Дөрес сүзгә җавап юк!

Халкыбызның җырларын тикшереп карасаң, искитәрлек фәлсәфә һәм табигать белән бердәмлек. Ата-бабаларыбыз беркайчан да үзләрен табигатьтән аерып куймаганнар. Бу инде — рухи тормышның бөтенлеге. Мөхәммәт Мәһдиев

Әй, килә соң тапкыр сүзләр бәхәс тынгач!.. Равил Фәйзуллин

Ир-ат... Ат-ир... Безнең телебезгә генә хас нинди бөек мәгънә. Рухи һәм җисми бергәлек. Марсель Галиев

Тидермә һи берәүгә син ачы тел, Әгәр дә ул тидерсә, син бары көл. Габдерәхим Утыз Имәни

Сүз көчле ул, мәгънәле ул, сирәк булса, Тыңлаучысы да сүз аңлаучысы зирәк булса. Сәгыйть Рәмиев

Сүз документ түгел, эш кәгазенә теркәп булмый. Җәүдәт Дәрзаман

Мәңгелекнең тынычлыгын жуйганла Әйтелмәгән сүзләр. Факил Сафин

Әйтер сүзең юклыкны сиздермәс өчен, озак сөйләргә туры килә. Шәүкәт Галиев

Туган телең үзе Олы бер фән ул. Клара Булатова

Табигатьнең бөеклеге нидәме? Табигать һәрвакыт гүзәл. Хәтта ялангач, шыксыз, салкын, усал чагында да... Ул кызгануга мохтаҗ түгел. Ул яратуга гына мохтаҗ! Галимҗан Гыйльманов

Иҗат кешесе кыска гомердә дә үзен раслап яки инкяр итеп өлгерә. Шәүкәт Галиев

Гайбәтне, гадәттә, үзләре бозык кешеләр үзләреннән яхшырак кешеләр турында уйлап чыгарырга яраталар. Шуның белән алар, бер яктан, үзләреннән яхшырак кешеләрдән үч алалар, икенче яктан, үзләре гайбәттән читтә калалар. Әхмәт Фәйзи

Су да бер тулгач таша.

Дәүләтле халыкның гына тарихы бар... Мөхәммәт Мирза

Әйткән сүз, үткән гомер — агып киткән су мисалында. Ризаэтдин Фәхреддин

Тыңласыннар дисәң, аз сөйлә, Ишетсеннәр дисәң — кычкырма... Шәүкәт Галиев

Тел ул - халыкның рухи дәвасы. Өлкән буын телне салмак олыгайтып яшәтсә, яшь буын телне санлаш яшәртә. Марсель Галиев

Хисләр белән тулы, кыерсытылган татар күңелендә һәрчак бер өмет уты янды — ул бәйсез татар дәүләте төзү. Чөнки аңа чаклы ирексезләп тагылган «ватан» кышлар кебек салкын, көзләр кебек көйсез, ташлар кебек җансыз иде. Нурулла Гариф

Мәзәк аңламаган кешегә юморист тәртип бозучы булып күренә. Шәүкәт Галиев

Туган як – әдипнең таяну ноктасы да, төп юнәлешен билгеләүче кыйбласы да. Мөдәррис Вәлиев