أبجديّة

تبادل @seimw

‏واتذكر في وجيه الناس .. من ناسي قلايل ‏غايبٍ عذره معاه ، وغايبٍ غايب بكيفه ‏لكن الوجه الوحيد اللي عن الاشباه زايل ‏ما يفزز راكد الما في عيوني .. غير طيفه

‏« عسى ماينقطع شوفك عسى لك فالوجود وجود ‏تهنّى بك عيونٍ شوفتك تبهج — ضمايرها ‏تعيش بك الحياه و تنتعش بك و القلوب شهود ‏وتحيا بك فياضٍ ممحلة لاجيت زايرهـا »

‏«أشوفك فـ الليال السوّد نور يوصل لـ رجواي ‏وأعدك وسعة الخاطر، لا منها ضاقت رحابي»

ومن حلاها ماتوصفها الحروف الابجديه كيف توصّف وردةٍ يبري العلة شذاها الورود تغار منها مزهرية .. مزهرية وان تباهت عذرها معها يحق لها تباها

«رغم تقدير الجميع ونزعة النفس، الشغوفة ‏مْا ظهرت بـ "مظهر المغرور" حتى في خيالي» ‏—عبدالرحمن القوس

وأحب أكون المنفرد بالوقت الأول والأخير ‏ وأدور اللي فالزمن مالا يرغبونه .. وأرغبه

‏"مهما تغيّرتوا .. أسلوبي هو أسلوبي ‏في دروبي الآمنة و دروبي الخطرة ‏ماعرف اداهن عشان آصل لمطلوبي ‏يا زين وجه البياض اللي على الفطرة"

يا ربّ موسى بك امنت وعليك استعين ‏اغفر ذنوبي .. وانا شاعر ذنوبه كبار ‏لو كنت ماني بضمن عبادك الصالحين ‏لا اذنبت ؟ بالسر .. ولا توبتي لك جهار ‏انزلت وحي لـ نبيك .. خير لـ العالمين ‏مفاز للمتقين .. و لأهل الكفر ؟ نار ‏لا زلت واثق بـ قدراتك و عند يقين ‏ان الفرج طايرة فرحة وصدري مطار ‏ما ينهزم من يحطك له ولي و عوين ‏لو جيش قدامه ؟ المكتوب باللوح صار ‏اغازل حروف قافي .. و ارقب الغايبين ‏و سميت معزوفتي " طوّلت يالانتظار " ‏عقلي مخيّر .. ما كرر غلطته مرتين ‏و القلب ما يسمع بـ " حرية الاختيار " ‏ يا غايب ارم الخلافات و ترا الوصل زين ‏فيه انبنى مجتمع فكري و فيه ازدهار ‏الى متى وانت شارد ما دعاك الحنين ؟ ‏و الشرد منك كتبت قصايد الانكسار .. ‏قصايدي فيك كلها تعجب السامعين ‏و من الكبر فيك ؟ ما حثيت صوبي مسار ‏ملكت بـ افكاري .. الاسماع ملك اليمين ‏وانا على ملاحقك تقول " طلّاب ثار " ‏الكلمة الطايشة .. كنها من المارتين ‏تثّر لو الجرح طاب .. و قدم الاعتذار ‏دمحت زلّتك لو ان العذر ماهو سمين ‏و حطيت من بيني و بينك حدود و جدار لكن عسى ربّي يجعلني من الصابرين ‏ولا ينحني كبريائي .. عند ذاك الخمار

‏« بتجي شمس تخصني وتشرق في مدى حياتي ‏وأتحرى وأترقب مطلع شعاعها في كل يوم آتي »

‏فدتك الرايحات من السنين إلا الزعل بالذات ‏لا يطري لك ترد القلب عنّك .. وتختبر شوقه ‏هزمت الصبر مرّه ، وانهزمت من الصبر مرّات ‏عسى الله لا يذوّقك الشقا اللي عقبك أذوقه ‏مسيري فالحياة احق من حزني على ما فات ‏ولكن ! لا خلت من وصلك الأيام ملحووقه ‏ترى اكثر من يحبّك من يبادلك السكات سْكات ‏ماهو باللي ليْا من طال هرجه .. زلّ منطوقه ‏— عبدالعزيز العبلان

‏يارب لا ترخي لنا في الزمن راس ‏وبوجهك من الغايبه والمخله ‏حنا الرصيد اللي ذخرناه نوماس ‏وجهادنا من دون ملّتك ، ملّه ‏اليا انجرح من كلمة الحق حسّاس ‏الحق حق ولازم يقال كله ‏ترى الغنى اللي نحسبه عكس الافلاس ‏يمكن يكون افلاس - في غير حلّه ‏من زان له في مقعد الذل مجلاس ‏صلوا عليه وكفنوه بـ محلّه ‏مهما يقوم الصبح ويجر الانفاس ‏ميّت .. لا صار يعيد تكرار ذلـه ‏الموت موت اللي تحت رحمة الناس ‏ماهوب موت اللي تحت رحمة الله

أنت حلمي وانت الأول فـ الحياه و راس مالي ‏و أنت ذيك اللحظه إللي ضاع عمري يحتريها ‏يكثرون الناس من حولي .. و لكن في خيالي ‏منتظر لي ساعةٍ .. بـ المال و الحال أفتديها"

‏« ما عقب عاصوف الصبر غير الافراح ‏و سحايب الخير و ربيع الخواطر ‏و إن كان باقي بالعمر كثر ما راح ‏يالله بعمرٍ بالتباشير — ماطر »

‏لـ الحلم حسّاده و لـ الشدّه أعوان ‏على حسب ؟.. نتايجي و إنطباعي ‏إن طاح سهم الصبر و إن قل الأيمان ‏ما عاد ينفعنا السعي .. و المساعي ‏أحيان آلد العين فـ الناس و أحيان : ‏أشوف بعض الناس " سبّة ضياعي " ‏مرات !.. أخلي كل كلمه بـ نيشان ‏و مرات أكون المكتفي بـ إستماعي ‏مانيب من يشكي على فلان و فلان ‏تردّني الشيمه " و الأسم الرباعي " ‏أجازي إحسان المعاريف : بـ إحسان ‏و أواكب أحداث الزمن : بـ إرتفاعي ‏تركي بن جويعد

‏"على البال لك سجّه و لك سيره و تذكار ‏ أضيّعك بـ الواقع .. و ألاقيك في بالي"

"‏لا تساومني وأنا أكره أنصاف الحلول ‏والقطيعة عندي أحيان خير من العوض "

‏يا غايتي في الغرام ومقصدي في الأنام ‏ماظن قلبي بعدك يقول هل من مزيد ‏يا اول نزيلٍ بنى له في ضميري خيام ‏واخر مصدر من حياض الغلا مستفيد

بـ تذكرني أن ضاقت بك الارض و الانفاس ‏مصير الليال ... تذكرك في مشاويرك ‏ومصيرك معا الهتان ولا معا النسناس ‏بـ تذكرني و تندم ... و ياكلك تفكيرك