Termiz tumani hokimligi

Termiz tumanining ilg‘or fermeri g‘alla rejasini birinchilardan bo‘lib bajardi Vohamizda kechadan boshlab g‘alla o‘rim-yig‘im mavsumi boshlandi. Xususan, Termiz tumanida ham bugun klaster va fermer xo‘jaliklari dalalarida g‘alla o‘rim-yig‘imi jarayonlari boshlab yuborildi. Mavsumning ilk kunidan tumandagi “Ayritom sardori” fermer xo‘jaligi tomonidan 2024-yil hosili uchun urug‘ sochilgan 20 gektar maydondan mo‘l hosil olinib, belgilangan reja ortig‘i bilan bajarildi. Tuman hokimi Shuxrat Nazarov va tuman prokurori Akmal Xalikov mutasaddilar bilan o‘rim jarayonlari bilan tanishishdi. Tuman bo‘ylab rizq-ro‘zimiz bo‘lgan g‘alla hosilini yig‘ishtirib olish ishlari jadal davom ettirilmoqda. Ma’lumot uchun, tumanda 2 ming 900 gektar maydondagi g‘alla hosilini yig‘ishtirib olish uchun 7 ta o‘rim-yig‘im otryadi tashkil etilgan va 15 ta zamonaviy kombaynlar jalb qilingan. Termiz tumani hokimligi Axborot xizmati Telegram | Facebook | Instagram | YouTube | Web-site | Twitter

“Бугун Ўзбекистоннинг барча мактабларида сўнгги қўнғироқ жаранглади. Барча устозлар ва ўқувчиларни ўқув йилининг якуни билан табриклайман! Катта ҳаёт остонасида турган битирувчиларга омад тилайман. Ҳар бир шогирдининг ёрқин келажаги учун беқиёс ҳисса қўшаётган ўқитувчи ва мураббийларга чин юракдан миннатдорчилик билдираман. Сизнинг меҳнатингиз қанот бағишлайди!“ — Саида Мирзиёева. Telegram | Facebook | You Tube | Web-site

Termiz tumanidagi 31 ta maktabda so‘nggi qo‘ng‘iroq jarangladi Bugun 25-may – tumanimizdagi barcha maktab bitiruvchilari uchun “So‘nggi qo‘ng‘iroq” jarang sochdi. Xususan, 29 ta umumta’lim va 2 ta ayrim fanlar chuqurlashtirib o‘tiladigan maktablarda so‘nggi qo‘ng‘iroq chalindi. Joriy yilda mazkur ilm dargohlarida 1 ming 188 nafar 11-sinf bitiruvchilari o‘qishni yakunlamoqda. Termiz tumani hokimi Shuhrat Nazarov Qahramon mahallasi hududida joylashgan 5-sonli maktabda “So‘ngi qo‘ng‘iroq” tadbirida ishtirok etib, Prezidentimizning mamlakatimiz maktablari bitiruvchilariga yo‘llagan bayram tabrigini o‘qib eshittirdi. Tuman hokimi bitiruvchilarni maktab ta’limini muvaffaqiyatli yakunlayotganliklari bilan tabriklab, ularga katta hayotda omad va oq yo‘l tiladi. Iqtidorli o‘quvchilar va ularning ota-onalariga tashakkurnomalar topshirildi. Termiz tumani hokimligi Axborot xizmati Telegram | Facebook | Instagram | YouTube | Web-site | Twitter

🔔Xayr, maktabim! Aziz bitiruvchilar, qadrli o‘g‘il-qizlar! Mana, hayotingizdagi eng hayajonli va unutilmas kun ham yetib keldi — siz jonajon maktabingiz bilan xayrlashmoqdasiz… Sizga mustaqil hayotda omad, muvaffaqiyat yor bo‘lsin! Telegram | Facebook | Instagram | YouTube | Web-site | Twitter

#Kun_hikmati ➖ “Odam mamlakat va insoniyat uchun qilishi mumkin bo‘lgan eng katta xizmat – bolalarini tarbiyalashidir". 📝 Bernard Shou Termiz tumani hokimligi Axborot xizmati Telegram | Facebook | Instagram | YouTube | Web-site | Twitter

Vatanparvar yoshlar milliy sport o‘yinlarida kuch sinashishdi Bugun yoshlarning bo‘sh vaqtlarini mazmunli o‘tkazish, ularni Vatanparvarlik ruhida tarbiyalash, milliy sport o‘yinlariga bo‘lgan qiziqishini oshirish maqsadida Milliy gvardiya Surxondaryo viloyati bo‘yicha boshqarmasi hamda viloyat Qo‘riqlash boshqarmasi tomonidan Termiz tumanida joylashgan Qorabayir otlari mahorat maktabida shahar va tumanlardan tashrif buyurgan yoshlar ishtirokida Vatanparvarlik festivali o‘tkazildi. Tadbirda Milliy gvardiya, Maktabgacha va maktab ta’limi boshqarmasi, yoshlar ishlari agentligi rahbariyati, Termiz tumani hokimligi, faxriylar, otaliqqa olingan yoshlar hamda umumta’lim maktablaridagi "Yosh gvardiyachilari" sinflari o‘quvchilari ishtirok etdilar. Festivalda ot sportining konkur, ot ustida kurash va jamoaviy uloq ko‘pkari, kamondan otish, arqon tortish, tosh ko‘tarish, armrestling, kurash, shaxmat-shashka, stol tennisi, boks, kikboks, karate hamda badiiy gimnastika turlari bo‘yicha yoshlar o‘z jismoniy imkoniyatlari va qobiliyatlarini namoyon etdilar. Shuningdek, kitoblar yarmarkasi, Milliy gvardiya bo‘linmalaridagi maxsus jihoz va texnikalar, qurol-aslahalar ko‘rgazmasi, harbiy xizmatchilarning ko‘rgazmali chiqishlari hamda iqtidorli o‘g‘il-qizlarning musiqa va san’atdagi ijrochilik mahoratlari namoyish etildi. Yakunda festival doirasida uyushtirilgan musobaqalarda g‘oliblikni qo‘lga kiritgan hamda faol ishtirok etgan yoshlarga tashkilotchilar tomonidan diplom, medal va qimmatbaho sovg‘alar topshirildi. Termiz tumani hokimligi Axborot xizmati Telegram | Facebook | Instagram | YouTube | Web-site | Twitter

Prezidentimiz Shavkat Mirziyoyev mamlakatimiz maktablari bitiruvchilariga tabrik yo'lladi

Hech qachon orzu qilishdan to‘xtamang, katta maqsadlar yo‘lida imkoniyatlaringizni sinab ko‘rishdan, bu yo‘lda xato qilish va ulardan saboq olishdan qo‘rqmang. Chunki xalqimiz sizlarga katta umid va ishonch bilan qaramoqda. Sizlarning yangi g‘oya va tashabbuslaringiz, ishtiyoqingiz va kuchingiz nafaqat O‘zbekistonni, balki butun dunyoni o‘zgartirishi mumkin. Shuning uchun har qanday holatda ham o‘z oldingizga qo‘ygan ezgu maqsadingizdan ortga chekinmang.

Tabrikning to'liq matni: https://president.uz Telegram | Facebook | Instagram | YouTube | Web-site | Twitter

Xalq deputatlari Termiz tumani Kengashining oltmish to‘qqizinch sessiyasi bo‘lib o‘tdi Sessiya ishini Kengash raisi o‘rinbosari Soatmurod Nazarov boshqarib bordi. Unda Kengash deputatlari, sektor rahbarlari, tuman hokimining tarmoqlar bo‘yicha o‘rinbosarlari, kengash kotibiyati, aloqador korxona va tashkilotlar rahbarlari ishtirok etishdi. Deputatlar tomonidan kun tartibidagi o‘n yettita masala ko‘rib chiqildi va tegishli qarorlar qabul qilindi. Har bir masala yuzasidan mas’ullarning hisobotlari tinglandi. Deputatlar masalalar yuzasidan mas’ullarga savol va takliflarini berishdi hamda ko‘tarilgan har bir masala yuzasidan mas’ullarning javoblari olindi. 🌐 Sessiya ishi tuman hokimligi Axborot xizmatining Facebook.com ijtimoiy tarmog‘idagi rasmiy sahifasi orqali to‘g‘ridan-to‘g‘ri efirga uzatib borildi. Termiz tumani hokimligi Axborot xizmati Telegram | Facebook | Instagram | YouTube | Web-site | Twitter