ማህበረ ፍኖተ ሕይወት(Mahebere Finote Hiwot)

➯ ኢፍትሐዊነት ነገሥት አንቀጽ 24 ሀብታም ወንድ ድሃ ሴትን አላገባም አይበል፣ ሀብታም ሴትም ድሃ ወንድን አላገባም አትበል፤ ባዕል መለኮት ነዳይ ሥጋን ተዋሕዷልና፤ ልዑል መለኮት ትሑት ሥጋን ተዋሕዷልና፤ እንዲያውም ሀብታሙ ወንድ ድሃይቱን ሴት ቢያገባ ሀብታሚቱም ሴት ድሃውን ወንድ ብታገባ ትልቅ ክብር ያገኛሉ፤ የእጮኝነት መሠረቱ ጾታዊ ፍቅር ነው፤ ይህም በመፈላለግ ይገለጣል፤ በአንድ ወንድ እና በአንድ ሴት መካከል የመፈላለግ ስሜት ካለ ሁለቱ ለእጮኝነት መጠያየቅ ይችላሉ፤ ነገር ግን ፍላጎቱ የአንዱ አካል ብቻ ከሆነ እና አንደኛው የማይፈልግ ከሆነ የፈለግሁትን ካላገኘሁ ሞቼ እገኛለሁ ብሎ ማስቸገር አይገባም፤ ጠይቆ እምቢ ከተባለ ያው ኃፍረቱን ተከናንቦ ሌላ ይፈልግና ይጠይቅ፤ ምንስ ቢሆን እርሱ እየወደዳት እርሷ ባትወደው ወይም እርሷ እየወደደችው እርሱ ባይወዳት ከማትወደው/ከማይወዳት ሰው ጋር ለምን ለመኖር ይመኛል፤ አገባብስ እርሷም እርሱም ተዋደው ሲጋቡ ነው፤ አንድ ጊዜ አንዱ ጓደኛየ አንዷን ልጅ ፈለገና ሂዶ ጠየቃት ከዚያ እምቢ አለችው። ➯ ከዚያ ወረብ ሲያጠና "ኀዲጎ ብእሲቶ (ሚስቱን ትቶ)" የሚለውን ወረብ ደጋግሞ ይወርብ ጀመር መምህራችን ልጅቱ እምቢ እንዳለችው ሰምተው ኖሯል በቃ እሱኛውን ወረብ በትክክል ብለኽዋል ወደቀጣዩ እለፍ አሉት፤ አንድን ወረብ አጥንተህ በደንብ ከያዝከው ከዚያ ቀጣዩን ወረብ ታጠናለህ፤ የየኔታ ንግግር በአንድ ድንጋይ ሁለት ወፍ ነው የመጀመሪያው ወረቡን ብለኽዋል ወደ ቀጣዩ እለፍ ማለታቸው ነው ሁለተኛው ደግሞ በቃ የመጀመሪያ ጥያቄህን ያቀረብክላት ልጅ እምቢ ካለች ወደቀጣዩ እለፍ ማለት እርሷን ትተህ ሌላ ፈልግ ማለታቸው ነበር፤ ሀብታም ወንድ ሀብታሟን ሴት ድሃ ወንድ  ድሃዋን ሴትም ማግባትም ይችላል፤ ሌላው በእጮኝነት ጊዜ በሐሳብ ያለመስማማት ነገር ካለ ቢለያዩ ኃጢኣት አይሆንም፤ ከተጋቡ በኋላ ግን መለያየት አይቻልም፤ የእጮኝነት ጊዜ ለየብቻቸው ነው መኖር ያለባቸው፤ እጮኛሞች እስካልተጋቡ ድረስ በአንድ ላይ መተኛት በአንድ ላይ ማደር አይገባቸውም።   ➯ አንድ ወንድ አንዲት ሴትን ለማግባት ወይም አንድ ሴት አንድን ወንድ ለማግባት የግድ አስፈላጊ የሆኑ መስፈርቶች አሉ፤ ከእነዚህም አንዱና ዋናው ሃይማኖት ነው ሴቶች በሃይማኖት የማይመስላችሁን ወንድ አታግቡ፤ ወንዶችም እንዲሁ በሃይማኖት የማትመስላችሁን ሴት አታግቡ፤ ታድያ እንዲህ ከሆነ ቅዱስ ጳውሎስ ✍️ "ያላመነ ባል በሚስቱ ተቀድሷል። ያላመነችም ሚስት በባሏ ተቀድሳለች" ይላልሳ ምን ማለት ነው? ካልከኝ። 📖1ኛ ቆሮ 7፥14 ➯ አንድ የመጽሐፍ ቅዱስ ቃል የተነገረበትን ምክንያት ማወቅ ሀሳቡን በትክክል እንድንረዳው ያደርገናል፤ ቅዱስ ጳውሎስ እንዲህ ያለው አሕዛብን አስተምሮ ወደ ክርስትና ሲመልስ ሚስት ክርስቲያን ትሆንና ባል ሳይሆን ይቀራል፤ ባል ክርስቲያን ይሆንና ሚስት ሳትሆን ትቀራለች፤ በዚህ ምክንያት ጠብ እንዳይነሳ ባል ክርስቲያን ከሆነ በጊዜ ሂደት አስተምሮ ክርስቲያን ያደርጋታል በማለት ይህንን ተናገረ፤ ይህንንም የሚያስረዳን ቁጥር 13 ላይ "ሴቲቱም የማያምንና ሚስቲቱን የሚያፈቅር  ከእርሷም ጋር ሊኖር የሚወድ ባል ቢኖራት ባሏን አትፍታ" ይላል፤ የሚያፈቅራት ብሎ የገለጠው የሚወዳት ከሆነ ለእርሷ ሲል ትንሽ ቆይቶ እንደ እርሷ ሃይማኖት ይሆናልና እንዲህ አለ፤ ነገር ግን ተምሮም ተነግሮም ወደ ትክክለኛዋ ሃይማኖት ካልመጣ ልትፈታው እንደሚገባ ቅዱስ ጳውሎስ ከዚሁ ምእራፍ ቁጥር 15 ላይ "የማያምን ግን ቢፈታ ይፍታ" ብሎ ነግሮናል፤ ይህንን መነሻ አድርገው 318ቱ ቅዱሳን ሊቃውንት ደግሞ በፍትሐ ነገሥታቸው ክርስቲያን ክርስቲያንን ብቻ እንዲያገባ ሥርዐት ሠርተዋል። ➯ ስለዚህ አሁን ላይ አስተምረህ ወደ ሃይማኖት ከመለስክ በኋላ አጭተህ ማግባት ትችላለህ እንጂ ገና ወደ ትክክለኛዋ ሃይማኖት ሳትመጣ እያለች እርሷን አግብቼ ወደ እኔ ሃይማኖት እመልሳታለሁ ግን አትበል፤ ሥለዚህ ባልና ሚስት በሃይማኖት አንድ የሆኑ መሆን አለባቸው፤ በሃይማኖት አንድ ሆነው ከተጋቡ በኋላ ከሁለት አንዱ ሃይማኖቱን ቢቀይርሳ እንዴት ይሆናል የሚል ጥያቄ ከጠየቅከኝ ደግሞ መልሱ "ይፋቱ" ነው፤ ምክንያቱም ✍️ "ከእኔ ይልቅ አባቱን ወይም እናቱን የሚወድ ለእኔ ሊሆን አይገባውም፤ ከእኔ ይልቅ ወንድ ልጁን ወይም ሴት ልጁን የሚወድ ለእኔ ሊሆን አይገባውም" ይላልና ነው። 📖ማቴ 10፥37 ➯ ከዚህ ጥቅስ በታች ቁጥር 34 ላይ "ሰይፍን እንጂ ሰላም ለማምጣት አልመጣሁም" ብሏል፤ የዚህ ትርጉሙ በሃይማኖት ምክንያት እናትና አባት ባልና ሚስት ወላጅና ልጅ ቢለያዩ የሚገባ መለያየት መሆኑን ነው፤ ሰይፍ የተባለውም ይህ ነው። ➯ ከዚህ ላይ "ሰላም" ለማምጣት አልማጣሁም ያለው "አንተም በሃይማኖትህ አንቺም በሃይማኖትሽ ተባብለው በአንድ ተስማምቶ መኖርን ነው ሰላም ያለው" ይህ ሰላም ክርስቲያናዊ ሰላም አይደለም፤ ክርስቲያናዊው ሰላም ከክርስቶስ ጋር በመኖር በክርስቶሳዊ ሕይወት በመኖር የሚመጣ ሰላም ነው፤ ይህኛውን ሰላም መድኃኒታችን ኢየሱስ ክርስቶስ በዮሐ.14፣27 "ሰላሜን እሰጣችኋለሁ" ብሎናል፤ ስለዚህ በሃይማኖት የማይመስለንን ሰው ማጨት ማግባት አይገባም፤ከተጋባን፤ በኋላ ሃይማኖቱን ቢለውጥ እንኳ መፋታት ይገባል ማለት ነው። ይቀጥላል ........ 📌  አዘጋጅ ®  ዲ/ን ቡሩክ ይርጋ  ✝💚💛❤️✝💚💛❤️✝💚💛❤️✝💚💛❤️✝ 🙏 ለተጨነቀች ነፍስ ዕረፍት የሆነው የእግዚአብሔር ቃል ለሁሉ ይዳረስ ዘንድ፤ እኔም ለእናንተ ከአዘጋጀው በኃዋላ የተጣልሁ እንዳልሆን ስለ እኔ ጸልዩ   ✍ "አንተ ሰው ቃለ እግዚአብሔርን ተማር፤ ባትለወጥም ዝም ብለህ ተማር! ኹልጊዜ ተማር። ላትስተካከል ትችላለህ፤ ላትለወጥ ትችላለህ፤ ግን ተማር፤ ቢያንስ ቢያንስ ጥሩ ሰው እንኳን ባትኾን ራስህን ለመውቀስ የምትችልበት ዓቅም ታገኛለህ፤ ካልተማርክ ግን ራስህን እንኳን መውቀስ የምትችልበት ዓቅም አታገኝም፤ ስለዚህ ተማር ስትማር ቢያንስ ኃጢአት እንኳን ስትሠራ ራስህን እየወቀስክ ትሠራለና፤ ይህች የንስሐ በር ትኾንልሃለች፤ አንድ ቀን ወደ ንስሐም ትመራሃለች" 📘ቅዱስ ዮሐንስ አፈወርቅ                ወስብሐት ለእግዚአብሔር                             ይቆየን 🕹 ትምህርቱ እንዴት ነው......የእናተ አስተያየትና ጥያቄ ከዚህ የበለጠ ለመትጋት ይረዳልና መልእክት ይተውሉኝ፤ የተሳተውን፤ የተረሳው፤ የተገደፈውን፤ የነጠፈውን በቀና መንፈስ አቃንታቹ አንብቡት ቸሩ መድኃኔዓለም ማስተዋሉን ያድለን፤ በፀሎታቹ አስቡኝ አትርሱኝ የተለያየ ጽሁፍ ያላቹ፣ መተረክ እንችላለን የምትሉ እና ካርድ በመግዛት ቻናሉንና ግሩፑን በተለያየ አገልግሎት ማገዝ የምትፈልጉ በውስጥ መስመር አናግሩኝ። 📩Coment  📥  @Yebiruk ───────────                     Channel  🧲  https://telegram.me/Tewahedo12                     Group 🧲  https://telegram.me/OrtodoxTewahedo12       Facebook Like Page (የፌስቡክ ፔጅ) 🧲   http://facebook.com/Tewahedo12 YouTube Subscribe (ሰብስክራይብ) 🧲 https://www.youtube.com/channel/UCvYxUdv1D-5juH_P6iE7XXw  ───────────

➯ ከዚያ በታች ግን ማግባትም ማጋባትም አይቻልም፤ ወንዱም በምቾት ያደገ በአካል የጠነከረ ከሆነ በ18 ዓመቱ ማግባት ይችላል። ከዚያ በታች ግን አይቻልም፤ ወንዱ ወይም ሴቷ በቤተሰብ ሥር የሚተዳደሩ ከሆነ በቤተሰብ ፈቃድ ያጫሉ፤ ነገር ግን ራሳቸውን የቻሉ በአካል የጠነከሩ ከሆኑና በኑሮም በቤተሰቦቻቸው ጥገኛ ያልሆኑ ከሆነ ራሳቸው መርጠው ራሳቸው አጭተው ሽማግሌ አስልከው መጋባት ይችላሉ፤ የእድሜ ጉዳይ መነሻውን ተናገርኩ እንጂ ከዚያ በላይ ከሆኑ ፈቅደው ተፈቃቅደው መጋባት ይችላሉ፤ በእድሜ ወንዱ ሊበልጥ ይችላል፤ ሴቷም ልትበልጥ ትችላለች፤ ነገር ግን እድሜያቸው ተቀራራቢ ቢሆን ይመረጣል። ➯ ይኽውም መረዳዳት የሚለውን በሀሳብም ለመረዳዳት የእድሜ መቀራረብ አስፈላጊ ስለሆነ ነው፤ ዙሮ ዙሮ ግን በፍትሐ ነገሥቱ እንደምናየው የሴቷ አነስ ቢል የተሻለ ነው፤ ሴት 65 ዓመት ከሆናት በኋላ ማግባት አይገባትም። ➯ ሌላው በእጮኝነት ጊዜ ወደፊት ምን ሠርተው እንዴት ሠርተው ራሳቸውን እንደሚያኖሩ ማሰብ መወያየት ይገባል፤ ሌላው ነገር ደግሞ ለእጮኝነት ለመጠየቅ ሴትም ወንድን መጠየቅ ትችላለች፤ ወንድም ሴትን መጠየቅ ይችላል፤ ነገር ግን ከተጠያየቁ በኋላ ሽማግሌ ወደ ቤተሰብ የሚልክ ወንዱ ነው፤ ወንዱ ወደ ሴቷ ቤተሰቦች ነው እንጂ ሴት ወደ ወንድ ቤተሰብ ሽማግሌ ልካ "ላገባው ነው" ማለት አይገባትም፤ ከእጮኝነት በኋላ ጥሎሽ ወይም ማጫ የሚሰጥ ደግሞ ወንድ ነው፤ ይኽውም ለአዳም መላእክት ወርቅ እጣን እና ከርቤ አምጥተው ሰጥተውታል፤ አዳምም ለሔዋን ማጫ አድርጎ ሰጥቷታልና የዚያ ምሳሌ ነው። ➯ የልጆቻችንን ከርስ ብቻ የምንሞላ ከሆንን እያሳደግን ያለነው ሮሆቦት እንጂ ሰው አይደለም፤ ከሮሆቦት የተሻሉ ልጆችን ማሳደግ ከፈለግን የተፈጠሩበትን ዓላማ እንዲያውቁ በስነልቡና ጠንካራ እንዲሆኑ በስነ ምግባር የታነጹ ልጆች እንዲኖሩን ከፈለግን ከልጅነታቸው ጀምረን ነገረ እግዚአብሔርን ሃይማኖትን ልናሳውቃቸው ይገባል፤ እኛ ሆዳቸውን ልብሳቸውን ብቻ እየቻልን አእምሯቸውን ግን በሌላ ሰው ሌላ ትምህርት ካስያዝነው እንደ ስልክ እኛ ቻርጅ እናደርጋለን ሶፍት ዌሩን ሌላ ባዕድ ይሞላዋል ማለት ነው፤ ሲጀምር ቤተክርስቲያን አንድን ልጅ አንዱ ክርስትና እንዲያነሳው ሥርዐት የሠራች የሃይማኖትን ትምህርት ጠንቅቆ እንዲያስተምረው ነው፤ አሁን አሁን ግን ይህ የለም፤ ነገር ግን የትዳር ዋናው ዓላማ የእግዚአብሔርን አምሳል የሆነ ልጅን ማስገኘት ነው። ➯ ስለዚህ ልጆቻችን በመሰረታዊነት ከምግበ ሥጋም ከልብሰ ሥጋም በተጨማሪ የሚያስፈልጋቸው ምግበ ነፍስ ነው፤ ስለዚህ በልጅነታቸው ቤተክርስቲያን እየወሰድን እናቆርባቸዋለን አበ እመ ማለት ሲጀምሩ ደግሞ በቃለ እግዚአብሔር አፋቸውን እናስፈታቸዋለን፤ እንግዲህ በትዳር አማካኝነት ባልና ሚስት የእግዚአብሔር አምሳል የተባለውን ሰው ያስገኛሉ፤ ይህም ትልቅ በረከት ነው። ✍️"...ልጆች ሆይ አብን አውቃችኋላና እጽፍላችኋለሁ" ተብሏል። ሃይማኖትን ማሳወቅ ይገባል። 📖1ኛ ዮሐ 2፥13

💚💛❤️✝💚💛❤️✝💚💛❤️✝💚💛❤️✝ በስመ አብ ወወልድ ወመንፈስ ቅዱስ አሐዱ አምላክ            አሜን   ✍️ "በበጎ ሥራ ሁሉ ፍሬ እያፈራችሁ በእግዚአብሔርም እውቀት እያደጋችሁ፤ለጌታ እንደሚገባ ትመላለሱ ዘንድ እንለምናለን" 📖ቆላስይስ 1፥10-11 ክፍል ሁለት         ✥••┈••●◉ ✞ ◉●••┈••✥               ስለ እጮኝነት......         ✥••┈••●◉ ✞ ◉●••┈••✥  ካለፈው ሳምንት የቀጠለ... 📌 ሌላው ወደ እጮኝነት ከመግባታችን በፊት ለእጮኝነት ያሰብናት ሴት/ወንድ ከአራቱ ዝምድናዎች ውስጥ የሌለች/ለ መሆኑን መረዳት አለብን፤ አራቱ ዝምድናዎች የተባሉም። 1) መንፈሳዊ ዝምድና 2) የአሳዳጊ አባትና እናት ዘመዶች 3) የሥጋ ዝምድና 4) የጋብቻ ዝምድና ➯ የምታጫት ሴት ወይም የምታጪው ወንድ ከእነዚህ ዝምድናዎች ውጭ መሆኑን ማረጋገጥ ያስፈልጋል፤ ፍትሐ ነገሥት አንቀጽ 24ን ይመልከቱ። ➯ የሥጋ ዝምድና ማለት የእናትህ እና የአባትህ ዘመዶችን ሁሉ ማግባት አይገባም፤ ይህም ማለት አክስት፣ አጎት አያት ቅድመ አየት እያለ ይቀጥላል፤ ይህም ዝምድና እስከ ሰባት ትውልድ ቀጥሎ በስምንተኛው መጋባት ይቻላል፤ ይህም ማለት ለምሳሌ አንተ እስከ ሰባተኛ የልጅ ልጅ ብታይና ወንድምህም እስከ ሰባተኛ የልጅ ልጅ ቢያይ የመጨረሻው ሰባተኛው የልጅ ልጅህና የወንድምህ ሰባተኛው የልጅ ልጅ መጋባት አይችሉም፤ በስምንተኛው ግን መጋባት ይቻላል ማለት ነው። የሰባት ትውልድ አቆጣጠሩ፦ 1) አንተ ወይም አንቺ 2) እናትህ ወይም አባትህ 3) የእናትህ እናት እና አባት     የአባትህ እናት እና አባት 4) የእናትህ እናት አባትና እናት     የእናትህ አባት እናትና አባት     የአባትህ እናት አባትና እናት     የአባትህ አባት እናትና አባት 5) የእናትህ እናት አባት እናትና አባት     የእናትህ እናት እናት አባትና እናት     የእናትህ አባት እናት አባትና እናት     የእናትህ አባት አባት እናትና አባት     የአባትህ እናት አባት እናትና አባት     የአባትህ እናት እናት እናትና አባት     የአባትህ አባት እናት አባትና እናት     የአባትህ አባት አባት እናትና አባት 6) የእናትህ እናት አባት እናት አባትና እናት     የእናትህ እናት አባት አባት እናትና አባት     የእናትህ እናት እናት አባት እናትና አባት     የእናትህ እናት እናት እናት አባትና እናት     የእናትህ አባት እናት አባት እናትና አባት     የእናትህ አባት እናት እናት አባትና እናት     የእናትህ አባት አባት እናት አባትና እናት     የእናትህ አባት አባት አባት እናትና አባት     የአባትህ እናት አባት እናት አባትና እናት     የአባትህ እናት አባት አባት እናትና አባት     የአባትህ እናት እናት እናት አባትና እናት     የአባትህ እናት እናት አባት እናትና አባት     የአባትህ አባት እናት አባት እናትና አባት     የአባትህ አባት እናት እናት አባትና እናት     የአባትህ አባት አባት እናት አባትና እናት     የአባትህ አባት አባት አባት እናትና አባት 7) ወንድ ከሆንክ የምታገባት ሴት፣ ሴት ከሆንሽ ደግሞ የምታገቢው ወንድ ትውልዳችሁ ሲቆጠር በሰባቱ ትውልዶች በየትኛውም አቅጣጫ ማለቴ በእናትህ እናት እናት፣ ወይም ባጭሩ ከላይ በጠቀስናቸው ዝርዝሮች ውስጥ እስከ ሰባት ባለው ተመሳሳይ አያት ሊኖራችሁ አይገባም፤ እህት ወንድም፣ አክስት አጎት ወዘተ በላይኛው ይቆጠራል። 🔘 ለምሳሌ ➯ የአጎትህን ልጅ የማታገባበት ምክንያት ስትቆጠር አንድ አንተ አለህ፤ ከዚያ በሁለተኛ አባትህ ወይም እናትህ አሉ፤ ከዚያ በሦስተኛ የእናትህ እናትና አባት ወይም የአባትህ እናት እና አባት አሉ፤ በሦስተኛው አያታችሁ ስለምትገናኙ መጋባት አይቻልም፤ በእንደዚህ ዓይነት አቆጣጠር እስከ ሰባት ባለው በሆነ አያት ወይም ቅድመ አያት የምትገናኙ ከሆነ የሥጋ ዝምድና ስላላችሁ መተጫጨት መጋባት አይገባም። ➯ የክርስትና አባት ወይም እናት ዝምድና ያልነው ደግሞ መንፈሳዊ ዝምድና ይባላል፤ መንፈሳዊ ዝምድና የሚባለው ደግሞ አንተን ክርስትና ያነሳህ ሰውየ ሥጋዊ ዘመዶቹ ሁሉ በመንፈሳዊ ዝምድና የአንተ ዘመዶች ይሆናሉ፤ ስለዚህ የክርስትና አባትህን ዘመዶች በሙሉ ማግባት አይቻልም ማለት ነው፤ የአሳዳጊ እናት ወይም አባት ዝምድና የተባለው ደግሞ አሳዳጊህ እንደ አባት ወይም እናት ስለሆኑ የአሳዳጊህ ዘመዶች በሙሉ በሥጋ ባይዘመዱህ እንኳ ዘመዶችህ ይሆናሉና ከዚያ አትጋባ ማለት ነው። ➯ የጋብቻ ዝምድና የሚባለው ደግሞ አንተና ሚስትህ በዝሙት ምክንያት ብትፋቱ እና እንደገና ሌላ ሚስት ለማግባት ብትፈልግ በሦስቱም ዝምድናዎች በኩል የሚስትህ ዘመድ ያልሆነች መሆን አለባት ማለት ነው፤ በንሥሓ አባት አንድ የሆኑ ልጆች ከላይ በጠቀስናቸው ዝምድናዎች ካልተዛመዱ በስተቀር መጋባት ይችላሉ፤ ይህ በሐዲስ ኪዳን በፍትሐ ነገሥት የቀረበው ዝምድና ነው፤ የመንፈሳዊ ዝምድና እስከም የለው ብዙ ነው ካለ በኋላ አንድም እንደሥጋዊው ዝምድና እስከ ሰባት ነው ተብሎ ታትቷል፤ ይህም ቤተክርስቲያን ሰውን ለማዛመድ የሄደችበት ርቀት እጹብ እጹብ ብለን እንድናደንቅ ያደርገናል። ➯ የእንጀራ እናትህን/አባትህን ልጅ ምንም እንኳ በእናትም በአባትም ባትገናኙም ማግባት አትችልም፤ ምክንያቱም የጋብቻ ዝምድና ይፈርሳልና ነው፤ በእጮኝነት ጊዜ ሌላው ትልቁ ጉዳይ የእድሜ ጉዳይ ነው፤ ፍትሐ ነገሥት ሴት 12/15 ዓመት ሳይሞላት ወንድ 18/22 ዓመት ሳይሞላው ማግባት አይገባውም ይላል፤ እጮኛ ልያዝ ቢል እንኳ እድሜው ከዚህ ዓመት በታች ከሆነ በቤተሰቡ ፈቃድ እንጂ እርሱ ራሱ መርጦ ማጨት አይችልም፤ ነገር ግን ይላል ፍትሐ ነገሥት አንቀጽ 24 ሴቲቱ በምቾት አድጋ በአካል የጠነከረች ከሆነ ቢያንስ በ12 ዓመቷ ታግባ ይላል።

✝💚💛❤️✝💚💛❤️✝💚💛❤️✝💚💛❤️✝ በስመ አብ ወወልድ ወመንፈስ ቅዱስ አሐዱ አምላክ            አሜን   ✍️ "በበጎ ሥራ ሁሉ ፍሬ እያፈራችሁ በእግዚአብሔርም እውቀት እያደጋችሁ፤ለጌታ እንደሚገባ ትመላለሱ ዘንድ እንለምናለን" 📖ቆላስይስ 1፥10-11 ክፍል ሁለት         ✥••┈••●◉ ✞ ◉●••┈••✥         ኦርቶዶክሳዊ የወጣቶች ሕይወት         ✥••┈••●◉ ✞ ◉●••┈••✥  📌 ድንግልናና ቅዱስ ጋብቻ በኦርቶዶክሳዊ አስተምህሮ 📌 የድንግልና ሕይወት ትርጉምና ዓላማ ❖ ድንግልና ክብረ ሥጋን ፣ ማሕተመ ሥጋንና ማሕተመ ሕሊናን ጠብቆ ከዓለም ርቆ ለመኖር መወሰን ፣ መለየት ፣ መጠበቅ ፣ መጠንቀቅ በሚል ትርጉም ይጠቃለላል፡፡ ❖ የቋንቋው ትርጉም ይህን ይመስላል ሲባልም ፣ ገላጭ ማረጋገጫው ማኅተሙና ምስክሩ የዓላማ ጽናት ነው፡፡ ❖ የድንግልና ሕይወት ትክክለኛ ትርጉም አገኘ የሚባለው ፣ በድንግልና ሕይወት ጸንቶ ለመኖር የወሰነ ሰው ወንድም ሆነ ሴት ለድንጋሌ ሥጋ መሠረት የሆነውን ድንጋሌ ሕሊናን በጽኑ ዓለት ላይ የመሠረተ መሆኑን እርግጠኛ ሲሆን ነው፡፡ ❖ ድንጋሌ ሥጋ በድንጋሌ ሕሊና ልቡና ላይ ከተመሠረተ ፣ ነፋሳት ቢገፉት አይናወፅም ፤ መንገድ ቢረዝምበት ይዘልቃል እንጂ ጉዞው አይሰናከልም፡፡ ❖ የድንጋሌ ሥጋ መሪው ፊት አውራሪው ድንጋሌ ሕሊና ከሆነ ፣ የንጽሐ ሥጋ ልጓሙና ማሕተሙ ንጽሐ ሕሊና ንጽሐ ልቡና መሆኑ ከታወቀ የማሕተመ ሥጋ አዛዡ ናዛዡ ማሕተመ ሕሊና እንደሆነ ከተረጋገጠ የድንግልና ሕይወት ካለምንም ጥርጥር የቅድስና ሕይወት ነው፡፡ ❖ የድንግልና ሕይወት ዓላማ ለሞት ለኃጢአት ከመገዛት ርቆ ፤ ኅልፈት በማያገኛት ሕይወት አሳርፋ ለማኖር ተዘጋጅታ ያለች የመንግሥተ ሰማይን ርስትን ገንዘብ ለማድረግ ነው፤ መቼም ስለድንግልና ሕይወት ሲነገር የብዙ ደናግላን የቅድስና ሕይወት ማሰብና ማስታወስ ይቻል ይሆናል ፤ ይሁን እንጂ በማንኛውም ክርስቲያን አእምሮ ቀድሞ የሚቀረፀው የእመቤታችን የቅድስተ ቅዱሳን ድንግል ማርያም የድንግልና ሕይወት ነው፤ ምክንያቱም እመቤታችን ቅድስት ድንግል ማርያም ፈጣሪዋን መውለድዋ ፣ ወላዲተ አምላክ ፣ እመ አምላክ ፣ ወላዲተ ቃል ለመባል መብቃትዋ በድንጋሌ ሥጋ ብቻ ሳይሆን ፣ ድንጋሌ ሥጋን ከድንጋሌ ሕሊና ፤ ንጽሐ ሥጋን ከንጽሐ ልቡና በፍጹምነት አስተባብራ መገኘትዋ ነው፡፡ ❖ ፈጣሪዋን ለድኅነተ ዓለም የወለደች ድንግል ማርያም ቅድመ ወሊድ ድንግል ፤ ጊዜ ወሊድ ድንግል ፤ ድኅረ ወሊድ ድንግል ናት፤ ድንግል ፍጽምት፥ ድንግል ወእም ያሰኛትም ይኸው ነው፤ ድንግልናዋ ሕፀፅ የሌለበት በመሆኑ ምክሐ ደናግል "የደናግል መመኪያ" ትባላለች፡፡ ❖ ድንግልናዋ ድንጋሌ ሥጋን ከድንጋሌ ሕሊና ያስተባበረ ፍጹም በመሆኑ ድንግል በክልኤ (በ፪ኤ) ትባላለች፡፡ 📖 ኢሳ 7፥24 ፤ 📖 ሉቃ 1፥34-35 📖 ማቴ 1፥18-23 ❖ ድንጋሌ ሕሊናን በፍጹምነት ቢመለከቱት ከባድና ፈታኝ ነው ፤ ሰማያውያን መላእክትን ጭምር የተፈታተነ ሕይወት ነው ፤ ድንጋሌ ሕሊና ዓላማውን ስቶ ፈሩን ለቅቆ ግንቡ ከፈረሰ የድንግልና ሕይወት ከሥር መሠረቱ ይናጋል ፤ መንፈሳዊ ሕይወት ይበላሻል፡፡ ❖ ቅድስና ትርጉም ያጣል ፤ በድንግልና ስም የሚደረገው ጥረት ሁሉ ውጤቱና ትርፉ ከንቱ ልፋት ብቻ ይሆናል፤ አዳምን ከክብሩ ያዋረደ ፤ እግዚአብሔርን ከመሰለ ጌታ ርቆ ገነትን የመሰለች ርስት ተነጥቆ ለግብራተ ዲያብሎስ የዳረገ የድንጋሌ ሕሊና ህፀፅ ነው፡፡ ❖ ቅሩበ እግዚአብሔር ፥ አኃዜ መንጦላዕት ይባል የነበረው ዲያብሎስ ፈጣሪውን ያስካደው፥ ከክብሩ ያዋረደው ፥ ወደ ባሕረ እሳት ያስጣለው "ያስወረወረው" የድንጋሌ ሕሊና ድቀት ነው፡፡ ✍️ "አኅለዮ ለአዳም አምላክና" ተብሎ እንደተጻፈ፡፡ 📖 3ኛ መቃ 2፥10-17 🔔 ንስሀ ግን የወደቁትን ታነሳለች ቀማኛውን መጽዋች፣ ዘማዊውንም ድንግል ታደርጋለች ይቀጥላል ........ 📌  አዘጋጅ ®  ዲ/ን ቡሩክ ይርጋ 📌ምነጭ ✍️በቀሲስ ኅብረት የሺጥላ 📚ሕይወተ ወራዙት ✝💚💛❤️✝💚💛❤️✝💚💛❤️✝💚💛❤️✝ 🙏 ለተጨነቀች ነፍስ ዕረፍት የሆነው የእግዚአብሔር ቃል ለሁሉ ይዳረስ ዘንድ፤ እኔም ለእናንተ ከአዘጋጀው በኃዋላ የተጣልሁ እንዳልሆን ስለ እኔ ጸልዩ   ✍ "አንተ ሰው ቃለ እግዚአብሔርን ተማር፤ ባትለወጥም ዝም ብለህ ተማር! ኹልጊዜ ተማር። ላትስተካከል ትችላለህ፤ ላትለወጥ ትችላለህ፤ ግን ተማር፤ ቢያንስ ቢያንስ ጥሩ ሰው እንኳን ባትኾን ራስህን ለመውቀስ የምትችልበት ዓቅም ታገኛለህ፤ ካልተማርክ ግን ራስህን እንኳን መውቀስ የምትችልበት ዓቅም አታገኝም፤ ስለዚህ ተማር ስትማር ቢያንስ ኃጢአት እንኳን ስትሠራ ራስህን እየወቀስክ ትሠራለና፤ ይህች የንስሐ በር ትኾንልሃለች፤ አንድ ቀን ወደ ንስሐም ትመራሃለች" 📘ቅዱስ ዮሐንስ አፈወርቅ                ወስብሐት ለእግዚአብሔር                             ይቆየን