سَمق

قدرك عظيم .. وسيرتك بالسماء برج أنت النعم والزود في كل طاري ما شككوني فيك نقّالة الهرج كنّك حديثٍ قد رواه البخاري

هين مردك للفرج يأكبر الضيق دام الليالي تقتفيها ليالي هي بس تبغى طول صبر وتوافيق وأشيل هم الناس كله لحالي وعمر المربط مايسوق المطاليق والحر ماترضيه غير المعالي ياصاحبي وإن زاد ظلم المخاليق فلاتحسب إن الله عن الخلق سالي والطيب يمحى العيب عرف ومواثيق والا الخطا ماله على الطيب والي واللي جرحني بين حدب ومعاليق ماخفي عليك انه الى الحين غالي ياحلمي اللي مالك اليوم تحقيق حبك حقيقي بس وصلك خيالي والحب يفضحني وان اخفيته يويق وإن مامضالي بالوفا مابقالي جرحتني مختار ياحالي الريق واسامحك مجبور ياراس مالي صوره ولا يحتاج الإحساس تعليق أركض رجا ويطيح ميّس ظلالي وان كان بيبان المشاعر مغاليق فماهو جديد ان الزمن ماصفالي ليت الهوى جمعه ولا فيه تفريق أوليت ما للبعد فالقلب صالي ياصاحبي وان شلت لك فوق ماطيق فأنا لحالي جيت وأرحل لحالي و هيّن مرده ينتهي كل هالضيق وأقول للمره الأخيره تعالي

والزحول العصاه أهل الفعول السمان ‏كل أبوهم .. تحت سيف الغرام ضعفا

صلوا عَلى المختار فهو شفيعكم ‏في يوم يبعث كل طفل أَشيَبا ‏صلوا عَلى من ظللته غمامة ‏وَالجذع حن له وأَفصحَت الظبا ‏صلوا عَلى مَن تدخلون بجاهه ‏دار السَلام وَتبلغون المطلبا اللهم صلّ وسلّم على نبينا محمد وعلى آله وصحبه أجمعين

يالفارقة .. يالمعدن اللي ما يبور أنتي على صدر الصدر منتي طرف ماظني امك شالتك تسعة شهور ما جابتك من بطنها .. لو تحلف أظن جيتينا من أعماق البحور يا دانةٍ ما جات من محض الصدف أنتي من اللي سببت غلا المهور طيب النسب والزين غالي للأسف أحتاج في وصفك على فكر وشعور والهام ابن جدلان .. واسهابة خلف منتي قصيدة عابرة بين السطور انتي قصيدة في غلاف المختلف من ينولد بعدك من إناث وذكور من الجمال يقول .. ما عندك سلف ؟ كن الجمال اللي على مر العصور مر العصور .. ويوم جا عندك وقف

يا سمن الأحلام، والواقع كثير أنحف ما غزرت فيه .. لاضحكة ولا غمزة إن جيت برد الجفا متسلّح بملحف يحيطك الشك .. وتوقّف على الهمزة خل أُمنياتك مزار وملجأ ومتحف تمرها .. كل ما زاد السهر لمزه بالصيحه الأوله وقّف ولا تزحف الطابع الأولي للآدمي .. رمزه ما تذكر الناس وَحشي حافظ المصحَف وحشي بعين الجميع اللي طعن حمزة

ماضيٍ لي حلف ما أسج عن يوم الربوع إن صفت عذبات الأيام .. ولا ماصفت

صاحبي غايب عسى مانيب واهم والكريم انّ غاب : غيباته تذاعي اكرم من السهم في عيون المساهم ودون صرف المال كنه غير واعي ما يعرف ان شاف له ضيف يتفاهم دون حقه .. لا يحن ولا يراعي وجهه ابيض ما تبيضه المراهم بيّضه بيض الفعايل و المساعي واهل الامجاد لا غابو ، تراهم كل ماغابو ورا الغيبات داعي الكريم اليا خلصت منه الدراهم ينعزل حتى ولو كان اجتماعي

"صلى عليكَ الذي أولاكَ منزلةً ‏بينَ النبيينَ لم تدرك بحسبانِ ‏و الآلِ والصحب و الأتباعِ ما سجعتْ ‏وُرْقُ الحمامِ على خوطٍ وأغصانِ.." اللهم صلِّ وسلِّم على نبيّنا وحبيبنا محمدٍ صلى الله عليه وسلم.

اضرب على الكايد ولا تسمع كلام العز بالقلطات والراي الصليب قد قالها القايل على وقت الامام انتم هل العوجا عمى عين الحريب يا قايدي ياسيدي الحر القطام الصبر باح ونادت الجنه حبيب وانا اشهد انك قمت ياعز المقام يا صامل الهدات والفعل المهيب ياسيدي طير السعد والعز حام ابطش بهم ياراعي الجرح العطيب ابطش بهم مافاد في النجس السلام الكي طب لا فشل طب الطبيب اهديتهم من قبل ينشق الظلام بين الثريا والثرى نار ولهيب طيور ابابيلٍ تفتق في الغمام تودع زناديق العدا ميت وصويب

على سمعةٍ بيضاء وعلى موقف مشهور بها يامن الخايف و بها تسمن العرّا بنينا المكارم ثم بنينا عليها سور عشاشيقها داخل و عواذيلها برّا

لي صاحب وشلون بالمدح اجازيه وجمايله بالطيب صارت مراجع يوم الردي عن لازمه قاصر يديه تندا يديه من الكرم ماتراجع وقت الشدايد حظ منهو بناخيه والله ما يشكي من حياته مواجع أثقل من همومك ليا رحت ناصيه معروفه اللي تنقله وانت راجع

وضعنا بالشرق الأوسط يصلح اللّٰه وضعنا مافيه مزح ولا تسلّي ومن بلونا مالهم مذهب وملّه عاد ياذا الصبر ملّ من التحلّي يافهد احكر لنا فنجال دله القهاوي تبرد همومي وغلّي ودي أقابل أبو رموشٍ مظله ماذبحني من غلاه الا التغلي ومن يقول ان الخميني آية اللّه ؟ آية اللّٰه يافهد بعيون خلي يارضا اللّٰه لو يجيني يارضا اللّٰه والله انه بالمحاديب متعلّي والخميني علّه .. وصهيون علّه ليتنا عنهم بكونٍ مستقلي

أسقيتها من صافي الود فنجال و أنا على ما أسقيتها عودتني أنا اشهد اني طحت في بنت رجال لو دارت الدنيا علي ما نستني

تكثر على بعض الرجال الملامة اللي بدربه ما يقدّي مماشيه اللي يتيه الليل .. عذره ظلامه اللي يتيه الصبح وش يعتذر فيه ؟

دارت دواليب الزمان ولا يصح إلا الصحيح واللي من أول يجهلون اليوم صاروا يعلمون ياصاحبي لاحدتك بعض المواقف للمطيح ودك تطيح من الجبال ولا تطيح من العيون

ان صابت الهقوات فالشك زايل وان خابت الهقوات ما تعلم الغيب عادي لا شفت من الحياه الهوايل الناس مختلفين بالذات في العيب ترى الردي يطرب لهزل الفعايل مثل ما يطرب راعي الطيب للطيب

يا ابيض من الغيم والطف من نسيم الصباح واعذب من الماء على الضميان وقت الضما واقوى من العز والشيمه ... وزرق الرماح واحلى من الصلح ، والاصلاح بين غرما واصدق من الدمعه اللي جات وقت النجاح وافضل من الشوفه اللي جات عقب العما مليتي العين عفّه، والسنين انشراح الين شفت العذارى مثل شكل الدمًا يا آخر الحب وجهك يستحق الكفاح انا أول أنسان طار ، وشاف وجهك سما

الفضل للي يعطي الطيب والجود ناسٍ تسددها . .. وناسٍ تقرّب لا ترتكي دايم على المال والزود والجاه والمنصب والاسم المعرّب يمكن تثوّر فالخبا .. وانت بارود والا تصدي وانت سيفٍ مجرّب