هيـــاء.

‏لما الإنسان يرفض مشاعر تقدم له بدافع حب هذا ماهو معناه انه أناني أو نرجسي، هو صادق مايفضل طابع الحيرة يا أبيض يا أسود ‏أعرف الحب لكن مستحيل "استخدمه ترفيه" ‏جعل ربي يهين اللي على اهواهم يهينونه ‏لا تبدي لي مشاعر قلبك اللي "مستحيل أرضيه" ‏ترى "ماعاد لي قلبٍ" يحس بمن يحبونه ‏—سعود بن مبارك

‏القصيد اللي ما صار لجيدها مثل القلادة ‏ويش أبي به لارحم جد القصيد وجد جده ‏—محمد الشمالي

‏- « راح تسامح الي تحبه لين يطيب خاطرك منه » ‏ ويقول صالح النشيرا: ‏ " قد قلت له تكفى تجوّد في عيوني لا تطيح ‏ إلين طاح تقول كنّه طايحٍ له من جبل "

"معي قلب واحد لو تقسمه خمسه اقسام ‏يحبّك بـ كل اقسامه الخمس .. وزياده " 💘💘💘 ‏- بندر الدويش

‏َ قالت العرب: ‏« أي شيء مستور لا تحاول أن تكشفه » ‏ وقال سليمان المانع: ‏ « لا تفتشين جيوب ثوب التفاصيل ‏ تلقين شيءٍ يحزنك يا حلالي » ‏ وقال مساعد الرشيدي: ‏ أحيان ما ودّك توايق على المستور ‏ « من خوف لا تفقد الي ماتبي تفقده»

‏ أنضج مراحل شعوري مرحلة ( عادي )  ‏من شفت الاشياء تصغر يوم أهمشها .

أقسم برب البرُوق اللي كما مبسّم هـيا ‏أنك أغلى من بكور الوسم فِي عين بدوي .

‏وجود من هو حارب النوم موقه ‏مطلوب دم عداه يسمع تفقها ‏طاحت ذلوله عقب ماهي سبوقه ‏وعوّد على البندق وكذّب فشقها

‏كل حلمٍ فاتني بالامس وصّل له سلامي ‏ما على الفايت حسايف والندم قصه قديمّه .

‏- " سو نفسك مجنون " ‏ لا تدقق دايم .. مشّها لسلامتك النفسيه ‏ وقالها ياسر التويجري : ‏ " مو شرط تصبح كل الأوقات لماح ‏ ترى التغابي - من فنون الذهانه "

‏لاتلجّ الاوادم بكثر المشاريه . . ترى فيها المكفيّها .

‏ماضيَّعني وذوَّقني الموت قبل أموت ‏الا عقلي المتحرّص وقلبي الطايش ‏أشوف الحياة جْنازةٍ في بطن تابوت ‏لكنّي رغم كل الصعوبات "متعايش" ‏ترا ما أصعب من الموت واللي خلاف الموت ‏إلّا الفترة اللي "لا أنت ميّت ولا عايش"

مسموح المشاركه💘 @iiiih911

‏يا عليا تمادي و استبيحي حما بوزيد ‏بدقة خضابٍ لونها لون دهن العود ‏انا شاعرٍ في الحب ما اداني الترشيد ‏اجي مندفع شعر و مشاعر بدون حدود ‏على جيتك تمطر سحايب و تزهر بيد ‏مليتي المكاتب و الفيافي شعر و ورود ‏عليك اذكر الله و اكثر الذكر و الترديد ‏يا نعمة حياتي كل ذي نعمةٍ محسود ‏يقولون تذكر قلت مافات جعله فيد ‏انا ما اتمنى الماضيات العجاف تعود ‏جعل عمري اللي قبل تاتين بالتحديد ‏فدا عودك اللي في مرابيه بخل و جود ‏معاليه ينقص في مكان و مكان يزيد ‏تفاصيله المرسومه تزيّن الماهود ‏ياحظ القلادة وامنه في ظلال الجيد ‏تذرّا فـ واديٍ منحدر بين طود و طود ‏فرقتي بزينك فرق الاصلي عن التقليد ‏من اعلاك لين اقدامك مدججه بجنود ‏تخلي العرب فوق العرب و الشجاع يهيد ‏تلفاتةٍ كنها تقول البرا مردود ‏لك الحق لا زميتي النفس فوق الغيد ‏تمادي تحدّي سوّي اللي تبين و زود ‏فداك الزلل زلّي و طيشي و جيبي العيد ‏من اللي يوقّف في طريقك و انا موجود ‏تمرين و عيون البشر بالجمال تشيد ‏مرور شعواً في ناصيتها النصر معقود ‏تكيدين كيدي جعلني ما اعدم ذا الكيد ‏ترا العاشق اللي ما تكيدين له مقرود ‏يجي عندك الصيّاد و يروح منك صيد ‏اباعرف وشلون الغزاله تصيد فهود؟! ‏هدب عينك بسلهامه تفجّرين الحيد ‏هذي عين والا بندقٍ تكحت البارود ‏مضاريبها تدمي و لا تقبل التضميد ‏ياكثر الضحايا من سهوم الوساع السود .

‏"لك الحق لا زميتي النفس فوق الغيد ‏ تمادي تحدّي سوّي اللي تبين و زود " ‏-سعد السبوق

‏«على كثر ماعطاك الله مْن اللين ‏مزاجك العنجهي كله صعوبه»

‏ماني غبي بس أتغيبا مع الناس ‏وأشوف شي ٍما تشوفه عيوني ‏يا اللي نظركم متر في متر لا بأس ‏أنا بعيدٍ يقصر الشوف دوني ‏—راشد السحيمي

‏أنثى ولا مثلك أنثى في نسا العالمين ‏لو تنجب الحور حور فْـ كل مطلع شهر ‏إن قلت فيك القصيد الزين/ تستاهلين ‏حقّك و حق الجمال الباهر المزدهر ‏تمشين و تطيح خلق الله يسار و يمين ‏هذا يبايعك خل و ذا يقدّم مهر ‏- سلطان الحوالي

‏أمتنعت من الكاتبه وفي صدري شجون ‏ماعرفت شلون ببدا ولا ببدا من اين ؟ ‏يـ هوى المحروم يـ أول محطَّات الجنون ‏ودي أستكمل لاكن ما عرفت الدرب وين ‏رحلةٍ ماهيب لـ البحث عن مال و بنون ‏كان طحتي في يديني ؟ ‏وش أبغي بـ الثنين ؟ ‏يوم قفِّيتي عزاز النفوس؛ يطاردون ‏كيف غيَّرتي قواعد مدارس الأولين ؟ ‏ارتميتي يا جميلة على شط الظنون ‏ابحر لي من ظفاف الظنون الى اليقين ‏اسكني قلبي و عدِّيه حصن من الحصون ‏في ذرا صدري و عدِّي ضلوعي سور صين ‏في حضورك يمتلي قلبي الفارغ سكون ‏وفي غيابك يمتلي قلبي الفارغ حنين ‏إن رحلتي ؟ ‏جعل وضعك على أحسن ما يكون ‏ومابغي الا نسخه.. من أشباهك الأربعين ‏وان لفيتي مرحبابك و مثلك ما يهون ‏وسط قلبي دوجي من بطين الى بطين ‏ما وردت لغير عدك ولا هم يحزنون ‏عندي انها سمّ وان عدك الماء المعين ‏ودام زينك فوق زين البشر ماهو بـ دون ‏شوفي أجمل طاغيات الجمال بنص عين ‏أنتي من الحور جيتي على الدنيا شلون؟ ‏مستحيل إنسانه انتي سلالة حور عين ‏وجهك اللي في الحزن والفرح يجلى الغبون ‏جربي بالله / / / تبكين والا تضحكين ‏الملامح تختلف في الضحوك وفي الحزون ‏لكن انتي كيف وجهك حلو في الحالتين ؟ ‏ما تزين الدمعة الا على ذيك العيون ‏ولا تلوق الضحكة الا لـ ذيك الشفّتين ‏إن قدرتي لا ضحكتي تخبِّين السنون ‏ماتعرف الضحكة تخبي الغمازتين ‏وجهك الفتَّان لخبط معايير الفنون ‏يوم يرسم الابتسامة على الوجه الحزين ‏صوتك اللي يدخل أذني على هيئة لحون ‏وغير صوتك ؟ ‏يمكن إنه يسبب لي طنين :) ‏عندك اللي ريبه اشد من ريب المنون ‏مستحيل انسان ترضى به الناس اجمعين ! ‏تختلف الاذواق؛ ‏—— في كل شكل و كل لون ‏« بس فيك الناس بـ اذواقهم متوافقين »