MANNA

Твоя жизнь — это история, которую Бог пишет с любовью. Даже если сейчас ты не понимаешь, зачем проходишь через определённые испытания, помни: Бог видит всю картину целиком. То, что сегодня кажется болью, завтра может стать частью твоего свидетельства. Не спеши опускать руки, когда путь кажется трудным. Доверь Богу свои планы, страхи и переживания. Он знает, куда тебя ведёт. И даже тогда, когда ты не видишь дороги, Бог уже знает следующий шаг. Доверься Его замыслу. Ведь твоя история ещё не закончена. 💗💗💗💗💗💗💗💗💗 Your life is a story God writes with love. Even if you don't understand now why you're going through certain trials, remember: God sees the whole picture. What seems like pain today may become part of your testimony tomorrow. Don't be too quick to give up when the path seems difficult. Trust God with your plans, fears, and worries. He knows where He's leading you. And even when you can't see the road, God already knows the next step. Trust in His plan. After all, your story isn't over yet.

«Имон» нима? Имон — масиҳий ҳаётининг асосидир. Имон орқали инсон Худони танийди, Унга яқинлашади ва У билан шахсий муносабатда бўлади. Имон — шунчаки «Худо бор» деб ишониш эмас. Имон — Худога ишониш, Унга таяниш ва ҳаётингни Унга ишониб топширишдир. Имоннинг Муқаддас Китобга кўра маъноси Муқаддас Китобда шундай дейилган: «Имон умид қилинган нарсаларнинг моҳиятидир ва кўринмайдиган нарсаларга амин бўлишдир». Биз ҳамма нарсани кўзимиз билан кўрмаслигимиз мумкин. Аммо Худо ва Унинг ваъдаларининг ҳақиқат эканига ишонамиз. Имон — кўринмайдиган Худога ишониб, Унинг ваъдаларини ҳақиқат деб қабул қилишдир. Нажот ва имон Масиҳийликда нажот инсоннинг яхши ишлари орқали эмас, балки Худонинг инояти орқали берилади. Муқаддас Китобда шундай дейилган: «Чунки сизлар имонингиз орқали иноят билан нажот топдингизлар. Бу эса сизлардан эмас, балки Худонинг инъомидир; бу – савоб ишларингиз туфайли эмас, токи ҳеч ким мақтанмасин». Биз нажотни ўз кучимиз билан қўлга киритмаймиз. Уни Худо бизга ҳадя қилади ва биз бу ҳадяни имон орқали қабул қиламиз. Имон — Худога ишониб яшашдир Ҳақиқий имон фақат ақл билан рози бўлиш эмас. Имон — Худога ишонишдир. Қийинчиликда — Унга таяниш. Тушунмаган пайтингда — Унга ишониш. Келажак ноаниқ бўлганда — Унинг қўлида эканингни билиш. Имонли инсон Худонинг донолигига, қудратига ва иноятига таяниб яшайди. Имон қаҳрамонлари Муқаддас Китобда имони билан ажралиб турган кўплаб инсонлар ҳақида айтилади. Масалан, Иброҳим Худонинг чақирувига ишониб, ўз юртини тарк этди. Мусо эса Худога ишониб, осон ва қулай ҳаётни танламади. Улар ҳамма нарсани олдиндан кўрмаган эдилар. Аммо улар Худога ишонишган ва Унга итоат қилишган. Хулоса Имон — фақат бирор нарсани ҳақиқат деб билиш эмас. Имон — Худони танлашдир. Унга ишонишдир. Унинг ваъдаларини қабул қилишдир. Ва ҳар куни Унга таяниб яшашдир. Чунки ҳақиқий имон сўзлардагина эмас, балки инсоннинг ҳаётида, қарорларида ва Худога бўлган ишончида намоён бўлади.

Vijdon amri kino

Имон 🙏 @haqiqat_kalomi

МАСИҲИЙЛИК ТУШУНЧАСИ БЎЙИЧА ИМОН НИМА? Ҳеч нотаниш жойда телефонингиз ўчиб қолганми? Навигатор "Ўнгга бурил" деганида сиз йўлнинг охирги нуқтасини кўрмаяпсизу, лекин барибир ўнгга бурасиз. Нега? Чунки ахборот манбасига ишонасиз. Қизиғи шундаки, Муқаддас Китобда имон айнан шундай таърифланган. Аммо Худога ишониш, шунчаки йўл бошловчига ишонишдан кўра кўпроқ нарсани англатади . Бугун қуйидаги саволга жавоб берамиз: Масиҳийлик тушунчасига кўра имон нимани англатади? Келинг аввало имон нимани англатмаслигини аниқлаб олсак! "Кўпчилик: "Мен Худонинг борлигига ишонаман - демак, менда имон бор," деб ўйлайди. Аммо Муқаддас Китоб бундан ҳам чуқурроқ гапиради. Худо ҳақида жуда кўп нарсани билиш, диний урф-одатларни бажариш мумкун ва шу билан бирга Унга ишонмаслик мумкин. Ҳақиқий имон - бу фақат билим эмас. Бу қалбнинг Худога бўлган муносабатидир. Муқаддас Китоб бўйича имон тавсифи Ибронийларга 11:1 да шундай дейилади: "Имон – умид қилинган нарсаларнинг моҳиятидир ва имон кўринмайдиган нарсаларга амин бўлишдир." Бу кўр-кўрона ишониш дегани эмас. Муқаддас Китобдаги имон Худо Ўзи ҳақида аллақачон ошкор қилганига асосланади. Биз Худони жисмоний кўзларимиз билан кўра олмаймиз. Аммо Унинг сўзлари ва ваъдаларига ишонамиз. Тасаввур қилинг, мен: "Мен стул мени кўтара олишига ишонаман," дейман. Ҳақиқатан ҳам ишончимни қандай билсам бўлади? Жуда оддий тарзда билсам бўлади? Албатта стулга ўтирганимдан сўнг. Мана шунда имоним амалда намоён бўлади. Гапираётганимда — бу шунчаки гаплар эди. Стулга ўтирганимда эса ишончга айланди. Худо билан ҳам худди шундай. Ҳақиқий имон ҳар доим инсоннинг Худога таянишига олиб келади. Имон қаердан пайдо бўлади? Муқаддас Китоб бу саволга жавоб беради. Римликларга 10:17: "Шундай қилиб, имон – эшитишдан, эшитиш эса – Масиҳ каломини ваъз этишдан ҳосил бўлади." Имон инсон Худонинг Каломини эшитиб, уни жиддий қабул қила бошлаганида туғилади. Шунинг учун руҳан ўсиш доимо Муқаддас Калом билан боғлиқ. Худонинг Каломи орқали Уни қанчалик яхши билсак, Унга бўлган ишончимиз шунчалик мустаҳкамланади. Тирик ва ўлик имон Муқаддас Китобда имоннинг икки тури кўрсатилган. Биринчиси — бу ўлик имон. Бу инсон "Мен Худога ишонаман" дейди-ю, лекин унинг ҳаёти умуман ўзгармайди. Иккинчиси — тирик имон. Ёқуб шундай деб ёзган: "Амалсиз имон ўликдир". Бу амаллар инсонни нажот беради дегани эмас. Бу шуни англатадики, ҳақиқий имон албатта ҳаракатда кўринади. Агар инсон Худога ишонса, унинг қарорлари аста-секин ўзгариб боради. Иброҳимни олайлик. Худо унга ватанини тарк этиб, номаълум юртга боришини айтди. Иброҳим харитага эга бўлмаган. Бутун йўлни олдиндан кўрмаган. Лекин у Худога ишонган ва кетган. Шунинг учун уни имонлиларнинг отаси деб аталган. Унинг имони шунчаки эътиқод эмас эди. Унинг имони итоаткорликда намоён бўлди. Имон ҳар доим Худонинг каломи ортидан қадам ташлайди. Имон ва нажот Янги имонга келган инсон тушуниши керак бўлган энг муҳим нарса: нажот эзгу ишлар орқали келмайди. Диний ютуқлар орқали ҳам келмайди. Худонинг муҳаббатига сазовор бўлишга уриниш орқали ҳам келмайди. Эфесликларга 2:8-9 да шундай дейилган: "Ахир, сизлар Худодан иноят топиб, имон орқали нажот топгансиз. Бу Худонинг инъомидир, сизнинг ютуғингиз эмас. Яна ҳеч ким: “Мен савоб ишларим туфайли қутулганман”, деб мақтанмасин.". Биз Исо Масиҳга ва Унинг биз учун қурбонлигига ишонганимиз учун нажот топамиз. Имон нажотга эришиш учун ишламайди. Имон Худонинг инъомини қабул қилади. Амалда имон қандай кўринишга эга? - Сиз ибодат қилсангиз ва Худо сизни эшитаётганига ишонсангиз; - Қийин бўлса ҳам, Худонинг Каломига бўйсунсангиз; - Тушунарсиз вазиятда Худога ишонсангиз; - Ҳатто олдинда бутун манзарани кўрмай туриб, Масиҳга эргашишда давом этсангиз мана буни Муқаддас Китоб имон деб атайди. Шундай қилиб, имон нима? Имон шунчаки Худо ҳақидаги билим эмас. Бу Худога, Унинг Каломига асосланган ишончдир. Ҳақиқий имон ҳар доим уч нарсани ўз ичига олади: билимни, ишончни ва ҳаракат. Инсон Худонинг Сўзини эшитиб, Масиҳга ишониб, Унинг ортидан эргашса - мана шу Муқаддас Китобга асосланган имон бўлади. Айнан шундай имон инсонни Худо билан боғлайди ва бутун масиҳийлик ҳаётининг асосига айланади. "Имон — бу ҳаётни ўзгартирувчи Худога ишонишдир.”

⚡ ДИН ВА РУҲИЯТ ЎРТАСИДА ҚАНДАЙ ФАРҚ БОР? Дин ва руҳият ўртасидаги фарқни кўриб чиқишдан олдин, аввало, бу икки атамага таъриф беришимиз керак. ➡️ Дин "Худо ёки худоларга ишониш, одатда хатти-ҳаракат ва маросимларда ифодаланадиган сажда" ёки "кўпинча одоб-ахлоқни қўллаган ҳолда эътиқод қилиш сифатида таърифланиши мумкин. Қисқача айтганда, дин инсонни Худо билан тўғри муносабатларга олиб келишига даъво қиладиган эътиқод ва маросимлар тўпламидир; ➡️ Руҳият эса танавий/ердаги нарсаларга эмас, балки руҳий ва руҳий оламдаги нарсаларга урғу беради. Дин ҳақидаги энг кенг тарқалган нотўғри тушунча шундан иборатки, Масиҳийликни ислом, иудаизм, ҳиндуизм ва бошқа динлар каби оддий дин деб ҳисоблашади. Гап шундаки, ўзларини Масиҳийман деб атайдиганларнинг кўпчилиги ҳам бунга шундай муносабатда бўлишади. Кўпчилик учун Масиҳийлик - бу ўлимдан кейин жаннатга тушиш учун инсон риоя қилиши керак бўлган қоидалар ва маросимлар йиғиндисидан бошқа нарса эмас. 🚩 Аммо бу маросим ва қоидалар масиҳийликнинг асл моҳиятини ифодаламайди. Масиҳийликдаги маросимлари ва бошқа руҳий қоидалар нажот топганликнинг натижаси ҳисобланади. Биз Исо Масиҳ орқали нажот топганимизда, имонимизни эълон қилиб, сувга чўмдирилиш маросимини ўтказамиз. Масиҳнинг қурбонлигини хотирлаш учун қутлуғ кечликда иштирок этамиз. Худога бўлган севгимиз ва У қилган ишлар учун миннатдорчилик сифатида нима қилиш мумкин-у, нима мумкин эмаслиги тўғрисида фикрлаймиз ва уларга амал қиламиз. 🚩 Руҳият ҳақидаги энг кенг тарқалган нотўғри тушунча шундан иборатки, гўё кўплаб руҳийлик шакллари мавжуд ва уларнинг барчаси бир хил кучга эга. Ғайритабиий жисмоний ҳолатларда медитация қилиш, табиат билан алоқа ўрнатиш, руҳлар олами билан мулоқот қилишга интилиш ва шу кабилар "руҳият" бўлиб туюлиши мумкин, бироқ аслида булар сохта руҳиятдир. Ҳақиқий руҳият- Исо Масиҳ орқали нажот топиш натижасида Худонинг Муқаддас Руҳига эга бўлишдир. ✅ Ҳақиқий руҳият инсон ҳаётида Муқаддас Руҳ келтириб чиқарадиган мевалардир: муҳаббат, севинч, хотиржамлик, сабр–тоқат, меҳрибонлик, эзгулик, иймон, мулойимлик ва ўзини тута билиш (Гал 5:22-23). Руҳият - бу Руҳ бўлган Худога ўхшаш бўлиб боришлик ва феъл-атворимизда Худонинг табиатига мос келишдир (Рим 12:1-2). 🚩 Дин ва руҳиятнинг ўхшашлиги шундаки, уларнинг иккаласи ҳам Худо билан муносабат ўрнатишнинг нотўғри усуллари бўлиши мумкин. Дин Худо билан ҳақиқий ўзаро муносабатларни маросимларга ўйламасдан риоя қилиш билан алмаштиришга интилади. ➡️ Руҳият, қоида тариқасида, Худо билан муносабатларни руҳлар олами билан алоқа билан алмаштиради. Иккаласи ҳам Худони топишдаги ёлғон йўл бўлиб чиқади ва практикада кўпинча шундай бўлиб қолмоқда. ➡️ Шу билан бирга, дин Худо кимлигини ва биз Уни олдида маълум даражада масъул эканлигимизни кўрсатиб бериши билан фойдали бўлиши мумкин. 🔵 Диннинг ягона ҳақиқий аҳамияти бизнинг гуноҳкорлигимизни ва халоскорга муҳтожлигимизни таъкидлаш қобилиятидир. Моддий дунёда яшаш ва ундаги борлиқ бу оламдаги ҳамма нарсани эмаслигини кўрсатиб берадиган нарса руҳиятдир. Инсон зоти нафақат моддий, балки қалб-руҳга ҳам эга. Атрофимизда биз билишимиз керак бўлган руҳий дунё мавжуд. Руҳиятнинг асл маъноси шундаки, у биз кўриб турган моддий дунё ортида турган ва биз унга қўшилишимиз керак бўлган нимадир ва Кимдир борлигини кўрсатади. #dinflasafasi #teologiya #ilohiyot #Xudo #ruhiyat 🔔 🚀 RUHONIY

НИМА УЧУН ИСО ЖАМОАТНИ ЎЗИНИНГ ТАНАСИ ДЕБ АТАГАН? Тасаввур қилинг, инсон биринчи марта Муқаддас Китобни очиб, "Сиз Масиҳнинг танасисиз" деган сўзларни ўқиди. Дарҳол савол туғилади: Бу қандай бўлиши мумкин? Биз Масиҳнинг осмонда эканлигини тушунамиз. Биз Жамоат одамлардан ташкил топганини тушунамиз. Ундай бўлса, нима учун Муқаддас Китоб Жамоатни Унинг Танаси деб атайди? Бу шунчаки чиройли ўхшатишми? Ёки бунинг ортида чуқурроқ маъно борми? Бугун буни аниқлаймиз. Энг муҳимидан бошлайлик. Муқаддас Китобда шундай дейилади: "ҳамма нарсани Унинг оёғи остига бўйсундирди ва Уни ҳамма нарсадан юқори қўйиб, жамоатга бош қилиб тайинлади. Жамоат эса Масиҳнинг танасидир, яъни ҳамма нарсада ҳамма нарсани Тўлдираётганнинг тўла-тўкислигидир." (Эфесликлар 1:22-23) Тимсолга эътибор беринг. Ҳар бир тананинг боши бор. Қарорларни айнан бош қабул қилади. У бутун организмнинг ҳаракатини йўналтиради. Агар тана бош билан алоқани йўқотса, у тўлақонли яшай олмайди. Жамоат ҳам худди шундай. Унинг маркази - чўпон эмас. Анъаналар эмас. Дин йўналишлари эмас. Кўпчиликнинг фикри ҳам эмас. Жамоатнинг боши — Исо Масиҳдир. Бироқ савол юзага келади. Бутун дунёдаги имонлиларни нима боғлаб туради? Наҳот ҳаммамиз бир хил бўлсак? Асло. Турли мамлакатлар. Турли тиллар. Турли маданиятлар. Ундай бўлса, нега Муқаддас Китоб фақат битта Тана ҳақида гапиради? Бу саволга жавобни ҳаворий Павлус беради: "Биз эса яҳудийми, юнонми, қулми, эркинми – ҳаммамиз ўша битта Руҳ билан бир танага чўмганмиз ва ҳаммамиз ўша битта Руҳдан суғорилганмиз" (1-Коринфликлар 12:13). Инсон Исога имон келтирганида Муқаддас Руҳ уни Масиҳ ва қолган барча имонлилар билан бирлаштиради. Шунинг учун масиҳийлар катта бир руҳий оиланинг бир қисмига айланади. Кейин эса Павлус жуда қизиқарли фикрни айтади: "Тана эса битта аъзодан эмас, балки кўп аъзолардан иборатдир" (1-Коринфликларга 12:14).  Фақат кўздан иборат жисмни тасаввур қилиб кўринг. У юра оладими? Йўқ. Агар фақат оёғи бўлса-чи? Кўрармикан? Албатта йўқ. Ҳар бир қисм ўз вазифасини бажаради. Жамоатда ҳам худди шундай. Кимдир ўргатади. Кимдир одамларга ёрдам беради. Кимдир сезилмас даражада хизмат қилади. Кимдир қўллаб-қувватлайди. Кимдир башоратчилик қилади. Лекин Худо учун ҳамма бирдек муҳим. Оркестр ҳамма асбоблар чалингандагина чиройли бўлади. Агар фақат най қолса, мусиқа қашшоқлашади. Жамоатда ҳам шундай. Ҳеч ким ортиқча эмас. Баъзан имонга янги келган одам: "Мен ҳали Муқаддас Китобни яхши билмайман", "Мени қўлимдан ҳеч нарса келмайди", "Эҳтимол, мени унчалик керагим ҳам йўқдир" деб ўйлайди. Аммо Павлус бундай фикрни йўқ қилиш учун тана ҳақида атайлаб ёзади. Танада кераксиз аъзолар бўлмайди. Ҳар бир аъзонинг ўз ўрни бор. Ҳатто ҳеч ким кўрмайдиган аъзолар ҳам ҳаётий зарурдир. Жамоатда ҳам худди шундай. Худо ҳар бир имонли учун жой ажратган. Ҳеч ким: "Мен фойдасизман," дея олмайди. Ҳеч ким: "Менга бошқалар керак эмас" деб айтолмайди. Жамоат ҳаётни қаердан олади? Лекин энг муҳими - тана бошдан ҳаёт олгандагина яшайди. Шунинг учун Исо шунга ўхшаш яна бир тимсолни ишлатади. У шундай дейди: "Мен токман, сизлар эса новдаларсиз" (Юҳанно 15:5). Шох дарахтдан алоҳида яшай олмайди. У қуриб қолади. Худди шундай, масиҳий ҳам Масиҳдан руҳий жиҳатдан ажралиб яшай олмайди. Бутун куч, Барча донолик, Бутун руҳий ҳаёт Ундан келади. Чироқ ўз-ўзидан ёнмайди. У қувват манбаига уланган. Худди шундай, имонли ҳам Масиҳ билан алоқанинг шарофати билан яшайди. Масиҳнинг Танаси қандай яшаши керак? Агар биз ҳақиқатан ҳам бир тана бўлсак, бу бир-биримизга бўлган муносабатимизни ўзгартиради. Павлус шундай ёзади: "Агар бир аъзо азоб чекса, барча аъзолар у билан бирга азоб чекадилар. Агар бир аъзо улуғланса, барча аъзолар у билан бирга қувонадилар." (1-Коринфликларга 12:26). Бармоқ оғриса, бутун тана оғриқ сезади. Оиланинг бир аъзоси хурсанд бўлса, бутун оила хурсанд бўлади. Шунинг учун Жамоатда муҳаббат, ғамхўрлик, қўллаб-қувватлаш, кечиримлилик, бирлик бўлиши керак. Биз шунчаки битта йиғилишда қатнашмаяпмиз. Биз битта Танага тегишлимиз. Бу шахсан сиз учун нимани англатади? Агар сиз Масиҳга ишонган бўлсангиз: Биринчидан, сиз энди ёлғиз эмассиз. Сиз Унинг халқининг бир қисмисиз. Иккинчидан, ҳар куни Масиҳ билан мулоқот қилишингиз керак. Ибодат орқали. Калом орқали. Итоаткорлик орқали. Учинчидан, сизга маҳаллий жамоат керак. Чунки Худо руҳий ўсишни ёлғиз эмас, балки Ўз Танаси ичида режалаштирган. Исо нима учун жамоатни Ўз танаси деб атаган? Чунки Жамоат ташкилот ҳам, қизиқишлар бўйича клуб ҳам эмас. Бу тирик организмдир. Масиҳ унинг Бошидир. Муқаддас Руҳ барча имонлиларни бир бутун қилиб бирлаштиради. Ҳар бир масиҳийнинг ўз ўрни бор. Бутун руҳий ҳаёт Масиҳнинг ўзидан келади. Шунинг учун Жамоатнинг бир қисми бўлиш - Унинг ҳаёти билан яшайдиган ва Унинг раҳбарлиги остидаги нарсанинг бир қисми бўлиш демакдир. МАСИҲ — БОШ ИМОНЛИЛАР — ТАНА МУҚАДДАС РУҲ — УЛАРНИ БИРЛАШТИРАДИ «Жамоат Масиҳнинг Танаси деб аталишининг сабаби Жамоат ташкилот бўлгани учун эмас, балки имонлилар Муқаддас Руҳ орқали Исо Масиҳ билан ва бир-бирлари билан тирик бирликда боғланганлари учундир.» @haqiqat_kalomi

ЖАМОАТ НИМА? "Жамоат" деган сўзни эшитганингизда хаёлингизга нима келади? Эҳтимол, бино келар. Аммо қизиқ савол бор: агар бино ёниб кетса, жамоат ўз фаолиятини тўхтата оладими? Агар барча бинодан чиқиб, уйда тўпланишса, бу ҳали ҳам жамоат бўлиб қоладими? Бугун биз Муқаддас Китоб бу саволга кўпчилик ўйлаганидан бутунлай бошқача жавоб беришини кўриб чиқамиз. Тушуниш муҳим бўлган биринчи нарса: Жамоатни одамлар ўйлаб топмаган. Жамоатни Исонинг Ўзи яратган. Исо шундай деди "Мен мана шу тош устида Ўз жамоатимни қураман ва дўзаҳнинг дарвозалари уни енга олмайди.” (Матто Хушҳабари 16:18) Эътибор беринг, Исо: “Сиз жамоатни яратасиз” демади. У: “Мен Ўз жамоатимни яратаман” деди. Жамоат Масиҳга тегишлидир. Шунинг учун жамоат нима эканлигини тушуниш учун биз одамларнинг анъаналарига эмас, балки Муқаддас Китобда нима дейилганлигига қарашимиз керак. Бугун кўпчилик “Жамоатга бордим” дейди. Бунда одатда бино назарда тутилади. Бироқ Янги Аҳдда “жамоат” сўзи одамлар йиғилишини назарда тутади. Юнон тилидаги "экклесиа" сўзининг сўзма-сўз маъноси "чақириладиганлар," "йиғилиш" деган маънони англатади. Мана бу лавҳага қулоқ тутинг: Павлус шундай деб ёзади: “Уларнинг уй Жамоатга ҳам салом айтиб қўйинглар.” (Римликларга мактуб 16:3-5). Жамоат уйда бўларди. Уй махсус бўлгани учун эмас. У ерда имонлилар йиғилгани сабабли. Футбол жамоасини тасаввур қилинг. Агар жамоа стадиондан чиқиб кетса, у жамоа бўлмай қоладими? Йўқ. Чунки жамоа - бу одамлар, стадион эмас. Худди шунингдек, жамоат ҳам деворлар эмас, одамлардир. Агар жамоат - одамлар бўлса, уларни ўзаро қандай алоқаси бор деган савол пайдо бўлиши мумкин. Бунга жавобан Муқаддас Китоб: “Бу Масиҳнинг Танаси” дейди. 1-Коринфликларга мактуб 12:27 да "Шундай қилиб, сизлар - Масиҳнинг танасисизлар, ҳар бирингиз алоҳида аъзосизлар." дейилади. Инсон танасини тасаввур қилинг. Тананинг ҳар бир аъзосининг ўз вазифаси бор. Кўз кўради. Қулоқ эшитади. Қўл ҳаракатланади. Оёқ ҳаракатланишга ёрдам беради. Ҳар бир аъзо ҳар хил. Бироқ тана биитта. Жамоатда ҳам худди шундай. Худо бир хил инсонларни яратмайди. Ҳар бир имонлининг ўз ўрни ва ўз хизмати бор. Бу ерда яна бир жиҳатни тушуниб олиш муҳим. Муқаддас Китобда Жамоат ҳақида икки маънода сўз юритилади: Биринчиси — умумжаҳон Жамоати. Бунга барча мамлакатлар ва барча замонлардаги Масиҳга чин дилдан имон келтирган кишилар киради. Нажот топганларнинг барчаси Масиҳнинг ягона танасига мансубдир. Иккинчи маъноси — маҳаллий жамоат. Бу бир жойга йиғиладиган имонлиларнинг муайян бир гуруҳидир. Масалан, бир шаҳар ёки тумандаги жамоат. Яъни, ҳар бир масиҳий Худонинг буюк оиласига мансуб бўлиб, айни вақтда муайян бир маҳаллий жамоатнинг ҳам аъзосидир. Имонга янги келган одам учун шуни тушуниш муҳимки: Худо бизни ёлғизлик учун қутқармайди. У бизни руҳий оилага жойлаштиради. 1-Тимўтийга мактубининг 3:15 оятида жамоат "Худонинг Уйи" деб аталган. Оила ҳақида ўйлаб кўринг. Оилада ўргатадилар. Қўллаб-қувватлайдилар. Ўсишга ёрдам берадилар. Хатоларни тўғирлайдилар. Соғлом жамоат ҳам худди шундай йўл тутади. Шунинг учун масиҳийлик - фақат Худо билан муносабатларни ўз ичига олмайди. Бу, шунингдек, Худонинг халқи билан муносабатлардир. Худо нима учун Жамоатни яратган? Муқаддас Китоб бизга бир нечта мақсадларни кўрсатади: Биринчиси - Худога сажда қилиш учун. Иккинчиси - Худонинг Сўзини ўрганиш учун. Учинчиси - мулоқот ва қўллаб-қувватлаш учун. Тўртинчиси - хизмат учун. Исо осмонга кўтарилишидан аввал шундай деди: “Шундай экан, боринглар ва барча халқлардан шогирд орттиринглар. Уларни Ота, Ўғил ва Муқаддас Руҳ номи билан сувга чўмдириб, Мен сизларга буюрган барча нарсаларга риоя қилишни ўргатинглар.” Матто Хушҳабари 28:19 Шунинг учун Жамоат фақат ўзи учун мавжуд эмас. У дунёга Исо ҳақида сўзлаши керак. Агар сиз яқинда Масиҳга имон келтирган бўлсангиз, муҳим савол юзага келади: Шахсан мен учун бу нимани англатади? Бу дегани: Сиз шунчаки келиб-кетувчи эмассиз. Сиз Худо халқининг бир қисмисиз. Сиз руҳан ўсишингиз керак. Сизга Муқаддас Китобни ўргатадиган жамоат керак. Сизга Масиҳдаги ака-укалар ва опа-сингиллар керак. Худо сиз учун Ўз танасида жой ҳозирлаб қўйган. Ҳар бир имонли муҳим. Ҳамма муҳим. Ҳар ким хизмат қила олади. Шундай қилиб, Жамоат нима? Жамоат - бу бино эмас. Диннинг йўналишлари эмас. Диний ташкилот эмас. Жамоат - бу Исо Масиҳга имон келтирган инсонлардир. Масиҳ - унинг Бошидир. Имонлилар — Унинг танасидир. Шунинг учун ҳар бир масиҳий Худонинг оиласининг бир қисми бўлишга ва бошқалар билан бирга Раббимизга эргашишга чақирилган. ЖАМОАТ БУ МАСИҲГА ТЕГИШЛИ ИНСОНЛАРДИР! @haqiqat_kalomi

📚 Rimliklar 6:12-14 • Shunday qilib , endi gunoh sizlarning foniy tanalaringiz ustidan hokimlik qilmasin , xudbin istaklaringizga itoat etmanglar . • Tanangizning hech bir aʼzosini yomonlik quroli qilib , gunohning izmiga topshirmanglar . Aksincha , oʻzingizni Xudoning izmiga topshiringlar , chunki sizlar oldin oʻlik edingizlar , endi esa yangi hayotga egasizlar .

Sizlarning tanangiz Xudoning solihlik quroli boʻlsin .

• Gunoh sizlarning ustingizdan hukmron boʻlmaydi , chunki sizlar endi qonun ostida emas , balki inoyat panohidasizlar . ©Ochiq_Kalom #ℳ𝓊𝓆𝒶𝒹𝒹𝒶𝓈_𝓇𝓊𝒽 @Xudovandga_xizmat

📖 "Ey holdan toyganlar, ogʻir yuk ostida qolganlar, hammalaringiz Mening oldimga kelinglar! Men sizlarga orom beraman. ✶ 🕊️ Muqaddas Kitob ~ Matto 11:28 🔗 Instagram | TikTok | Telegram

Samoviy jang kinofilm 🎥 https://t.me/kinolarfilm1/422 Terrorchilar hujumiga uchragan senator Jon Tomas o‘lim bilan yuzma-yuz keladi. Real dunyoda to‘g‘ri yo‘l tanlashga urinayotib, u yaxshilik va yovuzlik o‘rtasidagi kurashda o‘z taqdiriga ta’sir ko‘rsatishi mumkin bo‘lgan axloqiy muammoga duch keladi. https://vidkino.com/uz/c/aspan-urysy https://vkvideo.ru/video-230238796_456239244 Ishlab chiqarilgan yili: 2018 Mamlakat: AQSH Janr: fentezi, triller Rejissyor: Denni Korrales Davomiyligi: 1 soat 35 daqiqa

Samoviy jang kino

📖 Xotinga esa shunday dedi:   “Homiladorligingda gʻoyat azob beraman, Mashaqqat ila bola tugʻasan. Ammo eringni qoʻmsayverasan, Ering esa hokim boʻladi sening ustingdan.”    Parvardigor Egamiz odamga shunday dedi:   “Xotiningning gapiga kirganing uchun, Men, yema, deb taqiqlagan mevani yeganing uchun Sen tufayli yerni laʼnati qildim. Butun umring boʻyi timdalab yerni, Yerdan oʻtkazasan tirikchiligingni. Yerning hosili yemishing boʻlsa ham, Yer sen uchun tikanlaru qushqoʻnmas✶ oʻstiradi. Sen tuproqdan yaralgansan, To tuproqqa qaytguningga qadar, Peshana tering bilan non yeysan. Zero, sen tuproqdirsan Va tuproqqa qaytasan.” Muqaddas Kitob ~ Ibtido 3-16:19 🕊️ 🔗 Instagram | TikTok | Telegram

⚡️ Ilohiyotni o'rganishning asosiy bo'limlari bilan tanishamiz. ➡️ Barcha narsaning negizida ekzegetika yotadi, qadimgi yunon ἐξηγητικά, ἐξήγησις so'zidan olingan bo'lib, «talqin qilish, bayon etish» ma'nosini anglatadi. Aynan shu bosqichda matnlar talqin qilinadi, olingan ma'lumotlar asosida esa qolgan bo'limlar quriladi. ➡️ Bundan tashqari, germenevtika alohida ajratib ko'rsatiladi, qadimgi yunon ἑρμηνευτική so'zidan olinib, «talqin qilish san'ati», ἑρμηνεύω «talqin qilaman» ma'nolarini beradi. U ham keng ma'noda matnlarni talqin qilish fanini bildiradi, tor ma'noda esa matnni talqin qilish tamoyillari, qoidalari haqida so'z boradi. Buni turli o'yinlar misolida yaxshi tushuntirish mumkin, masalan, shaxmatni olaylik. O'yin muayyan qoidalar hamda bevosita o'yinning o'zi orqali amalga oshiriladi. 📌 Qoidalar - germenevtika. O'yin jarayonining o'zi esa ekzegetika. 🟠 Amaliy ilohiyot ko'proq amaliyotga yo'naltirilgan xarakterga ega: Muqaddas Kitob haqiqatlarini hayotimizning turli jabhalariga qanday tatbiq etish mumkin? E'tibor bering, u eng yuqorida turibdi, chunki u barcha bosqich va bo'limlardan so'ng kelishi kerak, aksincha emas. Yakuniy maqsad — haqiqatlarni hayotga tatbiq etishdir. 🟢 Tizimli ilohiyot Muqaddas Kitob ilohiyotiga asoslanadi, lekin nomidan ham ko'rinib turganidek, u ta'limotni mavzular bo'yicha tizimga soladi, ularni zamonaviylik nuqtai nazaridan anglaydi hamda davrimizning savol va muammolariga javob beradi. 🔴 Muqaddas Kitob ilohiyoti talqin jarayonida olingan ma'lumotlar asosida quriladi, bu fan Muqaddas Kitob mualliflarining ta'limotiga va kitoblar mazmuniga qat'iy rioya qiladi. Muqaddas Kitob ilohiyotining maqsadi - muallif nimani nazarda tutganini, qanday savol yoki mavzularni ko'tarayotganini tushunishdir. Muqaddas Kitob ilohiyoti ta'limotni Muqaddas Yozuvdagi kitoblarning kanonik tartibiga ko'ra bayon qiladi. 🟣 Chap tomonda tarixiy ilohiyot joylashgan bo'lib, u boshqalari bilan parallel ravishda mavjud. Boshqacha aytganda, bu- ilk asrlardan to hozirgi davrgacha kimning nimaga va nima sababdan ishonganini o'z ichiga olgan ilohiyotning rivojlanish tarixidir. 📌 Ma'lum ma'noda, barchamiz germenevt va ekzegetmiz, chunki biz matnni doimiy ravishda talqin qilamiz. 📌 Barchamiz Muqaddas Kitob ilohiyotchilarimiz, chunki biz Muqaddas Yozuv ta'limoti bilan to'qnashamiz va uni anglashga harakat qilamiz, har birimizda Xudo haqida ma'lum tasavvur mavjud. 📌 Barchamiz amaliy ilohiyotchilarmiz - bu, ehtimol, eng ommabop yo'nalishdir, chunki barchamizni amaliy xususiyatga ega savollar qiziqtiradi: man shu yerda va hozir nima qilishim kerak, kabi. Qiyin terminlardan cho'chimasdan ularga ko'nikish kerak))) #Teologiya #Ilohiyot #ekzegetika #germenevtika 🔔 📱 RUHONIY