تٌوٌهّآنِ ∆

لما بشوف فيدوهات الناس اللي فرحانة بنتيجتها (ثانوية عامة) بيجيلي شعور إني اتحرمت من اللحظة دي رغم إني كنت أستحقها، وعملت كل حاجة عشانها وبرضو معشتهاش. الجزء بتاع النهاية السعيدة ده، ضايع من قصة الثانوية العامة بتاعتي، مرمطة وتعب وسهر بس من غير نهاية سعيدة ف الآخر، فصل القصة الضايع هفضل مفتقداه لآخر عمري تقريبًا ومش هعرف اتعافى مهما حاولت "

ألف مبروك لأبطال الثانوية ، لو محتاجين قدوة ف إحنا موجودين ولو محتاجين عبرة إحنا برضو موجودين

الناجح والراسب كلاهما محبوبان عند الله، الاول أحبه فاعطاه ماتمنى ⁦ والثاني أحبه فابتلاه فصبر وفي كلاهما خير.

ايه كمية النتائج اللي فوق الـ 90% دي ياجدعان ، فين ايام طارق شوقي ، كان التايم لاين كله بيبقي منزل مقاسات جـرْم

‏اي حاجه ‏عايزينها اقطعو الأمل فيها وهتيجي من نفسها. عند التخلّي ، بيحصل التجلّي. فيه سُنـة كـونـية ربنا أوجدها، إن أوقات لما تتعلّق بحاجة زيادة عن اللزوم، ممكن تتشال من حياتك، عشان قلبك يفضل متعلّق بربنا وحده قبل أي حاجة. أنا متعمّق جدًا في الفكرة دي، وكل ما بتأمل فيها بلاقي فيها معاني أكتر.

بلاش اغسطس بالله عليكم ندخل علي سبتمبر علي طول

‏عايزين بطل خارق ينزل المواصلات العامة ويرش مزيل عرق في باطات الناس اللي متعرفش الاختراع ده ونسميه * باط مان *

كل أحلامي بتتلخص في أن أنا متجوزش شخص يخليني أندم في يوم من الأيام أن أنا إتجوزت عمومًا يارب لا تبتليني في زواجي يارب.")

الـ gentle man في نظري هو اللي يخليكي تعتمدي عليه لدرجة تنسي تشغلي مخك معاه .

حد بحبه دايمًا يقولي إن أنا اللي بجيب لنفسي العين! بسبب نكشي في الناس، وهزاري، وضحكتي العالية.. قلتله: وده حلو! حلو إن الإنسان يعرف يفرح، أو حتى يفصل شوية والحمدلله الإنسان حياته كلها نعم.. يكفي أن النبي ﷺ كان يُعرف بالبِشر، حتى قال عبد الله بن الحارث: “ما رأيت أحدًا أكثر تبسمًا من رسول الله ﷺ.” الإنسان اللي بيحب الهزار جميل والله، وبميل جدًا لكل شخص فرفوش.. مش لأن حياته خالية من الهم، لكن لأنه بيحاول يكون راضي ومبسوط🤍

الحمد لله الذي جعل لنا آخرة تُرد فيها مظالم الدنيا.

يارب I want a car, a big house, and 15 million dollars ولا تجعل الدنيا اكبر همي

لكنني لم أحصل يومًا على ما أود، لم أصرخ فرحًا لحصولي على أمنيةٍ ما، ولم أغلق باب غرفتي بچيبي حلمًا يمكنني أن أسعى إليه دون تعب. أنا في كل مرة أحاول فيها السير، أو أفتح قلبي كي يتنفس؛ تفجعني حقيقة أن قدمي مشوهة بآثار طرقٍ خائبة قديمة، ويداي مخدوشتان من ضياع الأحلام، وقلبي مكسور.

وألِن قلبهُ من أجلي وٱحفظهُ لي واغفِر له وزِدهُ علمًا وخُلقًا ويسِّر له كل صعبٍ ووفِّقه في عمله وعِلمه واجعلهُ مباركًا أينما كانَ وحَل وارزقُه من واسِع فضلك. يا رب يا منَّان.💗

وإن الغاية من الزواج، الصرمحة في الشوارع الثالثة فجرًا والناس نايمة.

الجو في شقتنا يرد الروح للي خالقها.

تقيمى لحياة الكبار ليه كدا من عشرة

حد بيتكلم مع شيخ وبيقوله إنه خايف يتنسى بسرعة لما يموت، وقاله لو اتنسيت محدش هيدعيلي ! وأكيد هكون محتاج الدعاء .. قاله لو عايز الناس تدعيلك ادعي للمنسيين .. قول دايمًا : " اللهم ارحم جميع أمواتنا ، وارحم من نُسي أثره فلم يذكُره ذاكِر ، ولم يزُره زائِر .. وسخر لنا من يدعو لنا يا اللّه ، وصُحبه إن متنا لا نموت بداخلهم.🤍

لسة شايفة تويتة لإنسانه يقينها بالله جميل بتقول: " لسة عندي يقين إن في نهاية سعيدة معرفش مع مين وفين وازاي وامتى بس أكيد موجودة ". ومؤخرًا بالنسبالي اليقين دا جوايا بيزيد جدًا عن كل يوم. وعندي يقين أن ربنا كبير وقادر يحققلي كل ال نفسي فيه وبكرا أنا هكون في مكان ومع اشخاص كنت بتمنى في يوم اقابل زيهم.. لسة نصيبي ال حلو من الأشخاص والأحلام مجاش بس أكيد هيجي علشان استحق واستاهل.

وفي لحظة ما هتكتشف إن صاحبك اللّي اتخلى عنك ماكانش شبهك خالص، وكان الأحسن والخير ليك إنه يمشي ويبعد وإن الشخص اللّي حبيته وبعد عنك، لو كان فضل في حياتك كان زمانه أذاك وتعبك والتخصص اللّي كان نفسك تدرسه وهتموت عليه، ما كنتش هتقدر تسلك فيه ولا تكمل معاه والشغلانة اللّي كنت بتحلم بيها، لو كانت جاتلك، ما كنش زمانك دلوقتي في مكان ووظيفة أحسن منها بكتير هو ده تدبير ربنا وكرمه، وديمًا بيبقى المنع هو في حد ذاته هو عين العطاء.