Felege Birhan Primary School

ተማሪነት ◉ ያለንበት ቦታ፣ ያለንበት ሁኔታ ምንም ይሁን ለተስፋ-ቢስነት ምክንያት ሊሆን አይችልም!! ● ለተስፋ-ቢስነታችን ምክንያት ሊሆን የሚችል ነገር ካለም የኛ ድክመትና ራሱ “ተስፋ-ቢስነታችን” ብቻ ነው!! ውድ ተማሪዎች ➤ ❝ እኔ ባነብም አይገባኝም ❞ ➤ ❝ እኔ ሒሳብ አልችልም ❞ ➤ ❝ እኔን እንግሊዝኛ ይከብደኛል ❞ ➤ ❝ መማር የኔ እጣ-ፋንታ አይደለም ❞ ➚እንዲህ በሚሉ የደካሞችና የቀሽሞች አስተሳሰብ ውስጣችን ከሞላነው፤ በርግጥም ሁሉም ነገር ይከብደናል። ነገር ግን ከፊት ለፊታችን ያለውን ችግር በመጋፈጥ፣ ድክመታችንን ሊሸፍንልን የሚችል ስራ በመስራት፣ ይከብዱናል ያልናቸውን ትምህርቶች ቆራጥነት በተሞላበትና ቀጣይነት ባለው ጥረት የምንችለውን ያህል በማንበብ ስንፍናችንን መበቀል እንችላለን! ● ተማሪዎች አንድ ነገር እወቁ፦ እናንተ የማትችሉት የትምህርት አይነት ምንም የለም። እናንተ መስራት የማትችሉት ምንም አይነት ስራ የለም። እናንተ መድረስ ማትችሉበት ምንም አይነት ቦታ የለም። ➻ እናተ ዘንድ የሌለ ጉብዝና ሌላ ቦታ ሊኖር አይችልም! ➻ እናተ ዘንድ የሌለ መልካም ስብዕና ሌላ ቦታ መኖሩ የማይታመን ነው። ወንድሞቼና እህቶቼ ተማሪነት ነገሮችን ሁሉ ለይተን የምናውቅበት ሽልማት ነው! ተማሪነት የስኬትን መንገድ የሚያቅጣጨን ኮፓስ ነው!! ተማሪነት እራሳችን፣ ቤተሰባችንን፣ ማህበረሰቡን ብሎም ሀገራችንን ልንረዳበት የተሰጠን ስጦታ ነው!! ተማሪነት በአላህ ፍቃድ ከችግር የምንወጣበት መሰላል ነው!! ተማሪነት ድጋፍ የሚሹትን የምንደግፍበት ኃይል ነው!! ተማሪነት መጥፎ ነገሮችን የሚያጠፋ መሣሪያ ነው። ነገር ግን ከላይ ያልናቸውን ሽልማቶች ልንሸለም የምንችለው ጊዜያችንን በአግባቡ ስንጠቀምና በወደቅን ወይም በተሸነፍን ጊዜ ተስፋ ሳንቆርጥ ጥረታችንን ስንቀጥል ነው። ያሳደገንን ማህበረሰብ እንዲሁም ተንከባክባ የጠበቀችንን ሐገር ለመርዳት መፍትሄው ተማሪነት ብቻ ነው። እኛ የሰው ልጆች፦ ◆ ከመታገል ይልቅ ለመሸነፍ ቅርብ... ◆ወድቆ ከመነሳት ይልቅ እዛው ለመቅረት... ◆ ደጋግሞ ከመሞከር ይልቅ ቶሎ ተስፋ ለመቁረጥ ቅርብ ነን። ➊ ዛሬ እኛ ለመብራት የምንጠቀመውን አምፖል የፈጠረው ሰውዬ አንድ ሺህ (1,000) ጊዜ ሞክሮ ነው በአንድ ሺህ አንደኛው (1,001) ነው የተሳካለት። ይህን ሁሉ ጊዜ ሙከራ ባያደርግ ኖሮ እኛ ዛሬ የምናበራው ነገር ባልኖረን ነበር!! ➋ ገናናው ሳይንቲስት አልበርት አንስታይን ምንስትሪን (8ኛ ክፍልን) 8/9 ደጋግሞ ከወደቀ በኋላ ነው ተሳክቶለት ለዓለም ብዙ ፈጠራዎችን ያበረከተው። ወንድምና እህቶቼ፦ ሳይታገል፣ ሳይለፋ፣ መስዋዕትነት ሳይከፍል ስኬትን የሚጎናፀፍ የለም!! ደጋግሞ ወድቆ፣ ደጋግሞ ሳይነሳ ከፍ ብሎ የሚበር የለም። ⭕️ ቱርኮች ❝ ከፈለክ ህይወትህን እጣ እንጂ ተስፋ እንዳታጣ❞ ይላሉ። አዎ ተስፋ ከቆረጥን ይችህ ዓለም ለኛ ቦታ አይኖራትም። ስለዚህ ውድ ተማሪዎች ውስጣችሁ ላይ ያለውን “አይሳካልኝም” የሚለውን ፍርሃታችሁን ጠንክሮ በማንበብ በስኬት ቀይሩት። ደግሞም ነገሮችን በመቀየር ከአናንተ የተሻለ  ብቃትና ክህሎት ያለው አካል ፈፅሞ የለም!! ◉ እናም በዚህ ብቃታችሁና ክህሎታችሁ ተጠቀሙበት። ለስንፍናችሁ ማንንም ተወቃሽ አታድርጉ፤ ምክንያትም አትደርድሩ!!

ለ8ኛ ክፍል ተማሪዎቻችን በሙሉ ነገ በሚጀመረው የ8ኛ ክፍል ክልላዊ ፈተና #በተረጋጋ መንፈስ በመስራት ጥሩ ውጤት የምታመጡበት ፈተና ይሁንላችሁ። # መልካም የፈተና ጊዜ!!!!!!

ለመምህራንና የአስተዳደር ሰራተኞች በሙሉ የትምህርት ቤታችን ትምህርታዊ ጉዞ በየዓመቱ መኖሩ ይታወቃል። ስለዚህ የዘንድሮው ጉዞ ቀጣይ ሐሙስ ማለትም በቀን 06/10/2016 እስከ 08/10/2016 ዓ.ም ስለሆነ የምትሄዱ ሰራተኞች እስከ ነገ ማለትም እስከ ቅዳሜ የሚሄደውን ሰው ብዛት ማውቅ ስለፈለግን መሄድ እችላለሁ የሚል መልዕክት ከዚህ በታች ባለው የሶሻል ኮሚቴው ግሩፕ (Group) እንድታሳውቁን እናሳስባለን። ይሄን በመጫን ስማችሁን ፃፉልን ።👇 https://t.me/fbps1 ሶሻል ኮሚቴው