أبجديّة

‏لـ الحلم حسّاده و لـ الشدّه أعوان ‏على حسب ؟.. نتايجي و إنطباعي ‏إن طاح سهم الصبر و إن قل الأيمان ‏ما عاد ينفعنا السعي .. و المساعي ‏أحيان آلد العين فـ الناس و أحيان : ‏أشوف بعض الناس " سبّة ضياعي " ‏مرات !.. أخلي كل كلمه بـ نيشان ‏و مرات أكون المكتفي بـ إستماعي ‏مانيب من يشكي على فلان و فلان ‏تردّني الشيمه " و الأسم الرباعي " ‏أجازي إحسان المعاريف : بـ إحسان ‏و أواكب أحداث الزمن : بـ إرتفاعي ‏تركي بن جويعد

‏"على البال لك سجّه و لك سيره و تذكار ‏ أضيّعك بـ الواقع .. و ألاقيك في بالي"

"‏لا تساومني وأنا أكره أنصاف الحلول ‏والقطيعة عندي أحيان خير من العوض "

‏يا غايتي في الغرام ومقصدي في الأنام ‏ماظن قلبي بعدك يقول هل من مزيد ‏يا اول نزيلٍ بنى له في ضميري خيام ‏واخر مصدر من حياض الغلا مستفيد

بـ تذكرني أن ضاقت بك الارض و الانفاس ‏مصير الليال ... تذكرك في مشاويرك ‏ومصيرك معا الهتان ولا معا النسناس ‏بـ تذكرني و تندم ... و ياكلك تفكيرك

ما ودي اغرق كثر ماني في تفاصيلك غريق ‏لا حارت الوجهه حبيبي صوب جالك دلّني ‏اشره عليك من الجفا .. ومعاتبك ما بلّ ريق ‏مثل ما وليّتك على قلبي بقلبك ولّني ‏" شرواي ما يرضى يكون انّه على مفرق طريق ‏ إمّا تخلّيني على المشراف والّا خلّني "

‏على احبابنا اللي تحت وجه الثرى غافين ‏سلام الله . . . وحمده وتبجيله وشكره ‏ ‏غفوا تحت الارض وعادهم ماغفوا فالعين ‏لو فراقهم . . تحمد به العين ما تكره ‏تغيب الوجيه . . وباقي اصحابها حيّين ‏على الواقع الملموس بين أمسه وبكره

‏ماهو غريب انّ العتب ماله لسان ‏هذا الجمال ، ابلغ سبب لـ التّسامح ‏"ملامحك" ربّي خلقها ، على شان ‏ترسم على وجه الحياة "الملامح"

‏«يارب الناس وهّاب الخلايق مهربي ملجاي ‏عظيمٍ كل ما جيت أرتجيك أجيك ملهوفه ‏أجيك ومغفرتك السرمديه مطلبي ورجاي ‏وألـوذ برحمةٍ فيها البنادم ينجلي خوفه ‏مادام إنك وكيل أمري ماخاف من الزمان الجاي ‏لو إني ما أعرف وش شايلٍ لي داخل كفوفه»

‏الثقيل اللي تفرد بـ الجمال .. و بـ التعالي ‏حط له فـ العقل والخفّاق والعينين صوره ‏فيه زين وفيه سحر وفيه ملح و ضغط عالي ‏ماخذً كل الوصايف و متجلّي في غروره ‏من يلوم القلب دام انّه جوابي في سؤالي ‏ومن يلوم الصبح لامنّه تعطّر من عطوره ‏عن محبة غيره من الناس فضلت أنعزالي ‏احترامً لـ المحبّه و الغلا و ايضاً .. شعوره ‏لو يغادر عن عيوني ما يغادر عن خيالي ‏بانيً فالقلب منزاله و حوله حط سوره ‏يدري أنه مكسبي في هالحياة و راس مالي ‏و الليالي لو تسوي اللي تسويه معذوره ‏و الكلام اللي على باله يمر .. يمر بالي ‏والحنين اللي بقلبي شاف تأثيره ودوره ‏لا فقدته يوم واحد يفقده حتى ظلالي ‏لا غياب إلا غيابه لا حضور إلا حضوره

ياربّ الآدمي، والليل، والبيداء، وربّ الكل ‏أنا لولاك أضيّع صيدتي وأكسّر شدادي ‏ياكم ضاعت ليالي وأنجرح صبح ورفيقٍ زلّ ‏على نفسٍ قدايمها علي تعاتب جدادي ‏مابين أذكر وبين أنسى وبين أسعى وبين آملّ ‏مراحل.. والمراحل بينها موتي وميلادي ‏مساعي غربتي سكة طويلة وإرتحال وحلّ ‏على وضح النقا وأحدّ صبري وأصقل عنادي ‏انا ما أعرف أقول إن قالوا العالم: تكلّم ، قلّ !! ‏أعرف أشعل سمَا نجد العذيّة وأقدح زنادي ‏ورى ذاتي قطعت البيد عنوّة والسنين تزلّ ‏على كفّ العطش والريح شربي والمدى زادي ‏على شان الشعور اللي ورى حدب الضلوع يطلّ ‏أخذت الثأر وأشفيت الغليل وجيت له: حادي ‏خذ آخر ما تبقى ياشريط الذكريات وخلّ ‏ركايب صبري وضحكة شقاي وغاية مراد ‏- مشاري محمد

أتهجَّى صفحة الأيام وأسرَقك لـ وقوفي ‏كلّ ما زلّ القصيد أشوف جيَّاتك وديعة! ‏آه يا صبري عليك، وآه يا صمتي، وخوفي ‏عاشقك لو طاع عينك يا حبيبي من يطيْعه؟ ‏أتردَّد.. لكن الليلة سرَت عنها طيوفي ‏وأنت لا بالك طوِيْل ولا سماء صدرك وَسيْعة ‏ردّ لي كلّ السنين الأوّله.. أوْ رِدّ جوفي! ‏طالبك.. لا تترك أيّامي؛ تْشرَّدها القطيعة ‏الشتاء لو جوَّدته النار، كيف أخيط صوفي ‏في شذى غيمٍ يشدّ الروح بارِقه، ولميْعه ‏إن تركْت كْتاب ضحكاتك على عاتق رفوفي؟ ‏ما قدرت تردّ قلب ٍ جفّف التغرِيب رِيْعه ‏اِستطعْت أعيش! لكني فقدت أحلى ضيوفي ‏عاد لو بكرهك؟ هذا هو اللي ما أستطيْعه! ‏ ‏وبعتني قبل أتبصَّر -في مشاوِيرك- شفوفي ‏وإلَّا أنا قلبك -لو إنه في يديني- كيف أبيْعه؟ ‏قرَّب ركابك، وقِل لآخرك، لا من حبّ: يُوْفِي ‏لا تعلّق خاطري في صيفه، وتسرِق ربيْعه! ‏جيْت من كلّ الدروب وشدّد أيامك نكوفي ‏ما قدرت ألحق هواك، وخطوة أيّامك سريعة ‏هات كفّك والله إني باسطٍ لأجلك كفوفي ‏جعل تفداك الكفوف الطيبة قبل الوضيعة ‏أتعقَّل في ديارك.. وأتجرَّد من سيوفي.. ‏كل ظلّ معك أحبَّه، كلّ دربٍ فيك أضيعه! ‏أنت تعرفني، وتفهم حزني، وتجهل وصوفي ‏يتصنّع خاطري [نسيانك] ويخسر صنيْعه! ‏ليش ضاقت من بعدك الأرض واحتالت ظروفي؟ ‏وأنت لا منّك ضحكت.. تعوِّد الدنيا وسيْعة.

‏حطني في قلبك وعينك وبين اهدابك ‏و عطني كفوفك كلام الناس مايعنيني ‏يا فديت اطباعك وضحكاتك وترحابك ‏وعينك اللي لا رضيت تحطها في عيني ‏والقصيد اللي معي يبدا بك وينهى بك ‏جعلني ما ابكيك يوم و جعل ما تبكيني ‏مادريت اني تعديت السما بأسبابك ‏لين شفت الكل بالإجماع مُعجب فيني