تٌوٌهّآنِ ∆

بذاكر شوية وبعدين بقعد اتخيل نفسي مره في حفلة التخرج ومره في خطوبتي وأهي ماشية

متلومش ابوك علي التروما اللي جبهالك لوم جدك علي اللي عامله في ابوك او لوم ابو جدك بص منه لله الخديوي اسماعيل

لا بس موضوع التواصل العقلي اللي بيبقي بينك وبين أكتر شخص أنت بتحبه وبيخليك تصحي من أحلي نومة ترد علي ماسدجاته لو بعت حتي لو التليفون سايلنت دا مسكوت عنه شوية ؟

كل ما ابص ف المنهج انهج وكل لما باكل بنام

‏في مره حد قالي جمله عمري ما هنساها "هتفضل تسامح اللي بتحبه لحد ما تكرهه" .

تحس امتحانات التيرم دي طولت أوي دخلنا في نفق و مش عارفين نخرج منه ما يلغوا باقي الامتحانات و يدوا للطلبه امتياز و خلاص

_ سعيت؟ = اه يبقا النتيجة مش بتاعتك.. متفكرش كتير متهلكش دماغك، أنت هلكتها ف السعي وده المطلوب أما النتيجة؟؟؟ والله ما بتاعتك لله ف خلقه شؤون.. يقدرلك الخير لك بالطريقة اللي مقدرها أخير لك فمتحسبهاش كتير ويدوبك تاخد شاور من امتحان انهارده عشان تنام وتصحى تستعد للامتحان اللي بعده، ويا صديقي مقادير الله كلها خير فاطمئن💙

أنا اوقات مبردش علي الناس لمصلحتهم..

الكل بيسأل عملتي ايه في الامتحان مفيش ولا مره حد سأل الامتحان عمل فيكي ايه

شبع العين ده نعمه كبيره أوي.. الحمد لله الذي عافانا مما ابتلى به غيرنا.

”تمر بالمرء أيامٌ حتى الإيماء بالرأسِ يصبح ثقيلًا عليه.“

الناس كلها جالها العوض واتخطبوا واتجوزا وانا لسه مدخلتش مرحلة بتحبي لون ايه

‏يابخت اللي خلصوا امتحانات ويابخت اللي اتخرجوا ويابخت أي حد نسي يعني ايه امتحانات عامة

صدقني انت محتاج تبطل تعاطف مع البني آدمين وتبدأ تتعاطف مع نفسك شوية ..

‏رُدَّ لِجسدي ونَفسي وقَلبي عافيتهُ..يَاربَّ.!

كل ما أفتكر حد وقفت جمبه في موقف وما قدّرش ولا راعى العِشرة واللي عملته عشانه؛ نفسي تقولي معقول نسي؟ فأرد عليها ولكن الله يعلم. كل ما أفتكر اللي ظلمني وعايش حياته كأنه هو المظلوم؛ نفسي تقولي بص بيقول عنك إنك انت اللي عملت كذه وكذه؟ فأرد عليها وأقول ولكن الله يعلم.. ما بقتش أعمل حاجة غير إني أقول ولكن الله يعلم، لأنه فعلاً عالم بكل شيء، وده كفاية جدًا "وَأُفَوِّضُ أَمۡرِیۤ إِلَى ٱللَّهِۚ إِنَّ ٱللَّهَ بَصِیرُۢ بِٱلۡعِبَادِ"

بتدايق من اي شغلانه يتذكر فيها ال word وpowerpoint واللاب عموما او اي تكنولوجيا (انا جاهل )

الفترة دي معنديش أي مشاعر إنسانية غير إني عاوزة أخلص إمتحانات

الناس اللي برد عليهم وبكلمهم الفترة دي أنتوا Vip والله عشان أنا مبقتش بطيق حد عموماً

فترة الامتحانات من ابشع واوحش الفترات اللي بيمر بيها الانسان اللي هو انا فترة كلها ضغط وقلق وتوتر مبتستحملش نظرة أو كلمة بتتلكك لاي حاجة تخليك تنفجر وكل دول لو حاولت تخفيهم فمعدتك مش هتهنيك بده فترة كلها خوف من انك متلحقش تخلص وفي نفس الوقت انت مش قادر تكمل وعمال بتشد في خطواتك بالعافية عشان تحاول تخلص يارب جهدي بين يديك فلا تجعل شيئًا منه يضيع سُدى يارب جهدي قليل وكرمك واسع♥️