AR Səfərbərlik və Hərbi Xidmətə Çağırış üzrə Dövlət Xidməti / SSMC of the Republic of Azerbaijan

❓Xaricdə təhsil alan tələbə təhsili ilə bağlı möhlət almaq üçün qeydiyyatda olduğu SHXÇDX-nin struktur qurumuna hansı sənədləri təqdim etməlidir? ✔️“Hərbi vəzifə və hərbi xidmət haqqında” Azərbaycan Respublikası Qanununun 21-ci maddəsinin qeyd hissəsinin tələblərinə əsasən Azərbaycan Respublikasının tərəfdar çıxdığı beynəlxalq müqavilələrdə nəzərdə tutulmuş hallar istisna olmaqla, xarici ölkələrdə təhsil alan çağırışçıların təhsil almasını təsdiq edən sənədlər müəyyən edilmiş qaydada leqallaşdırılmalı və ya onlara apostil verilməlidir. Leqallaşdırıldıqdan və ya apostil verildikdən sonra sənəd Azərbaycan dilinə tərcümə edilməli və tərcümə notariat qaydasında təsdiq olunduqdan sonra çağırışa cəlb edildiyi ayadək çağırışçı tərəfindən Səfərbərlik və Hərbi Xidmətə Çağırış üzrə Dövlət Xidmətinin qeydiyyatda olduğu struktur bölməsinə təqdim edilməlidir.

#VətənMüharibəsiQəhrəmanıCavidMahmudov #Qəhrəmanlarıunutmayaq #Azərbaycan #SHXÇDX

10 oktyabr - Yanğındöndürənlərin peşə bayramı günüdür. ​Əhalinin təhlükəsizliyinin etibarlı təmin olunması, insan həyatının, maddi dəyərlərin və zəngin təbii sərvətlərin qorunması naminə fədakarlıqla çalışan bütün yanğındöndürənləri bu əlamətdar gün münasibətilə təbrik edir, şərəfli xidmətlərində uğurlar arzulayırıq!

#AzərbaycanƏsgəri #VətənəXidmət #SHXÇDX

❓Çağırışçı müddətli həqiqi hərbi xidmətə cəlb edildikdə iş yerini itirirmi? Bu videoda müddətli həqiqi hərbi xidmətə çağırılan şəxslərin əmək münasibətləri ilə bağlı əsas məqamlar izah olunur. Mövzu ilə bağlı ətraflı məlumatı videodan öyrənə bilərsiniz. #HərbiXidmət #KapitanƏsgərliZəfər #SHXÇDX

Mərkəzi icra hakimiyyəti orqanlarının, digər idarəetmə qurumlarının rəhbərlərinin 2026-cı ilin oktyabr ayında şəhər və rayonlarda vətəndaşların qəbulu cədvəlinə uyğun olaraq 23 oktyabr 2026-cı il tarixdə saat 10:00-da Səfərbərlik və Hərbi Xidmətə Çağırış üzrə Dövlət Xidmətinin rəisi general-mayor Mürsəl İbrahimov Şuşa şəhərində Şuşa, Xankəndi, Xocalı və Xocavənd şəhər və rayonlarında qeydiyyatda olan vətəndaşları qəbul edəcək. Qəbula yazılmaq istəyən vətəndaşların 15 oktyabr 2026-cı il tarixədək rəsmi elektron poçt ünvanına (info@seferberlik.gov.az) və ya “mygov” portalı vasitəsilə müraciət edərək qeydiyyatdan keçmələri və qəbula gələrkən şəxsiyyətlərini təsdiq edən sənədləri özləri ilə gətirmələri zəruridir.

#MüzəffərAliBaşKomandan #PrezidentİlhamƏliyev #SHXÇDX

Dövlət Xidməti korrupsiya ilə mübarizəyə dair 2026-cı ilin III rübünü əks etdirən statistik məlumatları açıqlayıb. Ətraflı: https://seferberlik.gov.az/az/news/detail/1049

5 oktyabr - Beynəlxalq Müəllimlər Günüdür. Ölkəmizdə təhsilin inkişafı və gələcəyimizin etibarlı təməllər üzərində qurulması naminə fədakarlıqla çalışan bütün müəllimləri bu əlamətdar gün münasibətilə təbrik edir, şərəfli fəaliyyətlərində uğurlar arzulayırıq!

4 oktyabr - Cəbrayıl şəhəri günüdür. Bu əlamətdar günün təsis olunması Müzəffər Ali Baş Komandanımızın rəhbərliyi ilə rəşadətli Ordumuzun qazandığı Tarixi Zəfərə, əsgərlərimizin göstərdiyi misilsiz qəhrəmanlığa və xalqımızın qüruruna verilən yüksək dəyərin təcəssümüdür.

1993-cü il oktyabrın 3-də Ümummilli Lider Heydər Əliyevin Azərbaycan Respublikasının Prezidenti seçilməsi müasir dövlətçilik tariximizin həlledici dönüş nöqtəsi olaraq milli müstəqilliyimizi sarsılmaz təməllər üzərində bərqərar etdi. Ulu Öndərin uzaqgörən siyasi xətti bu gün Müzəffər Ali Baş Komansan İlham Əliyevin rəhbərliyi ilə qazanılan şanlı Zəfərlərdə və dövlətimizin yüksək beynəlxalq nüfuzunda öz təntənəsini yaşayır.

Dövlət Xidməti rəisinin müvafiq əmri ilə leytenant ilk zabit hərbi rütbəsi verilmiş 14 nəfər hərbi qulluqçuya rütbələrin təqdimetmə mərasimi keçirilib. Əməkdaşlarımızı təbrik edir, şərəfli və məsuliyyətli xidmətlərində onlara uğurlar arzulayırıq.

#MilliQəhrəmanFərhadAğayev #Qəhrəmanlarıunutmayaq #Azərbaycan #SHXÇDX

Çağırış başladı. 🇦🇿 ​Müddətli həqiqi hərbi xidmətə yola salınan bütün gənclərimizə Vətən qarşısındakı şərəfli xidmətlərində möhkəm iradə və uğurlar arzulayırıq!

1 oktyabr - Prokurorluq işçilərinin peşə bayramı günüdür. İnsan hüquq və azadlıqlarının etibarlı müdafiəsinin təminində və cinayətkarlığa qarşı mübarizədə əzmkarlıqla xidmət edən qurumun bütün əməkdaşlarını təbrik edir, şərəfli xidmətlərində uğurlar arzulayırıq!

30 sentyabr - Dövlət Sosial Müdafiə Fondunun yaradılması günüdür. ​Əhalinin rifahının yaxşılaşdırılması və sosial müdafiəsinin təmin olunması istiqamətində məsuliyyətlə çalışan qurumun əməkdaşlarını bu əlamətdar gün münasibətilə təbrik edirik!

29 sentyabr - Turizm işçiləri günüdür. ​Ölkəmizdə turizm sahəsinin inkişafı və təbliği istiqamətində çalışan turizm işçilərini peşə bayramı münasibətilə təbrik edirik!

#VətənMüharibəsiQəhrəmanıFaiqQasımov #Qəhrəmanlarıunutmayaq #Azərbaycan #SHXÇDX

Dövlət Xidmətinin şəxsi heyəti Zəfər parkını ziyarət edib 44 günlük Vətən müharibəsinin başlanmasının ildönümü münasibətilə Səfərbərlik və Hərbi Xidmətə Çağırış üzrə Dövlət Xidmətinin rəisi general-mayor Mürsəl İbrahimov və xidmətin şəxsi heyəti Bakı şəhərində inşa olunan Zəfər parkındakı 8 Noyabr – Zəfər Gününü əks etdirən memorial abidəni ziyarət edib. Azərbaycanın suverenliyi və ərazi bütövlüyünün təmin olunması uğrunda şəhid olan Vətən övladlarının əziz xatirəsi yad edilərək memorial kompleksin girişində olan abidə önünə gül dəstələri düzülüb. Qeyd edək ki, Azərbaycan Respublikasının Prezidenti cənab İlham Əliyevin 2020-ci il 2 dekabr tarixli Sərancamı ilə hər il sentyabrın 27-si ölkə ərazisində Anım Günü kimi qeyd edilir. Allah şəhidlərimizə rəhmət eləsin!

27 Sentyabr - Anım Günüdür. ​Müzəffər Ali Baş Komandanın rəhbərliyi ilə rəşadətli Ordumuzun qazandığı tarixi Zəfər xalqımızın qürur mənbəyidir. Ölkəmizin ərazi bütövlüyü və suverenliyi uğrunda canından keçən şəhidlərimizin əziz xatirəsini ehtiramla yad edir, veteranlarımıza möhkəm cansağlığı arzulayırıq!