар жеп қойма,
Турышылық ҳақ безирген жолыдур,
Жетимлердиң ҳақларын жеп қойма.
Жеме ҳақын адамлардың ҳешқашан,
Отерсең дуньядан жесең бий нышан,
Ғарип-қәсер, маҳмин пуқара инсан,
Жетимлердинг ҳақыларын жеп қойма.
Шайырлардың едим өзим сардары,
Расулулла сүйген үмметтиң бири,
Аўырса-да шүкир етер ҳәр жери,
Жетимлердиң ҳақыларын жеп қойма.
Жетим ҳақы қарызлардан жаманды,
Ҳақы жемегенниң басы аманды,
Егер берсе бендесине заманды,
Ели шалқыр өмирине кун менен.
Уайымсыз ас ишсең суйегиң балқыр,
Ҳасыл ас ишпесең суўда шөп қалқыр,
Биразлар жетимниң ҳақын жеп шалқыр,
Сен оныңдай жетим ҳақын жеп қойма.
Жетим деген ғәрип болар билсеңиз,
Ақша жузи сарғаяр оған кулсеңиз,
Бул гәпимди мениң жалған десеңиз,
Бир басқа бир өлим жақын, жеп қойма.
Бул заман тарылды маканы болмас,
Залымлар ғариптиң ақлыны алмас,
Бағдың гүллери солар я солмас,
Солады деп жетим ҳақын жеп қойма.
Аллаға жыларман етип налысты,
Өзлерин билермен жақсы ҳалыны,
Дузетермен душпан менен шабысты,
Бир басқа бир өлим барды, жеп қойма.
Мақтымқулы мағриптей алдыңды болжа,
Қысқарт сөзди енди саған жоқ олжа,
Бул заманда әўере болма Кунхожа,
Сенде сөйтип жетим ҳақын жеп қойма.
✍ Күнхожа Ибрайым улы
https://t.me/ibratli_sozler
18 873
Адамзат ушын еки қуяш бар: бириншиси - тәбийий қуяш (күн),
екиншиси - руўхый қуяш КИТАП.
✍ Т. Қайыпбергенов
https://t.me/ibratli_sozler
18 873
Ӯақыт ҳаққында…
Жаратылыс сени жоқтан бар етти:
Биреӯ-перзент, биреӯ-сǝӯер яр етти…
Инсан деген уллы исми-шǝрипиң
Жаңғырып тур еситилип шар тǝрепке…
Сен ӯақытқа садықпысаң, ямаса
Ӯақыт саған садық болыӯ керекпе
Ҳағынан кел, айт ӯақыттың алдында,
Журт қатары бир жан жасай алдыңба?
Я аңқылдап, сол ғǝниймет күнлердиң
Қалай өткенлигин билмей қалдыңба?
Я ӯақыттан озып кетип, өзиңниң
Қара басың ушын қорған салдыңба?
Қǝдирин билдиңбе достың, яранның
Қандай қайырхомлық етти саған ким?
Яки қуӯанғанда, яки қайғыда
Сен кеӯлинен шықтыңба бир адамның?
Өмирдеги орның қандай? Өзиң айт,
Ким биледи артық-кемин баханың?
Бул сораӯға ӯақыт жуӯап береди,
Еситерсең, еле келер рети.
Неге десең, ҳақыйқатлық ҳǝр қашан
Өзиң менен өкшелесип жүреди.
Сен ӯақытқа садық болсаң, ӯақыт та
Сенин қǝдир-қымбатыңды биледи…
Ноябрь,1988 жыл. Нөкис қаласы.
✍️✍️✍️ Толыбай Қабулов
18 873
#Ассалаўма алейкум!
ҚАЙЫРЛЫ ТАҢ, ӘЗИЙЗЛЕР!
🌿Сиз бир КУЯШСЫЗ- кеўиллерди еритиўши,
🌿Сиз бир МЕҲИРСИЗ - бахыт булағын келтириўши,
🌿Сиз бир ҚУЎАНЫШСЫЗ - жүректи шадлыққа толтырыўшы,
🌿Сиз бир ӘЎМЕТСИЗ - қәлблерде мақтаныш сезимин оятыўшы...
🌿Пийшемби таңы бәршемизге сәтли күн болсын!!!
Күни бойы сизлерден қуўаныш күлкилери арылмасын🙏🙏
https://t.me/ibratli_sozler
18 873
Қайырлы түн әзизлер!
Адам келер-кетер дүркин ҳәм дүркин,
Жүрек қыймақ емес дүньяның көркин.
Улықпандай мың жыл өмир сүрсең де,
Соның аржағында бар тағы бир күн.
✍ Т. Жумамуратов
💫 💫 💫 💫
Сизлерге түннен тынышлық таңнан ырысқы берекет несип етиўин тилеймиз...
https://t.me/ibratli_sozler
18 873
ЖАҚСЫ ТИЛЕК
Жақсы сөзге де жаман сөзге де периштелер әўмийн дейди, деген гәп бар. Соның ушын да ҳәр қашан тилекти дурыс тилеў керек.
Бир ўақыяны еситип едим, аңыз ба, я, болған ўақыя ма, ол жағын билмедим. Бирақ сол ҳәдийсе мениң ядымнан шықпай қалды.
Жас ерли-зайыплылар турмыс қурғанына бирнеше жыл болса да, перзент көрмепти. Олардың бармаған тәўиби, емленбеген жери қалмапты. Ҳеш қайсысының пайдасы тиймеген соң, ақыры балалы болыўдан үмитин үзе баслапты. Күйеўи менен енесиниң келинге деген көзқарасы өзгере баслапты.
Анасы баласына:
- Енди бул туўмайды, басқасына үйлен,- деп ҳәр күни мәсләҳәт берер екен. Бундай сөзлерди есите берген келин шаңарағын бузғысы келмей:
"Ей, Алла, маған көзи соқыр, өзи майып болса да, бир перзент бер, мен буған да қайылман!" деп қудайдан перзент сорай берипти.
Арадан айлар өтип, ҳаял ҳәмледар болыпты. Үйдегилердиң ҳәммеси нәрестениң туўылыўын асығыслық пенен күте баслапты.
Айы-күни келип, нәресте туўылыпты.
...Не көз бенен көрсин! Бала қолы-аяғы ислемейтуғын ҳәм соқыр болып туўылыпты!
Сонда анасы:
- Неге қудайдан жақсы тилек тилемедим!- деп зар-зар жылапты.
Демек, қандай жағдайда болсақ та, тек жақсы тилек тилеўимиз керек екен. Мениң тилегим, елимиз аман, журтымыз тыныш, суўымыз мол, жасларымыз бахытлы болғай! Ҳәммениң де ата-аналары аман болып, перзентлериниң камалын көре бергей!
✍Жумамбетова Қурбангүл
https://t.me/ibratli_sozler
18 873
АТА-АНА ДУЎАСЫ
Күнлердиң биринде еки дос саўда ислери менен узақ сапарға шығыпты.
Бириншисиниң ата-анасы тири болып, екиншиси жетим екен.
Бириншиси жетим достына мәнзилге жетемен дегенше саўда-сатық бойынша ақыл үйретипти. Нәрселерди сатып алыўда да, сатыўда да ақыл үйрете берипти, үйрете берипти.
Ақыры шыдамы таўсылған досты оған депти:
"Ҳәй бирәдар, билесең бе, билмейсең бе, мениң сүйеклерим саўдада қатқан. Ата-бабаларым белгили саўдагер болған, ҳадал пул таўып бизлерди өсирген. Сол себепли де, мәсләҳәтлериңе мүтәжлигим жоқ.
Мениң сен менен бирге екенлигиме бирден-бир себеп бар. Ол да болса, ата-анаң сени дуўа қылғанында, мени де қосса екен, деген үмитте жолдаслық қылмақтаман", - депти.
📖"Перзентнама" китабынан үзинди.
https://t.me/ibratli_sozler
18 873
🌺 ХАЛҚЫМ САҚ БОЛАЙЫҚ ҚЫЗЛАРЫМЫЗҒА
Бар айыпты төнкерместен заманға,
Алып топылмастан, адам- адамға,
Таплатпай намысын нәкас, наданға,
Халқым сақ болайық қызларымызға.
Айтайын келген де гәптиң қолайы,
Қыз бала емес пе, елдиң шырайы?
Миллет едик, қыз сыйлаған удайы,
Биз қорған болайық қызларымызға.
Азаматлар кийген басына бөрик,
"Ар ушын қара кий"- абырой шерик,
Ҳәр бирин көз қарашығыңдай көрип,
Қалқаны болайық қызларымызға.
"Бос усласаң қолды қыяды қамыс,-
Ерди өлтиреди, демей ме намыс?",
Тәрбиялап, жат иллетлерден алыс,
Көз қулақ болайық қызларымызға.
Ашылмай атырып он гүлден бири,
Тықпайық солдырып, гөрине тири,
Кетпейди жуўсаң да кеўилдиң кири,
Пәрмана болайық қызларымызға.
Миллет келешеги- болажақ Ана,
Қара шаңарақтан... алады саға,
Аўҳалға түсирмей, услатар жаға,
Халқым бек болайық қызларымызға.
✍Ақшолпан Аманияз
https://t.me/ibratli_sozler
18 873
Өмир қурамалы емес!
Оны биз өзимиз қурамаластырамыз!
Санаңызды нени көрсетиўге əдетленсеңиз, өмирде тек солардығана көресиз, артығын емес!
Хəр бир жағдайда жақсылық барлығына исениң!
https://t.me/ibratli_sozler
18 873
ҲИКМЕТ ИЗЛЕГЕНГЕ ҲИКМЕТДУР ДҮНЬЯ,
ИЛЛЕТ ИЗЛЕГЕНГЕ ИЛЛЕТДУР ДҮНЬЯ.
АЙРЫМ АДАМЛАРДЫҢ КӨЗЛЕРИ ҲӘММЕНИҢ ТЕК ҒАНА ЖАМАН ТӘРЕПИН КӨРЕДИ,ОЛ АДАМ ҚАНША ЖАҚСЫ БОЛСА ДА АЗ ҒАНА ҚӘТЕШИЛИК ИСЛЕСЕ,ОНЫҢ КӨЗИНЕ ҮЛКЕН АЙЫП БОЛЫП КӨРИНИП,ОНЫ ИЛӘЖЫ БАРЫНША КӨПШИЛИККЕ ЖЕТКЕРИЎГЕ АСЫҒАДЫ.
АЛ, ОНЫҢ ЖАҚСЫ ИСЛЕРИН,ЖЕТИСКЕНЛИКЛЕРИН МӘЗИ ЕСИТПЕГЕНЛИККЕ АЛАДЫ.
БИЗ ДЕ ОҒАН МӘЗИ ҒАНА КҮЛИП ҚОЯЙЫҚ, СЕБЕБИ ҚАЗАНДА БАРЫ ШӨМИШКЕ ИЛИНЕДИ, РУЎХЫЙ ДҮНЬЯСЫ КИРГЕ ТОЛЫП КЕТКЕН АДАМ БИРЕЎДИҢ ЖАМАН ТӘРЕПИН КӨРЕДИ, АЛ РУЎХЫЙ БАЙ АДАМ ҲӘММЕНИҢ ЖАҚСЫ ТӘРЕПИН КӨРЕДИ, ОНДАЙ КӨЗДИ АЛЛА ТААЛАМ ҲӘММЕГЕ ДЕ БЕРГЕН ЕМЕС,ТЕК ӨЗИНИҢ ЖАҚСЫ КӨРГЕН БЕНДЕЛЕРИ УШЫН ҒАНА ЖАҚСЫ КӨЗ БЕРГЕН.
АЛЛАҲЫМ ӨЗИҢЕ ШҮКИР,МЕНИ ЖАҚСЫ КӨЗ БЕНЕН СЫЙЛАҒАНЫҢА КӨРЕ АЛМАЎШЫЛЫҚТАЙ ПАСЫҚ ИЛЛЕТЛЕРДЕН УЗАҚ ҚЫЛҒАНЫҢА....
✍Перида Аллекева
https://t.me/ibratli_sozler
18 873
#Балалар_әдебияты
📖
"Жасырын жақсылық"
✍Ә.Ҳәмзе
🎤 Гүлжахан Исмайлова
https://t.me/ibratli_sozler
👉https://t.me/ibratli_sozler
18 873
#Балалар_әдебияты
📖
"Жасырын жақсылық"
✍ Ә. Ҳәмзе
🎙 Гүлжахан Исмайлова
https://t.me/ibratli_sozler
👉 https://t.me/ibratli_sozler
