Multaqa-😍 الملتقى 💖

ويحك! دلَلْتَ الناس وضَلَلْت أنت 💔

اتريقت مرة من ٧ سنين وأنا في مكان في القاهرة على واحد لابس بنطلون متقطع، كموضة يعني، فقام قايلي أنت لو عايش في نفس المكان اللي أنا فيه هتلبس زيي يا صحبي. بصراحة مازلت منبهر من رده وقتها (وبغض النظر عن البنطلون المقطع أو أي صفة تانية بتتريق على غيرك فيها)، لما حضرني الموقف دا تاني، فكرت في قد أي ربنا بينعم على الشخص بنعمة ضخمة لما بس يخلقه في بيئة حسنة تساعده أنه يطلع شخص صالح وكويس. والنعمة دي محدش بيفتكرها أصلا ولا بتيجي على باله. وعندي ايقان تام أننا لو اختلف منشأنا هنعمل نفس اللي بنتريق عليه لما غيرنا يعمله. فلازم نحمد ربنا على نعمة زي دي، لما تلاقي نفسك بتعمل عمل صالح السبب فيه بعد ربنا هو البيئة اللي علمتك تعمله. وماتتريقش على حد أيا كان لكن انصح برفق ولين لأن أنت لو مكانه مش هتحب حد يتريق عليك أو يغلظ عليك في الكلام مهما كنت بتعمل أي.

All what i wish everyday: طول الوقت بتمنى إني أكون خير الصاحب لأصحابي، و خير الصدفه و خير الناصح أو المعين .. فاللهم اجعلنى خير الصاحب و الصديق، و الصُدْفة الحسنة، و اجعلنى يا الله ممن يمر كريمًا بلا ضرر، طيب الذكر و طيب الأثر:))

دايمًا بتمنى إني أكون شخص ليه قبول بين الناس وماكونش شخص تقيل على حد. بتمنى إن سيرتي تبقى كويسة ولما ييجي اسمي في وسط قاعدة مفيش حد يتضايق أو لو خارج مع حد يبقى مبسوط بوجودي ووقته معايا. ربنا يرزقنا القبول و الوجود المريح، و تكون سيرتنا طيبة حتى في بعدنا.❤️

فسخت خطوبتي بعد ما عرفت انها مصاحبة ولاد كتير و كتبت بوست عندي أشردها وعرفت الناس حقيقتها عشان محدش ينخدع فيها تاني ، تفتكر كده كفاية عليها ولا اخد حقي ازاي ؟ ج / إذا كنت متدين وبتخاف ربنا، فإلي عملته دا حرام. إتق الله وشيل البوست، وكف أذاك عنها. إذا كنت مش متدين، وعندك إعتقاد إنك راجل كويس، فإلي عملته دا حركة عيل في تانية إعدادي. إسترجل وأمسح البوست. عيب. إذا كنت مش متدين، ومش فارق معاك موضوع الرجولة، بس مؤمن بالحرية الشخصية والتصور الغربي للأخلاق، فمش من حقك تعاتبها على الفترة إليّ إنت مكنتش موجود فيها فحياتها، وإن كان من حقك تفك الخطوبة لأي سبب، فمش من حقك تبوظ سمعتها. إذا كنت لا متدين، ولا راجل، ولا فاهم تصور إيه وغربي مين، فعلى الأقل بما إنك بعتلي السؤال فإنت عندك إعتقاد إني رأيي ليه قيمه ما، ووبناءاً عليه، إسمع كلامي وأمسح البوست وبطل أذى. إذا كنت لا متدين، ولا راجل، ولا أخلاقي، وسؤالك جالي غلط، فربنا موجود، وأرجو إن عقابه ليك يظهر في حياتك قريب. -فريد عمارة

يقول الشيخ الكملي: حضرت عُرساً وأنا طفل صغير، وكانت تُوزّع الحلوى على الحاضرين، فتجاوزني الذي يحمل صحن الحلوى ولم يُعطني، ووالله لم أنسها له إلى الآن

"مفيش متونس بيتعب" ♥️.. لو ليك زميل في الشغل بترتاح معاه؛ هتلاقي اليوم بيعدي خفيف خفيف. ممكن الواحد يكون ما بيحبش المدرسة أو الكلية بس بينزل مخصوص عشان هيشوف صحابه. الست تطبخ وتغسل وتمسح، ولو جوزها طلع من جيبه منديل ومسح عرقها، وباس راسها وطبطب عليها، ياسلام كله يهون عليها ساعتها والله. الإبن لما يذاكر وأبوه يدخل يناوله كوباية الشاي، ويضحك في وشه ويحسسه إنه مآمن بيه.. بيبقى عاوز ياكل الكتب أكل والله. اللمة، والطبطبة، والحُضن على غفلة، والكلام الحلو، والقعده الرايقة، والضحكة وانت بتضم رجليك علي بعض ومتونس باللي قاعد يتكلم ومش عاوزه يسكت ده مايتقدرش بتمن والله.. لأن كل ده وَنس.. تهوين من نوع تاني.. بيضيف للحياة طعم حلو وبينزع منها المرار.. الأيام ما بتعديش غير بالتعكيز على بعض ♥️ .. سيدنا موسى لما ربنا كلفه بالنبوة طلب ونيس يشيل معاه الحمل، وقال لربنا يبعت معاه هارون أخوه "يقوي بيه ضهره" ✨ آنسونا، وونسونا بيكم يا جماعة.. بنضعف من غيركم.. مهما شفتونا جامدين، وبنفتقد غيابكم خليكم موجودين. وعلى رأي فؤاد حداد: حِمل الليالي خفيف لما يشلوه إتنين ♥️

الدياثة بقي اسمها " معلش دي ليلة العمر ". فرحك لو فيه قلة ادب متدعنيش فيه يا صاحبي ❤️🫡

تُسمَّى المرأةُ آنِسة لأنّها تُؤنِس النَّفس ويُسمَّى الرجل سيّدٌ لأنه يسدُّ النَّفس

وأنا بشتري ملابس لإبني بقوله هجبلك للخروج وللبيت وللمسجد ولما بيطلب مصروف بقوله وأنت رايح المسجد هتاخد ولما بيسألني عن ميعاد حاجة هنعملها بقوله بعد ماترجع من المسجد ولو متفقين نخرج او رحلة بقوله هنخرج بعد ماترجع من المسجد ولما بنكون هنتفق نتقابل اقوله استناني على باب المسجد قبل ما بباه بيسافر بقوله وصي حد يخلي باله منه في المسجد أربطوا حياتهم بالمسجد وبالصلاة خليهم يكونوا على يقين إن أي حاجة ربنا هيرزقه بيها لما يصلح عباداته ويقضي فروضه

"بصي هو انا معرفش شكلك عامل ازاي، ومعرفش حتى هتجيلي أمتى، بس أعتقد ان واحد في جبروتي يستحق يتحب من واحدة عظيمة تخليه يتنازل عن الهيبة ويضعفلها، جايز يكون العالم صنفني وحيد بس أنا واثق انكِ هتجيلي وتبقى الونس اللي بستناه طول عمري، انا وفئ ليكي من قبل حتي ما اشوفك اخلاصي ليكي سابق مداه، مش هقبل اكون شرك قلوب وهستناكي."

المفزع إن إخوة سيدنا يوسف كان عندهم مبررات للي عملوه، يعني مكنش شرّ أعمى، كان شرّ مغلّف بمبررات خيرية، "اقْتُلُوا يُوسُفَ أَوِ اطْرَحُوهُ أَرْضًا" ليه يا جماعة؟ "يَخْلُ لَكُمْ وَجْهُ أَبِيكُمْ وَتَكُونُوا مِن بَعْدِهِ قَوْمًا صَالِحِينَ" تخيل ان الهدف من قتلهم لأخوهم؛ كان الصلاح.. الضلال أشدّ وطأة من الشر المطلق، عشان كدا بنستعيذ في كل صلاة من صراط "الْمَغْضُوبِ عَلَيْهِمْ وَلَا الضَّالِّينَ" عشان الشرير اختار سكة الشر قصاد سكة الخير، انما الضال ماشي في سكة الشر وهو فاكر انها سكة الخير.. قُلْ هَلْ نُنَبِّئُكُم بِالْأَخْسَرِينَ أَعْمَالاً؟

- كنت بكلم مع حد من قرايبي وفجأة لاقيتها بتقولى " لو عايز ربنا يحققلك اى حاجة استغفر كتير ومتقولش لحد " لاقتنى سكت .. قالتلى انت عارف ؟! -انا لما جيت اتجوز كان فى شوية عقبات كده كانت ممكن تفركش الجوازة ، وكنت بستغفر ليل نهار وحتى وانا بشتغل والحمدلله اتجوزت الشخص اللى عايزاه . - ولما خلفت بنت كان نفسى من جوايا اخلف ولد وكنت بستغفر بردو ليل نهار وربنا رزقنى بتؤام ولد وبنت . واى حاجة فى حياتى بتمناها او عايزاها بستغفر وربنا بيستجيب . انا فضلت متنح شويه ، بس عالطول افتكرت .. " فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاء عَلَيْكُم مِّدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا " ..💙

"ليست العزوبة من الاسلام في شيء ، ومن دعاك إلي عدم الزواج فقد دعاك إلي غير الاسلام." -احمد بن حنبل رحمه الله

‏يقولُ الشافعي: "أصعب الحرام أولُه، ثم يَسْهُل، ثم يُسْتَسَاغ، ثم يُؤلف، ثم يحلُو، ثم يطبع على القلب، ثم يبحث القلبُ عن حرامٍ آخر!". اللهم اعصمنا من الحرام واجعله أبغض الاشياء إلى قلوبنا.

"على فكرة المواصفات اللي محدداها لشريك حياتك إنه يكون محترم وحنيّن وبيخاف ربنا وبيلبس كويس ومتعلم وناجح في شغله وعنده ذوق ومش خاين ولا كداب ومش بخيل ولا شكاك ويشجعك وعنده شخصية ويدلعك ويبقي أول حد تلاقيه وقت ما تحسي انك مش بخير، مش اوڤر ولا ملاك من السما، ده الإنسان السَوي اللي المفروض تتجوزيه أصلا "

كانت عملالي دونتس بالشوكولاته اتخانقنا قولتلها على فكرة بقى دي كانت قرص عادي يعني ياجماعة متقفشوش ساعة الفراق متلومش حد على اللي قاله 💔

" بنتجاوز إساءات كتير عشان مبنعرفش نرد الإساءة بإساءة، وحتى لو عرفنا مبنرضاش نبقى زيهم، فتصعب علينا نفسنا، فنتعلم نرد، ولما نرد ضميرنا يوجعنا عليهم، لما مناخدش حقنا بالذوق بنتضايق، ولما ناخده بالقوة بردو بنتضايق، بنسامح غيرنا لما يغلطوا فينا، بس مش بنسامح نفسنا لو غلطنا في حد، سكينتنا باردة على غيرنا بس حامية اوي علينا " رفقاً بالطيبين 💔

الواحد بينزل حجز كوره ساعتين .. يروح بيته عنده ضمه.. مخبوط ف ركبته .. كعب اتلوى .. صباع ممزوق .. وتاني يوم حد يكلمه ع لعب كوره بردو بينزل جري حتى لو هيزحف ف الملعب .. اه عادي متستغربش .. اه ساعتين مبيفيدوش جسمي اوي .. واه بتدفع فلوس عشان تلعب وتتصاب وتروح بيتك مش قادر تمشي ولا تتحرك .. بس الساعتين دول بينسوك هموم الدنيا اللي عليك .. ضحك وكلام وخناقات وتحفيل وشتيمه هنا وجول هناك وتحكيم بايظ وليلة كبيرة .. ف لو الساعتين دول بيتعبونا .. احنا حابين تعبهم 💛⚽ الحجز الخماسي فوووق يا جدعان

شايف ستاربكس و شايف ماكدونالدز وشايف كنتاكي في كل مكان واول ما يشوف مطعم ابو سفيان السوري او فلافل الزول يقولك بيقاسمونا لقمة العيش بطل رُخص وعُقد بقه