هيـــاء.

‏ثلاث شهور وآنا افضّل العزله عن الجلاس ‏ماغير أمشي على طاريك وأسولف على ظلّي ‏أقوم هناك كن الليل يبغيني بكلمة راس ‏بنفس الموعد اللي قلت فيه لدمعتي هلّي ‏کرهت الناس عقبك وإقتنعت إنّي عدو الناس ‏أشوف قلوبها تدعي عليّ، وقلبك يهلّي ‏أحبك وأعشقك وأموت فيك لـ آخر الأنفاس ‏ألا يابري حالي من غلاك وياوجود اللي ‏يجامل فالتعامل مع شعور الكائن الحسّاس ‏وهو من زحمة الأشواق وش ياخذ وش يخلّي ‏عساني فدوتك لا تاخذك مني يدين الياس ‏وأنا أدنى عارض يروح بْبعضك، يروح بي كلّي ‏تعوّد بالسلامه، يلعب بخصلاتك النسناس ‏وأشوف عيونك تقيم الصلاه ورمشك يصلّي

‏الليل حالك والمساري موحشة والدرب خوف ‏والذكريات أشياء يستعصي عليّ إتلافها ‏أثر الأماني وارفات ظْلال دانية القطوف ‏والأمنيات أكثر ما يخشى الحالمين ! إسرافها ‏على رصيف الصبر ملّ المنتظر طول الوقوف ‏وين الحياة ؟ اللي تخيّلت ! ولمحت أوصافها ‏ حسبي على من دمّر آمالي وأنا عيوني تشوف ‏كم بسمة ٍ كانت طمأنينة وصرت أخافها ‏رُحماك يا غفّار يا ملجأ عبادك يا رؤوف ‏يا مجري الأقدار هبني من لدنْك ألطافها ‏أنا رواية حلم منسيّة على غبار الرفوف ‏أنا قضيّة تطلب مْن أهل العقول إنصافها ‏أنا قصيدة عشق ما مرّت على قلب العيوف ‏أنا أراضي جِرد ما غاث السحاب أطرافها ‏لي روح تبحث عن سكينتها من إرهاق الشفوف ‏يا مِثقلين اللوم روحي فاقده ميلافها ‏لي قلب ما عادت تسلّيه إبتسامات الهنوف ‏ولا القدود المترفات المايسات أعطافها ‏ياللي تزعّلك المواعيد وتراضيك الصدوف ‏وش يرضي اللي جاته الحاجة بعد ما عافها ؟ ‏لا تبتئس لا خانك الواقع وعادتك الظروف ‏الناس من عاشر رماديها ظلم شفّافها ‏كم زلةٍ من صاحبٍ طافت !! لو إنها ما تطوف ‏وكم هقوةٍ كبّرتها راحت !! مراح أسلافها ‏شفت الحقيقة يوم حطّيت النقط فوق الحروف ‏بعض الحقايق ! ودّك إنْ المنصدم ؟ ما شافها ‏لحدٍ يعاتبني ويا معاتبني إنْ عاتبت ! روف ‏مشاعر الجافين ما أحب أكسب استعطافها

‏ما يلحق الواثق مشاريه وظنون ‏ولا به كبيرٍ يلتفت — للصغيرة

‏من تالي احس اني املك نفس الدافع الي خَلا ‏ صالح البلوي يقول / ‏ "أنا كبرت ومغرياتي كبرت ‏ ما عادة أدنى سالفة تغريني" ‏ واكّدها فهد المساعد وقال / ‏ " ماعاد يغيرني اللي كان يغريني ‏ الظاهر إني كبرت اكثر من اللازم"

‏عموماً/ ‏الجبل اللي مايهزه ريح ..يهزه سلهمة رمش

‏«يوم عانقته وكنت آخر ذنوبه ‏ماقدرت أستنطقه وأسمع سؤاله؟ ‏كان حضن وكان موت وكان توبه ‏آخر الأحضان وآخر رساله» ‏—خلف بن فنيس

‏الناس تقول : هلا ‏لكن مساعد يقول: ‏"هلا بك من قدمك لغرّتك ليا شعرك المنثور / هلا في كل شيٍّ فيك .. وانت احلى مساييري" 💘💘

‏تعال / ‏استوطن دیارك ‏بـ قلبي و ما عليك خلاف ‏و خذني الشمس ‏لـ أيامك و لـ عتمة حزنك القمره ‏ ‏خذني ‏مسند لـ قلبك و خذني لـ حملك الأكتاف ‏و خذني ‏قلب لك خيره و ما تشوف بـ يوم شره .

‏- أصبحنا و أصبح الملك لله أمّا بعد: ‏«الله يصبّح وجهي بصبحٍ دروبه ما تضيق ‏من وين ما وجّهت به .. جتني الدروب موسّعه» ‏ ــــ لي ولكم ياكريّم .

‏"الملامح تختلف في الضحوك و في الحزون ‏لكن أنتي كيف .. وجهك حلو في الحالتين" 💘💘💘

‏أنا احس فيني زهد عود و شفاة وريْع ‏وشيً لو اعلم به أحداً ما صدقني ! ‏ماذا عنك !؟

‏لو مهرها كثر أثرها جايزٍ لي ‏ما يجيبن الثمن غير الغزايز

‏عن تأثير المحبوب يقول الشاعر : ‏"أنا معك مثل الطفل أبو خمس .. ستّ أعوام / على ادناة حاجة تقدر تزيّن أخلاقي" ‏لا تبخل بالكلمة الطيبة مع من تُحب، وبالأفعال ايضًا

‏يالفاتن اللي فالوصف مضرب مثال ‏لدي بعين الغي ، لو كان السبب ‏ماهوب لا صورة غزال ولا خيال ‏ميول متبادل وكلمات وعتب ‏لو ياقف اعنادك على باب الوصال ‏تبقى السطور اجمل من غلاف الكتب ‏انفوسنا تحمل شموخ مايطال ‏وافواهنا ماتنطق الا المستحب ‏حتى السلوب اللي يودي لـ الهبال ‏وتبادل ادوار التغزل والأ حب ! ‏يبقى على كثر التواصل والدلال ‏في دائرة نهج الذرابه والادب ‏على العموم المقطع اللي لايزال ‏ملامحه كبريت والفكره حطب ‏وجه الشبه من بينك وبين الغزال ‏الذاير اللي كاسي عنقه ذهب ‏رغم انك اجمل منه واكمل والكمال ‏لله وانتي وهبه وحضي وهب ‏مخلوقة من ورد ولا من تلال ‏استغفرالله بس لله العجب ‏في عينك الحورا ميادين القتال ‏كتايبك نظرات وحرابك هدب ‏امدلعه في ضف مروين السلال ‏ومدلله في بيت حلال النشب ‏متميزه في زين ولا في خصال ‏ومتفاخره في عقل ولا في نسب ‏ ‏يكفيك موجز مانشرته والمقال ‏يمكن يجي له يوم كان الله كتب ‏لا تطلبين الوصف وانتي راس مال ‏كم بيت فيه ابداع خليته مطب ‏ماودي اسهب والفت انظار الرجال ‏وانا من اللي لاهتوى قلبه خطب )؛

‏"تصدّ القلوب من الغلا والنفوس تملّ ‏ياهون الجفا لا شافت العين ما تكره ‏على رمح صوتك ماتو المشكله والحلّ ‏سراب الدروب أصدق من الحروف والنظره ‏أحبك طواري بس ما عاد أحبك خِلّ ‏ولا زلت أحبّ العذر بشفاك وانتظره ‏على رمشك تسيل المحابر وينبت ظلّ ‏انا تحته المحتار واللي غريب آمره ‏تزلّ ايدي برقمك مثل ما اللسان يزلّ ‏مع اللي تحدّه كلمتين على صدره ‏تورّيني أبواب المفارق وانا ما ادلّ ‏مثل من يورُونه قبل موتته قبره ‏تغلّى بكيفك لو تصير المحبّه غلّ ‏لكن لا تساوم من يحبّك على قدره ‏تراي الفقير اللي غناته بكلمة ذل ‏تساما وهو لو جاد فيها دفن فقره"

"‏افضّل الانعزال التام واغيب ‏عندي على العزله لحالي شجاعه ‏اذوق في راحتي ماذاقه الذيب ‏من عزة النفس لو ياكل ذراعه ‏واجبت ناس يزلون المواجيب ‏وواصلت ناس يحبون القطاعه ‏لكن انا المستفيد من التجاريب ‏وطبعي كذا ما تصنعته صناعه ‏خاطرت بالعمر ارب الهقوه تصيب ‏وبغيت احوّل في بير بدون قاعه"

‏لما الإنسان يرفض مشاعر تقدم له بدافع حب هذا ماهو معناه انه أناني أو نرجسي، هو صادق مايفضل طابع الحيرة يا أبيض يا أسود ‏أعرف الحب لكن مستحيل "استخدمه ترفيه" ‏جعل ربي يهين اللي على اهواهم يهينونه ‏لا تبدي لي مشاعر قلبك اللي "مستحيل أرضيه" ‏ترى "ماعاد لي قلبٍ" يحس بمن يحبونه ‏—سعود بن مبارك

‏القصيد اللي ما صار لجيدها مثل القلادة ‏ويش أبي به لارحم جد القصيد وجد جده ‏—محمد الشمالي

‏- « راح تسامح الي تحبه لين يطيب خاطرك منه » ‏ ويقول صالح النشيرا: ‏ " قد قلت له تكفى تجوّد في عيوني لا تطيح ‏ إلين طاح تقول كنّه طايحٍ له من جبل "

"معي قلب واحد لو تقسمه خمسه اقسام ‏يحبّك بـ كل اقسامه الخمس .. وزياده " 💘💘💘 ‏- بندر الدويش