سَمق

‏صحت نجد على صوت النباح ولجّة الغربان ‏عوافي .. قربي منك الوساده وادخلي لحافك ‏كأنك ما تعوّدتي على التجريح والنكران ‏من اللي زادهم في ما مضى من لحم اكتافك ‏تغطّي .. ما عليك إلا الرضا ورعاية الرحمن ‏صياحٍ ما يساوي طلّتك من راس مشرافك بدر بن عبدالمحسن - رحمه الله -

‏تنتابني لهفةٍ تنقص وترجع تزيد ‏سحابةٍ كل ما طال المدى خلتها ‏طبيعة النفس .. عن منوالها ما تحيد ‏لو إنّي اقدر على التبديل بدّلتها ‏كم لي و أنا أجاهد الدنيا و أهلها وحيد ‏مافيه حملة تقصّ الظهر ما شلتها

من رحمة الله لقاك بخير محبوبك ‏هلا هلا ياعذابي واجمل احبابي ‏ مالي عيونٍ نظرها ما انتثر صوبك ‏ولابك من الشوق و اللهفه كثر مابي ‏كم لي و انا اكتب غرامك واتبع دروبك ‏ ياللي معاذريك اقفت بي عن عتابي عاتب لعل العتب عيبك و عذروبك ‏ولرضاك يا صاحبي تلبسني ثيابي ‏لعيونك الله خلق خفّاق محسوبك ‏يا طيب حظٍ تثنّى بك على بابي ‏ سـولف تدلل ترى ناهبك منهوبك ‏وإن ضاقت ارضك عليك تشيلك اهدابي

بعيد : من التصنع ، والتكلف ، والكلام الجاف ‏أقول اللي يجول بخاطري .. وأترجم شعوري ‏عرفت : إن الشعور أعمق وأجل من الوزن والقاف ‏ولقيت : إن صوت صدري مايشابه صوت حنجوري ‏تركت اللي يمرّه فالظلام الساري الحوّاف ‏وأخذت من النهار اللي كشف وجه الثرى ، نوري ‏تبـيّن جرتي بالوادي الموسوم .. والمشراف ‏معا سرب الطيور العابره .. ماطارت طيوري ‏ماني بمدوّر اللي يسمع بذكره ولاينشاف ‏ولاني واقفٍ في موقعٍ مايعرف حضوري ‏ورى وجه الكتاب اللي تشوفونه بدون غلاف ‏ربيع الجنة الخضرا : عسل سدر , وزهر جوري ‏لو بوّصف المشاعر .. جايز التبذير والأسراف ‏ولا من حقي أكنز جوهرة عمري وبلوري ‏كتبت أطراف صوتي في طريق العاشق الميلاف ‏وقدمت لمجاريح الليال البارده شوري ‏ورى الألقاب والنور الصناعي مارسمت أهداف ‏مع إني قد نحت صخور نجد براس باكوري ‏ولايخذلني اللي لاكتبني : يكتب إسمي حاف ‏ولايزعلني اللي في طريقي طوّفوا .. دوري ‏ماني محتاج : للتصفيق ، والتعليق ، والإنصاف ‏وأنا أحس الليالي والنجوم البيض جمهوري !

للاعياد غنّا في نخيلك حفيف النود قبل يطرق بحور القصيد وتفيض اشعار تعطر بك التاريخ بالمسك والكمبود وتفاخر بك الامه على نايد الاقطار تحت حكم اخو نوره زمانك رخى ومْهود فجوجك سما يا دارنا والنجوم ديار نسايمك مثل الما على الخاطر الملهود مآثرْك مثل الكيف والعود للخطار لياليك غرّا مابها يالمليحه سود تغطرف لها القمرى تشعشع بها الانوار علمك يْتطارخ في سما المجد دون حدود توّمن به الساري .. تسامر به السمار هذي نخلتِك رمز العروبه مغنّ الجود ومن دونها السيفين تردع عدّو الدار شمالك وسيع الصدر وارضه مراتع ذود صدح بالهلا والبنّ والهيل والمسمار وعلى حدك الثاني بسدّ الرعود رعود جنوبك مصيف الورد والغيم والامطار واساس الحضاره والرغد شرقك المنشود حضارتك منك وفيك ما جات باستعمار ولحجازك النايف وجيه السنين شهود تسامى فبيتين الله وسيرة المختار وفي نجدك التاريخ .. والحاضر المشهود : خذا من طويق المجد والعزم والاصرار ولانا لحكامك محبه وورث جدود نماري ونفخر في نباهم خفى واجهار يومنّ الجزيره عجّها الملح والبارود والايام مابين المغازي ورد الثار ظهر لك معزي واحتمى بسيفه المجرود حدود الجزيره لين صار الامان شْعار بعد ثبّت ركونك بشرع الله المعبود توارثك من عقبه حرار ٍمن اصل احرار حرارٍ تعلوّا بك للامجاد خمس عهود وهذَا العهْد تحت قيادة الحاكم البيطار مليك ٍبحق الدين أمضى من العبرود وعلى الحق لال سعود وقفه وطبع وكار للاحلام درب الشعب في دبرته ممهود وللامجاد والرؤيه تقدم سنده البار وليّ العهد رمز المفاخر شبيه العود له الشعر والتاريخ ياقف فخر وإكبار مواقيفه تضد الضديد وتبلّ كبود وقف دون حد الدين والمملكه والجار تباهي على العالم تحت راية ابن سعود يا دار ٍ على حدانها نرخص الاعمار

‏قد مشينا فيك حافين في وقت الجهام ‏قد شرينا الموت من دونك بنعش وكفن ‏قد نثرنا لأجلك النور في عيون الظلام ‏واجتمعنا في قراياك وأصبحنا مدن ‏قد جمعنا شوقنا لك مواعيدٍ حيام ‏ وقد حلمنا بك مثل حلمنا بجنة عدن ‏والله إنا مالقينا مثل بردك سلام ‏والله إنا ماعشقنا وطن مثلك وطن

‏"تعالت للسماء وأسترسل التكبير والتّمجيد ‏تدانت كل نجمة كنّها للأرض.. مرسولة ‏تقول إنّ السعودية عَلت عن كل قاع وبيد ‏رفعها الله بالدين الحنيف وحكمة زحولة" ٢٣ سبتمبر / ٩٦ عام من الفخر والعزّة يا بلادي🇸🇦

انتي ربيبة لين ماهمك سلوم وحسنك ذكي جداً وروحك تلكع ابغاك لو هو يوم والا بعض يوم وانتي لك السامك كسوره تهكع سبحان من جمع مصقع ويحموم بفويهك السحر المبين يتركع

قدرك عظيم .. وسيرتك بالسماء برج أنت النعم والزود في كل طاري ما شككوني فيك نقّالة الهرج كنّك حديثٍ قد رواه البخاري

هين مردك للفرج يأكبر الضيق دام الليالي تقتفيها ليالي هي بس تبغى طول صبر وتوافيق وأشيل هم الناس كله لحالي وعمر المربط مايسوق المطاليق والحر ماترضيه غير المعالي ياصاحبي وإن زاد ظلم المخاليق فلاتحسب إن الله عن الخلق سالي والطيب يمحى العيب عرف ومواثيق والا الخطا ماله على الطيب والي واللي جرحني بين حدب ومعاليق ماخفي عليك انه الى الحين غالي ياحلمي اللي مالك اليوم تحقيق حبك حقيقي بس وصلك خيالي والحب يفضحني وان اخفيته يويق وإن مامضالي بالوفا مابقالي جرحتني مختار ياحالي الريق واسامحك مجبور ياراس مالي صوره ولا يحتاج الإحساس تعليق أركض رجا ويطيح ميّس ظلالي وان كان بيبان المشاعر مغاليق فماهو جديد ان الزمن ماصفالي ليت الهوى جمعه ولا فيه تفريق أوليت ما للبعد فالقلب صالي ياصاحبي وان شلت لك فوق ماطيق فأنا لحالي جيت وأرحل لحالي و هيّن مرده ينتهي كل هالضيق وأقول للمره الأخيره تعالي

والزحول العصاه أهل الفعول السمان ‏كل أبوهم .. تحت سيف الغرام ضعفا

صلوا عَلى المختار فهو شفيعكم ‏في يوم يبعث كل طفل أَشيَبا ‏صلوا عَلى من ظللته غمامة ‏وَالجذع حن له وأَفصحَت الظبا ‏صلوا عَلى مَن تدخلون بجاهه ‏دار السَلام وَتبلغون المطلبا اللهم صلّ وسلّم على نبينا محمد وعلى آله وصحبه أجمعين

يالفارقة .. يالمعدن اللي ما يبور أنتي على صدر الصدر منتي طرف ماظني امك شالتك تسعة شهور ما جابتك من بطنها .. لو تحلف أظن جيتينا من أعماق البحور يا دانةٍ ما جات من محض الصدف أنتي من اللي سببت غلا المهور طيب النسب والزين غالي للأسف أحتاج في وصفك على فكر وشعور والهام ابن جدلان .. واسهابة خلف منتي قصيدة عابرة بين السطور انتي قصيدة في غلاف المختلف من ينولد بعدك من إناث وذكور من الجمال يقول .. ما عندك سلف ؟ كن الجمال اللي على مر العصور مر العصور .. ويوم جا عندك وقف

يا سمن الأحلام، والواقع كثير أنحف ما غزرت فيه .. لاضحكة ولا غمزة إن جيت برد الجفا متسلّح بملحف يحيطك الشك .. وتوقّف على الهمزة خل أُمنياتك مزار وملجأ ومتحف تمرها .. كل ما زاد السهر لمزه بالصيحه الأوله وقّف ولا تزحف الطابع الأولي للآدمي .. رمزه ما تذكر الناس وَحشي حافظ المصحَف وحشي بعين الجميع اللي طعن حمزة

ماضيٍ لي حلف ما أسج عن يوم الربوع إن صفت عذبات الأيام .. ولا ماصفت

صاحبي غايب عسى مانيب واهم والكريم انّ غاب : غيباته تذاعي اكرم من السهم في عيون المساهم ودون صرف المال كنه غير واعي ما يعرف ان شاف له ضيف يتفاهم دون حقه .. لا يحن ولا يراعي وجهه ابيض ما تبيضه المراهم بيّضه بيض الفعايل و المساعي واهل الامجاد لا غابو ، تراهم كل ماغابو ورا الغيبات داعي الكريم اليا خلصت منه الدراهم ينعزل حتى ولو كان اجتماعي

"صلى عليكَ الذي أولاكَ منزلةً ‏بينَ النبيينَ لم تدرك بحسبانِ ‏و الآلِ والصحب و الأتباعِ ما سجعتْ ‏وُرْقُ الحمامِ على خوطٍ وأغصانِ.." اللهم صلِّ وسلِّم على نبيّنا وحبيبنا محمدٍ صلى الله عليه وسلم.

اضرب على الكايد ولا تسمع كلام العز بالقلطات والراي الصليب قد قالها القايل على وقت الامام انتم هل العوجا عمى عين الحريب يا قايدي ياسيدي الحر القطام الصبر باح ونادت الجنه حبيب وانا اشهد انك قمت ياعز المقام يا صامل الهدات والفعل المهيب ياسيدي طير السعد والعز حام ابطش بهم ياراعي الجرح العطيب ابطش بهم مافاد في النجس السلام الكي طب لا فشل طب الطبيب اهديتهم من قبل ينشق الظلام بين الثريا والثرى نار ولهيب طيور ابابيلٍ تفتق في الغمام تودع زناديق العدا ميت وصويب

على سمعةٍ بيضاء وعلى موقف مشهور بها يامن الخايف و بها تسمن العرّا بنينا المكارم ثم بنينا عليها سور عشاشيقها داخل و عواذيلها برّا