የቅዱሳን ታሪክ

#ዕርገት_ክርስቶስ ዐርገ እግዚአብሔር በይባቤ እግዚአብሔር በእልልታ ዐረገ። ~~~ እግዚአብሔር በእልልታ ዐረገ: አምላካችን በመለከት ድምፅ። ዘምሩ ለአምላካችን ዘምሩ,,,። መዝ 46(47):5 ጌታችን እንደተነሣ አርብዓ ቀን ሲሆነው ዐረገ። ይህም የአጋጣሚ ሳይሆን በትንቢት የተነገረ ነበር። ሙሴ ዘፍ:3:22 "አዳም መልካሙንና ክፉ እንዲያውቅ ከእኛ እንደ አንዱ ሆነ" እንዳለ። ዳዊትም በመዝ:67(68):18 "ምርኮህን ማርከህ ወደ ሰማይ ዐረግህ።" እንዳለ። ጌታችን ራሱ በዮሐ: 20:17 ለመግደላዊት ማርያምም: "ገና ወደ አባቴ አላረግሁምና: አትንኪኝ።" እንዳላት። ዕርገቱ ቀድሞ የታወቀ ነበር። ጌታችን ለምን ዐረገ? ጌታችን ከሰማያት የወረደው የወደቅነውን ለማንሣት ወደ ክብር ለመመለስ ነውና: ይህንን ፈጽሞ ዐረገ። ለምን? 1: ለሐዋርያት መንፈስ ቅዱስን ለመላክ። "በዓለሙ ሁሉ እንድታስተምሩ: ኃይሉን ብርታቱን ሙቀቱን መጽናናቱን ጥበብን የሚገልጥላችሁን እልክላችኋለሁ።" እያለ። ዮሐ. 15:26 2: ስፍራን ለማዘጋጀት። ለሐዋርያት ለምእመናን። ራስ ክርስቶስ ካለበት ሕዋስ ምእመናን መገኘት ግድ ነውና። እርሱ ካለበት እኛ እንድንኖር ቦታ ሊያዘጋጅልን ዐረገ። ዮሐ. 14: 2። ይህን መሠረት አድርገን "አባታችን ሆይ በሰማይ የምትኖር,,," እንላለን። ሀገራችን በሰማይ ከአባታችን ዘንድ ሆነልን። ብነ ኀበ እግዚአብሔር አምላክነ። 3: ክብሩን ገናንነቱን የባሕርይ አምላክነቱን ለመግለጥ ዐረገ። "መላእክትና ሥልጣናት ከተገዙለት በኋላ ወደ ሰማይ ሄዶ በእግዚአብሔር ቀኝ አለ።" 1ጴጥ. 3:22። እንዲሁም "በሥጋ የተገለጠ: በመንፈስ የጸደቀ: ለመላእክት የታየ: በአሕዛብ የተሰበከ: በዓለም የታመነ: በክብር ዐረገ። 1ጢሞ. 3:16 "አልቦ ዘዐርገ ዘእንበለ ዘወረደ እምሰማይ።" ዮሐ3። 4: ዕርገተ ጻድቃንን ለማሳወቅ ዐረገ። "እኛ ሕያዋን ሆነን የምንቀረው: ጌታን በአየር ለመቀበል ከእነርሱ ጋር በደመና እንነጠቃለን። ሁልጊዜ ከጌታ ጋር እንሆናለን። 1ተሰ. 4:17 ሙሽራዪቱ ከሙሽራው መለየት አትሻምና። "ዐርገ ከመ ያለብወነ ዕርገተ ጻድቃን ንጹሐን። የንጹሐን ጻድቃንን ዕርገት ያስረዳን ዘንድ ዐረገ።" እንዲል ስንክሳር። 5: ከድንግል እመቤታችን በተዋሐደ ሥጋ በክብር እንዳረገ: እንዲሁ በክበበ ትስብእት በግርማ መለኰት እንደሚመጣ ለማስረዳት ዐረገ። ራዕ. 1:7 በብዙ ክብር በደመና ሲመጣ: "የወጉት ሁሉ ያዩታል።"እንዲል። በመሆኑም እያንዳንዳችን:— 1: ዘምሩ ለአምላካችን ዘምሩ። ሁሌ ሳታቋርጡ አመስግኑ: ክብርን ያጎናጸፈን ከክብር ወደ ክብር የመለሰን እርሱ ነውና። "ሀቡ አኬቴተ ለእግዚአብሔር።" እንዲል ዳዊት 2: "እግዚአብሔር ዐረገ" የተባለው ራሱ ኢየሱስ ክርስቶስ የባሕርይ አምላክ መሆኑን አውቀን: ሎቱ ስብሐት! "አምላክ አይደለም" የሚሉትን እናስረዳቸው ዘንድ ይገባል። 3: እንዲሁ እያየነው በክብር እንዳረገ ዳግም ይመጣልና: በሃይማኖት ጸንተን በምግባር ቀንተን ልንገኝ ይገባል። 4: በሰማይ መኖሪያ ያለን ሰማያውያን የሰማይ ዘጎች ነንና አምላካችንን ተስፋ እናድርግ። #ይኽ_ትምህርት_ለሁሉም_የተዳረሰ_ይሆን_ዘንድ_ሼር_ላይክ_ኮመንት_እናድርገዉ_ቻናሉንም_ለብዙዎች_ተደራሽ_እያደረግን_የሚሰጡ_ትምህርቶችን_በማዳረስ_ሐዋርያዊ_አገልግሎት_እንስጥ! አምኀ ተዋሕዶ ዘክርስቶስ በYoutube Sador Sisay on Youtube Sador Sisay on Instagram Sador Sisay on Facebook Sador Sisay on Tiktok #You_tube #Instagram #Facebook_pages subscribe እና share እያደረጋችሁ አገልግሎታችንን ተደራሽ በማድረግ አግዙ🙏🙏🙏

ያረገው ከሰማይ የወረደው ከድንግል ማርያም የተወለደው የፍጥረት አስገኚ የዓለም ሠራኢ መጋቢ እግዚአብሔር ነው ። ༺◉❖═───◉●◉♰♰♰◉●◉────❖◉༻ #በዓለ_ዕርገትን ስናከብር አካላዊ ቃል እግዚአብሔር ወልድ ከአብ ከመንፈስ ቅዱስ ሳይለይ በዚህ ዓለም ሠላሳ ሦስት ዓመት ከሦስት ወር ኖሮ ከማኅበረ መላእክት ተለይቶ ይኖር ለነበረ ለአዳም ጽንዐ ነፍስ ልጅነት ስጥቶ ከማኅበረ መላእክት ጋር አንድ አድርጎ ዐረገ ስንል ነው ። ስለዚህ ያረገው #ቅዱስ_ቅዱስ_ቅዱስ ተብለው ከሚመስገኑ ከሦስቱ ቅዱስ አንዱ ቅዱስ መውደቃችንን በግብረ ዲያብሎስ መያዛችንን በእግረ አጋንንት መጠቅጠቃችንን አይቶ ልዑል ባሕርዩን ዝቅ አድርጎ ከቅድስት ድንግል ማርያም የተወለደው ስለሰው ልጅ ፍቅር ሲል መከራ የተቀበለው በሞቱ ሞታችንን በቁስሉ ቁስላችንን ያደረቀ የሰውን ልጅ ከዲያብሎስ አገዛዝ ያላቀቀ የባርነት መዝገባችንን የፋቀ አምላካችን ኢየሱስ ክርስቶስ ነው ። #ነቢዩ_ዳዊት ያረገው የፍጥረታት አስገኚ እግዚአብሔር እንደኾነ ሲዘምር (እግዚአብሔር በዕልልታና በመለኸት ድምፅ ወደ ሰማይ ዐረገ ) ዐረሲል ያረገው ከሰማይ የወረደው ከድንግል ማርያም የተወ ለደው የፍጥረታት አስገኚ የዓለም ሠራኢ መጋቢ እግዚአብሔር እንደኾነ ነግሮናል (መዝ46፥5) ጌታችን ወደ ሰማይ ሲያርግ የነበረውን ድባብ ምን ይመስላል ቢሉ ፦ ቢታንያ ሲደርስ መሄዱን ትቶ ቆመ ደቀ መዛሙርቱም ከበውት ቆሙ ጌታም በፍቅር ዐይን አያቸው እጆቹንም አንሥቶ ሲባርካቸው ከማንኛውም ምድራዊ ስበት በበለጠ ኀይል ከመካከላቸው ተነሥቶ ወደ ሰማይ ዐረገ « ወደ አባቴ ወደ አባታችሁ ዐርጋለሁ » ይህን እየተናገረ ሳለ ደመና ነጠቀው ከዐይኖቻቸውም ሠወረው ። ዳግመኛ መብረቅ የለበሱ ሁለት ሰዎች ታይዋቸው እናንት የገሊላ ሰዎች ቆማችሁ ሰማይ ሰማይን ለምን ትመለከታላችሁ እርሱ ኢየሱስ ክርስቶስ ሲያርግ እንዳያችሁ ዳግመኛም በክብር ወደ እናንተ ይመጣል ። « ሞቱን እየተናገርን ትንሣኤውንና ወደ ሰማያት ማረጉን አምነን ዳግመኛ በክብር መምጣቱን ተስፋ እናደርጋለን ። » እንዲል ( ድጓ ዘጰራቅለጦስ ) ደቀ መዛሙርቱም ጌታቸውን ከዐይናቸው እስኪሰወርና አይኖቻቸው እስኪፈዙ ድረስ በአድናቆትና በፍቅር ወደ ላይ ተመለከቱ ወዲያውኑ የክብር ደመና ከዐይናቸው ሰወረው ። የጌታ ዕርገት #የርቀት_ያይደለ_የርሕቀት_ነው ይህ ማለት መርቀቅ ሳይሆን መራቅ ነው ለምሳሌ አውሮፕላን ከምድር ሲነሣ ቀስ እያለ ወደ ሰማይ በወጣ ጊዜ አካሉ እያነሰ እያነሰ ይሄዳል በመጨረሻም ወፍ እስኪመስለን ድረስ ለዐይናችን ይርቃል አምላካችንም ልክ እንደዚያ የሐዋርያት ዐይን ማየት እስከቻለበት መጠን ድረስ ከፍ ከፍ እያለ ወደ ሰማይ ዐርጓል ። መላእክትም የደመና ሰረገላም መስለው በተቀበሉት ጊዜ ደቀ መዛሙርቱ ጥዑም የሆነውን የመላእክትን ዝማሬ ሰምተዋል መላእክትም ትኩር ብለው የጌታን ዕርገት ለሚመለከቱ ሐዋርያት « እናንተ የገሊላ ሰዎች ወደ ሰማይ ሲወጣ ያያችሁት ተመልሶ ይመጣል » የሚል ተስፋ አበሠሩአቸው። ደቀ መዛሙርቱም « እነሆ እኔ እስከ ዓለም መጨረሻ ድረስ ሁል ጊዜ ከእናንተ ጋር ነኝ » ሲል የሰጣቸውን ተስፋ እያስታወሱ ከቢታንያ ተመለሱ። #ይኽ_ትምህርት_ለሁሉም_የተዳረሰ_ይሆን_ዘንድ_ሼር_ላይክ_ኮመንት_እናድርገዉ_ቻናሉንም_ለብዙዎች_ተደራሽ_እያደረግን_የሚሰጡ_ትምህርቶችን_በማዳረስ_ሐዋርያዊ_አገልግሎት_እንስጥ! አምኀ ተዋሕዶ ዘክርስቶስ በYoutube Sador Sisay on Youtube Sador Sisay on Instagram Sador Sisay on Facebook Sador Sisay on Tiktok #You_tube #Instagram #Facebook_pages subscribe እና share እያደረጋችሁ አገልግሎታችንን ተደራሽ በማድረግ አግዙ🙏🙏🙏

የኢትዮጵያን ፡ ህዝብን ፡ አብዝቶ ፡ የሚወደው ፡ #ገብረ_መንፈስ_ቅዱስ ከሰማይ ታላቅ ነጎድጓድ ድምጽ ተሰማ ጌታችን መላአክትን አስከትሎ ወደ አባታችን ወረደ እንዲህም አላቸው #ወዳጄ_ገብረመንፈስ_ቅዱስ_ሰላም_ላንተ_ይሁን እነሆ የማይታበል ቃል ኪዳን እገባልኃለው ስምህን የጠራ መታሰቢያህን ያደረገውን፤ እጣን ቋጥሮ ግብር ሰፍሮ መባ ይዞ ቤትህ የመጣውን እምርልኃለው አንተ ከገባህበት ገነት መንግስተ ሰማያት አገባዋለሁ አለው ። አባታችንም #አቤቱ_ጌታ_ሆይ_የኢትዮጰያን_ህዝብ_ማርልኝ አለው ፤ እነሆ ምሬልኃለው አስራት በኩራት አድርጌም ሰጥቼሃለው፤ ከመጋቢት አምስት ቀን ጀምሮ ዝክርህን ያድርጉ በአማላጅነትህም ይማጸኑ አለው። በግብጽ በርሃ 300 አመት የኖረ ከዚያም ወደ ኢትዮጵያ ወጥቶ በዝቋላ ገዳም እህል ሳይበላ ውሃ ሳይጠጣ ልብስ ሳይለብስ 262 አመት የኖረ ኑሮውም እንድ ሰው ያልነበረ በምድር ላይ እንደ መላእክት ሆኖ የኖረ ። የሃይማኖር አርበኛ ገድሉ ትሩፋቱ ከሰማይ ከዋክብት ከምድር አሸዋ የበዛል ኢትዮጰያን አብዝቶ የሚወዳት « አቤቱ ጌታ ሆይ የኢትዮጰያን ህዝብ ማርልኝ» ብሎ ፈጣሪውን የለመነ ፤ ምድራዊ ምግብ ያልተመገበ። የእናቱን ጡት እንኳን ያልጠባ፤ ልብስ፤ መጠለያ እንኳን ያልፈለገ ፤ የክረምት ቁር የበጋ ሐሩር እየተፈራረቀበት በተጋድሎ 562 ዓመት ኖረ #አቡነ_ገብረ_መንፈስ_ቅዱስ ገድሉ ትሩፋቱ ከሰማይ ከዋክብት ከምድር አሸዋ ይበዛል ኢትዮጰያን አብዝቶ ይወዳታል፤ ምድራዊ ምግብ አልተመገበም የእናቱን ጡት እንኳን አልጠባም፤ ልብስ፤ መጠለያ አልፈለገም፤ የክረምት ቁር የበጋ ሐሩር እየተፈራረቀበት በተጋድሎ 562 ዓመት ኖረ መጋቢት 5 ቀን ሩጫውን ጨረሰ ለእግዚያብሔር ምስጋና ይሁን እኛንም ከአባታችን በረከት ያሳትፈን! #ይኽ_ትምህርት_ለሁሉም_የተዳረሰ_ይሆን_ዘንድ_ሼር_ላይክ_ኮመንት_እናድርገዉ_ቻናሉንም_ለብዙዎች_ተደራሽ_እያደረግን_የሚሰጡ_ትምህርቶችን_በማዳረስ_ሐዋርያዊ_አገልግሎት_እንስጥ! አምኀ ተዋሕዶ ዘክርስቶስ በYoutube Sador Sisay on Youtube Sador Sisay on Instagram Sador Sisay on Facebook Sador Sisay on Tiktok #You_tube #Instagram #Facebook_pages subscribe እና share እያደረጋችሁ አገልግሎታችንን ተደራሽ በማድረግ አግዙ🙏🙏🙏

የ፳፻፲፮ ዓ.ም ቀሪ ኦርቶዶክሳዊ ዐበይት በዓላት እግዚአብሔር ጠብቆ ያድርሰን።

ነ ባ ቤ ፡ መ ለ ኮ ት ፡ ቅ ዱ ስ ፡ ዮ ሐ ን ስ ዮሐንስ ፍቁረ እግዚእ የኤፌሶን ኮከብ ነው ዮሐንስ ፍቁረ እግዚእ የወንጌል ሰባኪ ነው ዮሐንስ ፍቁረ እግዚእ የምድር መልአክ ነው ዮሐንስ ፍቁረ እግዚእ ምሥጢር ጠባቂ ነው ዮሐንስ ፍቁረ እግዚእ እንደ ፀሓይ ብሩህ ነው ዮሐንስ ፍቁረ እግዚእ እንደ ጽና ዕጣን ምዑዝ ነው ዮሐንስ ፍቁረ እግዚእ በፍጥሞ ያለ የብርሃን ምሰሶ ነው ዮሐንስ ፍቁረ እግዚእ መሐይምናንን የሚጠራ ተናጋሪ መለኸት ነው ዮሐንስ ፍቁረ እግዚእ በቤተ ክርስቲያን የሚሰማ የትንቢት በገና ነው ዮሐንስ ፍቁረ እግዚእ የእግዚአብሔር ክብር በአሕዛብ ላይ የገለጠ ነው አነጋገርህ ለጉሮሮዬ ጣፋጭ ነው ፤ ለአፌ ከማርና ወተት ይልቅ ጣፈጠኝ የሕግህ ቃል እንደ ማር ወለላ ነው ከብዙ ወርቅና ከብዙ ብር ይልቅ የአፍህ ሕግ ይሻለኛል ፣ ስለዚህ ከወርቅና ዕንቍ ይልቅ ትዕዛዝህን ወደድኩ ።

🌹🌹#ቅዱስ_ፋኑኤል_ሊቀ_መልአክ🌹🌹🌹 "ያን ጊዜ መልአኩ ፋኑኤል በመሶበ ወርቅ ኅብስት ሰማያዊ በብርሃን ጽዋ ስቴ ሕይወት ይዞ ረቦ ታያቸው" #ሰዳዴ አጋንንት ነው። ሄኖ፡ 10፥8 ድርሳን ዘፋኑኤል #መጋቤ ድንግል ነው፡፡ ተአምረ ማርያም #ማኅሌታዊ ነው። #በመንበረ መንግሥቱ ዙሪያ ከሚቆሙት ሊቃነ መላእክት አንዱ ነው፡፡ ሄኖ፡ 20፥39 #ከአራቱ የዓለም ማዕዝናት ሹም አንዱ ነው፡፡ #ለመልካም ነገሮች ከሚራዱ መላእክት አንዱ ነው።መዝ፡33፥7 #ካህነ ንስሐ ነው። ሄኖ፡ 10፥5 #ዐቃቤ ጻድቃን ነው፡፡ 2ኛ ነገ፡6፥14 #አጭር_ማብራርያ ድርሳነ ፋኑኤል ላይ ሊቀ መላእክት ቅዱስ ፋኑኤል ሰዳዴ ሰይጣናት ወመድፍነ አጋንንት እያለ ይጠራዋል ይህም ማለት ሰዎችን በልዩ ልዩ በሽታዎች እና እንቅፋቶች ሰዎችን የሚያሰናክሉ አጋንንትን እያሳደደ ወደ ጥልቁ የሚከታቸው መልአክ ነው ሲል ነው፡፡ ሊቀ መላእክት ቅዱስ ፋኑኤል በ2ኛነገ፡ 6፥14 ላይ የሶሪያ ንጉሥ ወልደ አዴር እሥራኤልን በቁጥጥር ሥር ባደረገ ጊዜ ኤልሳዕንም ሆነ የእሥራኤልን ልጆች ለማዳን ሊቀ መላእክት ቅዱስ ፋኑኤል ሰራዊቱን አስከትሎ በከተማዋ ሠፈረ ከዛም የጠላትን ሰራዊት ዐይን አጠፋ ለኤልሳዕም ሆነ እሥራኤል ልጆች የድል ካባ በአንድ ምሽት አለበሳቸው ከዐይናቸውም ተሰወረ ይህ ታላቅ መልአክ በ1ኛነገ፡ 19፥5-18 በምናገኘው ታሪክ ላይ ነቢዩ ኤልያስን ከተኛበት እየቀሰቀሰ እንጎቻን ብላ ሲለው የነበረው መልአክ ሊቀ መላእክት ቅዱስ ፋኑኤል ነው፡፡ ሌላው የአዳም 7ኛ ትውልድ የሆነው ሞትን ሳያይ የተሰወረው ሄኖክ እንዲህ ሲል ጠቅሶታል ‹‹አራተኛውም የዘለዓለም ሕይወትን የሚወርሱ ሰዎች ተስፋ ሊሆን ንሥሓ በሚገቡ ሰዎች ላይ የተሾመው ፋኑኤል ነው›› ሄኖ፡ 10፥15 #ምስለ_አብያጺሁ_ከመ_አብ_እንዘ_ይሴስየኪ_መና_ፋኑኤል_ጽጌ_ነድ_ዘይከይድ_ደመና #ጠብቆቱ_ያግዘን! #ይኽ_ትምህርት_ለሁሉም_የተዳረሰ_ይሆን_ዘንድ_ሼር_ላይክ_ኮመንት_እናድርገዉ_ቻናሉንም_ለብዙዎች_ተደራሽ_እያደረግን_የሚሰጡ_ትምህርቶችን_በማዳረስ_ሐዋርያዊ_አገልግሎት_እንስጥ! አምኀ ተዋሕዶ ዘክርስቶስ በYoutube Sador Sisay on Youtube Sador Sisay on Instagram Sador Sisay on Facebook Sador Sisay on Tiktok #You_tube #Instagram #Facebook_pages subscribe እና share እያደረጋችሁ አገልግሎታችንን ተደራሽ በማድረግ አግዙ🙏🙏🙏